iPhoneஇல் உள்ள “பெரிதாக்கி” செயலியைப் பயன்படுத்தி உங்களைச் சுற்றியுள்ள ஃபர்னிச்சரைக் கண்டறிதல்

நீங்கள் பார்வையற்றவராகவோ பார்வைக் குறைபாடு உள்ளவராகவோ இருந்தால், உங்களைச் சுற்றியுள்ள ஃபர்னிச்சரைக் கண்டறிய, iPhone-இல் உள்ள “பெரிதாக்கி” செயலியைப் பயன்படுத்தலாம். நீங்கள் ஃபர்னிச்சரில் இருந்து எவ்வளவு தூரம் இருக்கிறீர்கள், நாற்காலிகள் அல்லது சோஃபாக்கள் இருப்பது கண்டறியப்பட்டால் அவற்றில் யாராவது உட்கார்ந்திருக்கிறார்களா என்பதைத் தெரிந்துகொள்ளலாம்.

முக்கியம்: உங்களுக்குத் தீங்கோ காயமோ ஏற்படக்கூடிய அதிக ஆபத்து அல்லது அவசரகாலச் சூழல்களிலும், வழிகளைப் பெறுவதற்கும் “கண்டறிதல்” பயன்முறையைச் சார்ந்திருக்கக்கூடாது. ஆதரிக்கப்படும் iPhone மாடல்களில் மட்டுமே “ஃபர்னிச்சரைக் கண்டறிதல்” அம்சம் கிடைக்கிறது.

உங்களுக்கு அருகிலுள்ள ஃபர்னிச்சரைக் கண்டறிதல்

  1. உங்கள் iPhoneஇல் “பெரிதாக்கி” செயலிக்கு செல்லவும்.

  2. கண்டறிதல் பயன்முறையைத் தொடங்க “கண்டறிதல் பயன்முறை” பட்டன்-ஐத் தட்டவும்.

    நீங்கள் “கண்டறிதல் பயன்முறை” பட்டன்-ஐப் பார்க்கவில்லை என்றால், அதைச் சேர்க்கலாம். பிரத்தியேகப்படுத்தப்பட்ட கட்டுப்பாடுகள் என்பதைப் பார்க்கவும்.

  3. “கண்டறிதல் பயன்முறை” பட்டன்-ஐப் தொட்டுப் பிடித்து, ஃபர்னிச்சர் என்பது தேர்ந்தெடுக்கப்பட்டிருப்பதை உறுதிசெய்யவும்.

  4. உங்களைச் சுற்றியுள்ள ஃபர்னிச்சரைப் பின்புற கேமரா கண்டறிய முடியும் வகையில் iPhoneஐ வைக்கவும். ஃபர்னிச்சர் அருகில் இருப்பது கண்டறியப்பட்டால், ஒலிகள், பேச்சுவடிவ அல்லது ஹேப்டிக் ஃபீட்பேக் மூலம் உங்களுக்குத் தெரிவிக்கப்படும். ஃபர்னிச்சருக்கு அருகில் செல்லச் செல்ல ஃபீட்பேக் அடிக்கடி வழங்கப்படும்.

    ஒலி அல்லது பேச்சுவடிவ ஃபீட்பேக் கேட்கவில்லை என்றால், அமைதிப் பயன்முறை ஆன் செய்யப்படாமல் இருப்பதை உறுதிசெய்து கொள்ளவும். ஒலியளவைச் சரிசெய்தல் என்பதைப் பார்க்கவும்.

  5. கண்டறிதலைத் தற்காலிகமாக இடைநிறுத்த, இரண்டு விரல்களால் திரையை இருமுறை தட்டவும். கண்டறிதலை மீண்டும் தொடங்க இரண்டு விரல்களால் மீண்டும் இருமுறை தட்டவும். கண்டறிதல் பயன்முறையை நிறுத்த, “கண்டறிதல் பயன்முறை” பட்டன்-ஐத் தட்டவும்.

ஃபர்னிச்சரைக் கண்டறிவதற்கான அமைப்புகளைப் பிரத்தியேகமாக்குதல்

  1. உங்கள் iPhoneஇல் “பெரிதாக்கி” செயலிக்கு செல்லவும்.

  2. “அமைப்புகள்” பட்டன்-ஐத் தட்டி, “கண்டறி” என்பதைத் தட்டவும்.

  3. ஃபர்னிச்சர் என்பதைத் தட்டி, பின்வருவனவற்றில் ஒன்றைப் பிரத்தியேகப்படுத்தவும்:

    • யூனிட்கள்: மீட்டர்கள் அல்லது அடியைத் தேர்வுசெய்யவும்.

    • ஒலி பிட்ச் தூரம்: ஒலி ஃபீட்பேக்கின் தூரத்தை சரிசெய்ய “குறைப்பு” பட்டன் அல்லது “அதிகரிப்பு” பட்டன்-ஐத் தட்டவும். இந்தத் தூரத்திற்குள் ஃபர்னிச்சர் கண்டறியப்படும்போது, ஒலி ஃபீட்பேக்கின் தொனி அதிகரிக்கும்.

    • ஃபீட்பேக்: லேபிள்கள், ஒலிகள், பேச்சு, ஹேப்டிக்ஸ் ஆகியவற்றின் எந்தக் கலவையையும் ஆன் செய்யலாம். “பேச்சு” என்பதை ஆன் செய்தால், உங்களுக்கும் ஃபர்னிச்சருக்கும் இடையேயான தூரம் குறித்த தகவலை iPhone சொல்லும்.

    • இருக்கையில் அமர்ந்திருப்பவர்கள் பற்றி தெரிவி: நாற்காலிகள் மற்றும் சோஃபாக்களில் அமர்ந்திருப்பவர்களின் எண்ணிக்கை பற்றிய தகவல்களைப் பெற “இருக்கையில் அமர்ந்திருப்பவர்கள் பற்றி தெரிவி” என்பதை ஆன் செய்யவும்.

  4. நேரலைப் பெரிதாக்க லென்ஸுக்குத் திரும்ப, “பின்செல்” பட்டன்-ஐத் தட்டி, மீண்டும் தட்டவும், பிறகு “முடிந்தது” என்பதைத் தட்டவும்.

இவற்றையும் பாருங்கள்iPhoneஇல் உள்ள “பெரிதாக்கி” செயலி மூலம் உங்களைச் சுற்றியுள்ள காட்சித் தகவல்களின் நேரலை விளக்கங்களைப் பெறுதல்பெரிதாக்கும் கண்ணாடி போன்று iPhoneஐப் பயன்படுத்துதல்iPhoneஇல் பார்வைக்கான அணுகல்தன்மை அம்சங்கள்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.