iOS 26
iOS 18
ഈ കൺട്രോളിൽ മാറ്റം വരുത്തുന്നത് ഈ പേജ് ഒട്ടോമാറ്റിക്കായി അപ്ഡേറ്റ് ചെയ്യാനിടയാക്കും

iPhone-ലെ കുടുംബ പങ്കിടൽ ഉപയോഗിച്ച് രക്ഷാകർതൃ കൺട്രോളുകൾ സജ്ജീകരിക്കൂ

കുടുംബ പങ്കിടൽ ഉപയോഗിച്ച്, ഓർഗനൈസർക്കോ അല്ലെങ്കിൽ രക്ഷാകർത്താവായി/ഗാർഡിയനായി നിയോഗിച്ച മറ്റൊരു മുതിർന്ന വ്യക്തിക്കോ, കുട്ടികൾക്കോ കുടുംബ പങ്കിടൽ ഗ്രൂപ്പിലെ മറ്റ് അംഗങ്ങൾക്കോ വേണ്ടി രക്ഷാകർതൃ നിയന്ത്രണങ്ങൾ സജ്ജീകരിക്കാനാകും. നിങ്ങളുടെ കുട്ടികൾ അവരുടെ Apple ഡിവൈസുകൾ എങ്ങനെ ഉപയോഗിക്കുന്നുവെന്ന് മാനേജ് ചെയ്യാൻ നിങ്ങൾക്ക് സ്ക്രീന് സമയം ഉപയോഗിക്കാം. യോഗ്യതയുള്ള വാങ്ങലുകൾക്കും സൗജന്യ ഡൗൺലോഡുകൾക്കും കുട്ടികൾക്ക് അംഗീകാരം ലഭിക്കൽ നിർമബന്ധമാക്കാൻ നിങ്ങൾക്ക് ‘വാങ്ങാൻ ആവശ്യപ്പെടൂ’ ഓൺ ചെയ്യുകയുമാവാം.

വിവിധ തരം കുടുംബ പങ്കിടൽ അംഗങ്ങളെക്കുറിച്ച് അറിയൂ.

സജ്ജീകരണത്തിനിടയിൽ രക്ഷാകർതൃ കൺട്രോളുകൾ ഇഷ്ടാനുസൃതമാക്കൂ

നിങ്ങൾ നിങ്ങളുടെ കുടുംബ പങ്കിടൽ ഗ്രൂപ്പിലേക്ക് ഒരു കുട്ടിയെ ചേർക്കുമ്പോഴോ ഒരു കുട്ടിക്കായി ഒരു ഡിവൈസ് സജ്ജീകരിക്കുമ്പോഴോ നിങ്ങൾക്ക് തുടക്കം മുതൽ രക്ഷാകർതൃ കൺട്രോളുകൾ കസ്റ്റമൈസ് ചെയ്യാം. നിങ്ങൾക്ക് എപ്പോൾ വേണമെങ്കിലും ആ ക്രമീകരണങ്ങൾ മാറ്റാം.

താഴെ പറയുന്നവയിൽ ഏതെങ്കിലും ചേർക്കാൻ സജ്ജീകരണ സമയത്ത് സ്ക്രീനിൽ കാണുന്ന നിർദേശങ്ങൾ പിന്തുടരൂ:

  • ആപ്പുകൾ, പുസ്തകങ്ങൾ, TV ഷോകൾ, സിനിമകൾ എന്നിവയിലെ ഉള്ളടക്കത്തിനുള്ള പ്രായവുമായി ബന്ധപ്പെട്ട നിയന്ത്രണങ്ങൾ

  • പ്രത്യേക ആപ്പുകളുടെ ഡൗൺടൈമും പരിമിതികളും

  • നിങ്ങളുടെ കുട്ടിക്ക് ആരെല്ലാമായി ആശയവിനിമയം നടത്താമെന്നതിനുള്ള നിയന്ത്രണങ്ങൾ

  • വാങ്ങലുകൾക്കോ സൗജന്യ ഡൗൺലോഡുകൾക്കോ ഉള്ള അംഗീകാരങ്ങൾ

നിങ്ങളുടെ കുട്ടിയുടെ iPhone, iPad, iPod touch എന്നിവയിലെ രക്ഷാകർതൃ നിയന്ത്രണങ്ങൾ ഉപയോഗിക്കൂ എന്ന Apple പിന്തുണാ ലേഖനം കാണൂ.

