iOS 26
iOS 18
ह्या कंट्रोलमध्ये बदल केल्यामुळे हे पेज ऑटोमॅटिकली अपडेट होईल

iPhone बॅटरी चार्ज करणे

iPhone मध्ये, लिथियम आयन रिचार्ज करण्यायोग्य अंतर्गत बॅटरी आहे, जी सध्या तुमच्या डिव्हाइससाठी सर्वोत्तम कार्यक्षमता प्रदान करते. पारंपारिक बॅटरी तंत्रज्ञानाच्या तुलनेत, लिथियम आयन बॅटरी हलक्या असतात, जलद चार्ज होतात, जास्त काळ टिकतात आणि अधिक बॅटरी लाइफसाठी त्यांची पॉवर डेन्सटी जास्त असते.

तुमची बॅटरी कशी काम करते हे समजून घेण्यासाठी Apple लिथियम आयन बॅटरी संकेतस्थळ पहा, जेणेकरून तुम्ही त्याचा जास्तीत जास्त वापर करू शकाल.

बॅटरी चार्ज करण्याविषयी माहिती

Lightning बोल्टसह बॅटरी आयकॉन दर्शवते की बॅटरी चार्ज होत आहे.

वरच्या उजव्या कोपऱ्यातील बॅटरी आयकॉन बॅटरीची पातळी किंवा चार्जिंग स्टेटस दाखवते. जेव्हा तुम्ही iPhone सिंक करता किंवा वापरता, तेव्हा बॅटरी चार्ज होण्यास जास्त वेळ लागू शकतो.

जर iPhone खूप कमी पॉवरवर असेल, तर तो जवळजवळ संपलेल्या बॅटरीची इमेज प्रदर्शित करू शकतो, जे दर्शवते की तुम्ही तो वापरण्यापूर्वी 10 मिनिटांपर्यंत चार्ज करणे गरजेचे आहे. तुम्ही चार्ज करायला सुरूवात करता तेव्हा iPhone ची पॉवर खूपच कमी असल्यास, ‘लो बॅटरी’ इमेज दिसण्याआधी 2 मिनिटांपर्यंत डिस्प्ले रिक्त असू शकतो. तुमचा iPhone चार्ज होत नसल्यास काय करावे ह्याबाबत Apple सपोर्ट लेख पहा.

बॅटरी चार्ज करणे

iPhone चार्ज करण्यासाठी, खालीलपैकी कोणतेही काम करा :

  • चार्जिंग केबल (समाविष्ट केलेले) आणि Apple USB पॉवर अडॅप्टर किंवा इतर सुसंगत पॉवर अडॅप्टर (स्वतंत्रपणे विकलेले) वापरून iPhone पॉवर आउटलेटला कनेक्ट करा. पॉवर अडॅप्टर पहा.

    iPhone पॉवर आउटलेटमध्ये प्लग केलेल्या पॉवर अडॅप्टरशी कनेक्ट केलेला आहे.

  • डिस्प्ले वरच्या दिशेने करुन iPhone हा MagSafe चार्जरवर (Apple 20W USB-C पॉवर अडॅप्टर किंवा इतर सुसंगत पॉवर अडॅप्टरशी कनेक्ट केलेला) किंवा Qi प्रमाणित चार्जरवर ठेवा. (MagSafe चार्जर, पॉवर अडॅप्टर्स आणि Qi प्रमाणित चार्जर्स स्वतंत्रपणे विकले जातात.) MagSafe चार्जर आणि बॅटरी पॅक आणि Qi प्रमाणित वायरलेस चार्जर पहा.

    नोट : तुम्ही थर्ड पार्टी पॉवर अडॅप्टरचादेखील वापर करू शकता आणि लागू असलेल्या देशांतील नियम आणि आंतरराष्ट्रीय व प्रादेशिक सुरक्षा मानकांचे पालन करणारे Qi प्रमाणित चार्जर वापरू शकता. iPhone साठी महत्वाची सुरक्षा माहिती मध्ये “चार्जिंग” पहा.

