iOS 26
iOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

உங்கள் iPhone சாதனத்தில் பங்குகள் விட்ஜெட்டைப் பயன்படுத்துதல்

உங்கள் iPhone முகப்புத் திரையில் ஒரே பார்வையில் பங்குகளைச் சரிபார்க்க, ஒரு விட்ஜெட்டைப் பயன்படுத்தவும். விட்ஜெட்டின் அளவு மற்றும் அது காட்டும் தகவல்களின் அளவை நீங்கள் தேர்வுசெய்யலாம்.

உங்கள் முகப்புத் திரையில் பங்குகள் விட்ஜெட்டைச் சேர்த்தல்

  1. செயலி ஐகான்கள் ஜிகிள் ஆகும் வரை முகப்புத் திரையைத் தொட்டுப் பிடிக்கவும்.

  2. விட்ஜெட் கேலரியைத் திறக்க திரையின் மேலே உள்ள “விட்ஜெட்டைச் சேர்” பட்டன்-ஐத் தட்டவும்.

  3. பங்குகள் செயலியைக் கண்டறிய மேலே ஸ்வைப் செய்து அதைத் தட்டவும்.

  4. விட்ஜெட் வகைகள் (விருப்பப் பட்டியல் மற்றும் குறியீடு) மற்றும் அளவுகளைப் பார்க்க இடது மற்றும் வலதுபக்கம் ஸ்வைப் செய்யவும். நீங்கள் விரும்பும் விருப்பத்தைப் பார்க்கும்போது, “விட்ஜெட்டைச் சேர்” என்பதைத் தட்டி, “முடிந்தது” என்பதைத் தட்டவும்.

உங்கள் முகப்புத் திரையில் விட்ஜெட்டை நகர்த்த, செயலி ஐகான்கள் ஜிகிள் ஆகும் வரை முகப்புத் திரையைத் தொட்டுப் பிடிக்கவும். விட்ஜெட்டை புதிய இருப்பிடத்திற்கு இழுத்து “முடிந்தது” என்பதைத் தட்டவும்.

விட்ஜெட் காட்சியை மாற்றுதல்

உங்கள் முகப்புத் திரையில் பங்குகள் விட்ஜெட்டைச் சேர்த்த பிறகு, அதன் தோற்றத்தையும் அது காட்டும் தகவல்களையும் மாற்றலாம்.

  1. உங்கள் முகப்புத் திரையில் உள்ள பங்குகள் விட்ஜெட்டைத் தொட்டு பிடிக்கவும்.

  2. “விட்ஜெட்டைத் திருத்து” என்பதைத் தட்டவும்.

  3. நீங்கள் தேர்வுசெய்த விட்ஜெட்டின் வகை, விருப்பப் பட்டியல் அல்லது குறியீடு ஆகியவற்றைப் பொறுத்து, பின்வரும் மாற்றங்களைச் செய்யலாம்:

    • விட்ஜெட் குறியீட்டை மாற்ற: நடப்பு குறியீட்டைத் தட்டி, விருப்பப் பட்டியலில் இருந்து உங்களுக்குத் தேவையான புதிய குறியீட்டைத் தட்டவும். அல்லது புதிய குறியீட்டைத் தேட, தேடல் புலத்தைப் பயன்படுத்தவும்.

    • விட்ஜெட் விருப்பப் பட்டியலை மாற்ற: நடப்பு விருப்பப் பட்டியலின் பெயரைத் தட்டி, நீங்கள் காட்ட விரும்பும் விருப்பப் பட்டியலைத் தட்டவும்.

    • செய்திகள் தோன்றும்போது மாற்ற: “சந்தை மூடியுள்ள நேரம்” என்பதைத் தட்டி, ஒரு விருப்பத்தைத் தேர்ந்தெடுக்கவும்.

    • விருப்பப் பட்டியலின் பெயரைக் காட்ட: “விருப்பப் பட்டியல் பெயரைக் காட்டு” என்பதை ஆன் செய்யவும்.

    • மேலும் குறியீடுகள் அல்லது குறியீடு குறித்து கூடுதல் தகவலைக் காட்ட: “மேலும் விவரங்களைக் காட்டு” என்பதை ஆன் செய்யவும்.

உதவிக்குறிப்பு: உங்கள் முகப்புத் திரையில் ஒன்றுக்கு மேற்பட்ட பங்குகள் விட்ஜெட்டைச் சேர்க்கலாம். ஒவ்வொன்றுக்கும் வெவ்வேறு அளவுகளைத் தேர்வுசெய்வதன் மூலம் வெவ்வேறு குறியீடுகள் மற்றும் விருப்பப் பட்டியல்களுக்கான அறிவிப்புகளை விரைவாகப் பார்க்கலாம்.

பங்குகள் செயலியின் விட்ஜெட்கள் iPhoneஇன் பூட்டுத் திரையிலும் உள்ளன. பிரத்தியேகப் பூட்டுத் திரையை உருவாக்குதல் என்பதைப் பார்க்கவும்.

இவற்றையும் பாருங்கள்iPhone சாதனத்தில் பங்குகளைச் சரிபார்த்தல்iPhone சாதனத்தில் உள்ள பங்குகள் செயலியில் பல வாட்ச்லிஸ்ட்களை நிர்வகித்தல்iPhone முகப்புத் திரையில் உள்ள செயலிகளையும் விட்ஜெட்களையும் நகர்த்துதல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.