iOS 26
iOS 18
ह्या कंट्रोलमध्ये बदल केल्यामुळे हे पेज ऑटोमॅटिकली अपडेट होईल

iPhone वर Freeform बोर्डवर सहयोग करणे

तुम्ही iCloud मध्ये Freeform बोर्डवर सहयोगाने काम करण्यासाठी लोकांना आमंत्रित करू शकता आणि प्रत्येकजण ऑनलाइन असताना आणि त्यांनी त्यांच्या Apple अकाउंटमध्ये साइन इन केल्यावर ते नवीनतम बदल पाहू शकतील. सर्वांना बोर्ड ॲक्सेसिबल आहे याची खात्री करण्यासाठी, तुम्ही व्हिज्युअल आयटमची वर्णने समाविष्ट करू शकता.

कोणीतरी दुसऱ्या व्यक्तीचा Freeform बोर्ड फॉलो करत आहे.

बोर्डवर सहयोगाने काम करण्यासाठी इतरांना आमंत्रित करा

जेव्हा तुम्ही शेअर केलेल्या Freeform बोर्डवर इतरांबरोबर सहयोगाने काम करता, तेव्हा तुम्ही इतरांनी केलेली संपादने पाहू शकता. बदल iCloud मध्ये जतन केले जातात, जेणेकरून बोर्डचा ॲक्सेस असणाऱ्या प्रत्येकाला ते जेव्हा बोर्ड उघडतील तेव्हा नवीनतम आवृत्ती दिसते.

नोट : बोर्ड केवळ ओनरच्या iCloud अकाउंटमध्ये जतन केले जातात. बोर्डमधील आयटममुळे सहभागींच्या iCloud स्टोरेजवर परिणाम होत नाही.

  1. तुमच्या iPhone वरील Freeform ॲपवर जा.

  2. पुढीलपैकी कोणतेही एक करा :

    • सर्व बोर्ड ब्राउझ करत असताना : तुम्हाला शेअर करायचा असलेला बोर्ड टच आणि होल्ड करा, त्यानंतर ‘शेअर करा’ वर टॅप करा.

    • बोर्डच्या आतमधून : तुम्हाला शेअर करायचा असलेला बोर्ड उघडा (किंवा नवीन बोर्ड सुरू करण्यासाठी ‘नवीन बोर्ड’ बटण वर टॅप करा), नंतर ‘बोर्ड शेअर करा’ बटण वर टॅप करा.

  3. बोर्डच्या नावाच्या खाली सध्याच्या शेअर केलेल्या सेटिंगचे वर्णन केले आहे, जसे की “फक्त आमंत्रित लोकच संपादित करू शकतात.” सेटिंग बदलण्यासाठी त्यावर टॅप करा. शेअरिंग सेटिंग मॅनेज करा पहा.

    नोट : जर तुम्हाला इतरांना आमंत्रित करणारी केवळ एकमेव व्यक्ती व्हायचे असेल, तर “केवळ आमंत्रित लोक” सिलेक्ट करा आणि “इतरांना आमंत्रित करण्याची अनुमती द्या” बंद करा (हिरवा म्हणजे चालू आहे).

  4. तुम्हाला बोर्ड कसा शेअर करायचा आहे ते निवडा—जसे की ‘संदेश’ किंवा ‘Mail’ मध्ये—किंवा ज्यांच्याशी तुम्ही नुकताच संवाद साधला, त्यांच्याशी शेअर करण्यासाठी त्यांच्या आयकॉनवर टॅप करा.

तुम्ही बोर्ड शेअर करायला सुरुवात केल्यानंतर लोकांना समाविष्ट करू शकता. ‘सहयोग करा’ बटण वर टॅप करा, ‘शेअर केलेला बोर्ड मॅनेज करा’ वर टॅप करा, त्यानंतर ‘आणखी लोकांबरोबर शेअर करा’ वर टॅप करा. जेव्हा तुम्ही ’संदेश’ ॲपमध्ये इतरांबरोबर शेअर करता, तेव्हा तुमच्याबरोबर बोर्ड कोण शेअर करते, हे प्रतिबिंबित करण्यासाठी ‘सहयोग करा’ बटण बदलू शकते.

