iOS 26
iOS 18
ഈ കൺട്രോളിൽ മാറ്റം വരുത്തുന്നത് ഈ പേജ് ഒട്ടോമാറ്റിക്കായി അപ്ഡേറ്റ് ചെയ്യാനിടയാക്കും

iPhone-ലെ നിങ്ങളുടെ ഹോമിലെ ആക്സസറികൾ നിയന്ത്രിക്കാൻ മറ്റുള്ളവരെ ക്ഷണിക്കൂ

ഹോം ആപ്പിൽ, നിങ്ങളുടെ എല്ലാ സ്മാർട്ട് ആക്സസറികളും നിയന്ത്രിക്കാൻ മറ്റ് ആളുകളെ ക്ഷണിക്കാം, അല്ലെങ്കിൽ നിർദിഷ്ട സമയങ്ങളിൽ നിങ്ങളുടെ ഡോറുകൾ, ലോക്കുകൾ, സുരക്ഷാ സിസ്റ്റം ആക്സസറികൾ എന്നിവ നിയന്ത്രിക്കാൻ ഒരു അതിഥിയെ ക്ഷണിക്കാം.

കുറിപ്പ്: റിമോട്ട് ആക്സസിനും അതിഥി ആക്സസിനും HomePod സ്പീക്കർ അല്ലെങ്കിൽ Apple TV 4K പോലെയുള്ള ഒരു ഹോം ഹബ്ബ് ആവശ്യമാണ്.

ആക്സസറികൾ നിയന്ത്രിക്കാൻ താമസക്കാരെ ക്ഷണിക്കൂ

ഹോമിലെ താമസക്കാർക്ക് എപ്പോൾ വേണമെങ്കിലും ഹോമിലെ എല്ലാ ആക്സസറികളിലേക്കും ലോക്കൽ, ഓപ്ഷണൽ റിമോട്ട് ആക്സസ് ഉണ്ട്.

  1. നിങ്ങളുടെ iPhone-ലെ ഹോം ആപ്പിലേക്ക് പോകൂ.

  2. ഹോം ടാബിൽ ‘ചേർക്കൂ’ ബട്ടൺ ടാപ്പ് ചെയ്യൂ, ‘ആളുകളെ ചേർക്കൂ’ ടാപ്പ് ചെയ്യൂ, തുടർന്ന് ‘താമസക്കാരൻ’ ടാപ്പ് ചെയ്യൂ.

  3. നിങ്ങളുടെ കോൺടാക്റ്റ് ലിസ്റ്റിൽ നിന്ന് Apple അക്കൗണ്ട് ഉള്ള ആളുകളെ തിരഞ്ഞെടുക്കാൻ ‘ചേർക്കൂ’ ബട്ടൺ ടാപ്പ് ചെയ്യൂ, അല്ലെങ്കിൽ ‘സ്വീകർത്താവ്’ ഫീൽഡിൽ അവരുടെ Apple അക്കൗണ്ട് ഇ-മെയിൽ വിലാസങ്ങൾ നൽകൂ.

  4. ‘ക്ഷണിക്കൂ’ ടാപ്പ് ചെയ്യൂ.

  5. താഴെ പറയുന്നവയിൽ ഒരെണ്ണം ചെയ്യാൻ ക്ഷണിതാവിനോട് ആവശ്യപ്പെടൂ:

    • അറിയിപ്പിൽ: (iPhone അല്ലെങ്കിൽ iPad ) ‘സ്വീകരിക്കൂ’ ടാപ്പ് ചെയ്യൂ.

    • ഹോം ആപ്പിൽ: (iPhone അല്ലെങ്കിൽ iPad ) ഹോം ടാബിൽ ‘കൂടുതൽ’ ബട്ടൺ ടാപ്പ് ചെയ്യൂ, ഹോം ക്രമീകരണം ടാപ്പ് ചെയ്യൂ, തുടർന്ന് ക്ഷണിതാവിന്റെ പേര് ടാപ്പ് ചെയ്യൂ.

    • Apple TV-ൽ: ‘Apple TV-ൽ എന്നെ കാണിക്കൂ’ ടാപ്പ് ചെയ്യൂ, തുടർന്ന് ഒന്നോ അതിലധികമോ Apple TV-കൾ ഓൺ ചെയ്യൂ.

ആക്സസറികൾ നിയന്ത്രിക്കാൻ അതിഥികളെ ക്ഷണിക്കൂ

ഒരു നിശ്ചിത ഷെഡ്യൂളിൽ നിർദിഷ്ട ഡോറുകൾ, ലോക്കുകൾ, സുരക്ഷാ സിസ്റ്റം ആക്സസറികൾ എന്നിവയിലേക്ക് ഹോം അതിഥികൾക്ക് പ്രാദേശികമായി മാത്രമുള്ള ആക്സസ് ഉണ്ട്.

കുറിപ്പ്: ഹോം അതിഥികളുടെ ആക്സസിന് iOS 18, iPadOS 18, അല്ലെങ്കിൽ അതിനുശേഷമുള്ളത് ആവശ്യമാണ്.

ഹോം ആപ്പിലെ ‘ഇഷ്ടാനുസൃത ആക്സസ് സ്ക്രീൻ’ അതിഥി ഷെഡ്യൂളും മുൻവശ ഡോർ, ഗാരേജ് ഡോർ, സുരക്ഷാ സിസ്റ്റം എന്നിവയ്ക്കുള്ള ആക്സസും കാണിക്കുന്നു.

  1. നിങ്ങളുടെ iPhone-ലെ ഹോം ആപ്പിലേക്ക് പോകൂ.

