iOS 26
iOS 18
ഈ കൺട്രോളിൽ മാറ്റം വരുത്തുന്നത് ഈ പേജ് ഒട്ടോമാറ്റിക്കായി അപ്ഡേറ്റ് ചെയ്യാനിടയാക്കും

iPhone-ൽ കുറിപ്പുകൾ പങ്കിടുകയും കൂട്ടുപ്രവർത്തനം നടത്തുകയും ചെയ്യൂ

കുറിപ്പുകൾ ആപ്പിൽ, നിങ്ങൾക്ക് ഒരു കുറിപ്പിന്റെ കോപ്പി ഒരു സുഹൃത്തിന് അയയ്ക്കാവുന്നതാണ്. നിങ്ങൾക്ക് iCloud-ലെ കുറിപ്പിലോ കുറിപ്പുകളുടെ ഫോൾഡറിലോ തത്സമയം കൂട്ടുപ്രവർത്തനം നടത്താൻ ആളുകളെ ക്ഷണിക്കുകയും ചെയ്യാം. ഏറ്റവും പുതിയ മാറ്റങ്ങൾ എല്ലാവരും കാണുന്നതാണ്.

പങ്കിടൽ ഓപ്ഷനുകൾ കാണിക്കുന്ന ഒരു ഓവർലേ ഉള്ള ഒരു കുറിപ്പ്.

ഒരു കുറിപ്പിന്റെ പകർപ്പ് പങ്കിടാൻ

  1. നിങ്ങളുടെ iPhone-ലെ ‘കുറിപ്പുകൾ’ ആപ്പിലേക്ക് പോകൂ.

  2. നിങ്ങൾ പങ്കിടാൻ ആഗ്രഹിക്കുന്ന കുറിപ്പ് തുറക്കൂ.

  3. ‘പങ്കിടൂ’ ബട്ടൺ ടാപ്പ് ചെയ്യൂ, ‘കോപ്പി അയയ്ക്കൂ’ എന്നത് സെലക്റ്റ് ചെയ്യൂ, എന്നിട്ട് നിങ്ങളുടെ കുറിപ്പ് എങ്ങനെ അയയ്ക്കണമെന്നത് സെലക്റ്റ് ചെയ്യൂ.

iCloud ഉപയോഗിച്ച് ഒരു കുറിപ്പിലോ കുറിപ്പുകളുടെ ഫോൾഡറിലോ കൂട്ടുപ്രവർത്തനം നടത്തൂ

മറ്റുള്ളവരുമായി കൂട്ടു പ്രവർത്തനം നടത്താൻ, നിങ്ങൾക്ക് iCloud-ൽ ഒരു കുറിപ്പോ കുറിപ്പുകളുടെ ഫോൾഡറോ പങ്കിടാവുന്നതാണ്. പങ്കെടുക്കുന്നവർക്ക് നിങ്ങൾക്ക് അനുമതികൾ സജ്ജീകരിക്കാം (കുറിപ്പുകൾ എഡിറ്റ് ചെയ്യാനും അറ്റാച്ച്മെന്റുകൾ ചേർക്കാനും സബ്ഫോൾഡറുകൾ സൃഷ്ടിക്കാനും അവരെ അനുവദിക്കുന്നത് പോലുള്ളവ). പങ്കെടുക്കുന്ന എല്ലാവർക്കും എല്ലാവരുടെയും മാറ്റങ്ങൾ തത്സമയം കാണാൻ കഴിയുന്നതുമാണ്. പങ്കെടുക്കുന്നവർ അവരുടെ Apple അക്കൗണ്ടിൽ സൈൻ ഇൻ ചെയ്തിരിക്കണം, iCloud ക്രമീകരണങ്ങളിൽ ‘കുറിപ്പുകൾ’ ഓണാക്കിയിരിക്കുകയും വേണം.

കുറിപ്പ്: ലോക്ക് ചെയ്ത ഒരു കുറിപ്പിലോ ലോക്ക് ചെയ്ത കുറിപ്പുകളുള്ള ഒരു ഫോൾഡറിലോ നിങ്ങൾക്ക് കൂട്ടുപ്രവർത്തനം നടത്താനാവില്ല.

  1. നിങ്ങളുടെ iPhone-ലെ ‘കുറിപ്പുകൾ’ ആപ്പിലേക്ക് പോകൂ.

  2. താഴെപ്പറയുന്നവയിലൊന്ന് ചെയ്യൂ:

    • ഒരു കുറിപ്പ് പങ്കിടാൻ: നിങ്ങൾക്ക് പങ്കിടേണ്ട കുറിപ്പ് തുറന്ന്, ‘പങ്കിടൂ’ ബട്ടൺ ടാപ്പ് ചെയ്യൂ, തുടർന്ന് 'കൂട്ടുപ്രവർത്തനം നടത്തൂ' തിരഞ്ഞെടുക്കൂ.

    • ഒരു ഫോൾഡർ പങ്കിടാൻ: നിങ്ങൾക്ക് പങ്കിടേണ്ട കുറിപ്പ് തുറക്കൂ, തുടർന്ന് ‘പങ്കിടൂ’ ബട്ടൺ ടാപ്പ് ചെയ്യൂ.

