iOS 26
iOS 18
ह्या कंट्रोलमध्ये बदल केल्यामुळे हे पेज ऑटोमॅटिकली अपडेट होईल

iPhone वर ‘वॉलेट’ मध्ये Apple Pay सेट अप करणे

Apple Pay वापरणे प्रत्यक्ष कार्ड वापरण्यापेक्षा सोपे आणि सुरक्षित असू शकते. तुमचा प्रत्यक्ष कार्ड नंबर कधीही व्यापाऱ्यांबरोबर शेअर केला जात नाही आणि प्रत्येक व्यवहारासाठी एकमेव असा सुरक्षा कोड वापरला जातो. तुमच्या Apple वॉलेटमधील कार्ड्ससह, तुम्ही Apple Pay स्टोअरमध्ये, ट्रान्झिटसाठी, ॲप्समध्ये आणि ऑनलाइन जिथे ते स्वीकारले जाते तिथे वापरू शकता.

नोट : Apple Pay आणि त्याचे फीचर्स सर्व देश किंवा प्रदेशात उपलब्ध नाहीत. Apple Pay ला सपोर्ट करणारे देश आणि प्रदेश ह्यावर Apple सपोर्ट लेख पहा.

‘वॉलेट’ ॲपमधील क्रेडिट कार्ड.

Apple Pay साठी डेबिट किंवा क्रेडिट कार्ड समाविष्ट करणे

तुम्ही सहभागी जारीकर्त्याकडून पात्र कार्ड समाविष्ट करू शकता. तुमचे कार्ड Apple Pay शी सुसंगत आहे का हे तपासण्यासाठी, कार्ड जारीकर्त्याशी संपर्क साधा.

कार्ड समाविष्ट करण्यासाठी, तुमच्या बॅंक किंवा कार्ड जारीकर्त्याच्या ॲपमध्ये ‘Apple वॉलेट मध्ये समाविष्ट करा’ किंवा ‘Apple Pay मध्ये समाविष्ट करा’ शोधा. तुम्ही तुमचे कार्ड थेट वॉलेट ॲपमध्येदेखील समाविष्ट करू शकता :

  1. तुमच्या iPhone वर ‘वॉलेट’ ॲपवर  जा.

  2. ‘कार्ड समाविष्ट करा’ बटण वर टॅप करा. तुम्हाला तुमच्या Apple अकाउंटमध्ये साइन इन करण्यास सांगितले जाऊ शकते.

  3. पुढीलपैकी कोणत्याही प्रकारची कार्ड समाविष्ट करा :

    • नवीन कार्ड : ’डेबिट कार्ड’ किंवा ’क्रेडिट कार्ड’ वर टॅप करा, ’चालू ठेवा’ वर टॅप करा, नंतर कार्डवरील चिपजवळ iPhone धरून ठेवा. कार्डमध्ये चिप नसल्यास, ’कार्ड तपशील मॅन्युअली प्रविष्ट करा’ वर टॅप करा, नंतर कार्ड नंबर प्रविष्ट करा किंवा ‘कॅमेऱ्याने कार्ड स्कॅन करा’ वर टॅप करा.

      नोट : तुम्ही तुमचे कार्ड समाविष्ट करू शकत नसल्यास, ते कदाचित Apple Pay द्वारे सपोर्ट केलेले नसेल किंवा तुमच्या जारीकर्त्याला प्रथम ते मंजूर करावे लागेल. तुमच्या बॅंक किंवा कार्ड जारीकर्त्याशी संपर्क साधा, किंवा तुम्ही Apple Pay सह वापरण्यासाठी ‘Apple वॉलेट’ मध्ये कार्ड समाविष्ट करू शकत नसल्यास काय करावे ह्यावर Apple सपोर्ट लेख पहा.

    • Apple Card : iPhone वर Apple Card वापरणे पहा.

    • तुमची मागील कार्ड : ‘मागील कार्ड’ वर टॅप करा, नंतर तुम्ही पूर्वी वापरलेले कोणतेही कार्ड निवडा. ह्या कार्डांमध्ये तुमच्या Apple अकाउंटशी संलग्न केलेले कार्ड, तुमच्या इतर डिव्हाइसेसवर ‘Apple वॉलेट’ मध्ये असलेले कार्ड्स आणि तुम्ही ’ऑटोफिल’ साठी जतन केलेले कार्ड्स समाविष्ट असू शकतात. ’चालू ठेवा’ वर टॅप करा, त्यानंतर ऑनस्क्रीन सूचनांचे पालन करा.

    • सपोर्ट करणाऱ्या ॲपचे कार्ड : “तुमच्या iPhone वरील ॲप्समधून” च्या खाली तुमची बँक किंवा कार्ड जारीकर्त्याच्या ॲपवर टॅप करा.

  4. तुमची बॅंक किंवा कार्ड जारीकर्ता ह्यांच्याकडील तुमच्या माहितीची पडताळणी करण्यासाठी ऑनस्क्रीन सूचनांचे पालन करा. ह्यामध्ये टेक्स्ट संदेश प्राप्त करणे, सुरक्षा प्रश्नांची उत्तरे देणे किंवा तुमच्या बॅंकेच्या ॲपद्वारे पुष्टी करणे ह्यांचा समावेश असू शकतो.

