iOS 26
iOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

iPhone சாதனத்தில் Apple மூலம் உள்நுழைதல்

Apple மூலம் உள்நுழைவது அம்சம் மூலம், உங்கள் Apple கணக்கு மூலம் இணையதளங்கள் மற்றும் செயலிகளில் உள்நுழையலாம். நீங்கள் புதிய பாஸ்வேர்டுகளை உருவாக்கவோ நினைவில் வைத்திருக்கவோ தேவையில்லை. உங்கள் கணக்கு இரு-காரணி அங்கீகாரம் மூலம் பாதுகாக்கப்படுகிறது. உங்கள் குடும்பத்தினர் மற்றும் நம்பகமான தொடர்புகளுடன் உங்கள் Apple மூலம் உள்நுழைதல் அம்சத்தின் அணுகலைப் பகிரலாம்.

Apple மூலம் உள்நுழைதல் உங்கள் தனியுரிமையை மதிக்கும் வகையில் வடிவமைக்கப்பட்டுள்ளது. உங்கள் கணக்கை அமைக்க, உங்கள் பெயரையும் மின்னஞ்சல் முகவரியையும் இணையதளங்களும் செயலிகளும் கேட்க மட்டுமே முடியும். மேலும் Apple அவற்றைப் பயன்படுத்தும்போது அவற்றைக் கண்காணிக்க முடியாது.

Apple மூலம் உள்நுழைதல் அம்சத்தைப் பயன்படுத்த உங்கள் Apple கணக்கிற்கு இரு-காரணி அங்கீகாரம் தேவை. இது உங்கள் Apple கணக்கு, செயலி கணக்குகள், செயலியின் உள்ளடக்கம் ஆகியவற்றைப் பாதுகாக்கிறது.

Apple மூலம் உள்நுழைதல் அம்சத்தைப் பயன்படுத்த, கணக்கை அமைத்தல் அல்லது மேம்படுத்துதல்

பங்கேற்கும் இணையதளம் அல்லது செயலியில் ஒரு கணக்கை அமைக்கவோ மேம்படுத்தவோ கேட்கப்படும்போது பின்வருவனவற்றைச் செய்யவும்:

  1. “Apple மூலம் உள்நுழைதல்” என்பதைத் தட்டவும்.

  2. திரையில் காட்டப்படும் வழிமுறைகளைப் பின்பற்றவும்.

சில செயலிகள் (மற்றும் இணையதளங்கள்) உங்கள் பெயரையும் மின்னஞ்சல் முகவரியையும் கேட்பதில்லை. இந்த சமயத்தில், நீங்கள் Face ID அல்லது Touch ID (உங்கள் சாதன மாடலைப் பொறுத்து) மூலம் அங்கீகரித்த பிறகு செயலியைப் பயன்படுத்தத் தொடங்கலாம்.

பிரத்தியேகமாக்கப்பட்ட கணக்கை அமைக்க உங்கள் பெயரையும் மின்னஞ்சல் முகவரியையும் பிறர் கேட்கக்கூடும். ஒரு செயலி இந்தத் தகவலைக் கேட்கும்போது, நீங்கள் சரிபார்ப்பதற்காக உங்கள் Apple கணக்கில் இருந்து உங்கள் பெயரையும் தனிப்பட்ட மின்னஞ்சல் முகவரியையும் “Apple மூலம் உள்நுழைதல்” அம்சம் காட்டுகிறது.

உங்கள் பெயரைத் திருத்த, அதைத் தட்டி, கீபோர்டைப் பயன்படுத்தி மாற்றங்களைச் செய்யவும்.

மின்னஞ்சல் முகவரியைக் குறிப்பிட, பின்வருவனவற்றில் ஒன்றைச் செய்யவும்:

  • உங்கள் தனிப்பட்ட மின்னஞ்சல் முகவரியைப் பயன்படுத்த: “எனது மின்னஞ்சலைப் பகிர்” என்பதைத் தட்டவும்.

    உங்கள் Apple கணக்குடன் தொடர்புடைய பல மின்னஞ்சல் முகவரிகள் உங்களிடம் இருந்தால், உங்களுக்குத் தேவையான முகவரியைத் தேர்வுசெய்யவும்.

