iOS 26
iOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

iPhone சாதனத்தில் உள்ள பங்குகள் செயலியில் பல வாட்ச்லிஸ்ட்களை நிர்வகித்தல்

நீங்கள் பின்தொடரும் பங்குகளை ஒழுங்கமைக்க உங்கள் சொந்த விருப்பப் பட்டியல்களை உருவாக்கலாம். எடுத்துக்காட்டாக, பொழுதுபோக்கு அல்லது நீடித்த நிலை போன்ற வகைகளுக்கு ஏற்ப அவற்றை நீங்கள் ஒழுங்கமைக்கலாம். விருப்பப் பட்டியல்களுக்கு இடையே மாறி அவற்றை உங்கள் பிற சாதனங்களில் பார்க்கலாம்.

பங்குகள் செயலியில் வெவ்வேறு பங்குகளின் பட்டியலைக் காட்டும் விருப்பப் பட்டியல். பட்டியலில் உள்ள ஒவ்வொரு பங்கிலும், இடமிருந்து வலமாக பங்கின் குறியீடு மற்றும் பெயர், செயல்திறன் விளக்கப்படம், பங்கின் விலை மற்றும் விலை மாற்றம் ஆகியவை காட்டப்படுகின்றன. திரையின் மேல்பகுதியில் “எனது குறியீடுகள்” விருப்பப் பட்டியல் தேர்ந்தெடுக்கப்பட்டு பின்வரும் விருப்பப் பட்டியல்களும் விருப்பங்களும் காட்டப்பட்டுள்ளன: தொழில்நுட்பம், நிதி, ஆற்றல், விருப்பப் பட்டியல்களை நிர்வகித்தல் மற்றும் புதிய விருப்பப் பட்டியல்.

புதிய விருப்பப் பட்டியலை உருவாக்குதல்

  1. உங்கள் iPhone சாதனத்தில் உள்ள பங்குகள் செயலிக்குச் செல்லவும்.

  2. “எனது குறியீடுகள்” என்பதைத் தட்டி, புதிய விருப்பப் பட்டியலைத் தட்டவும்.

  3. விருப்பப் பட்டியலுக்கு பெயரிட்ட பிறகு, “சேமி” என்பதைத் தட்டவும்.

உங்கள் விருப்பப் பட்டியல்களுக்கு இடையே மாற, “எனது குறியீடுகள்”அல்லது நீங்கள் பார்க்கும் நடப்பு விருப்பப் பட்டியலின் பெயரைத் தட்டி, நீங்கள் பார்க்க விரும்பும் விருப்பப் பட்டியலின் பெயரைத் தட்டவும்.

விருப்பப் பட்டியலில் குறியீடுகளைச் சேர்த்தல்

  1. உங்கள் iPhone சாதனத்தில் உள்ள பங்குகள் செயலிக்குச் செல்லவும்.

  2. தேடல் புலத்தில், டிக்கர் குறியீடு, நிறுவனம், நிதி/ஃபண்ட் அல்லது குறியீட்டின் பெயரை உள்ளிடவும்.

  3. “சேர்” பட்டன்-ஐத் தட்டி, “முடிந்தது” என்பதைத் தட்டவும்.

    உதவிக்குறிப்பு: ஒரு விருப்பப் பட்டியலில் உள்ள குறியீட்டை மற்றொரு விருப்பப் பட்டியலில் எளிதாகச் சேர்க்கலாம். குறியீட்டின் இடதுபக்கத்தில் ஸ்வைப் செய்து, “பட்டியல்” பட்டன்-ஐத் தட்டி, ஒரு விருப்பப் பட்டியலைத் தேர்ந்தெடுத்த பிறகு “முடிந்தது” என்பதைத் தட்டவும்.

புதிய விருப்பப் பட்டியலில நீங்கள் சேர்க்கும் ஒவ்வொரு குறியீடும் “எனது குறியீடுகள்” விருப்பப் பட்டியலிலும் சேர்க்கப்படும். “எனது குறியீடுகள்” விருப்பப் பட்டியலில் குறியீடுகளை நிர்வகித்தல் என்பதைப் பார்க்கவும்.

விருப்பப் பட்டியலில் இருந்து குறியீடுகளை அகற்றுதல்

  1. உங்கள் iPhone சாதனத்தில் உள்ள பங்குகள் செயலிக்குச் செல்லவும்.

  2. குறியீட்டின் மீது இடதுபக்கம் ஸ்வைப் செய்யவும்.

    நீங்கள் உருவாக்கிய விருப்பப் பட்டியலில் இருந்து ஒரு குறியீட்டை அகற்றும்போது, அந்த குறியீடு “எனது குறியீடுகள்” விருப்பப் பட்டியலில் இருக்கும். “எனது குறியீடுகள்” விருப்பப் பட்டியலில் குறியீடுகளை நிர்வகித்தல் என்பதைப் பார்க்கவும்.

விருப்பப் பட்டியலில் குறியீடுகளை வரிசைப்படுத்துதல்

உங்கள் விருப்பப் பட்டியலில் உள்ள குறியீடுகள் எவ்வாறு வரிசைப்படுத்தப்படவேண்டும் என்பதை நீங்கள் தேர்வுசெய்யலாம்.

  1. உங்கள் iPhone சாதனத்தில் உள்ள பங்குகள் செயலிக்குச் செல்லவும்.

  2. நீங்கள் வரிசைப்படுத்த விரும்பும் விருப்பப் பட்டியலைத் தேர்ந்தெடுத்த பிறகு “மேலும்” பட்டன்-ஐத் தட்டவும்.