नोट : बोर्ड संपादित करण्यासाठी किंवा बघण्यासाठी, तुम्ही शेअर करत असलेल्या प्रत्येकाने iOS 16.2, iPadOS 16.2, macOS 13.1 किंवा नंतरच्या व्हर्जन असलेल्या त्यांच्या Apple अकाउंटमध्ये इन केलेले असणे आवश्यक आहे. संदेश वापरून सहयोग करण्यासाठी, तुम्ही आणि तुम्ही आमंत्रित केलेल्या कोणीही iMessage चालू करणे आवश्यक आहे.

बोर्डमध्ये इतरांना बघणे

तुम्ही तुमच्या बोर्डवर इतर लोक रिअल टाइममध्ये कुठे काम करत आहेत हे पाहू शकता किंवा दुसरा सहभागी बोर्डमध्ये मूव्ह करत असताना फॉलो करू शकता. उदाहरणार्थ, जर तुम्ही Freeform बोर्डवर त्यांचा डिझाइन प्रस्ताव सादर करणाऱ्या एखाद्या व्यक्तीला फॉलो करत असाल, तर ते बोर्डवर कुठे आहेत आणि त्यांना काय दिसते हे तुम्ही पाहू शकता.

iPhone वर सहयोग मेन्यू उघडा असलेला शेअर केलेला Freeform बोर्ड.

  1. तुमच्या iPhone वरील Freeform ॲपवर जा.

  2. तुम्हाला जिथे इतरांना काम करतांना पाहायचे आहे असा शेअर केलेला बोर्ड उघडा, त्यानंतर ‘सहयोग करा’ बटण वर टॅप करा.

  3. सेटिंग बंद असल्यास सहभागी कर्सर चालू करा.

  4. पुढीलपैकी कोणतीही एक कृती करा :

    • ते जिथे काम करत आहेत तिथे जा : सहभागी व्यक्तीचे नाव टॅप करा.

      सहभागीच्या नावाच्या बाजूचा रंग बोर्डवर त्याच्या स्थानाला चिन्हांकित करणाऱ्या रंगाशी जुळतो.

    • ते काम करत असताना किंवा सादर करत असताना त्यांचे बोर्ड व्ह्यू फॉलो करा : सहभागीच्या नावाच्या पुढे अधिक बटण वर टॅप करा, त्यानंतर ‘फॉलो करा’ वर टॅप करा. किंवा तुम्ही जिथे कुठे त्या व्यक्तीचा अवतार आहे तिथे टॅप करू शकता, त्यानंतर ‘फॉलो करा’ वर टॅप करा.

      मोड प्रविष्ट करण्यापूर्वी तुम्ही सिलेक्ट केलेली कोणतीही गोष्ट डीसिलेक्ट केली गेली आहे. बोर्डवर त्यांना काय दिसते ते बॉर्डर (तुम्ही फॉलो करत असलेल्या व्यक्तीच्या कर्सरशी जुळणाऱ्या रंगाने) फ्रेम करते.

      तुम्ही आणि तुम्ही फॉलो करत असलेले सादरकर्ता दोघेही ऑनलाइन असणे आवश्यक आहे.

जेव्हा तुम्ही एकत्र फॉलो करता, तेव्हा तुम्ही बोर्डवर काहीही सिलेक्ट करू शकत नाही, आणि झूम पातळी दुसऱ्या व्यक्तीच्या दृष्टिकोनावर आधारित असते.

एकत्रित फॉलो करणे थांबवण्यासाठी, वरच्या उजव्या कोपऱ्यातील ‘थांबा’ वर टॅप करा—किंवा फक्त स्क्रोल करा, झूम करा किंवा संपादित करा.

नोट : केवळ बोर्ड उघडा असताना तुमच्याबरोबर बोर्डवर काम करणारे इतर त्यांचे स्वतःचे बदल पूर्ववत आणि पुन्हा करू शकतात. तुम्ही तुमच्या स्वतःच्या iPhone वर केलेल्या बदलांमधून मूव्ह करण्यासाठी ‘पूर्ववत करा’ बटण चा वापर करा. तुम्ही पूर्ववत केलेला बदल पुन्हा करण्यासाठी, ‘पूर्ववत करा’ बटण वर टच आणि होल्ड करा, नंतर ‘पुन्हा करा’ वर टॅप करा.

