iOS 26
iOS 18
ह्या कंट्रोलमध्ये बदल केल्यामुळे हे पेज ऑटोमॅटिकली अपडेट होईल

Apple सपोर्टकडून तज्ञांचा सल्ला

Apple सपोर्ट सल्लागार iPhone ग्राहकांना विसरलेल्या पासवर्डपासून हरवलेल्या छायाचित्रांपर्यंत सर्व प्रकारचे प्रश्न सोडविण्यासाठी मदत करतात. खाली काही सल्ले दिले आहेत जे Apple सपोर्ट सल्लागारांना सर्व iPhone ओनरला माहीत असावेत असे वाटते. तुमचा iPhone आणि त्यावरील महत्त्वाची माहिती सुरक्षित ठेवण्यासाठी आता ह्या सोप्या सूचनांचे पालन करा.

‘रिकव्हरी संपर्क समाविष्ट करा’ स्क्रीन.

तुम्ही विसरल्यास काय करावे

तुम्ही तुमचा iPhone सेट अप केल्यानंतर, तुम्ही कधीच विसरू नयेत अशा दोन गोष्टी आहेत—तुमचा iPhone पासकोड आणि तुमच्या Apple अकाउंटची माहिती. तुमचा iPhone पासकोड हा चार किंवा सहा अंकी संख्यात्मक कोड आहे ज्याचा वापर तुम्ही तुमचा iPhone लॉक करण्यासाठी करता. Apple सेवांमध्ये साइन इन करण्यासाठी, App Store मध्ये खरेदी करण्यासाठी आणि बरेच काही करण्यासाठी तुम्ही तुमच्या Apple अकाउंटचा वापर करता. तुमचे Apple अकाउंट सामान्यतः तुमचा प्राथमिक ईमेल ॲड्रेस किंवा फोन नंबर असतो आणि त्याच्यासह वापरण्यासाठी तुम्ही तयार केलेला युनिक पासवर्ड असतो.

तुम्ही ह्या गोष्टी विसरू शकता असे तुम्हाला वाटत असल्यास, तुम्ही एखाद्या विश्वासातील व्यक्तीला तुमचा अकाउंट रिकव्हरी संपर्क म्हणून नियुक्त करू शकता. तुमच्या रिकव्हरी संपर्काला तुमच्या iPhone किंवा Apple अकाउंटमध्ये ॲक्सेस नसतो, परंतु तुम्ही लॉक आउट झाल्यास ते तुम्हाला तुमचा पासकोड रीसेट करण्यासाठी किंवा तुमचे अकाउंट ॲक्सेस करण्यासाठी कोड देऊ शकतात. सेटिंग  > [तुमचे नाव ] > साइन इन व सुरक्षा >, ‘रिकव्हरी संपर्क’ वर जा, नंतर सुचवलेल्या संपर्कावर टॅप करा किंवा ’कोणीतरी दुसरे निवडा’ वर टॅप करा.

स्क्रीनच्या शीर्षस्थानी नकाशावर iPad चे स्थान दाखविणारी ’शोधाशोध’ स्क्रीन.

तुमचा iPhone हरवला किंवा चोरीला गेला असल्यास तो कसा शोधायचा

जोपर्यंत तुम्ही ‘माझा iPhone शोधा’ चालू केलेले असेल तोपर्यंत—तुमचा iPhone हरवल्यास किंवा चोरीला गेल्यास तो शोधणे सोपे आहे. प्रथम, तुम्ही तुमच्या Apple अकाउंटमध्ये साइन इन केलेले असल्याची खात्री करा, नंतर सेटिंग  > [तुमचे नाव] > ‘शोधाशोध’ वर जा आणि ‘माझा iPhone शोधा’ सुरू करा.

तुम्ही ’माझा iPhone शोधा’ चालू केल्यानंतर, तुम्ही तुमच्या iPhone चे स्थान पाहण्यासाठी दुसऱ्या Apple डिव्हाइसवर शोधाशोध ॲप वापरू शकता; तुम्ही तुमच्या हरवलेल्या iPhone वर ध्वनी प्ले करून देखील तो शोधण्यात मदत करू शकता. (तुम्ही इतर Apple डिव्हाइसवर त्याच Apple अकाउंटमध्ये साइन इन केलेले असल्याची खात्री करा.) तुमच्याकडे दुसरे Apple डिव्हाइस नसल्यास, कोणत्याही वेब ब्राउझरवर www.icloud.com/find वर जा आणि त्याच Apple अकाउंटमध्ये साइन इन करा.

छायाचित्र ॲपमधील अलीकडे हटवलेले फोल्डर. अलीकडे हटवलेली छायाचित्रे स्क्रीनवरील ग्रिडमध्ये दिसतात.

हटवलेली छायाचित्रे किंवा व्हिडिओ पुनर्प्राप्त करा

जेव्हा तुम्ही छायाचित्र ॲपमधून छायाचित्रे किंवा व्हिडिओ हटवता, तेव्हा ते ऑटोमॅटिकली 30 दिवसांसाठी ‘अलीकडे हटवलेले’ अल्बममध्ये जतन केले जातात. तुम्ही चुकून एखादे छायाचित्र किंवा व्हिडिओ हटवल्यास, तुम्ही ते पुनर्प्राप्त करू शकता आणि तुमचे छायाचित्र लायब्ररीमध्ये रीस्टोअर करू शकता.