  3. “விருப்பப் பட்டியலை இதன்படி வரிசைப்படுத்து” என்பதைத் தட்டி பின்வரும் விருப்பங்களில் ஒன்றைத் தட்டவும்:

    • நேரடியாக

    • விலை மாற்றம்

    • சதவீத மாற்றம்

    • சந்தை மூலதனம்

    • குறியீடு

    • பெயர்

விருப்பப் பட்டியலில் உள்ள குறியீடுகளின் வரிசையை மாற்ற, “மேலும்” பட்டன்-ஐத் தட்டி, “விருப்பப் பட்டியலை இதன்படி வகைப்படுத்து” என்பதைத் தட்டி, “ஏறுவரிசை” அல்லது “இறங்குவரிசை”என்பதைத் தட்டவும்.

விருப்பப் பட்டியலில் காட்டப்படும் மதிப்பை மாற்றுதல்

விருப்பப் பட்டியலில் உள்ள ஒவ்வொரு குறியீட்டின் விலையின் கீழ் காட்டப்படும் மதிப்பை நீங்கள் மாற்றலாம்.

  1. உங்கள் iPhone சாதனத்தில் உள்ள பங்குகள் செயலிக்குச் செல்லவும்.

  2. நீங்கள் மாற்ற விரும்பும் விருப்பப் பட்டியலைத் தேர்ந்தெடுத்த பிறகு“மேலும்” பட்டன்-ஐத் தட்டவும்.

  3. “விருப்பப் பட்டியலைக் காட்டு” என்பதைத் தட்டி, பின்வரும் விருப்பங்களில் ஒன்றைத் தட்டவும்:

    • விலை மாற்றம்

    • சதவீத மாற்றம்

    • சந்தை மூலதனம்

விருப்பப் பட்டியல்களை நீக்குதல், மறுவரிசைப்படுத்துதல், மறுபெயரிடுதல்

  1. உங்கள் iPhone சாதனத்தில் உள்ள பங்குகள் செயலிக்குச் செல்லவும்.

  2. விருப்பப் பட்டியலின் பெயரைத் தட்டி, “விருப்பப் பட்டியல்களை நிர்வகி” என்பதைத் தட்டிய பிறகு பின்வருவனவற்றில் ஒன்றைச் செய்யவும்:

    • விருப்பப் பட்டியலை நீக்க: “நீக்கு” பட்டன் குறியீட்டுக்கு அடுத்துள்ள “டிராஷ்” பட்டன் என்பதைத் தட்டிய பிறகு, “விருப்பப் பட்டியலை நீக்கு” என்பதைத் தட்டவும்.

    • உங்கள் விருப்பப் பட்டியல்களை மறுவரிசைப்படுத்த: "மறுவரிசைப்படுத்து" பட்டன்-ஐத் தொட்டுப் பிடித்து விருப்பப் பட்டியலை ஒரு புதிய நிலைக்கு இழுக்கவும்.

    • விருப்பப் பட்டியலுக்கு மறுபெயரிட: “பென்சில்” பட்டன் என்பதைத் தட்டி, புதிய பெயரை டைப் செய்த பிறகு “சேமி” என்பதைத் தட்டவும்.

உங்கள் விருப்பப் பட்டியல்களை உங்களின் அனைத்துச் சாதனங்களிலும் பார்வையிடுதல்

அதே Apple கணக்கு மூலம் நீங்கள் உள்நுழைந்துள்ள iPhone, iPad மற்றும் Mac சாதனங்களில் உங்கள் விருப்பப் பட்டியல்களை நீங்கள் பார்க்கலாம்.

  • உங்கள் iPhone அல்லது iPadஇல்: அமைப்புகள்  > [உங்கள் பெயர்] > iCloud என்பதற்குச் சென்று, iCloudஇல் சேமிக்கப்பட்டவை என்பதற்கு அடுத்துள்ள “அனைத்தையும் காட்டு” என்பதைத் தட்டி “பங்குகள்” என்பதை ஆன் செய்யவும்.

  • macOS 13 அல்லது அதற்குப் பிந்தைய பதிப்புகளைக் கொண்ட Macஇல்: Apple மெனு  > சிஸ்டம் அமைப்புகளைத் தேர்வுசெய்து, சைடுபாரின் மேல்பகுதியில் உள்ள உங்கள் பெயரை கிளிக் செய்து, iCloudஐ கிளிக் செய்து, “பங்குகள்” செயலியை ஆன் செய்யவும். (உங்கள் பெயர் காட்டப்படவில்லை எனில், உங்கள் Apple கணக்கில் உள்நுழைய “உள்நுழைக” என்பதை கிளிக் செய்யவும் அல்லது ஒரு கணக்கை உருவாக்கவும்.)

  • macOS 10.15-12.7 கொண்ட Macஇல்: Apple மெனு > சிஸ்டம் முன்னுரிமைகளைத் தேர்வுசெய்து, Apple IDஐ கிளிக் செய்து, iCloud மீது கிளிக் செய்து “பங்குகள்” செயலியை ஆன் செய்யவும்.

  • macOS 10.14 அல்லது அதற்கு முந்தைய பதிப்புகளைக் கொண்ட Macஇல்: Apple மெனு > சிஸ்டம் விருப்பத்தேர்வுகள் என்பதைத் தேர்வுசெய்து iCloud என்பதை கிளிக் செய்யவும். iCloud Driveஐத் தேர்ந்தெடுத்து, விருப்பங்களைக் கிளிக் செய்து, “பங்குகள்” செயலியை ஆன் செய்யவும்.

இவற்றையும் பாருங்கள்iPhone சாதனத்தில் பங்குகளைச் சரிபார்த்தல்iPhone சாதனத்தில் உள்ள பங்குகள் செயலியில் வணிகச் செய்திகளைப் படித்தல் அல்லது கேட்டல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.