സെൻസിറ്റീവ് ഉള്ളടക്കത്തെക്കുറിച്ച് മുന്നറിയിപ്പുകൾ സ്വീകരിക്കൂ

നിങ്ങൾക്കോ മറ്റ് കുടുംബാംഗങ്ങൾക്കോ ലൈംഗികച്ചുവയുള്ള ഏതെങ്കിലും ഫോട്ടോകളോ വീഡിയോകളോ ലഭിച്ചിട്ടുണ്ടോ അല്ലെങ്കിൽ അയച്ചിട്ടുണ്ടോ എന്നത് ‘സ്ക്രീൻ സമയ’ത്തിന് പരിശോധിക്കാം. iPhone-ലെ ‘സ്ക്രീൻ സമയ’ത്തിൽ സെൻസിറ്റീവ് ഇമേജുകൾക്കും വീഡിയോകൾക്കുമായി പരിശോധിക്കൂ കാണൂ.

നിങ്ങൾക്ക് സെൻസിറ്റീവ് ഉള്ളടക്കം ബ്ലോക്ക് ചെയ്യുകയും വാങ്ങലുകളിൽ നിയന്ത്രണങ്ങൾ സജ്ജീകരിക്കുകയും ചെയ്യാം. ഉള്ളടക്കം ബ്ലോക്ക് ചെയ്യുകയും iTunes & App Store വാങ്ങലുകൾ തടയുകയും ചെയ്യൂ കാണൂ.

ഒരു കുട്ടിക്കായി സ്ക്രീൻ സമയം സജ്ജീകരിക്കൂ

ഡൗൺടൈം, ആപ്പ് ഉപയോഗം, കോൺടാക്റ്റ്സ്, ഉള്ളടക്ക റേറ്റിങ്ങുകൾ എന്നിവയ്ക്കും മറ്റുമുള്ള ക്രമീകരണങ്ങൾ മാനേജ് ചെയ്യാൻ സ്ക്രീൻ സമയം നിങ്ങളെ അനുവദിക്കുന്നു. സ്ക്രീൻ സമയം ഉപയോഗിക്കുന്നതിന്, നിങ്ങളുടെ കുട്ടി ഒരു യോഗ്യതയുള്ള ഡിവൈസ് ഉപയോഗിക്കുന്നുണ്ടായിരിക്കണം. iCloud-ന്റെ സിസ്റ്റം ആവശ്യകതകൾ എന്ന Apple പിന്തുണ ലേഖനത്തിലെ സ്ക്രീൻ സമയ സെക്ഷൻ കാണൂ.

  1. ക്രമീകരണം  > കുടുംബം എന്നതിലേക്ക് പോകൂ.

  2. നിങ്ങൾ സ്ക്രീൻ സമയം സജ്ജീകരിക്കാൻ ആഗ്രഹിക്കുന്ന കുട്ടിയിൽ ടാപ്പ് ചെയ്യൂ, സ്ക്രീൻ സമയം ടാപ്പ് ചെയ്യൂ, ശേഷം ‘തുടരൂ’ ടാപ്പ് ചെയ്യൂ, തുടർന്ന് താഴെപ്പറയുന്നവയിൽ ഏതെങ്കിലും ചെയ്യൂ:

    • വെബ് ഉള്ളടക്കത്തിനുള്ള നിയന്ത്രണങ്ങൾ മാറ്റാൻ: ’വെബ് ഉള്ളടക്കം’ ടാപ്പ് ചെയ്യൂ, തുടർന്ന് ഒരു ഓപ്ഷൻ സെലക്റ്റ് ചെയ്യൂ.

    • ആപ്പുകൾ ഉപയോഗിക്കുന്നതിന് ഒരു റേറ്റിങ് സജ്ജമാക്കാൻ: ആപ്പുകൾ ടാപ്പ് ചെയ്യൂ, തുടർന്ന് ആപ്പ് ഉപയോഗം അനുവദിക്കുന്നതിന് പ്രായത്തിന് അനുയോജ്യമായ ഒരു റേറ്റിങ് തിരഞ്ഞെടുക്കൂ (ഉദാഹരണത്തിന്, 4+, 9+) അല്ലെങ്കിൽ പ്രായം പരിഗണിക്കാതെ തന്നെ ‘ആപ്പ് ബ്ലോക്ക് ചെയ്യാൻ അനുവദിക്കരുത്’ എന്നത് തിരഞ്ഞെടുക്കൂ.

    • മീഡിയ ഉള്ളടക്കം അനുവദിക്കുകയോ ബ്ലോക്ക് ചെയ്യുകയോ ചെയ്യാൻ: ‘ഒരു തരത്തിലുള്ള മീഡിയ ഉള്ളടക്കം ‘ടാപ്പ് ചെയ്യൂ, തുടർന്ന് അതിന് പ്രായത്തിന് അനുയോജ്യമായ ഒരു റേറ്റിങ് തിരഞ്ഞെടുക്കൂ.

  3. സ്ക്രീൻ സമയ ഓപ്ഷനുകൾ സജ്ജീകരിക്കാൻ സ്ക്രീനിലെ നിർദേശങ്ങൾ പിന്തുടരൂ.

