iOS 26
iOS 18
இந்தக் கட்டுப்பாட்டை மாற்றினால் இந்தப் பக்கம் தானாக மாற்றப்படும்

iPhone சாதனத்தில் உள்ள Apple TV செயலியில் முகப்புத் தாவலைப் பிரத்தியேகமாக்குதல்

முகப்புத் தாவல், உங்களுக்கு பிடித்த நிகழ்ச்சிகள், திரைப்படங்கள், சேனல்கள் மற்றும் விளையாட்டுகளை ஒரே இடத்தில் கொண்டுவருகிறது. “பார்ப்பதைத் தொடர்க” மூலம் நீங்கள் நிறுத்திய இடத்தில் இருந்து தொடரலாம் அல்லது உங்களுக்காகப் பிரத்தியேகமாக்கப்பட்ட Apple TV சேனல்கள் மற்றும் ஸ்ட்ரீமிங் செயலிகளைக் கண்டறியலாம்.

குறிப்பு: உங்கள் நாடு அல்லது வட்டாரத்தைப் பொறுத்து Apple மீடியா சேவைகள் கிடைப்பது மாறுபடலாம். Apple மீடியா சேவைகள் கிடைக்கும் தன்மை என்ற Apple உதவிக் கட்டுரையைப் பார்க்கவும்.

“பார்ப்பதைத் தொடர்க” வரிசையில் நீங்கள் விட்ட இடத்திலிருந்து தொடர்தல்

iOS 18.1 அல்லது அதற்குப் பிந்தைய பதிப்புகளில், “பார்ப்பதைத் தொடர்க” என்ற வரிசையில், நீங்கள் ஏற்கெனவே பார்க்கத் தொடங்கிய அல்லது பார்க்கத் திட்டமிட்டுள்ள உள்ளடக்கம் காட்டப்படும். நீங்கள் பெரும்பாலும் பார்க்க விரும்பும் வரிசையில் நிகழ்ச்சிகளும் திரைப்படங்களும் காட்டப்படும். எடுத்துக்காட்டாக, ஒரு டிவி எபிசோடு முடிவடையும்போது, அடுத்த எபிசோடு “பார்ப்பதைத் தொடர்க” பட்டியலில் தானாகக் காட்டப்படும். நீங்கள் பின்தொடரும் அணிக்கான நேரலை விளையாட்டு நிகழ்வு நடந்துகொண்டிருக்கும்போது, Apple TV செயலியில் பார்க்கக் கிடைத்தால் அது “பார்ப்பதைத் தொடர்க” பட்டியலில் முதலில் காட்டப்படும்.

  1. உங்கள் iPhone சாதனத்தில் உள்ள Apple TV செயலிக்குச் செல்லவும்.

  2. முகப்பைத் தட்டி, “பார்ப்பதைத் தொடர்க” வரிசையில் ஸ்வைப் செய்து, ஓர் ஐட்டத்தைத் தட்டவும்.

    நீங்கள் பார்க்க வேண்டியது இருந்தால், அது உடனடியாக பிளே செய்யப்படத் தொடங்கும்.

குறிப்பு: “முகப்பு” தாவலில் உள்ள “பார்ப்பதைத் தொடர்க” வரிசை, Apple TV செயலியில் நீங்கள் சேர்த்துள்ள ஏதேனும் ஒரு செயலி அல்லது சேனலிலில் இருந்து திரைப்படங்கள், டிவி நிகழ்ச்சிகள், நேரலை விளையாட்டு நிகழ்வுகள் ஆகியவற்றைக் காட்டும். செயலிகள் மற்றும் சேனல்களை இணைப்பது பற்றிய கூடுதல் தகவலுக்கு, சேனல்களையும் செயலிகளையும் கண்டறிதல் என்பதைப் பார்க்கவும்.

உங்கள் விருப்பப் பட்டியலில் ஐட்டத்தைச் சேர்த்தல் அல்லது அதிலிருந்து அகற்றுதல்

iOS 18.1 அல்லது அதற்குப் பிந்தைய பதிப்புகளில், நீங்கள் பின்னர் பார்ப்பதற்குச் சேமிக்க விரும்பக்கூடிய திரைப்படங்களையும் டிவி நிகழ்ச்சிகளையும் உங்கள் விருப்பப் பட்டியலில் சேர்க்கலாம். உங்கள் விருப்பப் பட்டியலில் உள்ள திரைப்படங்கள் மற்றும் டிவி நிகழ்ச்சிகள் “பார்ப்பதைத் தொடர்க” மற்றும் “விருப்பப் பட்டியல்” வரிசைகளில் காட்டப்படும்.

குறிப்பு: நீங்கள் விளையாட்டு நிகழ்வுகளைச் சேர்த்தால், அவை நேரலையில் அலைபரப்படும்போது “பார்ப்பதைத் தொடர்க” மற்றும் “விருப்பப் பட்டியல்” வரிசைகளில் காட்டப்படும்.

