iOS 26
iOS 18
ह्या कंट्रोलमध्ये बदल केल्यामुळे हे पेज ऑटोमॅटिकली अपडेट होईल

iPhone वर मोबाइल सेवा सेट अप करणे

तुमच्या iPhone ला मोबाइल नेटवर्कशी कनेक्ट होण्यासाठी प्रत्यक्ष SIM किंवा eSIM ची आवश्यकता आहे. (सर्व मॉडेलवर किंवा सर्व देश आणि प्रदेशात सर्व पर्याय उपलब्ध नाहीत. iPhone 14 आणि नंतरच्या व्हर्जनवर, काही मॉडेल्स फक्त eSIM वापरतात.) SIM मिळवण्यासाठी आणि मोबाइल सेवा सेट अप करण्यासाठी तुमच्या नेटवर्क प्रोव्हायडरशी संपर्क साधा.

eSIM सेट अप करणे

सपोर्ट केलेले iPhone मॉडेल तुमच्या नेटवर्क प्रोव्हायडरने प्रदान केलेले eSIM डिजिटलरित्या संग्रहित करू शकतात. जर तुमचा नेटवर्क प्रोव्हायडर ‘eSIM नेटवर्क प्रोव्हायडर सक्रियकरण’ किंवा ‘eSIM क्विक ट्रान्सफर’ ला सपोर्ट करत असेल, तर तुम्ही तुमचा iPhone चालू करू शकता आणि सेटअपच्या दरम्यान तुमचा eSIM सक्रिय करण्यासाठी सूचनांचे पालन करू शकता.

तुम्ही सेटअप आधीच पूर्ण केला असल्यास, पुढील गोष्टी करा :

  1. तुमचा iPhone उपलब्ध Wi-Fi किंवा मोबाइल नेटवर्कला कनेक्ट केला असल्याची खात्री करा. eSIM सेटअपसाठी इंटरनेट कनेक्शन आवश्यक आहे.

  2. पुढीलपैकी एका पद्धतीचा वापर करून eSIM समाविष्ट करा :

    • eSIM नेटवर्क प्रोव्हायडर सक्रियीकरण : काही नेटवर्क प्रोव्हायडर नवीन eSIM थेट तुमच्या iPhone ला असाइन करू शकतात; ही प्रक्रिया सुरू करण्यासाठी तुमच्या नेटवर्क प्रोव्हायडरशी संपर्क साधा. जेव्हा तुम्हाला “मोबाइल सेवा सेट अप पूर्ण करा” नोटिफिकेशन प्राप्त होते, तेव्हा त्यावर टॅप करा. किंवा सेटिंग  > ‘मोबाइल सेवा’ वर जा, नंतर ‘मोबाइल सेवा सेट अप करा’ किंवा ‘eSIM समाविष्ट करा’ वर टॅप करा.

    • eSIM क्विक ट्रान्सफर : काही नेटवर्क प्रोव्हायडर तुमच्या आधीच्या iPhone मधून फोन नंबर तुमच्या नवीन iPhone वर संपर्क न करता ट्रान्सफर करण्यास सपोर्ट करतात (दोन्ही डिव्हाइसवर iOS 16 किंवा नंतरचे व्हर्जन आवश्यक).

      तुमच्या नवीन iPhone वर, सेटिंग > ‘मोबाइल सेवा’ वर जा, ‘मोबाइल सेवा सेट अप करा’ किंवा ‘eSIM समाविष्ट करा’ वर टॅप करा, त्यानंतर ‘जवळपासच्या iPhone वरून ट्रान्सफर करा’ वर टॅप करा किंवा फोन नंबर निवडा. तुमच्या आधीच्या iPhone वर, ट्रान्सफरची पुष्टी करण्यासाठी सूचनांचे पालन करा.

      नोट : तुमचा फोन नंबर तुमच्या नवीन iPhone वर ट्रान्सफर केल्यानंतर, तो तुमच्या आधीच्या iPhone वर काम करणे थांबवतो.