  3. ആക്സസും അനുമതികളും മാറ്റാൻ, ‘ക്ഷണിക്കപ്പെട്ട ആളുകൾക്ക് മാത്രമേ എഡിറ്റ് ചെയ്യാൻ കഴിയൂ’ ടാപ്പ് ചെയ്യൂ, തുടർന്ന് താഴെപ്പറയുന്നവയിൽ ഏതെങ്കിലും സജ്ജമാക്കൂ:

    • ആക്സസ് ചെയ്യാവുന്നവർ: ‘ക്ഷണിതാക്കൾക്ക് മാത്രം’ അല്ലെങ്കിൽ ‘ലിങ്കുള്ള ആർക്കും’ തിരഞ്ഞെടുക്കൂ.

    • അനുമതികൾ: ‘മാറ്റങ്ങൾ വരുത്താം’ അല്ലെങ്കിൽ ‘കാണാൻ മാത്രം’ തിരഞ്ഞെടുക്കൂ.

    • ക്ഷണിക്കാൻ മറ്റുള്ളവരെ അനുവദിക്കാൻ: പുതിയ ആളുകളെ ക്ഷണിക്കാൻ പങ്കെടുക്കുന്നവരെ അനുവദിക്കാൻ ഓൺ ചെയ്യൂ (മാറ്റങ്ങൾ വരുത്താൻ അവർക്ക് അനുമതിയുണ്ടെങ്കിൽ മാത്രമേ ലഭ്യമാകൂ).

  4. നിങ്ങളുടെ ക്ഷണം അയയ്ക്കാൻ സന്ദേശങ്ങൾ അല്ലെങ്കിൽ Mail തിരഞ്ഞെടുക്കൂ. (AirDrop കൂട്ടുപ്രവർത്തനത്തെ പിന്തുണയ്ക്കുന്നില്ല.)

    ക്ഷണം നിങ്ങൾ സന്ദേശങ്ങളായി അയയ്ക്കുകയാണെങ്കിൽ, പങ്കിട്ട കുറിപ്പിൽ ആരെങ്കിലും മാറ്റങ്ങൾ വരുത്തുമ്പോൾ നിങ്ങൾക്ക് സന്ദേശ സംഭാഷണത്തിൽ പ്രവർത്തന അപ്ഡേറ്റുകൾ ലഭിക്കും. പങ്കിട്ട കുറിപ്പിലേക്ക് പോകാൻ അപ്ഡേറ്റുകളിൽ ടാപ്പ് ചെയ്യൂ.

നിങ്ങളുടെ iPhone-ലെയോ iPad-ലെയോ കുറിപ്പുകൾ ആപ്പിൽ നിങ്ങൾക്ക് പങ്കിടാനോ കൂട്ടുപ്രവർത്തനം നടത്താനോ കഴിയുന്നില്ലെങ്കിൽ എന്ന Apple പിന്തുണാ ലേഖനം കാണൂ.

ഒരു കുറിപ്പിലെ പ്രവർത്തനം കാണൂ

കുറിപ്പുകളുടെ ലിസ്റ്റിൽ, ഒരു കുറിപ്പിന്റെ ടൈറ്റിലിന്റെ ഇടതുവശത്തുള്ള ഓറഞ്ച് പുള്ളി സൂചിപ്പിക്കുന്നത് നിങ്ങൾ അവസാനമായി കണ്ടതിനു ശേഷം ഈ കുറിപ്പ് മാറിയിട്ടുണ്ടെന്നാണ്.

  1. നിങ്ങളുടെ iPhone-ലെ ‘കുറിപ്പുകൾ’ ആപ്പിലേക്ക് പോകൂ.

  2. കുറിപ്പ് തുറക്കൂ, എന്നിട്ട് ആര് എപ്പോൾ മാറ്റങ്ങൾ വരുത്തിയെന്നറിയാൻ കുറിപ്പിന്മേൽ വലത്തോട്ട് സ്വൈപ്പ് ചെയ്യൂ, അല്ലെങ്കിൽ ആക്റ്റിവിറ്റി കാർഡിന്മേൽ സ്വൈപ്പ് ചെയ്യൂ.

  3. പ്രവർത്തനം കാണിക്കുന്ന രീതി ക്രമപ്പെടുത്താൻ, ‘കൂട്ടുപ്രവർത്തനം നടത്തൂ’ ബട്ടൺ ടാപ്പ് ചെയ്യൂ, എന്നിട്ട് താഴെപ്പറയുന്നവയിലൊന്ന് തിരഞ്ഞെടുക്കൂ:

    • അപ്ഡേറ്റുകൾ കാണിക്കൂ: നിങ്ങൾ അവസാനമായി കുറിപ്പ് തുറന്നതിന് ശേഷം വരുത്തിയ മാറ്റങ്ങൾ കാണിക്കുന്നു.

    • എല്ലാ പ്രവർത്തനവും കാണിക്കൂ: കുറിപ്പിലെ എല്ലാ പ്രവർത്തനവും കാണിക്കുന്നു.

