iOS 26
iOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

iPhoneஇல் உள்ள மேப்ஸில் இடங்களுக்கு மதிப்பீடு வழங்குதல் & புகைப்படங்களைச் சேர்த்தல்

மேப்ஸின் மற்ற பயனர்களுக்கு உதவும் வகையில் நீங்கள் செல்லும் இடங்களுக்கு மதிப்பீடுகளுடன் புகைப்படங்களையும் வழங்கலாம்.

ஒரே Apple கணக்கு மூலம் நீங்கள் உள்நுழைந்துள்ள அனைத்துச் சாதனங்களிலும் உங்கள் மதிப்பீடுகளும் புகைப்படங்களும் காட்டப்படும்.

இருப்பிடத்திற்கான ஒட்டுமொத்த மதிப்பீடு, புகைப்படங்கள், இருப்பிடத்திற்கு மதிப்பீடு வழங்குவதற்கான பட்டன்கள் ஆகியவை உள்ள இடத்திற்கான கார்டு.

குறிப்பு: Apple மதிப்பீடுகள் மற்றும் ஃபோட்டோஸ் அம்சம் குறிப்பிட்ட சில பகுதிகளில் மட்டுமே கிடைக்கின்றன. நாடு மற்றும் வட்டாரத்தைப் பொறுத்து அம்சங்கள் மாறுபடும்.

இடத்திற்கு மதிப்பீடு வழங்குதல்

  1. உங்கள் iPhoneஇல் மேப்ஸ் செயலிக்குச் செல்லவும்.

  2. மேப்பில் உள்ள இடம் அல்லது தேடல் முடிவைத் தட்டவும்.

  3. இடத்தைப் பொறுத்து, இடத்திற்கான கார்டில் கீழ் நோக்கி ஸ்க்ரால் செய்யவும் அல்லது “மதிப்பிடுக” என்பதைத் தட்டவும் (இடத்திற்கான கார்டின் மேற்பகுதிக்கு அருகில்).

    குறிப்பு: மதிப்பீட்டிற்கான வகைகளோ “மதிப்பிடுக” பட்டனோ காட்டப்படவில்லை என்றால், இருப்பிடத்திற்கு உங்களால் மதிப்பீடு வழங்க முடியாது.

  4. கிடைக்கும் வகைகளுக்கு “விரும்பு” பட்டன் அல்லது “விருப்பம் நீக்கு” பட்டன்-ஐத் தட்டவும், பிறகு “முடிந்தது” என்பதைத் தட்டவும்.

மனது மாறினால், நீங்கள் பின்னர் மதிப்பீடுகளை திருத்தலாம்.

இடத்திற்கான புகைப்படங்களைச் சேர்த்தல்

  1. உங்கள் iPhoneஇல் மேப்ஸ் செயலிக்குச் செல்லவும்.

  2. மேப்பில் உள்ள இடம் அல்லது தேடல் முடிவைத் தட்டவும்.

  3. புகைப்படங்களை நீங்கள் தான் வழங்கியுள்ளீர்கள் என்பதைத் தெரிவிக்கும் வகையில், “புகைப்பட கிரெடிட்” என்பதைத் தட்டவும், பிறகு “கிரெடிட்டைக் காட்டு” என்பதை ஆன் செய்யவும்.

    நீங்கள் தேர்ந்தெடுக்கும் “புகைப்பட கிரெடிட்” விருப்பம் நீங்கள் இதுவரை சமர்ப்பித்தவை மற்றும் இனி சமர்ப்பிக்கப்போகும் அனைத்துப் புகைப்படங்களிலும் பயன்படுத்தப்படும்.

  4. “உங்கள் புகைப்படங்களைச் சேர்த்தல்” என்பதைத் தட்டி, திரையில் காட்டப்படும் வழிமுறைகளைப் பின்பற்றவும்.

    Appleஇல் உங்கள் புகைப்படங்களைப் பதிவேற்ற, உங்களிடம் Apple கணக்கு இருக்க வேண்டும்.

    குறிப்பு: மதிப்பீட்டிற்கான வகைகளோ “மதிப்பிடுக” பட்டனோ காட்டப்படவில்லை என்றால், உங்களால் புகைப்படத்தைச் சேர்க்க முடியாது.

உங்கள் புகைப்படங்களைப் பொதுவில் பகிர்தல்

மேப்ஸில் நீங்கள் சேர்க்கும் புகைப்படங்களை அவற்றின் தயாரிப்புகள் மற்றும் சேவைகளில் பயன்படுத்த நிறுவனங்களை நீங்கள் அனுமதிக்கலாம்.

  1. அமைப்புகள்  > செயலிகள் > மேப்ஸ் என்பதற்குச் செல்லவும்.

  2. “புகைப்பட வழங்குநர்கள் உங்கள் புகைப்படங்களைப் பயன்படுத்த அனுமதி” என்பதை ஆன் செய்யவும்.

