iOS 26
iOS 18
ह्या कंट्रोलमध्ये बदल केल्यामुळे हे पेज ऑटोमॅटिकली अपडेट होईल

iPhone वर ‘iCloud शेअर केलेली छायाचित्र लायब्ररी’ मध्ये कॉण्टेंट समाविष्ट करणे

तुम्ही छायाचित्र ॲपमध्ये ‘iCloud शेअर केलेली छायाचित्र लायब्ररी’ सेट अप किंवा जॉइन केल्यानंतर, तुम्ही अनेक प्रकारे छायाचित्रे आणि व्हिडिओ समाविष्ट करणे चालू ठेवू शकता :

  • तुमच्या वैयक्तिक लायब्ररीमधून छायाचित्रे मॅन्युअली मूव्ह करा

  • तुम्ही काढलेली छायाचित्रे आणि व्हिडिओ ‘कॅमेरा’ मधून थेट शेअर केलेल्या लायब्ररीमध्ये जतन करा

  • शेअर केलेल्या लायब्ररीचे इतर सदस्य जवळपास असताना तुम्ही काढलेली छायाचित्रे शेअर करा

  • तुम्ही घरी काढलेली छायाचित्रे आणि व्हिडिओ शेअर करा

नोट : iOS 16.1, iPadOS 16.1, macOS 13, किंवा नंतरचे व्हर्जन ‘iCloud शेअर केलेली छायाचित्र लायब्ररी’ वापरण्यासाठी असलेल्या किमान आवश्यकता आहेत. शेअर केलेल्या लायब्ररीमध्ये समाविष्ट केलेली छायाचित्रे आणि व्हिडिओ सॉफ्टवेअरचे आधीचे व्हर्जन असलेल्या डिव्हाइसवर उपलब्ध होणार नाहीत.

‘iCloud शेअर केलेली छायाचित्र लायब्ररी’ मध्ये छायाचित्रे आणि व्हिडिओ मॅन्युअली समाविष्ट करणे

तुम्ही तुमच्या वैयक्तिक लायब्ररीमधून स्वतंत्र छायाचित्रे आणि व्हिडिओ ‘iCloud शेअर केलेली छायाचित्र लायब्ररी’ मध्ये समाविष्ट करू शकता.

  1. तुमच्या iPhone वर छायाचित्र ॲपवर जा.

  2. तुम्हाला जे छायाचित्र किंवा व्हिडिओ समाविष्ट करायचा आहे त्यावर टॅप करा. किंवा एकाच वेळी अनेक छायाचित्रे आणि व्हिडिओज समाविष्ट करण्यासाठी, ‘सिलेक्ट करा’ वर टॅप करा, त्यानंतर तुम्हाला समाविष्ट करायचे असलेल्या थंबनेल्सवर टॅप करा.

  3. अधिक बटण वर टॅप करा, त्यानंतर ‘शेअर केलेल्या लायब्ररीमध्ये मूव्ह करा’ वर टॅप करा.

    छायाचित्र ॲपमध्ये छायाचित्र उघडलेले आहे. स्क्रीनच्या शीर्षस्थानी ’शेअर केलेल्या लायब्ररीमध्ये मूव्ह करा’ हा पर्याय आहे.

    टिप : तुम्ही तुमच्या ‘शेअर केलेल्या लायब्ररी’ मध्ये समाविष्ट करायची असलेली छायाचित्रे आणि व्हिडिओजच्या सूचना पाहण्यासाठी, ‘संग्रह’ वर टॅप करा, वरच्या उजव्या कोपऱ्यातील तुमच्या 'अकाउंट’ वर टॅप करा, त्यानंतर ‘तुमच्या शेअर केलेल्या लायब्ररी’ साठी टॅप करा.