    • ഹൈലൈറ്റുകൾ കാണിക്കൂ: പേരുകൾ, തീയതികൾ, പങ്കെടുത്ത ഓരോരുത്തരും വരുത്തിയ മാറ്റങ്ങൾ എന്നിവ കാണിക്കുന്നു.

നുറുങ്ങ്: പങ്കെടുത്ത ഒരാളെ പരാമർശിക്കാനും പ്രധാനപ്പെട്ട അപ്ഡേറ്റുകളെക്കുറിച്ച് അവരെ അറിയിക്കാനും, ഒരു @ ചിഹ്നവും തുടർന്ന് അവരുടെ പേരും ടൈപ്പ് ചെയ്യൂ.

ഒരു ഫോൾഡറിലെ പ്രവർത്തനം കാണാൻ

  1. നിങ്ങളുടെ iPhone-ലെ ‘കുറിപ്പുകൾ’ ആപ്പിലേക്ക് പോകൂ.

  2. ഫോൾഡർ തൊട്ടുപിടിച്ച് ’ഫോൾഡർ പ്രവർത്തനം കാണിക്കൂ' എന്നതിൽ ടാപ്പ് ചെയ്യൂ.

പങ്കിടൽ ക്രമീകരണങ്ങൾ മാറ്റാൻ

  1. നിങ്ങളുടെ iPhone-ലെ ‘കുറിപ്പുകൾ’ ആപ്പിലേക്ക് പോകൂ.

  2. പങ്കിട്ട ഒരു കുറിപ്പിന്റെയോ ഫോൾഡറിന്റെയോ ഉടമക്ക് താഴെപ്പറയുന്നവയിലൊന്ന് ചെയ്തുകൊണ്ട് പങ്കിടൽ ക്രമീകരണങ്ങൾ മാറ്റാം:

    • പങ്കിട്ട ഒരു കുറിപ്പ് മാനേജ് ചെയ്യൂ: ‘കൂട്ടുപ്രവർത്തനം നടത്തൂ’ ബട്ടൺ ടാപ്പ് ചെയ്യൂ, എന്നിട്ട് ‘പങ്കിട്ട കുറിപ്പ് മാനേജ് ചെയ്യൂ’ എന്നതിൽ ടാപ്പ് ചെയ്യൂ.

    • പങ്കിട്ട ഒരു ഫോൾഡർ മാനേജ് ചെയ്യൂ: ‘ഫോൾഡർ പ്രവർത്തനങ്ങൾ’ ബട്ടൺ ടാപ്പ് ചെയ്യൂ, എന്നിട്ട് ‘പങ്കിട്ട ഫോൾഡർ മാനേജ് ചെയ്യൂ’ എന്നതിൽ ടാപ്പ് ചെയ്യൂ.

  3. താഴെ പറയുന്നവയിലേതെങ്കിലും ചെയ്യൂ:

    • പങ്കെടുക്കുന്നവരെ നീക്കം ചെയ്യൂ: നിങ്ങൾ നീക്കം ചെയ്യാൻ ആഗ്രഹിക്കുന്ന പങ്കെടുത്തയാളെ ടാപ്പ് ചെയ്യൂ, എന്നിട്ട് ‘ആക്സസ് നീക്കം ചെയ്യൂ’ എന്നതിൽ ടാപ്പ് ചെയ്യൂ.

    • ‘ആക്സസും അനുമതിയും’ ക്രമീകരണങ്ങൾ മാറ്റൂ: പങ്കെടുത്ത എല്ലാവർക്കുമുള്ള ക്രമീകരണങ്ങൾ മാറ്റാൻ, 'ഓപ്ഷനുകൾ പങ്കിടൂ'എന്നതിൽ ടാപ്പ് ചെയ്യൂ. ഒരു വ്യക്തിയുടെ ക്രമീകരണങ്ങൾ മാറ്റാൻ, അവരുടെ പേര് ടാപ്പ് ചെയ്യൂ.

    • പങ്കിടൽ നിർത്തൂ: നിങ്ങൾ ഈ ഓപ്ഷൻ തിരഞ്ഞെടുക്കുമ്പോൾ, പങ്കിട്ട കുറിപ്പോ ഫോൾഡറോ പങ്കെടുത്ത മറ്റുള്ളവരുടെ ഡിവൈസുകളിൽ നിന്ന് ഡിലീറ്റ് ചെയ്യപ്പെടും.

ഇതും കാണൂiPhone-ലെ ‘സന്ദേശങ്ങൾ’ ഉപയോഗിച്ച് പ്രോജക്റ്റുകളിൽ കൂട്ടുപ്രവർത്തനം നടത്തൂiPhone-ൽ FaceTime-ലെ ഒരു ഡോക്യുമെന്റിൽ കൂട്ടുപ്രവർത്തനം നടത്തൂ
Morty Proxy This is a proxified and sanitized view of the page, visit original site.
സഹായകമായോ?
കാരക്റ്റർ പരിധി: 250
പരമാവധി കാരക്റ്റർ പരിധി 250 ആണ്.
നിങ്ങളുടെ ഫീഡ്ബാക്കിന് നന്ദി.
Morty Proxy This is a proxified and sanitized view of the page, visit original site.