iOS 26
iOS 18
ह्या कंट्रोलमध्ये बदल केल्यामुळे हे पेज ऑटोमॅटिकली अपडेट होईल

iPhone वर नोट्स शेअर करणे आणि सहयोगाने काम करणे

नोट्स ॲपमध्ये, तुम्ही नोटची प्रत फ्रेंडला पाठवू शकता. तुम्ही लोकांना नोटवर किंवा iCloud मधील नोट्स असलेल्या फोल्डरवर रिअल टाइममध्ये सहयोगाने काम करण्यासाठी देखील आमंत्रित करू शकता, आणि प्रत्येकाला नवीनतम बदल दिसतील.

शेअरिंग पर्याय दर्शविणारी ओव्हरले असलेली नोट.

नोटची कॉपी शेअर करणे

  1. तुमच्या iPhone वर ‘नोट्स’ ॲपवर जा.

  2. तुम्हाला शेअर करायची असलेली नोट उघडा.

  3. ‘शेअर करा’ बटण वर टॅप करा, ‘सहयोग करा’ वर टॅप करा, ’कॉपी पाठवा’ वर टॅप करा, त्यानंतर तुमची नोट कशी पाठवायची ते निवडा.

iCloud वापरून नोट किंवा नोट्सच्या फोल्डरवर सहयोगाने काम करणे

इतरांबरोबर सहयोगाने काम करण्यासाठी, तुम्ही iCloud मध्ये नोट किंवा नोट्स फोल्डर शेअर करू शकता. तुम्ही सहभागींसाठी परवानग्या सेट करू शकता (त्यांना नोट्स संपादित करणे, अटॅचमेंट जोडणे, आणि सबफोल्डर तयार करणे ह्यासारख्या परवानग्या देणे), आणि सर्व सहभागी रिअल टाइममध्ये प्रत्येकाचे बदल पाहू शकतात. सहभागींनी त्यांच्या Apple अकाउंटमध्ये साइन केलेले असणे आवश्यक आहे आणि iCloud सेटिंगमध्ये नोट्स चालू करणे आवश्यक आहे.

नोट : तुम्ही लॉक केलेल्या नोटवर किंवा लॉक केलेल्या नोट्स असलेल्या फोल्डरवर सहयोगाने काम करू शकत नाही.

  1. तुमच्या iPhone वर ‘नोट्स’ ॲपवर जा.

  2. खालीलपैकी कोणतेही एक करा :

    • नोट शेअर करा : तुम्हाला शेअर करायची असलेली नोट उघडा, ‘शेअर करा’ बटण वर टॅप करा, त्यानंतर ‘सहयोग करा’ निवडा.

    • फोल्डर शेअर करा : तुम्हाला शेअर करायचे असलेले फोल्डर उघडा, त्यानंतर ‘शेअर करा’ बटण वर टॅप करा.

  3. ॲक्सेस आणि परवानग्या बदलण्यासाठी “केवळ आमंत्रित लोक संपादित करू शकतात” वर टॅप करा, त्यानंतर पुढीलपैकी कोणतेही सेट करा :

    • कोण ॲक्सेस करू शकेल : ‘फक्त आमंत्रित लोक’ किंवा ‘लिंक असलेली कोणतीही व्यक्ती’ निवडा.

    • परवानग्या : ‘बदल केले जाऊ शकतात’ किंवा ‘फक्त बघू शकता’ निवडा.

    • इतरांना आमंत्रित करण्याची अनुमती द्या : ‘सहभागींना नवीन लोकांना आमंत्रित करण्याची अनुमती द्या’ चालू करा (त्यांना बदल करण्याची परवानगी असेल तरच उपलब्ध असेल).

  4. तुमचे आमंत्रण पाठवण्यासाठी संदेश किंवा Mail निवडा. (AirDrop सहयोगाने काम करण्यास सपोर्ट करत नाही.)

    तुम्ही ‘संदेश’ मध्ये आमंत्रण पाठवल्यास, जेव्हा कोणीतरी शेअर केलेल्या नोटमध्ये बदल करतो तेव्हा तुम्हाला संदेश संभाषणमध्ये ॲक्टिव्हिटी अपडेट मिळते. शेअर केलेल्या नोटवर जाण्यासाठी ‘अपडेट’ वर टॅप करा.