कॉण्टेंट शेअर केलेल्या लायब्ररीमध्ये मूव्ह केल्यानंतर, तो आता तुमच्या वैयक्तिक लायब्ररीमध्ये उपलब्ध नाही आणि शेअर केलेल्या लायब्ररीमधील सर्व सहभागींना तो दृश्यमान आहे. कॉण्टेंट शेअर केलेल्या लायब्ररीमधून तुमच्या वैयक्तिक लायब्ररीमध्ये मूव्ह करण्यासाठी, वरील पायऱ्या फॉलो करा, परंतु ‘शेअर केलेल्या लायब्ररीमध्ये मूव्ह करा’ ऐवजी ‘वैयक्तिक लायब्ररीमध्ये मूव्ह करा’ वर टॅप करा.

‘कॅमेरा’ मधून थेट ‘iCloud शेअर केलेली छायाचित्र लायब्ररी’ मध्ये छायाचित्रे आणि व्हिडिओ समाविष्ट करणे

तुम्ही iCloud शेअर केलेली लायब्ररी सेट अप किंवा जॉइन केल्यानंतर, जेव्हा तुम्ही कॅमेरा उघडता, तेव्हा छायाचित्रे आणि व्हिडिओ तुमच्या वैयक्तिक लायब्ररीमध्ये जतन करणे आणि ते शेअर केलेल्या लायब्ररीमध्ये जतन करणे ह्यामध्ये स्विच करण्याची अनुमती देण्यासाठी स्क्रीनच्या शीर्षस्थानी ‘शेअर केलेली लायब्ररी’ बटण दिसते. डिफॉल्टनुसार, ‘कॅमेरा’ तुमच्या वैयक्तिक लायब्ररीमध्ये जतन करतो. स्विच करण्यासाठी, शेअर केलेल्या लायब्ररीमध्ये जतन करण्यासाठी ‘वैयक्तिक लायब्ररी’ बटण वर टॅप करा; तुमच्या वैयक्तिक लायब्ररीवर परत स्विच करण्यासाठी ‘शेअर केलेली लायब्ररी’ बटण वर टॅप करा.

तुम्ही सेटअप प्रक्रिया पूर्ण केल्यानंतर फीचर चालू किंवा बंद करण्यासाठी, सेटिंग  > ॲप > छायाचित्र > शेअर केलेली लायब्ररी > ‘कॅमेरा मधून शेअर करणे’ वर जा, त्यानंतर ‘कॅमेरा मधून शेअर करणे’ चालू किंवा बंद करा.

सहभागी जवळपास असताना ‘iCloud शेअर केलेली छायाचित्र लायब्ररी’ मध्ये छायाचित्रे आणि व्हिडिओ समाविष्ट करणे

जेव्हा तुम्ही ’iCloud शेअर केलेली छायाचित्र लायब्ररी’ सेट अप किंवा जॉइन करता, तेव्हा तुम्ही एक पर्याय निवडू शकता ज्यामुळे तुम्ही शेअर केलेल्या लायब्ररीच्या इतर सहभागींच्या जवळपास असताना काढलेली छायाचित्रे शेअर केलेल्या लायब्ररीमध्ये ऑटोमॅटिकली समाविष्ट केली जातात.

iPhone ला तुमच्या शेअर केलेल्या लायब्ररीचे सहभागी जवळपास असताना ओळखण्याची अनुमती देण्यासाठी, सहभागींनी त्यांच्या डिव्हाइसवर त्यांच्या Apple अकाउंटमध्ये साइन इन केलेले असणे आणि सेटिंग  > ‘Bluetooth’ मध्ये Bluetooth® चालू केलेले असणे आवश्यक आहे.

तुम्ही सेटअप प्रक्रिया पूर्ण केल्यानंतर फीचर चालू किंवा बंद करण्यासाठी पुढील गोष्टी करा :

  1. तुमच्या iPhone वर छायाचित्र ॲपवर जा.

  2. ’संग्रह’ वर टॅप करा.

  3. वरच्या उजव्या कोपऱ्यात तुमच्या अकाउंटवर टॅप करा.

  4. ‘शेअर केलेली लायब्ररी’ वर टॅप करा, त्यानंतर ‘कॅमेऱ्यामधून शेअर करत आहे’ वर टॅप करा.

  5. ‘ऑटोमॅटिकली शेअर करा’ वर टॅप करा.

