iOS 26
iOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

iPhone சாதனத்தில் உங்களுக்காகத் தேர்ந்தெடுக்கப்பட்ட செய்திகளைப் பார்த்தல்

Apple News எடிட்டர்களால் தேர்ந்தெடுக்கப்பட்ட சிறந்த செய்திகள், நீங்கள் பின் தொடரும் சேனல்கள் மற்றும் தலைப்புகளில் இருந்து பெறப்பட்ட சிறந்த செய்திகள், Apple News+இல் இருந்து வெளிவரும் செய்திகள் மற்றும் வெளியீட்டு இதழ்கள் ஆகியவற்றை News செயலியில் உள்ள “இன்றைய ஃபீட்” பிரிவு வழங்கும். Siriஆல் பரிந்துரைக்கப்பட்ட செய்திகள், பிற News வாசகர்களிடம் பிரபலமான டிரெண்டிங் செய்திகள், எனது விளையாட்டுகள் மேலும் பல செய்திகள் “இன்றைய ஃபீட் “ பிரிவில் இருக்கும். உங்கள் இருப்பிடத்தைப் பொறுத்து, Apple News Today ஆடியோ செய்தித்துணுக்குகள், புதிர்கள், உள்ளூர் செய்திகள் (உங்கள் உள்ளூர் வானிலை நிலைமைகளுக்கு ஏற்ப) போன்றவையும் “இன்றைய ஃபீட்” பிரிவில் இருக்கும்.

குறிப்பு: Apple News Today ஆடியோ செய்தித்துணுக்குகள், உள்ளூர் செய்திகள், புதிர்கள் ஆகியவை அனைத்து நாடுகள் மற்றும் வட்டாரங்களிலும் கிடைப்பதில்லை.

“இன்றைய ஃபீட்” பிரிவில் உள்ள செய்திகளை அணுகுதல்

  1. உங்கள் iPhone சாதனத்தில் உள்ள News செயலிக்குச் செல்லவும்.

  2. பின்வருவனவற்றில் ஒன்றைச் செய்யலாம்:

    • செய்தியைத் திறக்க: செய்தியைத் தட்டவும்.

    • குழுவிற்குள் மேலும் செய்திகளைப் படிக்க: குழுவின் கீழ்ப்பகுதியில் உள்ள அம்புக்குறியைத் தட்டவும்.

    • வீடியோவை பிளே செய்ய: சிறுபடத்தில் உள்ள “பிளே” பட்டன்-ஐத் தட்டவும்.

    • புதிய செய்திகளைப் பெற: சமீபத்திய செய்திகளுடன் “இன்றைய ஃபீட்” பிரிவை ரிஃப்ரெஷ் செய்ய கீழே இழுக்கவும்.

சேனல்களையும் தலைப்புகளையும் பின்தொடர்தல், பின்தொடர்வதை நிறுத்துதல், தடுத்தல், தடுப்பை நீக்குதல்

சேனல்களையும் தலைப்புகளையும் பின்தொடர்தல் மற்றும் தடுப்பதன் மூலம் “இன்றைய ஃபீட்” பிரிவில் தோன்றும் விஷயங்களில் செல்வாக்கு செலுத்தலாம்.

  1. உங்கள் iPhone சாதனத்தில் உள்ள News செயலிக்குச் செல்லவும்.

  2. பின்வருவனவற்றில் ஒன்றைச் செய்யவும்:

    • சேனல் ஃபீடைத் திறக்க: ஒரு செய்தியைத் தொட்டு பிடித்து, சேனல் பெயரைத் தட்டி, “சேனலுக்குச் செல்” என்பதைத் தட்டவும். இல்லையெனில் “இன்றைய ஃபீட்” பிரிவில் உள்ள செய்தியைத் தட்டி, செய்தியின் மேலே உள்ள சேனல் பெயரைத் தட்டவும்.

    • தலைப்பு ஃபீடைத் திறக்க: உதாரணமாக திரைப்படங்கள் அல்லது பயணம் போன்ற தலைப்புகளில் இருந்து ஒரு தலைப்பைத் தட்டவும்.

  3. ஃபீடின் மேல்பகுதியில், பின்வருவனவற்றில் ஒன்றைச் செய்யவும்:

    • பின்தொடர்வதற்கு: “பின்தொடர்” பட்டன் என்பதைத் தட்டவும்.

    • பின்தொடர்வதை நிறுத்த: “மேலும்” பட்டன்-ஐத் தட்டி, “சேனலைப் பின்தொடர்வதை நிறுத்து” அல்லது “தலைப்பைப் பின்தொடர்வதை நிறுத்து” என்பதைத் தட்டவும்.