    • तुमच्या नेटवर्क प्रोव्हायडरने प्रदान केलेला QR कोड स्कॅन करा : सेटिंग > ‘मोबाइल सेवा’ वर जा, ‘मोबाइल सेवा सेट अप करा’ किंवा ‘eSIM समाविष्ट करा’ वर टॅप करा, त्यानंतर ‘QR कोड वापरा’ वर टॅप करा. (कदाचित तुम्हाला प्रथम इतर पर्याय टॅप करावे लागतील.) QR कोड फ्रेममध्ये दिसेल अशा प्रकारे iPhone धरा किंवा तपशील मॅन्युअली प्रविष्ट करा. तुम्हाला तुमच्या नेटवर्क प्रोव्हायडरने प्रदान केलेला पुष्टीकरण कोड प्रविष्ट करण्यास सांगितले जाऊ शकते.

    • वेगळ्या स्मार्टफोनवरून ट्रान्सफर करा : जर तुमचा आधीचा फोन Apple iPhone नसेल, तर फोन नंबर ट्रान्सफर करण्यासाठी तुमच्या नेटवर्क प्रोव्हायडरशी संपर्क साधा.

    • सहभागी नेटवर्क प्रोव्हायडरच्या ॲपद्वारे सेवा सक्रिय करा : App Store वर जा, नेटवर्क प्रोव्हायडरचे ॲप डाउनलोड करा, त्यानंतर मोबाइल सेवा सक्रिय करण्यासाठी ॲप वापरा.

    • ट्रॅव्हल eSIM : प्रवासी eSIM कव्हरेज राखू शकते आणि कदाचित तुम्हाला आंतरराष्ट्रीय दर टाळण्यास मदत करू शकते. तुमच्याकडे मोबाइल सेवा असल्याची खात्री करा, त्यानंतर सेटिंग > ‘मोबाइल सेवा’ वर जा, ‘eSIM समाविष्ट करा’ वर टॅप करा, त्यानंतर ‘प्रवासाचे पर्याय पहा’ वर टॅप करा. ऑन स्क्रीन सूचनांचे पालन करा. तुमच्या iPhone सह आंतरराष्ट्रीय स्तरावर प्रवास करताना eSIM वापरा ह्यावर Apple सपोर्ट लेख पहा.

  3. eSIM सक्रिय आहे ह्याची पडताळणी करण्यासाठी, सेटिंग > ‘मोबाइल सेवा’ वर जा, नंतर नवीन लाइन (eSIM च्या खाली) चालू असल्याची खात्री करा.

समस्या निवारण पायऱ्यांसाठी, तुम्ही तुमच्या iPhone वर eSIM सेट अप करू शकत नसल्यास काय करावे ह्यावर Apple सपोर्ट लेख पहा.

प्रत्यक्ष SIM इन्स्टॉल करणे

तुम्ही नेटवर्क प्रोव्हायडरकडून नॅनो SIM कार्ड घेऊ शकता किंवा ते तुमच्या आधीच्या iPhone वरून मूव्ह करू शकता.

नोट : प्रत्यक्ष SIM सर्व मॉडेल्सवर सपोर्ट करत नाही.

  1. SIM ट्रेच्या छोट्या छिद्रामध्ये पेपर क्लिप किंवा SIM इजेक्ट टूल इन्सर्ट करा, नंतर ट्रे बाहेर काढण्यासाठी iPhone कडे आतल्या दिशेने दाबा.

    ट्रे बाहेर काढण्यासाठी आणि काढून टाकण्यासाठी iPhone च्या डाव्या बाजूला असलेल्या ट्रेच्या छोट्या छिद्रामध्ये पेपर क्लिप किंवा SIM इजेक्ट टूल इन्सर्ट केले जाते.

    नोट : SIM ट्रेचा आकार आणि ओरिएंटेशन iPhone मॉडेल आणि तुमचा देश किंवा प्रदेश ह्यावर अवलंबून आहे.

  2. iPhone मधून ट्रे काढून टाका.