घरी काढलेली छायाचित्रे आणि व्हिडिओ ऑटोमॅटिकली ‘iCloud शेअर केलेली छायाचित्र लायब्ररी’ मध्ये समाविष्ट करणे

जेव्हा तुम्ही ’iCloud शेअर केलेली छायाचित्र लायब्ररी’ सेट अप किंवा जॉइन करता, तेव्हा तुम्ही घरी काढलेली छायाचित्रे आणि व्हिडिओ शेअर केलेल्या लायब्ररीमध्ये ऑटोमॅटिकली समाविष्ट करण्याचा पर्याय निवडू शकता.

तुम्ही सेटअप प्रक्रिया पूर्ण केल्यानंतर फीचर चालू किंवा बंद करण्यासाठी पुढील गोष्टी करा :

  1. तुमच्या iPhone वर छायाचित्र ॲपवर जा.

  2. ’संग्रह’ वर टॅप करा.

  3. वरच्या उजव्या कोपऱ्यात तुमच्या अकाउंटवर टॅप करा.

  4. ‘शेअर केलेली लायब्ररी’ वर टॅप करा, त्यानंतर ‘कॅमेऱ्यामधून शेअर करत आहे’ वर टॅप करा.

  5. ’घरी असताना शेअर करा’ चालू किंवा बंद करा.

‘iCloud शेअर केलेली छायाचित्र लायब्ररी’ च्या शेअरिंग सूचना चालू किंवा बंद करणे

शेअरिंग सूचना तुम्हाला तुमच्या ‘iCloud शेअर केलेली लायब्ररी’ मध्ये समाविष्ट करायच्या असलेल्या छायाचित्रांची शिफारस करतात, जसे की शेअर केलेल्या लायब्ररीचे सहभागी जवळपास असताना तुम्ही काढलेली छायाचित्रे किंवा सेटअप प्रक्रियेदरम्यान तुम्ही स्वारस्य दर्शवलेल्या लोकांची छायाचित्रे. iPhone शेअरिंग सूचना रिव्ह्यू करण्यासाठी नोटिफिकेशन पाठवतो. सूचना चालू किंवा बंद करण्यासाठी, ह्या सूचनांचे पालन करा :

  1. तुमच्या iPhone वर छायाचित्र ॲपवर जा.

  2. ’संग्रह’ वर टॅप करा.

  3. वरच्या उजव्या कोपऱ्यात तुमच्या अकाउंटवर टॅप करा.

  4. ‘शेअर केलेली लायब्ररी’ वर टॅप करा, त्यानंतर ‘शेअर केलेल्या लायब्ररी सूचना’ चालू किंवा बंद करा.

जर तुम्हाला अतिरिक्त लोकांसाठी शेअरिंग सूचना मिळवायच्या असतील, तर ’लोक समाविष्ट करा’ वर टॅप करा, एखाद्या व्यक्तीच्या नावावर टॅप करा, नंतर ’समाविष्ट करा’ वर टॅप करा. व्यक्ती शेअर केलेल्या लायब्ररीचा सदस्य असणे आवश्यक नाही.

शेअर केलेल्या लायब्ररीमधील कॉण्टेंट ॲक्सेस करण्याविषयी अधिक माहितीसाठी, तुम्ही ‘iCloud शेअर केलेली छायाचित्र लायब्ररी’ जॉइन केल्यानंतर छायाचित्रे गमावल्यास काय करावे ह्यावर Apple सपोर्ट लेख पहा.

हे देखील पहाiPhone वर छायाचित्रे आणि व्हिडिओ शेअर करणेiPhone वर ‘छायाचित्र’ मध्ये शेअर केलेले अल्बम तयार करणे
Morty Proxy This is a proxified and sanitized view of the page, visit original site.
उपयुक्त आहे का?
कॅरॅक्टर मर्यादा : 250
कमाल कॅरॅक्टर मर्यादा 250 आहे.
तुमच्या प्रतिक्रियेबद्दल धन्यवाद.
Morty Proxy This is a proxified and sanitized view of the page, visit original site.