    • தடுக்க: “மேலும்” பட்டன்-ஐத் தட்டி, “சேனலைத் தடு” அல்லது “தலைப்பைத் தடு” என்பதைத் தட்டவும்.

    • தடுப்பை நீக்க: “மேலும்” பட்டன்-ஐத் தட்டி, “சேனலைத் தடுப்பதை நீக்கு” அல்லது “தலைப்பைத் தடுப்பதை நீக்கு” என்பதைத் தட்டவும்.

குறிப்பு: சிறந்த செய்திகள் மற்றும் Apple News எடிட்டர்களால் தொகுக்கப்பட்ட செய்திகளைக் கொண்ட பிற பகுதிகளை நீங்கள் தேடிப்பார்க்கும்போது, நீங்கள் தடுத்த சேனல்களில் இருந்து வரும் செய்திகள் சாம்பல் நிற தலைப்பு மற்றும் நீங்கள் சேனலைத் தடுத்துள்ளதைக் குறிக்கும் மெசேஜைக் காட்டும். தடுக்கப்பட்ட சேனலின் செய்தியைப் படிக்க, அதைத் தட்டி, “செய்தியைப் படி” என்பதைத் தட்டவும்.

Apple Newsஇல் சேனல்களையும் தலைப்புகளையும் தடுத்தல் மற்றும் தடுப்பை நீக்குதல் என்ற Apple உதவிக் கட்டுரையைப் பார்க்கவும்.

உங்களுக்குப் பிடித்தவற்றை நிர்வகித்தல்

பின்வரும் பட்டியலில் உள்ள உங்களுக்குப் பிடித்த சேனல்களையும் தலைப்புகளையும் “பிடித்தவை” பிரிவு காட்டுகிறது (“பிடித்தவை” பிரிவில் உங்களுக்குப் பிடித்தவற்றை குறிப்பிட்ட எண்ணிக்கையில் மட்டுமே கொண்டிருக்கலாம்). உங்கள் “பிடித்தவை” பிரிவில் சேனல்களையும் தலைப்புகளையும் சேர்ப்பது அவற்றை அணுகுவதை எளிதாக்குகிறது.

குறிப்பு: நீங்கள் தற்போது பின்தொடரும் சேனல்கள் மற்றும் தலைப்புகள் மட்டுமே உங்களின் “பிடித்தவை” பிரிவில் சேர்க்கப்படும்.

உங்கள் iPhone சாதனத்தில் முதல்முறை News செயலியைப் பயன்படுத்தும்போது “பிடித்தவை” பிரிவில் எதையும் பார்க்க மாட்டீர்கள். சேனல்களையும் தலைப்புகளையும் பிடித்தவை எனக் குறிப்பதன் மூலம் உங்கள் “பிடித்தவை” குழுவைப் புதிதாக உருவாக்குவீர்கள். உங்கள் பட்டியலை எப்போது வேண்டுமானாலும் பிரத்தியேகமாக்கலாம்.

  1. உங்கள் iPhone சாதனத்தில் உள்ள News செயலிக்குச் செல்லவும்.

  2. “பின்தொடர்பவை” என்பதைத் தட்டி, “திருத்து” என்பதைத் தட்டி, பின்வருவனவற்றில் ஒன்றைச் செய்யவும்:

    • சேனல் அல்லது தலைப்பை உங்களின் “பிடித்தவை” பிரிவில் சேர்க்க: ஒரு சேனல் அல்லது தலைப்பைப் பிடித்ததாகக் குறிக்க, அதற்கு அடுத்துள்ள “பிடித்தவையில் சேர்” பட்டன்-ஐத் தட்டி, “முடிந்தது” என்பதைத் தட்டவும்.

    • பிடித்ததை அகற்ற: உங்களின் “பிடித்தவை” பிரிவில் இனி நீங்கள் பார்க்க விரும்பாத சேனல் அல்லது தலைப்புக்கு அடுத்துள்ள “பிடித்ததில் இருந்து அகற்று” பட்டன்-ஐத் தட்டி, “முடிந்தது” என்பதைத் தட்டவும்.

    • பிடித்தவற்றை மறுவரிசைப்படுத்த: “மறுவரிசைப்படுத்து” பட்டன்-ஐத் தொட்டுப் பிடித்து, பிடித்தவற்றை நீங்கள் விரும்பும் வரிசைப்படி இழுத்து வைத்து, “முடிந்தது” என்பதைத் தட்டவும்.

“இன்றைய ஃபீட்” பிரிவில் உள்ள “பிடித்தவை” என்பதை ஸ்வைப் செய்து, “மேலும்” பட்டன்-ஐத் தட்டி, “பிடித்தவற்றை நிர்வகி” என்பதைத் தட்டவும்.