नवीन iPhone वर स्विच करताना Apple Pay सेट अप करणे

नवीन iPhone वर सेट अप करा दरम्यान, तुम्ही तुमची कार्डे Apple वॉलेट मध्ये समाविष्ट करू शकता. प्रत्येक कार्डसाठी ऑनस्क्रीन सूचना फॉलो करा.

‘वॉलेट’ ला तुमचे अकाउंट कनेक्ट करणे

पात्र अकाउंटसह, तुम्ही तुमची अकाउंट शिल्लक, उपलब्ध क्रेडिट, व्यवहाराची संपूर्ण हिस्ट्री आणि बरेच काही ‘वॉलेट’ ॲपमध्ये पाहू शकता.

  1. तुमच्या iPhone वर ‘वॉलेट’ ॲपवर  जा.

  2. तुम्हाला कनेक्ट करायचे असलेल्या कार्डवर टॅप करा.

  3. कार्डच्या खाली ’सुरूवात करा’ वर टॅप करा (किंवा अधिक बटण वर टॅप करा, ’कार्ड तपशील’ वर टॅप करा, नंतर ’अकाउंट शिल्लक व ॲक्टिव्हिटी मिळवा’ वर टॅप करा), त्यानंतर तुमचे अकाउंट कनेक्ट करण्यासाठी ऑनस्क्रीन सूचनांचे पालन करा.

    जर तुम्हाला ’सुरूवात करा’ किंवा ’अकाउंट शिल्लक व ॲक्टिव्हिटी मिळवा’ दिसत नसेल, तर कार्ड जारीकर्ता ह्या फीचरला सपोर्ट करत नाही.

अधिक माहितीसाठी, ’वॉलेट’ ॲपमध्ये तुमची अकाउंट शिल्लक आणि संपूर्ण व्यवहाराची हिस्ट्री बघा ह्यावर Apple सपोर्ट लेख पहा.

कार्ड तपशील बघणे आणि सेटिंग बदलणे

तुमच्याकडे Apple Card असल्यास,iPhone वर Apple Card वापरणे पहा. इतर कार्डसाठी, पुढील गोष्टी करा :

  1. तुमच्या iPhone वर ‘वॉलेट’ ॲपवर  जा.

  2. कार्डवर टॅप करा.

    नोट : तुमच्या अकाउंटवर शुल्क आकारल्या गेलेल्या पेमेंटच्या रकमेपेक्षा भिन्न असू शकणारी अधिकृत रक्कम दाखवणारे नवीनतम व्यवहार दिसू शकतात. उदाहरणार्थ, तुम्ही केवळ $25 किमतीचे पेट्रोल भरले असले तरी पेट्रोल पंप $99 च्या अधिकृततेची विनंती करू शकते. अंतिम शुल्क पाहण्यासाठी, तुमच्या कार्ड जारीकर्त्याचे स्टेटमेंट पहा, ज्यामध्ये सर्व Apple Pay व्यवहार समाविष्ट आहेत.

  3. पुढीलपैकी कोणतेही एक पाहण्यासाठी ‘कार्ड नंबर’ बटण वर टॅप करा :

    • डिव्हाइस अकाउंट नंबरच्या शेवटचे चार अंक—जे तुम्ही Apple Pay वापरता तेव्हा मर्चंटला पाठवले जातात

    • प्रत्यक्ष कार्ड नंबर (जर तुम्ही ’ऑटोफिल’ साठी कार्ड माहिती समाविष्ट केली असेल तर)

    • व्हर्च्युअल कार्ड नंबर (सपोर्ट केलेला असल्यास)

  4. अधिक तपशील पाहण्यासाठी, अधिक बटण वर टॅप करा, त्यानंतर पुढीलपैकी कोणत्याही एकावर टॅप करा :

    • कार्डचे तपशील : अधिक माहिती पहा, कार्ड जारीकर्त्याशी संपर्क साधा, तुमचा बिलिंग ॲड्रेस बदला, किंवा ‘वॉलेट’ ॲपमधून कार्ड काढून टाका.

    • नोटिफिकेशन्स : व्यवहार हिस्ट्री आणि नोटिफिकेशन्स सुरू किंवा बंद करा.

हे देखील पहाiPhone वर संपर्करहित पेमेंटसाठी Apple Pay वापरणेiPhone वर ॲपमध्ये आणि वेबवर Apple Pay वापरणेiPhone वर तुमचे ‘वॉलेट व Apple Pay सेटिंग’ बदलणेiPhone वर ‘वॉलेट’ ॲपमध्ये कार्ड्स आणि पासेस काढून टाकणेतुमच्या Apple डिव्हाइसेसवर Apple Pay सेट अप करा
Morty Proxy This is a proxified and sanitized view of the page, visit original site.
उपयुक्त आहे का?
कॅरॅक्टर मर्यादा : 250
कमाल कॅरॅक्टर मर्यादा 250 आहे.
तुमच्या प्रतिक्रियेबद्दल धन्यवाद.
Morty Proxy This is a proxified and sanitized view of the page, visit original site.