  1. உங்கள் iPhone சாதனத்தில் உள்ள Apple TV செயலிக்குச் செல்லவும்.

  2. பின்வருவனவற்றில் ஒன்றைச் செய்யவும்:

    • உங்கள் விருப்பப் பட்டியலில் ஐட்டத்தைச் சேர்க்க: ஐட்டத்தைத் தொட்டுப் பிடித்து, “விருப்பப் பட்டியலில் சேர்” என்பதைத் தட்டவும்.

    • உங்கள் விருப்பப் பட்டியலில் இருந்து ஐட்டத்தை அகற்ற: “பார்ப்பதைத் தொடர்க” அல்லது விருப்பப் பட்டியல் வரிசையில் உள்ள ஐட்டத்தைத் தொட்டுப் பிடித்து, “விருப்பப் பட்டியலில் இருந்து அகற்று” என்பதை கிளிக் செய்யவும்.

    • பார்ப்பதை வேறு சாதனத்தில் தொடர்தல்: ஒரே Apple கணக்கு மூலம் உள்நுழைந்திருக்கும் உங்கள் iPhone, iPad, Mac, Apple TV, Apple Vision Pro, ஆதரிக்கப்படும் ஸ்மார்ட் டிவி ஆகியவற்றில் உள்ள Apple TV செயலியில் உங்கள் விருப்பப் பட்டியலைப் பார்க்கலாம்.

உங்கள் விருப்பப் பட்டியலில் சேர்க்கப்பட்டவை “முகப்பு” தாவலில் உள்ள “பார்ப்பதைத் தொடர்க” வரிசையிலும் விருப்பப் பட்டியல் வரிசையிலும் காட்டப்படும்.

சேனல்களையும் செயலிகளையும் கண்டறிதல்

புதிய உள்ளடக்கத்தையோ அல்லது தொடரின் அடுத்த அத்தியாயத்தையோ இணைக்கப்பட்ட செயலியிலிருந்து (ஆதரிக்கப்படும் ஸ்ட்ரீமிங் செயலிகள் மட்டும்) பார்ப்பதை Apple TV செயலி பரிந்துரைக்கிறது.

  1. உங்கள் iPhone சாதனத்தில் உள்ள Apple TV செயலிக்குச் செல்லவும்.

  2. முகப்பைத் தட்டி சேனல்கள் & செயலிகளின் வரிசைக்கு கீழே ஸ்க்ரால் செய்து பின்வருவனவற்றில் ஏதேனும் ஒன்றைத் தேடிப்பார்க்க இடதுபுறமாக ஸ்வைப் செய்யவும்:

    • சேனல்கள் & செயலிகள்: நீங்கள் சந்தா சேர்ந்துள்ள அனைத்து சேனல்கள் அல்லது செயலிகளை Apple TV செயலியில் இணைத்து அவற்றை நேரடியாக அணுகலாம்.

    • மேலும் தேடிப்பாருங்கள்: சந்தா சேர அல்லது பார்க்க புதிய சேனல்கள் அல்லது செயலிகளைக் கண்டறியவும்.

  3. ஒரு ஐட்டத்தைத் திறக்க அதைத் தட்டவும்.

உங்கள் Apple கணக்கில் உள்நுழைந்துள்ள அனைத்துச் சாதனங்களின் முகப்பு தாவலில் உள்ள சேனல்கள் & செயலிகள் வரிசையில் உங்கள் சானல்களும் செயலிகளும் தோன்றும்.

Apple TV செயலி மூலம் கிடைக்கக்கூடிய வீடியோ செயலிகளின் பட்டியலுக்கு, Apple TV செயலியில் உள்ள ஆதரிக்கப்படும் செயலிகளின் கிடைக்கும் தன்மை என்ற Apple உதவிக் கட்டுரையைப் பார்க்கவும்.

இவற்றையும் பாருங்கள்iPhone சாதனத்தில் உள்ள Apple TV செயலியில் நிகழ்ச்சிகள், திரைப்படங்கள் மற்றும் பலவற்றைக் கண்டறிதல்iPhone சாதனத்தில் உள்ள Apple TV செயலியில் ஐட்டங்களை வாங்குதல், வாடகைக்கு எடுத்தல் அல்லது முன்கூட்டியே ஆர்டர் செய்தல்iPhone சாதனத்தில் உள்ள Apple TV செயலியில் உங்கள் லைப்ரரியை நிர்வகித்தல்
Morty Proxy This is a proxified and sanitized view of the page, visit original site.
உதவியாக இருந்ததா?
எழுத்தின் அளவு: 250
அதிகபட்ச எழுத்தின் அளவு: 250
உங்கள் கருத்திற்கு நன்றி.
Morty Proxy This is a proxified and sanitized view of the page, visit original site.