  • iPhone आणि तुमचा संगणक केबलने कनेक्ट करा.

    तुमचा संगणक चालू असल्याची खात्री करा—जर iPhone बंद केलेल्या संगणकाशी कनेक्ट असेल, तर चार्ज होण्याऐवजी बॅटरी ड्रेन होऊ शकते. तुमचा iPhone चार्ज होत असल्याची खात्री करण्यासाठी बॅटरी आयकॉनवर चार्जिंग आयकॉन शोधा.

    नोट : तुमच्या कीबोर्डमध्ये उच्च पॉवरचा USB पोर्ट नसलास, तुमचा iPhone तुमच्या कीबोर्डशी कनेक्ट करून चार्ज करण्याचा प्रयत्न करू नका.

iPhone ला पॉवर आउटलेटशी कनेक्ट करून किंवा वायरलेस चार्जरवर ठेवून iCloud बॅकअप सुरू केले जाऊ शकते. iPhone चा बॅक अप घेणे पहा.

चेतावणी : जर तुम्हाला iPhone च्या चार्जिंग पोर्टमध्ये द्रव पदार्थ असण्याची शक्यता वाटत असेल, तर चार्जिंग केबल त्यात प्लग करू नका. द्रव पदार्थाच्या संपर्कात येण्याविषयीच्या माहितीसाठी आणि बॅटरी आणि iPhone चार्ज होण्याविषयीच्या इतर महत्त्वाच्या सुरक्षा माहितीसाठी, iPhone साठी महत्त्वाची सुरक्षा माहिती पहा.

चार्जिंगची गती सुधारणे

जर तुमचा iPhone हळूहळू चार्ज होत असेल, तर तुम्हाला सेटिंग > ‘बॅटरी’ मध्ये ‘स्लो चार्जर’ संदेश दिसेल. जेव्हा तुमचा iPhone फास्ट चार्जिंगला सपोर्ट करतो परंतु कनेक्ट केलेला चार्जर ऑप्टिमल पॉवर देऊ शकत नाही तेव्हा हा संदेश दिसतो.

‘iPhone बॅटरी सेटिंग’ मधील चार्जिंग माहिती कार्ड. कार्ड बॅटरी 80% वर असल्याचे दाखवते आणि ती ‘स्लो चार्जर’ शी कनेक्ट केली असल्याचे दर्शवते. प्रोग्रेस बारवर 100% पर्यंत पोहोचण्यासाठी 52 मिनिटे लागतील, असा अंदाज दाखवला आहे.

तुम्ही पुढील गोष्टी वापरत असल्यास चार्जिंगला अपेक्षेपेक्षा जास्त वेळ लागू शकेल :

  • 7. 5 वॅट्स किंवा त्यापेक्षा कमी पॉवर प्रदान करणारा वायर्ड चार्जर

  • Qi प्रमाणित चार्जरसारखे वायरलेस चार्जर जे 10 वॅट्सपेक्षा कमी पॉवर प्रदान करते

चार्जिंगचे वर्तन समजून घेणे

बॅटरीची दीर्घकालीन हेल्थ राखण्यात मदत करण्यासाठी iPhone कसा चार्ज होतो ते तो मॅनेज करतो. तुम्ही चार्ज करता तेव्हा काय होते ते येथे आहे :

  • 80% पर्यंत फास्ट चार्जिंग : iPhone ची बॅटरी सुमारे 80% पर्यंत त्वरित चार्ज होते.

  • 80% नंतर ट्रिकल चार्जिंग : बॅटरीचा ताण कमी करण्यासाठी आणि उष्णता मर्यादित करण्यासाठी चार्जिंगची गती मंदावते. हा अंतिम टप्पा बॅटरीचे आयुष्य टिकवण्यात मदत करतो.