நீங்கள் பகிரும் புகைப்படங்களில் இருப்பிடத் தரவுகள் சேர்க்கப்பட்டாலும் உங்கள் அடையாளம் இருக்காது. இந்த அமைப்பை நீங்கள் ஆஃப் செய்தால், புகைப்பட வழங்குநர்கள் இனி உங்கள் புகைப்படங்களைப் பயன்படுத்த முடியாது. (இது செயல்படுத்தப்படுவதற்குச் சில நாட்கள் ஆகலாம்.)

ஓர் இடத்திற்காக நீங்கள் வழங்கிய புகைப்படங்களைத் திருத்துதல்

நீங்கள் புகைப்படங்களைச் சேர்க்கலாம் அல்லது அகற்றலாம், உங்கள் புகைப்பட கிரெடிட்டைச் சேர்க்கலாம் அல்லது அகற்றலாம், மேலும் உங்கள் புகைப்பட கிரெடிட்டுக்குப் புனைப்பெயரையும் வழங்கலாம்.

  1. உங்கள் iPhoneஇல் மேப்ஸ் செயலிக்குச் செல்லவும்.

  2. “லைப்ரரி” என்பதற்குக் கீழே, “இடங்கள்” பட்டன்-ஐத் தட்டி “இடங்கள்” என்பதைத் தட்டவும்.

  3. நீங்கள் திருத்த விரும்பும் புகைப்படங்களுக்கான இடத்தின் பெயரைத் தட்டவும்.

  4. உங்கள் மதிப்பீடு வழங்கிய இடங்களில் ஒன்றைத் தேர்ந்தெடுத்து, பின்வரும் ஒன்றைச் செய்யவும்:

    • வேறொரு புகைப்படத்தைச் சமர்ப்பிக்க: “உங்கள் புகைப்படங்கள்” என்பதைத் தட்டிய பிறகு “சேர்” என்பதைத் தட்டவும்.

    • புகைப்படத்தை அகற்ற: “உங்கள் புகைப்படங்கள்” என்பதைத் தட்டி, புகைப்படத்தைத் தேர்ந்தெடுத்து, “மேலும் விருப்பங்கள்” பட்டன்-ஐத் தட்டிய பிறகு “உங்கள் புகைப்படத்தை நீக்குங்கள்” என்பதைத் தட்டவும்.

    • உங்கள் புகைப்பட கிரெடிட்டை மாற்ற: “உங்கள் புகைப்படங்கள்” என்பதைத் தட்டி, புகைப்படத்தைத் தேர்ந்தெடுத்து, “மேலும் விருப்பங்கள்” பட்டன்-ஐத் தட்டிய பிறகு “புகைப்பட கிரெடிட்டை மாற்று” என்பதைத் தட்டவும். நீங்கள் தேர்ந்தெடுக்கும் “புகைப்பட கிரெடிட்” விருப்பம் நீங்கள் இதுவரை சமர்ப்பித்தவை மற்றும் இனி சமர்ப்பிக்கப்போகும் அனைத்துப் புகைப்படங்களிலும் பயன்படுத்தப்படும்.

மதிப்பீடுகள் மற்றும் புகைப்படங்களுக்கான பரிந்துரைகளைப் பெறுவதை நிறுத்துதல்

நீங்கள் சமீபத்தில் ஒரு பிரபலமான இடத்திற்குச் சென்றிருந்தாலோ அதன் புகைப்படத்தை எடுத்திருந்தாலோ அதற்கான மதிப்பீடு அல்லது புகைப்படத்தைச் சமர்ப்பிக்கும்படி மேப்ஸில் நீங்கள் பரிந்துரைகளைப் பெறலாம். இந்தப் பரிந்துரைகள், சாதனத்திலேயே செய்யப்படும் செயலாக்கத்தைப் பயன்படுத்துவதால் அவற்றை Apple படிக்க முடியாது. இந்தப் பரிந்துரைகளைப் பெற விரும்பவில்லை என்றால், அவற்றை ஆஃப் செய்யலாம்.

  1. அமைப்புகள்  > செயலிகள் > மேப்ஸ் என்பதற்குச் செல்லவும்.

  2. “மதிப்பீடுகள், படங்கள் ஆகியவற்றுக்கான பரிந்துரைகளைக் காட்டு” என்பதை ஆஃப் செய்யவும்.

இவற்றையும் பாருங்கள்iPhoneஇல் உள்ள மேப்ஸில் பிரத்தியேக வழிகாட்டிகள் உள்ள இடங்களை ஒழுங்கமைத்தல்iPhoneஇல் உள்ள மேப்ஸ் செயலியின் லைப்ரரியில் இடங்களையும் குறிப்புகளையும் சேர்த்தல்iPhoneஇல் உள்ள மேப்ஸில், இடங்களுக்கான தகவல்களைப் பெறுதல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.