ॲक्सेसिबिलिटी वर्णने समाविष्ट करणे

तुम्ही तुमच्या बोर्डवरील कोणत्याही आयटममध्ये तुमच्या व्हिज्युअल कॉण्टेंटचे वर्णन समाविष्ट करू शकता. अशा प्रकारे, जे लोक VoiceOver सारखे सहाय्यक तंत्रज्ञान वापरतात ते वर्णन केलेले व्हिज्युअल कॉण्टेंट मोठ्याने ऐकू शकतात. (खुद्द बोर्डवर वर्णन दृश्यमान नाही.)

  1. तुमच्या iPhone वरील Freeform ॲपवर जा.

  2. जिथे तुम्हाला ॲक्सेसिबिलिटी वर्णने समाविष्ट करायची आहेत असा बोर्ड उघडा.

  3. तुम्हाला वर्णन करायचा असलेला आयटम सिलेक्ट करण्यासाठी टॅप करा, तळाशी असलेल्या फॉरमॅटिंग टूल्समध्ये अधिक बटण वर टॅप करा, नंतर ‘वर्णन’ वर टॅप करा.

  4. व्हिज्युअल कॉण्टेंटचे वर्णन प्रविष्ट करा, नंतर ‘बंद करा’ बटण वर टॅप करा.

  5. वर्णन ऐकण्यासाठी, VoiceOver चालू करा, त्यानंतर आयटमवर टॅप करा.

शेअर करणे किंवा सहयोग करणे थांबवणे

  1. तुमच्या iPhone वरील Freeform ॲपवर जा.

  2. तुम्हाला शेअर करणे किंवा सहयोग करणे थांबवायचे आहे असा बोर्ड उघडा.

  3. ‘सहयोग करा’ बटण वर टॅप करा, त्यानंतर ‘शेअर केलेले बोर्ड मॅनेज करा’ वर टॅप करा.

  4. पुढीलपैकी कोणतीही एक कृती करा :

    • लोक काढून टाका : तुम्हाला काढून टाकायचे असलेल्या सहभागीच्या नावावर टॅप करा, नंतर ‘ॲक्सेस काढून टाका’ वर टॅप करा.

    • दुसऱ्या कोणाच्या बोर्डमधून स्वत:ला काढून टाकणे : तुमच्या नावावर टॅप करा, त्यानंतर ’मला काढून टाका’ वर टॅप करा.

    • प्रत्येकाबरोबर शेअर करणे थांबवा : ‘शेअर करणे थांबवा’ वर टॅप करा, नंतर ‘शेअर करणे थांबवा’ वर टॅप करा.

      तुम्ही हा पर्याय निवडल्यानंतर, जरी तुमच्याकडे अजूनही ॲक्सेस असला तरीही इतर सहभागींच्या डिव्हाइसवर बोर्ड दिसत नाही.

तुम्ही बोर्ड शेअर करणे सुरू केल्यानंतर तुम्ही व्यक्तींसाठी किंवा प्रत्येकासाठी ॲक्सेस आणि परवानग्या बदलू शकता. शेअरिंग सेटिंग मॅनेज करा पहा.

सहयोग फीचरचा पूर्णपणे वापर करण्यासाठी, सर्व सहभागी ऑनलाइन असणे आवश्यक आहे, त्यांच्या Apple अकाउंटमध्ये साइन इन केलेले असणे आवश्यक आहे, iCloud मध्ये Freeform चालू करणे आवश्यक आहे (iCloud यूझर गाइडमध्ये तुमच्या सर्व डिव्हाइसवर iCloud Freeform साठी सेट अप करा), आणि टू फॅक्टर ऑथेंटिकेशन सेट अप करणे आवश्यक आहे.

हे देखील पहाiCloud यूझर गाइड : तुमच्या सर्व डिव्हाइसवर Freeform साठी iCloud सेट अप कराiPhone वरून प्रिंट करणेiPhone वरील तुमचे Freeform बोर्ड हटवणे आणि पुनर्प्राप्त करणेiPhone वरील ‘संदेश’ सह प्रोजेक्टवर सहयोग करणे
Morty Proxy This is a proxified and sanitized view of the page, visit original site.
उपयुक्त आहे का?
कॅरॅक्टर मर्यादा : 250
कमाल कॅरॅक्टर मर्यादा 250 आहे.
तुमच्या प्रतिक्रियेबद्दल धन्यवाद.
Morty Proxy This is a proxified and sanitized view of the page, visit original site.