    സ്ക്രീൻ സമയത്തെക്കുറിച്ചുള്ള വിവരങ്ങൾക്ക്, ഒരു കുടുംബാംഗത്തിനായി സ്ക്രീൻ സമയം സജ്ജീകരിക്കൂ എന്നത് കാണൂ.

    വ്യത്യസ്ത ഉള്ളടക്കത്തെയും സ്വകാര്യതാ നിയന്ത്രണങ്ങളെയും കുറിച്ച് കൂടുതലറിയാൻ, നിങ്ങളുടെ കുട്ടിയുടെ iPhone, iPad, iPod touch എന്നിവയിലെ രക്ഷാകർതൃ നിയന്ത്രണങ്ങൾ ഉപയോഗിക്കൂ എന്ന Apple പിന്തുണാ ലേഖനം കാണൂ.

നിങ്ങളുടെ കുട്ടി കൂടുതൽ സ്ക്രീൻ സമയം ആവശ്യപ്പെടുകയാണെങ്കിൽ, നിങ്ങൾക്ക് ക്രമീകരണത്തിലെ  > സ്ക്രീൻ സമയം അല്ലെങ്കിൽ സന്ദേശങ്ങൾ എന്നതിൽ അഭ്യർഥന അംഗീകരിക്കുകയോ നിരസിക്കുകയോ ചെയ്യാം.

’വാങ്ങാൻ ചോദിക്കൂ’ ഓണാക്കൂ

നിങ്ങൾ ’വാങ്ങാൻ ചോദിക്കൂ’ സജ്ജീകരിക്കുമ്പോൾ, ഒരു കുട്ടിയുടെ വാങ്ങലുകൾക്ക് കുടുംബ സംഘാടകനോ കുടുംബ ഗ്രൂപ്പിലെ ഒരു രക്ഷകർത്താവോ പേരന്റോ അംഗീകാരം നൽകണം.

  1. ക്രമീകരണം  > കുടുംബം എന്നതിലേക്ക് പോകൂ.

  2. ‘വാങ്ങാൻ ചോദിക്കൂ’ സജ്ജീകരിച്ചു നൽകാൻ നിങ്ങളാഗ്രഹിക്കുന്ന കുട്ടിയെ ടാപ്പ് ചെയ്യൂ.

  3. ’വാങ്ങാൻ ആവശ്യപ്പെടൂ’ ടാപ്പ് ചെയ്യൂ, തുടർന്ന് ’വാങ്ങാൻ ആവശ്യപ്പെടൂ’ ഓൺ ചെയ്യൂ.

കുട്ടികൾ വാങ്ങുന്നത് ‘വാങ്ങാൻ ആവശ്യപ്പെടൂ’ എന്നതിൽ അംഗീകരിക്കൂ എന്ന Apple പിന്തുണാ ലേഖനം കാണൂ.

കുറിപ്പ്: ’വാങ്ങാൻ ആവശ്യപ്പെടൂ’ എന്നതിനുള്ള പ്രായപരിധികൾ പ്രദേശത്തിനനുസരിച്ച് വ്യത്യാസപ്പെടുന്നു. യുണൈറ്റഡ് സ്റ്റേറ്റ്സിൽ, 18 വയസ്സിൽ താഴെയുള്ള ഏതൊരു കുടുംബാംഗത്തിനും ’വാങ്ങാൻ ചോദിക്കൂ’ ഓൺ ചെയ്യാൻ കുടുംബ ഓർഗനൈസർക്ക് കഴിയും; 13 വയസ്സിൽ താഴെയുള്ള കുട്ടികൾക്ക്, ഇത് ഡിഫോൾട്ടായി ഓണായിരിക്കും.

നിങ്ങൾക്ക് ഒരു കുട്ടിക്കായി Apple Cash കുടുംബ അക്കൗണ്ടും സജ്ജീകരിക്കാം. കുടുംബ പങ്കിടൽ ഉപയോഗിച്ച് Apple Cash, Apple Card എന്നിവ ഉപയോഗിക്കൂ(യുഎസിൽ മാത്രം) എന്നത് കാണൂ.

ഇതും കാണൂApple പിന്തുണാ ലേഖനം: നിങ്ങളുടെ ‘സ്ക്രീൻ സമയം’ പാസ്കോഡ് നിങ്ങൾ മറന്നാൽApple പിന്തുണാ ലേഖനം: ‘വാങ്ങാൻ ചോദിക്കൂ’ പ്രവർത്തിക്കുന്നില്ലെങ്കിൽ
Morty Proxy This is a proxified and sanitized view of the page, visit original site.
സഹായകമായോ?
കാരക്റ്റർ പരിധി: 250
പരമാവധി കാരക്റ്റർ പരിധി 250 ആണ്.
നിങ്ങളുടെ ഫീഡ്ബാക്കിന് നന്ദി.
Morty Proxy This is a proxified and sanitized view of the page, visit original site.