iOS 26
iOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

iPhone சாதனத்தில் உள்ள Safari செயலியில் உங்களுடன் பகிரப்பட்ட இணைப்புகளைக் கண்டறிதல்

மெசேஜஸ் உரையாடல்களில் நண்பர்கள் உங்களுடன் பகிர்ந்து கொள்ளும் இணைய இணைப்புகளை நீங்கள் எளிதாகக் கண்டறிந்து ஒழுங்கமைக்கலாம். உங்களுடன் பகிர்ந்த இணைப்புகள் பரிந்துரைகளுக்குக் கீழே உள்ள Safari தொடக்கப் பக்கத்தில் (புதிய Safari விண்டோவைத் திறக்கும்போது முதலில் தோன்றும் பக்கம்) சேர்க்கப்பட்டுள்ளன. அந்த இணைப்புகளை உங்கள் தொடக்கப் பக்கத்தில் வைக்கலாம், அவற்றை அகற்றலாம் அல்லது தொடர்புடைய இணைப்புகளைத் தாவல் குழுக்களில் ஒழுங்கமைக்கலாம். (அமைப்புகள்  > செயலிகள் > மெசேஜஸ் > “உங்களுடன் பகிர்ந்தவை” என்பதில் Safari ஆன் செய்யப்பட்டிருக்க வேண்டும். உங்கள் நண்பர் உங்கள் தொடர்புகளில் இருக்க வேண்டும்.)

Safari செயலியில் நண்பர்கள் அனுப்பிய இணைப்புகளைக் காட்டுதல்

உங்களுடன் பகிரப்பட்ட இணைப்புகளைக் கண்டறிய, அவற்றை உங்கள் Safari தொடக்கப் பக்கத்தில் காட்டும்படி அமைக்கலாம். அதன்பிறகு, நீங்கள் ஒரு புதிய பக்கத்தைத் திறக்கும் ஒவ்வொரு முறையும், அவை அங்கு பட்டியலிடப்பட்டிருப்பதைப் பார்க்க முடியும்.

  1. உங்கள் iPhone சாதனத்தில் உள்ள Safari செயலிக்குச் செல்லவும்.

  2. “தாவல்கள்” பட்டன்-ஐத் தட்டி “புதிய தாவல்” பட்டன்-ஐத் தட்டவும்.

    உங்களுடன் பகிரப்பட்ட இணைப்புகள் பரிந்துரைகளுக்குக் கீழே தோன்றும். பரிந்துரைகள் பிரிவை நீங்கள் பார்க்கவில்லை என்றால், கீழே ஸ்க்ரால் செய்து “திருத்து” என்பதைத் தட்டி பரிந்துரைகளை ஆன் செய்யவும். உங்களுடன் பகிரப்பட்ட இணைப்புகளை நீங்கள் பார்க்கவில்லை என்றால், “பரிந்துரைகளைக் காட்டு” என்பதற்கு கீழே உள்ள “உங்களுடன் பகிரப்பட்டவை” என்பதை ஆன் செய்யவும்.

    உங்கள் தொடக்கப் பக்கத்தில் பரிந்துரைகள் காட்டப்படும் இடத்தை மாற்ற, "மறுவரிசைப்படுத்து" பட்டன்-ஐ இழுக்கவும்.

உதவிக்குறிப்பு: நீங்கள் Safariஇல் இருந்து வெளியேறாமலேயே உரையாடலைத் தொடரலாம். இணைப்பு பகிரப்பட்ட இடத்தில் மெசேஜஸ் உரையாடலைத் திறக்க இணைப்பின் முன்னோட்டக் காட்சிக்குக் கீழே உள்ள பட்டனைத் தட்டவும்.

"உங்களுடன் பகிர்ந்தவை” பிரிவில் இருந்து இணைப்பை அகற்றுதல்

  1. உங்கள் iPhone சாதனத்தில் உள்ள Safari செயலிக்குச் செல்லவும்.

  2. பகிரப்பட்ட இணைப்புகளைப் பார்க்கும்போது, இணைப்பின் முன்னோட்டப் படத்தைத் தொட்டுப் பிடிக்கவும்.

  3. “இணைப்பை அகற்று” என்பதைத் தட்டவும்.

பகிரப்பட்ட இணைப்புகளை ஒரு தாவல் குழுவில் ஒழுங்கமைத்தல்

தொடர்புடைய பகிரப்பட்ட இணையதள இணைப்புகளைக் கண்டறிவதை எளிதாக்க அவற்றை நீங்கள் தாவல் குழுக்களாகத் தொகுக்கலாம்.

  1. உங்கள் iPhone சாதனத்தில் உள்ள Safari செயலிக்குச் செல்லவும்.

  2. நீங்கள் நகர்த்த விரும்பும் இணைப்பின் முன்னோட்டப் படத்தைத் தொட்டுப் பிடித்து “தாவல் குழுவில் திற" என்பதைத் தட்டவும்.

  3. குழு ஒன்றை உருவாக்க “புதிய தாவல் குழு” என்பதைத் தட்டவும் அல்லது உங்களிடம் ஏற்கனவே உள்ள தாவல் குழுவில் இணைப்பைச் சேர்க்கவும்.

"உங்களுடன் பகிர்ந்தவை” குறித்த மேலும் அறிய, மெசேஜஸில் உள்ளடக்கத்தைப் பகிர்தல் என்ற இணைப்பைப் பார்க்கவும்.

இவற்றையும் பாருங்கள்iPhone சாதனத்தில் உள்ள Safari செயலியில் ஒரு இணையப் பக்கத்தை PDF ஆகக் குறிப்பிட்டுச் சேமித்தல்iPhone சாதனத்தில் உள்ள Safari செயலியில் ஓர் இணையதளத்தை புக்மார்க் செய்தல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.