உங்களின் “இன்றைய ஃபீட்” பிரிவில் உள்ள “பிடித்தவை” குழுவை அகற்ற, “பிடித்தவை” என்பதற்கு மேலே ஸ்வைப் செய்து, “மேலும்” பட்டன்-ஐத் தட்டி, “இன்றைய ஃபீடில் இருந்து தடு” என்பதைத் தட்டவும். “பிடித்தவை” குழுவின் தடுப்பை நீக்க, “பின்தொடர்பவை” என்பதைத் தட்டி, மேலே ஸ்வைப் செய்து, “தடுக்கப்பட்ட சேனல்கள் & தலைப்புகள்” என்பதைத் தட்டி, “பிடித்தவை” என்பதற்கு அடுத்துள்ள “பின்தொடர்வதை நிறுத்து” பட்டன்-ஐத் தட்டி, “தடுப்பு நீக்கு” என்பதைத் தட்டவும்.

குறிப்பு: “இன்றைய ஃபீட்” பிரிவில் உள்ள “‘இன்று’ பிரிவில் இருந்து தடு” என்பதைத் தட்டினால், உங்களின் “பின்தொடர்பவை” பட்டியலில் உள்ள உங்கள் “பிடித்தவை” குழு இப்போதும் தோன்றும்.

“இன்றைய ஃபீட்” பிரிவில் குறிப்பிட்ட சேனல்களையும் தலைப்புக் குழுக்களையும் பரிந்துரைப்பதை நிறுத்துதல்

பரிந்துரைக்கப்பட்ட சேனல்கள் மற்றும் தலைப்புக் குழுக்கள் “இன்றைய ஃபீட்” பிரிவில் தோன்றலாம், ஆனால் இந்தப் பரிந்துரைகள் காட்டப்படுவதை நீங்கள் நிறுத்திக்கொள்ளலாம்.

  1. உங்கள் iPhone சாதனத்தில் உள்ள News செயலிக்குச் செல்லவும்.

  2. “இன்று” என்பதைத் தட்டவும்.

  3. சேனல் அல்லது தலைப்புக் குழுவில் உள்ள “மேலும்” பட்டன்-ஐத் தட்டி, “பரிந்துரைப்பதை நிறுத்து” என்பதைத் தட்டவும்.

சேனல் அல்லது தலைப்பு தடுக்கப்படவில்லை, ஆனால் News செயலி “இன்று” பிரிவில் செய்திக் குழுவைக் காட்டுவதை நிறுத்தும்.

நீங்கள் எந்த வகையான செய்திகளை விரும்புகிறீர்கள் என்பதை News செயலிக்குத் தெரிவித்தல்

  1. உங்கள் iPhone சாதனத்தில் உள்ள News செயலிக்குச் செல்லவும்.

  2. “இன்று” என்பதைத் தட்டவும்.

  3. தலைப்புச்செய்திக்குக் கீழே உள்ள “மேலும்” பட்டன்-ஐத் தட்டி, “மேலும் பரிந்துரை” அல்லது “குறைவாக பரிந்துரை” என்பதைத் தட்டவும்.

செய்திகளை நீங்கள் பின்தொடரும் சேனல்களில் இருந்து மட்டும் பார்த்தல்

  1. அமைப்புகள்  > செயலிகள் > News என்பதற்குச் செல்லவும்.

  2. “‘இன்று’ பிரிவில் செய்திகளைக் கட்டுப்படுத்து” என்பதை ஆன் செய்து, உங்கள் விருப்பத்தை உறுதிசெய்யவும்.

குறிப்பு: “செய்திகளைக் கட்டுப்படுத்து” அம்சம் செய்திகளைக் கட்டுப்படுத்துவதால் “இன்றைய ஃபீட்” மற்றும் பிற ஃபீட்களில் தோன்றும் செய்திகளின் எண்ணிக்கை கணிசமாகக் குறைகிறது. உதாரணமாக, நீங்கள் செய்திகளைக் கட்டுப்படுத்தி பொழுதுபோக்கு தொடர்பான ஒரு சேனலை மட்டுமே பின்தொடர்ந்தால், உங்கள் பொழுதுபோக்கு தலைப்பு ஃபீடில் அந்தச் சேனலில் இருந்து பெற்ற செய்திகள் மட்டுமே இருக்கும். செய்திகளை நீங்கள் கட்டுப்படுத்தும்போது, சிறந்த செய்திகள் மற்றும் டிரெண்டிங் செய்திகளை உங்களால் பார்க்க முடியாது.

இவற்றையும் பாருங்கள்iPhone சாதனத்தில் உள்ள News செயலியில் செய்திகளைப் படித்தல் மற்றும் பகிர்ந்துகொள்ளுதல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.