  2. ഹോം ടാബിൽ ‘ചേർക്കൂ’ ബട്ടൺ ടാപ്പ് ചെയ്യൂ, ‘ആളുകളെ ചേർക്കൂ’ ടാപ്പ് ചെയ്യൂ, തുടർന്ന് ‘അതിഥി’ ടാപ്പ് ചെയ്യൂ.

  3. നിങ്ങളുടെ കോൺടാക്റ്റ് ലിസ്റ്റിൽ നിന്ന് Apple അക്കൗണ്ട് ഉള്ള ആളുകളെ തിരഞ്ഞെടുക്കാൻ ‘ചേർക്കൂ’ ബട്ടൺ ടാപ്പ് ചെയ്യൂ, അല്ലെങ്കിൽ ‘സ്വീകർത്താവ്’ ഫീൽഡിൽ അവരുടെ Apple അക്കൗണ്ട് ഇ-മെയിൽ വിലാസങ്ങൾ നൽകൂ.

  4. അതിഥി ഷെഡ്യൂളിനായി താഴെ പറയുന്നവയിൽ ഏതെങ്കിലും സെലക്റ്റ് ചെയ്യൂ:

    • എപ്പോൾ വേണമെങ്കിലും: സെലക്റ്റ് ചെയ്ത ആക്സസറികൾ അതിഥിക്ക് എപ്പോൾ വേണമെങ്കിലും ആക്സസ് ചെയ്യാം.

    • നിർദിഷ്ട തീയതികൾ: സെലക്റ്റ് ചെയ്ത ആക്സസറികൾ നിർദിഷ്ട തീയതികളിൽ മാത്രമേ അതിഥിക്ക് ആക്സസ് ചെയ്യാൻ കഴിയൂ.

    • നിർദ്ദിഷ്ട ദിവസങ്ങളും സമയങ്ങളും: സെലക്റ്റ് ചെയ്ത ആക്സസറികൾ നിർദിഷ്ട ദിവസങ്ങളിലും സമയങ്ങളിലും മാത്രമേ അതിഥിക്ക് ആക്സസ് ചെയ്യാൻ കഴിയൂ.

  5. അതിഥിക്ക് ആക്സസ് ചെയ്യാൻ കഴിയുന്ന ഡോറുകൾ, ലോക്കുകൾ, സുരക്ഷാ സിസ്റ്റം ആക്സസറികൾ എന്നിവ സെലക്റ്റ് ചെയ്യൂ.

  6. ‘ക്ഷണിക്കൂ’ ടാപ്പ് ചെയ്യൂ.

  7. താഴെ പറയുന്നവയിൽ ഒരെണ്ണം ചെയ്യാൻ ക്ഷണിതാവിനോട് ആവശ്യപ്പെടൂ:

    • അറിയിപ്പിൽ: (iPhone അല്ലെങ്കിൽ iPad ) ‘സ്വീകരിക്കൂ’ ടാപ്പ് ചെയ്യൂ.

    • ഹോം ആപ്പിൽ: (iPhone അല്ലെങ്കിൽ iPad ) ‘കൂടുതൽ’ ബട്ടൺ ടാപ്പ് ചെയ്യൂ, ഹോം ക്രമീകരണം ടാപ്പ് ചെയ്യൂ, തുടർന്ന് ക്ഷണിതാവിന്റെ പേര് ടാപ്പ് ചെയ്യൂ.

നിങ്ങളുടെ AirPlay എനേബിൾ ചെയ്ത സ്പീക്കറുകളും ടിവികളും ആക്സസ് ചെയ്യാൻ മറ്റുള്ളവരെ അനുവദിക്കൂ

  1. നിങ്ങളുടെ iPhone-ലെ ഹോം ആപ്പിലേക്ക് പോകൂ.

  2. ഹോം ടാബിൽ ‘കൂടുതൽ’ ബട്ടൺ ടാപ്പ് ചെയ്യൂ, തുടർന്ന് ഹോം ക്രമീകരണം ടാപ്പ് ചെയ്യൂ.

  3. സ്പീക്കറും ടിവിയും ടാപ്പ് ചെയ്യൂ, തുടർന്ന് ഒരു ഓപ്ഷൻ തിരഞ്ഞെടുക്കൂ.

എല്ലാവർക്കുമോ ഒരേ നെറ്റ്‌വർക്കിലെ ആർക്കുമോ ഹോം പങ്കിടാൻ നിങ്ങൾ ക്ഷണിച്ചിട്ടുള്ള ആളുകൾക്ക് മാത്രമായോ നിങ്ങൾക്ക് അനുവദിക്കാം. സ്പീക്കർ ആക്സസ് അനുവദിക്കുന്ന ഒരു പാസ്‌വേഡും നിങ്ങൾക്ക് ആവശ്യമായി വന്നേക്കാം. HomePod സ്പീക്കർ, Apple TV ആക്സസ് എന്നിവയെ കുറിച്ച് കൂടുതൽ അറിയാൻ HomePod യൂസർ ഗൈഡ്, Apple TV യൂസർ ഗൈഡ് എന്നിവ കാണൂ.

ഇതും കാണൂഹോമിൽ HomePod സജ്ജീകരിക്കൂ
Morty Proxy This is a proxified and sanitized view of the page, visit original site.
സഹായകമായോ?
കാരക്റ്റർ പരിധി: 250
പരമാവധി കാരക്റ്റർ പരിധി 250 ആണ്.
നിങ്ങളുടെ ഫീഡ്ബാക്കിന് നന്ദി.
Morty Proxy This is a proxified and sanitized view of the page, visit original site.