हटवलेले आयटम पुनर्प्राप्त करण्यासाठी, ‘छायाचित्र’ ॲप उघडा, नंतर ‘संग्रह’ वर टॅप करा. ‘अलीकडे हटवलेले’ संग्रह (‘युटिलिटीज’ च्या खाली) वर टॅप करा, नंतर ‘अल्बम पहा’ वर टॅप करा. तुमचा iPhone पासकोड, Face ID किंवा Touch ID वापरून अल्बम अनलॉक करा. ‘छायाचित्र’ किंवा ‘व्हिडिओ’ वर टॅप करा, ‘पुनर्प्राप्त करा’ वर टॅप करा, नंतर ‘छायाचित्र पुनर्प्राप्त करा’ किंवा ‘व्हिडिओ पुनर्प्राप्त करा’ वर टॅप करा.

100% बॅटरी चार्ज दाखवणारी iPhone स्क्रीन.

तुमच्या iPhone च्या बॅटरीचे लाइफ वाढवणे

तुमच्या iPhone च्या बॅटरीचे लाइफ टिकवण्यासाठी तुम्ही काही सोपी पावले उचलू शकता. प्रथम, iOS च्या नवीनतम व्हर्जनवर तुमचा iPhone अपडेट केला असल्याची खात्री करा. सॉफ्टवेअर अपडेट उपलब्ध आहे की नाही हे तपासण्यासाठी, सेटिंग  > सामान्य > ‘सॉफ्टवेअर अपडेट’ वर जा.

पुढे, उपलब्ध असताना Wi-Fi ला नेहमी कनेक्ट करा; Wi-Fi बॅटरी कनेक्शन मोबाइल सेवा कनेक्शनपेक्षा कमी बॅटरी पॉवर वापरते.

शेवटी, तुमचा स्क्रीन ब्राइटनेस कमी करा : ’कंट्रोल सेंटर’ उघडा, नंतर ब्राइटनेस खाली स्लाइड करा. सभोवतालच्या लाइटवर आधारित तुमची स्क्रीन ऑटोमॅटिकली डिम करण्यासाठी, सेटिंग  > ॲक्सेसिबिलिटी > ‘डिस्प्ले व टेक्स्ट आकार’ वर जा, नंतर ‘ऑटो ब्राइटनेस’ चालू करा.

तुमच्या iPhone बॅटरीच्या आरोग्याविषयी अधिक जाणून घेण्यासाठी, सेटिंग  > ‘बॅटरी’ वर जा.

‘सेटिंग’ मधील ’फोन नंबर समाविष्ट करा’ स्क्रीन.

तुम्हाला नवीन फोन नंबर मिळाल्यास

तुमच्या Apple अकाउंटशी संलग्न असलेला फोन नंबर बऱ्याचदा तुमची ओळख पडताळणी करण्यासाठी आणि तुमचा iPhone तुमचाच आहे हे ऑथेंटिकेट करण्यासाठी वापरला जातो—तो तुमचा विश्वासार्ह फोन नंबर म्हणून ओळखला जातो. तुम्हाला नवीन फोन नंबर मिळाल्यास, तुम्ही तुमचा विश्वासार्ह फोन नंबर अपडेट केल्याची खात्री करा जेणेकरून तुम्ही तुमचा Apple अकाउंट पासवर्ड विसरलात किंवा नवीन iPhone वापरत असाल तर तुमचा अकाउंट ॲक्सेस गमावणार नाही.

तुमचा विश्वासार्ह फोन नंबर अपडेट करण्यासाठी, सेटिंग  > [तुमचे नाव] > ‘साइन इन व सुरक्षा’ वर जा, नंतर ‘ईमेल किंवा फोन नंबर समाविष्ट करा’ वर टॅप करा. ‘फोन नंबर’ वर टॅप करा, नंतर तुमचा नवीन फोन नंबर प्रविष्ट करा आणि तुमचा नवीन नंबर पडताळण्यासाठी स्क्रीनवरील सूचनांचे पालन करा.

iPhone स्क्रीनवर ग्लोबचे चित्रण दाखवले जात आहे. ग्लोबच्या शीर्षस्थानी रेडिओ सिग्नल आहे आणि विमान ग्लोबच्या भोवती उडत आहे.

eSIM विषयी सर्व काही

eSIM हे तुमच्या iPhone मधील प्रत्यक्ष SIM कार्डचे डिजिटल व्हर्जन आहे जे तुमच्या मोबाइल नेटवर्क प्रोव्हायडरशी कनेक्ट करते. eSIM असताना तुम्हाला नवीन iPhone मिळाल्यावर तुम्हाला तुमचे SIM कार्ड स्वॅप करण्याची गरज नसते आणि तुम्ही घरी असताना किंवा प्रवासात असताना नवीन मोबाइल नेटवर्क प्रोव्हायडरला सहजपणे कनेक्ट करू शकता.

तुम्ही तुमचा iPhone डेटा इरेझ केल्यास किंवा बॅकअपमधून रीस्टोअर केल्यास आणि चुकून तुमचे eSIM हटवल्यास, तुमच्या iPhone चे मोबाइल कनेक्शन खंडित होऊ शकते; रीस्टोअर करण्यासाठी तुम्हाला तुमच्या मोबाइल सेवा प्रदात्याशी संपर्क साधावा लागेल.

अधिक जाणून घ्यायचे आहे का?

सर्व iPhone मॉडेलसाठी सर्व फीचर उपलब्ध नाहीत.
Morty Proxy This is a proxified and sanitized view of the page, visit original site.
उपयुक्त आहे का?
कॅरॅक्टर मर्यादा : 250
कमाल कॅरॅक्टर मर्यादा 250 आहे.
तुमच्या प्रतिक्रियेबद्दल धन्यवाद.
Morty Proxy This is a proxified and sanitized view of the page, visit original site.