  3. SIM ट्रेमध्ये ठेवा. कोन असलेला कोपरा योग्य ओरिएंटेशन ठरवतो.

    iPhone वरील ट्रेमध्ये SIM इन्सर्ट केले जात आहे; कोन असलेला कोपरा वरच्या डाव्या बाजूला आहे.

  4. iPhone मध्ये ट्रे पुन्हा इन्सर्ट करा.

  5. जर तुम्ही SIM वर आधी PIN सेट अप केला असेल, तर प्रॉम्प्ट केल्यावर काळजीपूर्वक PIN प्रविष्ट करा.

    चेतावणी : SIM PIN चा अंदाज लावण्याचा कधीही प्रयत्न करू नका. चुकीचा अंदाज तुमचे SIM कायमचे लॉक करू शकतो आणि जोपर्यंत तुम्हाला नवीन SIM मिळत नाही तोपर्यंत तुम्ही तुमच्या नेटवर्क प्रोव्हायडरद्वारे फोन कॉल करू शकणार नाही किंवा मोबाइल डेटा वापरू शकणार नाही. Apple सपोर्ट लेख तुमच्या iPhone किंवा iPad साठी SIM PIN वापरा पहा.

प्रत्यक्ष SIM ला eSIM मध्ये रुपांतरित करणे

जर तुमचा नेटवर्क प्रोव्हायडर ह्याला सपोर्ट करत असेल, तर तुम्ही सपोर्ट करणाऱ्या iPhone मॉडेल वर प्रत्यक्ष SIM ला eSIM मध्ये रूपांतरित करू शकता.

  1. तुमच्या iPhone वर ‘सेटिंग’ ॲपवर  जा.

  2. ’मोबाइल सेवा’ वर टॅप करा, त्यानंतर ’मोबाइल सेवा सेट अप करा’ किंवा ’eSIM समाविष्ट करा’ वर टॅप करा.

  3. प्रत्यक्ष SIM असलेला फोन नंबर निवडा.

  4. ‘eSIM मध्ये रूपांतरित करा’ वर टॅप करा, नंतर ऑनस्क्रीन सूचनांचे पालन करा.

महत्त्वाचे : मोबाइल सेवा क्षमतेची उपलब्धता वायरलेस नेटवर्क, तुमच्या iPhone चे मॉडेल आणि तुमच्या स्थानावर अवलंबून असते.

विशेषतः जेव्हा तुम्ही iPhone सह प्रवास करता, तेव्हा तुमचे मोबाइल प्लॅन मॅनेज करताना लागू असलेले डेटा, व्हॉइस आणि रोमिंग शुल्क विचारात घ्या. मोबाइल डेटा सेटिंग बघा किंवा बदला पहा.

काही नेटवर्क प्रोव्हायडर तुम्हाला दुसऱ्या नेटवर्क प्रोव्हायडरसह वापरण्यासाठी iPhone अनलॉक करू देतात (अतिरिक्त शुल्क लागू होऊ शकते). अधिकृतता आणि सेटअप माहितीसाठी तुमच्या नेटवर्क प्रोव्हायडरशी संपर्क साधा. Apple सपोर्ट लेख वेगळ्या नेटवर्क प्रोव्हायडरसह वापरण्यासाठी तुमचा iPhone कसा अनलॉक करावा पहा.

हे देखील पहाWi-Fi उपलब्ध नसल्यास मोबाइल नेटवर्क कनेक्ट करणेiPhone वर ड्यूअल SIM वापरणेApple सपोर्ट लेख : iPhone वर eSIM विषयी Apple सपोर्ट लेख : आंतरराष्ट्रीय प्रवास करत असताना तुमच्या iPhone वर eSIM वापरा
Morty Proxy This is a proxified and sanitized view of the page, visit original site.
उपयुक्त आहे का?
कॅरॅक्टर मर्यादा : 250
कमाल कॅरॅक्टर मर्यादा 250 आहे.
तुमच्या प्रतिक्रियेबद्दल धन्यवाद.
Morty Proxy This is a proxified and sanitized view of the page, visit original site.