  • तापमान : अतिशय जास्त तापमान असलेल्या स्थितीमध्ये चार्जिंग तात्पुरते थांबवले जाऊ शकते आणि बॅटरीचे तापमान सामान्य ऑपरेटिंग श्रेणीत परतल्यावर ते पुन्हा सुरू होते.

ह्या सुरक्षा ऑटोमॅटिकली होतात आणि त्यासाठी तुमच्या सेटिंगमध्ये कोणत्याही बदलांची आवश्यकता नसते.

चार्ज सायकल्स आणि बॅटरीचे आयुष्य याबद्दल माहिती

ठराविक प्रमाणात रिचार्ज केल्यानंतर कोणत्याही प्रकारच्या बॅटरीची क्षमता कमी होईल. लिथियम आयन बॅटरीजच्या बाबतीत, प्रत्येक पूर्ण चार्ज सायकलसह क्षमता थोडी कमी होते. Apple लिथियम आयन बॅटरीज चार्ज सायकल्समध्ये काम करतात आणि उत्पादनानुसार, जास्त चार्ज सायकल्ससाठी त्याच्या मूळ क्षमतेच्या सुमारे 80% क्षमता राखून ठेवतात.

जरी ते सर्व एकाच वेळी नसले तरीही, जेव्हा तुम्ही तुमच्या बॅटरी क्षमतेचा* एकूण 100% वापर करता, तेव्हा चार्ज सायकल पूर्ण होते. उदाहरणार्थ, तुम्ही एका दिवसात तुमच्या बॅटरीच्या क्षमतेच्या 75% वापरू शकता, नंतर ती रात्रभर पूर्णपणे रिचार्ज करू शकता. जर तुम्ही दुसऱ्या दिवशी 25% वापरले, तर तुम्ही एकूण 100% डिस्चार्ज केले असेल आणि दोन दिवस एका चार्ज सायकलमध्ये समाविष्ट केले जातील.

टिप : दिवसभर अंशतः चार्ज केल्याने बॅटरीला हानी पोहोचणार नाही आणि ऑप्टिमाझ्ड बॅटरी चार्जिंग किंवा चार्ज मर्यादा ह्यासारखे फीचर्स वापरणे त्याचे आयुष्य आणखी वाढवण्यात मदत करू शकते.

बॅटरीचा लाइफस्पॅन आणि चार्ज सायकल वापर आणि सेटिंगनुसार बदलतात. तुमच्या बॅटरीची कार्यक्षमता आणि लाइफस्पॅन जास्तीत जास्त कसा वाढवायचा हे जाणून घेण्यासाठी, Apple सपोर्ट लेख iPhone बॅटरी आणि कार्यक्षमता पहा.

iPhone बॅटरीला Apple किंवा Apple अधिकृत सेवा प्रदात्याने सर्व्हिस किंवा रीसायकल केले पाहिजे. बॅटरी सेवा आणि पुनर्वापराचे संकेतस्थळ पहा.

*कालांतराने बॅटरीची अपेक्षित कमी होणारी क्षमता लक्षात घेता, संपूर्ण चार्ज सायकल मूळ क्षमतेच्या 80% ते 100% दरम्यान सामान्य केली जाते.
हे देखील पहाiPhone च्या बॅटरीची टक्केवारी दाखवणेतुमच्या iPhone बॅटरीचा वापर आणि आरोग्य समजून घेणेस्वच्छ ऊर्जा स्त्रोतांसह (फक्त यू.एस.) iPhone चार्ज करणेiPhone वर पॉवर मोड्ससह बॅटरीचे आयुष्य वाचवणेApple सपोर्ट लेख : iPhone च्या चार्ज होण्याच्या गतीबद्दल माहिती
Morty Proxy This is a proxified and sanitized view of the page, visit original site.
उपयुक्त आहे का?
कॅरॅक्टर मर्यादा : 250
कमाल कॅरॅक्टर मर्यादा 250 आहे.
तुमच्या प्रतिक्रियेबद्दल धन्यवाद.
Morty Proxy This is a proxified and sanitized view of the page, visit original site.