iPadನಲ್ಲಿನ Apple Games ಆ್ಯಪ್‌ನಲ್ಲಿ ಸ್ನೇಹಿತರೊಂದಿಗೆ ಆಡುವುದು

Apple Games ಆ್ಯಪ್‌ನ ಮೂಲಕ, ನೀವು ಸ್ನೇಹಿತರ ವಿನಂತಿಗಳನ್ನು ಕಳುಹಿಸಬಹುದು, ಲೀಡರ್‌ಬೋರ್ಡ್‌ಗಳಲ್ಲಿ ಸ್ಪರ್ಧಿಸಬಹುದು ಮತ್ತು FaceTime ಕರೆಯ ಸಮಯದಲ್ಲಿ ಸ್ನೇಹಿತರೊಂದಿಗೆ ಆಟವಾಡಬಹುದು.

ಸ್ನೇಹಿತರಿಗೆ ಚಾಲೆಂಜ್ ಮಾಡುವುದು

Game Center ಲೀಡರ್ಬೋರ್ಡ್‌ಗಳನ್ನು ಹೊಂದಿರುವ ಬೆಂಬಲಿತ ಗೇಮ್‌ಗಳಲ್ಲಿ, ಹೆಚ್ಚಿನ ಸ್ಕೋರ್ ಅಥವಾ ನಿರ್ದಿಷ್ಟ ಗುರಿಗಾಗಿ ಸ್ನೇಹಿತರೊಂದಿಗೆ ಸ್ಪರ್ಧಿಸಲು ನೀವು ಚಾಲೆಂಜ್ ರಚಿಸಬಹುದು. ಚಾಲೆಂಜ್‌ಗಳು ನಿಮ್ಮ ಗುಂಪಿನೊಳಗೆ ಹಂಚಿಕೊಂಡ ಸ್ಪರ್ಧೆಯನ್ನು ಸೃಷ್ಟಿಸುತ್ತವೆ, ಇದು ಸಿಂಗಲ್-ಪ್ಲೇಯರ್ ಗೇಮ್‌ಗಳನ್ನು ಸ್ನೇಹಪರ ಮುಖಾಮುಖಿಯಾಗಿ ಪರಿವರ್ತಿಸುತ್ತದೆ. ನೀವು ಗೇಮ್ ಅನ್ನು ಆರಿಸಿ, ಆಹ್ವಾನಿಸಲು ಸ್ನೇಹಿತರನ್ನು ಆಯ್ಕೆಮಾಡಿ ಮತ್ತು ಪ್ರತಿಯೊಬ್ಬರು ತಮ್ಮ ಚಾಲೆಂಜ್ ಅನ್ನು ಪೂರ್ಣಗೊಳಿಸಿದಂತೆ ಅವರ ಫಲಿತಾಂಶಗಳನ್ನು ಟ್ರ್ಯಾಕ್ ಮಾಡಿ.

  1. ನಿಮ್ಮ iPadನಲ್ಲಿ Apple Games ಆ್ಯಪ್‌ಗೆ ಹೋಗಿ.

  2. ಸ್ನೇಹಿತರು ಎಂಬುದನ್ನು ಟ್ಯಾಪ್ ಮಾಡಿ, ನಂತರ ನಿಮ್ಮ ಸ್ನೇಹಿತರಿಗೆ ಚಾಲೆಂಜ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ.

  3. ಗೇಮ್ ಒಂದನ್ನು ಟ್ಯಾಪ್ ಮಾಡಿ, ನಂತರ ಈ ಕೆಳಗಿನ ಯಾವುದಾದರೂ ಆಯ್ಕೆಯನ್ನು ಆರಿಸಿ:

    • ಪ್ರಯತ್ನಗಳ ಸಂಖ್ಯೆ: 1 ಪ್ರಯತ್ನ, 3 ಪ್ರಯತ್ನಗಳು ಅಥವಾ ಅನಿಯಮಿತ ಎಂಬುದನ್ನು ಟ್ಯಾಪ್ ಮಾಡಿ.