  • உங்கள் மின்னஞ்சல் முகவரியை மறைக்க: “எனது மின்னஞ்சலை மறை” என்பதைத் தட்டவும்.

    உங்கள் தனிப்பட்ட மின்னஞ்சல் முகவரியைப் பகிராமல் செயலியிலிருந்து மின்னஞ்சலைப் பெற உங்களை இந்த விருப்பம் அனுமதிக்கிறது. இந்த விருப்பத்தை நீங்கள் தேர்வுசெய்யும்போது Apple உங்களுக்காக ஒரு தனித்துவமான, வரிசைப்படுத்தப்படாத மின்னஞ்சல் முகவரியை உருவாக்குகிறது. செயலியிலிருந்து இந்த முகவரிக்கு அனுப்பப்படும் எந்தவொரு மின்னஞ்சலும் உங்கள் தனிப்பட்ட முகவரிக்கு முன்னனுப்பப்படும்.

உங்கள் தகவலைச் சரிபார்த்து, மின்னஞ்சல் விருப்பத்தைத் தேர்ந்தெடுத்த பிறகு, தொடர்க என்பதைத் தட்டவும், Face ID அல்லது Touch ID (உங்கள் மாடலைப் பொறுத்து) மூலம் அங்கீகரித்த பிறகு, செயலியைப் பயன்படுத்தத் தொடங்கவும்.

உங்கள் கணக்கை அணுக உள்நுழைதல்

Apple மூலம் உள்நுழைதல் அம்சத்தைப் பயன்படுத்தி இணையதளம் அல்லது செயலிக்கான ஒரு கணக்கை அமைத்த பிறகு, நீங்கள் வழக்கமாக உங்கள் iPhone சாதனத்தில் மீண்டும் உள்நுழைய வேண்டியதில்லை. உள்நுழையும்படி கேட்கப்பட்டால் (எடுத்துக்காட்டாக, நீங்கள் கணக்கிலிருந்து வெளியேறிய பிறகு), பின்வருவனவற்றைச் செய்யவும்:

  1. “Apple மூலம் உள்நுழைதல்” என்பதைத் தட்டவும்.

  2. காட்டப்படும் Apple கணக்கைச் சரிபார்த்து, “தொடர்க” என்பதைத் தட்டவும்.

  3. Face ID அல்லது Touch ID (உங்கள் மாடலைப் பொருத்தது) மூலம் அங்கீகரிக்கவும்.

மின்னஞ்சலை முன்னனுப்பப் பயன்படுத்தப்படும் முகவரியை மாற்றுதல்

நீங்கள் ஒரு கணக்கை உருவாக்கியபோது உங்கள் மின்னஞ்சல் முகவரியை மறைக்க தேர்வுசெய்து, உங்கள் Apple கணக்குடன் தொடர்புடைய ஒன்றுக்கு மேற்பட்ட முகவரிகள் உங்களிடம் இருந்தால், உங்கள் முன்னனுப்பப்பட்ட மின்னஞ்சலைப் பெறும் முகவரியை நீங்கள் மாற்றலாம்.

  1. அமைப்புகள் > [உங்கள் பெயர்] > பெயர், ஃபோன் எண்கள், மின்னஞ்சல் > இவருக்கு முன்னனுப்பு என்பதற்குச் செல்லவும்.

  2. வேறொரு மின்னஞ்சல் முகவரியைத் தேர்வுசெய்து, “முடிந்தது” என்பதைத் தட்டவும்.

செயலிகளுக்கான “Apple மூலம் உள்நுழைதல்” அம்சத்தைச் சரிபார்த்தல் மற்றும் மாற்றுதல்

  1. அமைப்புகள் > [உங்கள் பெயர்] > Apple மூலம் உள்நுழைதல் என்பதற்குச் செல்லவும்.