तुम्ही तुमच्या iPhone किंवा iPad वर नोट्स ॲपमध्ये शेअर किंवा सहयोग करू शकत नसल्यास काय करावे ह्यावर Apple सपोर्ट लेख पहा.

नोटमध्ये ॲक्टिव्हिटी बघणे

नोट्स यादीमध्ये, नोटच्या शीर्षकाच्या डाव्या बाजूला असलेला नारिंगी बिंदू सूचित करतो की तुम्ही शेवटची नोट बघितल्यानंतर ती बदलली आहे.

  1. तुमच्या iPhone वर ‘नोट्स’ ॲपवर जा.

  2. नंतर बदल कोणी आणि केव्हा केले हे पाहण्यासाठी नोट उघडा, नंतर नोटवर उजवीकडे स्वाइप करा किंवा ‘ॲक्टिव्हिटी कार्ड’ वर स्वाइप करा.

  3. ॲक्टिव्हिटी कशी दाखवली जाते हे समायोजित करण्यासाठी, ‘सहयोग करा’ बटण वर टॅप करा, नंतर खालीलपैकी कोणतेही एक निवडा :

    • अपडेट दाखवा : तुम्ही शेवटची नोट उघडल्यापासून केलेले बदल दाखवले जातात.

    • सर्व ॲक्टिव्हिटी दाखवा : नोटमधील सर्व ॲक्टिव्हिटी दाखवली जाते.

    • हाइलाइट दाखवा : नावे, दिनांक, आणि प्रत्येक सहभागीने केलेले बदल दाखवले जातात.

टिप : सहभागी व्यक्तीचा उल्लेख करण्यासाठी आणि महत्त्वाच्या अपडेटविषयी त्यांना सूचित करण्यासाठी, त्यांच्या नावानंतर @ चिन्ह टाइप करा.

फोल्डरमध्ये ॲक्टिव्हिटी बघणे

  1. तुमच्या iPhone वर ‘नोट्स’ ॲपवर जा.

  2. फोल्डरवर टच आणि होल्ड करा, नंतर ‘फोल्डर ॲक्टिव्हिटी दाखवा’ वर टॅप करा.

शेअरिंग सेटिंग बदलणे

  1. तुमच्या iPhone वर ‘नोट्स’ ॲपवर जा.

  2. शेअर केलेल्या नोट किंवा फोल्डरचे ओनर खालीलपैकी एक गोष्ट करून शेअरिंग सेटिंग बदलू शकतात :

    • शेअर केलेली नोट मॅनेज करा : ‘सहयोग करा’ बटण वर टॅप करा, नंतर ‘शेअर केलेली नोट मॅनेज करा’ वर टॅप करा.

    • शेअर केलेले फोल्डर मॅनेज करा : ‘फोल्डर कृती’ बटण वर टॅप करा, नंतर ‘शेअर केलेले फोल्डर मॅनेज करा’ वर टॅप करा.

  3. खालीलपैकी कोणतेही एक करा :

    • सहभागी काढून टाका : तुम्हाला काढून टाकायचे असलेल्या सहभागीवर टॅप करा, नंतर ‘ॲक्सेस काढून टाका’ वर टॅप करा.

    • ॲक्सेस आणि परवानगी सेटिंग बदला : सर्व सहभागींचे सेटिंग बदलण्यासाठी, ‘पर्याय शेअर करा’ वर टॅप करा. एका व्यक्तीचे सेटिंग बदलण्यासाठी, त्यांच्या नावावर टॅप करा.

    • शेअरिंग थांबवा : तुम्ही हा पर्याय निवडल्यास, शेअर केलेली नोट किंवा फोल्डर इतर सहभागींच्या डिव्हाइसवरून हटवले जाते.

हे देखील पहाiPhone वरील ‘संदेश’ सह प्रोजेक्टवर सहयोग करणेiPhone वर FaceTime मधील डॉक्युमेंटवर सहयोग करणे
Morty Proxy This is a proxified and sanitized view of the page, visit original site.
उपयुक्त आहे का?
कॅरॅक्टर मर्यादा : 250
कमाल कॅरॅक्टर मर्यादा 250 आहे.
तुमच्या प्रतिक्रियेबद्दल धन्यवाद.
Morty Proxy This is a proxified and sanitized view of the page, visit original site.