    • ಚಾಲೆಂಜ್ ಅವಧಿ: 1 ದಿನ, 3 ದಿನಗಳು ಅಥವಾ 1 ವಾರ ಎಂಬುದನ್ನು ಟ್ಯಾಪ್ ಮಾಡಿ.

    • ಪ್ಲೇಯರ್‌ಗಳನ್ನು ಸೇರಿಸಿ: ಪ್ಲೇಯರ್‌ಗಳು ಎಂಬುದನ್ನು ಟ್ಯಾಪ್ ಮಾಡಿ, ಸಂಪರ್ಕ ಅಥವಾ ಸ್ನೇಹಿತರ Game Center ಅಡ್ಡಹೆಸರನ್ನು ಹುಡುಕಿ, ಆ ಪ್ಲೇಯರ್ ಅನ್ನು ಟ್ಯಾಪ್ ಮಾಡಿ, ನಂತರ ಮುಂದುವರಿಸಿ ಎಂಬುದನ್ನು ಟ್ಯಾಪ್ ಮಾಡಿ.

  4. ಪ್ರಾರಂಭಿಸಿ ಎಂಬುದನ್ನು ಟ್ಯಾಪ್ ಮಾಡಿ.

ಚಾಲೆಂಜ್ ಒಂದನ್ನು ತೊರೆಯಲು, ಗೇಮ್ ಅನ್ನು ಆಯ್ಕೆಮಾಡಿ, ಇನ್ನಷ್ಟು ಬಟನ್ ಅನ್ನು ಟ್ಯಾಪ್ ಮಾಡಿ, ಚಾಲೆಂಜ್ ಅನ್ನು ತೊರೆಯಿರಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಚಾಲೆಂಜ್ ಅನ್ನು ತೊರೆಯಿರಿ ಎಂಬುದನ್ನು ಪುನಃ ಟ್ಯಾಪ್ ಮಾಡಿ.

FaceTime ಕರೆಗಳ ಸಮಯದಲ್ಲಿ ಸ್ನೇಹಿತರೊಂದಿಗೆ ಗೇಮ್‌ಗಳನ್ನು ಆಡುವುದು

SharePlay ಬಳಸಿ FaceTime ಕರೆ ಮಾಡುವಾಗ Game Center ಜೊತೆ ಮಲ್ಟಿಪ್ಲೇಯರ್ ಗೇಮಿಂಗ್ ಅನ್ನು ಬೆಂಬಲಿಸುವ ಗೇಮ್‌ಗಳನ್ನು ನೀವು App Storeನಲ್ಲಿ ಹುಡುಕಬಹುದು ಮತ್ತು ಡೌನ್‌ಲೋಡ್ ಮಾಡಬಹುದು. ಕರೆಯ ಸಮಯದಲ್ಲಿ, ಬೆಂಬಲಿತ ಮಲ್ಟಿಪ್ಲೇಯರ್ ಗೇಮ್ ಅನ್ನು ತೆರೆಯಿರಿ, SharePlay ಪ್ರಾರಂಭಿಸಿ ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಸ್ಕ್ರೀನ್ ಮೇಲಿನ ಸೂಚನೆಗಳನ್ನು ಅನುಸರಿಸಿ. FaceTime ಆ್ಯಪ್‌ನಲ್ಲಿ ವೀಕ್ಷಿಸಲು, ಆಲಿಸಲು ಮತ್ತು ಒಟ್ಟಿಗೆ ಆಡಲು SharePlayಯನ್ನು ಬಳಸಿ ಎಂಬುದನ್ನು ನೋಡಿ.

ನೀವು ಕರೆನಲ್ಲಿರುವಾಗ ಯಾವುದೇ ಗೇಮ್ ಅನ್ನು ಆಡಲು FaceTimeನ ಸ್ಕ್ರೀನ್ ಹಂಚಿಕೆ ಫೀಚರ್ ಅನ್ನು ಸಹ ಬಳಸಬಹುದು. FaceTime ಕರೆಯಲ್ಲಿ ನಿಮ್ಮ ಸ್ಕ್ರೀನ್ ಅನ್ನು ಹಂಚಿಕೊಳ್ಳುವುದು ಎಂಬುದನ್ನು ನೋಡಿ.