  2. செயலிக்கான அமைப்பை மாற்ற, அதைத் தட்டி, பின் பின்வருவனவற்றில் ஒன்றைச் செய்யவும்:

    • மின்னஞ்சலை முன்னனுப்புவதை ஆஃப் செய்ய: “எனது மின்னஞ்சலை மறைத்து நிர்வகி” என்பதைத் தட்டி, செயலியைத் தட்டி, “இவருக்கு முன்னனுப்பு” என்பதை ஆஃப் செய்யவும். இந்தச் செயலியில் இருந்து இனி மின்னஞ்சல்களைப் பெறமாட்டீர்கள்.

    • “Apple மூலம் உள்நுழைதல்” அம்சத்தைப் பயன்படுத்துவதை நிறுத்த: “நீக்கு” என்பதைத் தட்டி, “பயன்படுத்துவதை நிறுத்து” என்பதைத் தட்டவும். அடுத்த முறை நீங்கள் செயலிக்குள் உள்நுழைய முயலும்போது புதிய கணக்கை உருவாக்கும்படி கேட்கப்படலாம்.

“Apple மூலம் உள்நுழைதல்” அம்சத்தின் அணுகலைப் பகிர்தல்

  1. உங்கள் iPhone சாதனத்தில் உள்ள பாஸ்வேர்டுகள் செயலிக்குச் செல்லவும்.

  2. “அனைத்தும்” என்பதைத் தட்டி, நீங்கள் Apple உடன் உள்நுழையப் பயன்படுத்தும் கணக்கைக் கண்டறிந்து, அதைத் தட்டவும்.

  3. குழுவைத் தட்டி, “புதிய குழு” என்பதைத் தட்டவும்.

  4. குழுவிற்கான பெயரை உள்ளிட்டு, “நபர்களைச் சேர்” என்பதை கிளிக் செய்யவும்.

  5. நீங்கள் சேர்க்க விரும்பும் நபர்/நபர்களின் பெயர், மின்னஞ்சல் முகவரி அல்லது ஃபோன் எண்ணை டைப் செய்து, “சேர்” என்பதைத் தட்டவும்.

    குறிப்பு: உங்கள் குழுவில் ஒருவரைச் சேர்க்க, அவர்கள் உங்கள் தொடர்புகள் செயலியில் இடம்பெற்றிருக்க வேண்டும். மேலும் அவர்கள் iOS 17, iPadOS 17, macOS 14 அல்லது அதற்குப் பிந்தைய பதிப்பைப் பயன்படுத்தும் சாதனத்தைக் கொண்டிருக்க வேண்டும். குழுவில் அவர்களைச் சேர்க்க முடிந்தால், அவர்களின் தொடர்புத் தகவல்கள் நீல நிறத்தில் தோன்றும். சாம்பல் நிறத்தில் தோன்றினால், அவர்களின் iPhone, iPad அல்லது Mac சாதனங்கள் பகிரப்பட்ட பாஸ்வேர்டு குழுக்களை ஆதரிக்காது.

  6. “உருவாக்கு” என்பதைத் தட்டவும்.

ஒரே Apple கணக்கு மூலம் உள்நுழைந்துள்ள உங்களின் iPad, Apple Watch, Mac, Apple TV மற்றும் iPod touch போன்ற பிற சாதனங்களில் “Apple மூலம் உள்நுழைதல்” அம்சம் வேலை செய்யும்.

Android செயலி, Windows செயலி அல்லது வேறொரு இணையதள உலாவியில் இருந்து உள்நுழைய, “Apple மூலம் உள்நுழைதல்” அம்சத்தைத் தட்டி உங்கள் Apple கணக்கின் பாஸ்வேர்டை உள்ளிடவும்.

மேலும் தகவல்களுக்கு ”Apple மூலம் உள்நுழைதல்” அம்சம் என்றால் என்ன? என்ற Apple உதவிக் கட்டுரையைப் பார்க்கவும்.

இவற்றையும் பாருங்கள்iPhoneஇல் உள்ள இணையதளங்கள் மற்றும் செயலிகளில் உள்நுழைய பாஸ்கீக்களைப் பயன்படுத்துதல்iPhone சாதனத்தில் ஒருமுறை மட்டுமே பயன்படுத்தப்படும் சரிபார்ப்புக் குறியீடுகளைத் தானாக நிரப்புதல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.