ಮಲ್ಟಿಪ್ಲೇಯರ್ ಗೇಮ್‌ಗೆ ಜನರನ್ನು ಆಹ್ವಾನಿಸಲು AirDrop ಬಳಸುವುದು

Game Center ಅನ್ನು ಬೆಂಬಲಿಸುವ ಮಲ್ಟಿಪ್ಲೇಯರ್ ಗೇಮ್‌ಗಳಿಗೆ ಸಮೀಪದಲ್ಲಿರುವ ಸ್ನೇಹಿತರನ್ನು ಆಹ್ವಾನಿಸಲು ನೀವು AirDrop ಅನ್ನು ಬಳಸಬಹುದು.

  1. ನಿಮ್ಮ iPadನಲ್ಲಿ ನೀವು ಆಡಲು ಬಯಸುವ ಗೇಮ್ ಅನ್ನು ತೆರೆಯಿರಿ.

  2. ನೀವು ಸ್ನೇಹಿತರನ್ನು ಆಹ್ವಾನಿಸುವ ಸ್ಕ್ರೀನ್‌ಗೆ ನ್ಯಾವಿಗೇಟ್ ಮಾಡಿ.

  3. ನಿಮ್ಮ iPadನ ಡಿಸ್‌ಪ್ಲೇಯನ್ನು ಇತರೆ ವ್ಯಕ್ತಿಯ iPhone, iPad ಅಥವಾ Apple Watchನ ಮೇಲ್ಭಾಗದಿಂದ ಕೆಲವು ಸೆಂಟಿಮೀಟರ್‌ಗಳಷ್ಟು ದೂರದಲ್ಲಿ ಹಿಡಿದುಕೊಳ್ಳಿ.

    ಕನೆಕ್ಷನ್ ಮಾಡಲಾಗುತ್ತಿರುವುದನ್ನು ಸೂಚಿಸಲು ಎರಡೂ ಸಾಧನಗಳಿಂದ ಹೊಳಪು ಹೊರಹೊಮ್ಮುತ್ತದೆ.

  4. ಗೇಮ್ ಮತ್ತೊಬ್ಬ ವ್ಯಕ್ತಿಯ ಸ್ಕ್ರೀನ್‌ನಲ್ಲಿ ಕಾಣಿಸುವವರೆಗೂ ನಿಮ್ಮ ಸಾಧನಗಳನ್ನು ಪರಸ್ಪರ ಹತ್ತಿರ ಹಿಡಿದುಕೊಳ್ಳುವುದನ್ನು ಮುಂದುವರಿಸಿ.

ಇದನ್ನು ಸಹ ನೋಡಿiPadನಲ್ಲಿನ Apple Games ಆ್ಯಪ್‌ನಲ್ಲಿ ಗೇಮ್‌ಗಳನ್ನು ಹುಡುಕುವುದು ಮತ್ತು ಡೌನ್‌ಲೋಡ್ ಮಾಡುವುದುiPadಗೆ ಗೇಮ್ ಕಂಟ್ರೋಲರ್ ಅನ್ನು ಕನೆಕ್ಟ್ ಮಾಡುವುದು
Morty Proxy This is a proxified and sanitized view of the page, visit original site.
ಉಪಯುಕ್ತವಾಗಿದೆಯೇ?
ಅಕ್ಷರ ಮಿತಿ: 250
ಗರಿಷ್ಠ ಅಕ್ಷರ ಮಿತಿಯು 250 ಆಗಿದೆ.
ನಿಮ್ಮ ಫೀಡ್‌ಬ್ಯಾಕ್‌ಗಾಗಿ ಧನ್ಯವಾದಗಳು.
Morty Proxy This is a proxified and sanitized view of the page, visit original site.