iOS 26
iOS 18
ഈ കൺട്രോളിൽ മാറ്റം വരുത്തുന്നത് ഈ പേജ് ഒട്ടോമാറ്റിക്കായി അപ്ഡേറ്റ് ചെയ്യാനിടയാക്കും

iPhone-ലെ ‘ഓർമപ്പെടുത്തലി’ൽ ഇനങ്ങൾ ടാഗ് ചെയ്യൂ

‘ഓർമപ്പെടുത്തൽ’ ആപ്പിൽ, നിങ്ങളുടെ ഓർമപ്പെടുത്തലുകൾ വിഭാഗികരിക്കുന്നതിനും ഓർഗനൈസ് ചെയ്യുന്നതിനുമുള്ള വേഗമേറിയതും സുഗമവുമായ മാർഗമെന്ന നിലയിൽ ടാഗുകൾ ഉപയോഗിക്കാം. നിങ്ങൾക്ക് ഓർമപ്പെടുത്തലുകളിലേക്ക് #ഷോപ്പിങ്, #ജോലി എന്നിവ പോലെ ഒന്നോ അതിലധികമോ ടാഗുകൾ ചേർക്കുകയും ‘ടാഗ് ബ്രൗസർ അല്ലെങ്കിൽ സ്മാർട്ട് ലിസ്റ്റുകൾ’ ഉപയോഗിച്ച് ലിസ്റ്റുകളിലുടനീളം നിങ്ങളുടെ ഓർമപ്പെടുത്തലുകൾ എളുപ്പത്തിൽ തിരയുകയും ഫിൽട്ടർ ചെയ്യുകയും ചെയ്യാം.

കുറിപ്പ്: ഈ ഗൈഡിൽ വിവരിച്ചിരിക്കുന്ന എല്ലാ ഓർമപ്പെടുത്തൽ ഫീച്ചറുകളും നിങ്ങൾ അപ്ഡേറ്റ് ചെയ്ത ഓർമപ്പെടുത്തലുകൾ ഉപയോഗിക്കുമ്പോൾ ലഭ്യമായിരിക്കും. മറ്റ് അക്കൗണ്ടുകൾ ഉപയോഗിക്കുമ്പോൾ ചില ഫീച്ചറുകൾ ലഭ്യമല്ല.

ടാഗുകൾ ചേർക്കൂ

  1. നിങ്ങളുടെ iPhone-ലെ ഓർമപ്പെടുത്തൽ ആപ്പിലേക്ക് പോകൂ.

  2. നിങ്ങൾ ലിസ്റ്റിൽ ഒരു ഇനം സൃഷ്ടിക്കുകയോ എഡിറ്റ് ചെയ്യുകയോ ചെയ്യുമ്പോൾ, # ടൈപ്പ് ചെയ്ത ശേഷം ടാഗ് നാമം ടൈപ്പ് ചെയ്യുകയോ കീബോർഡിന് മുകളിലുള്ള മെനുവിൽ നിന്ന് ഒരു ടാഗ് തിരഞ്ഞെടുക്കുകയോ ചെയ്യൂ.

    ഒരു ടാഗിൽ ഒരു വാക്ക് മാത്രമാവാനും കഴിയും, എന്നാൽ ഡാഷുകളും അണ്ടർസ്കോറുകളും ഉപയോഗിച്ച് നിങ്ങൾക്ക് വാക്കുകൾ സംയോജിപ്പിക്കാം. ഒരു ഇനത്തിലേക്ക് നിങ്ങൾക്ക് ഒന്നിലധികം ടാഗുകൾ ചേർക്കാൻ കഴിയും.

ടാഗുകളുള്ള ഇനങ്ങൾ കാണൂ

  1. നിങ്ങളുടെ iPhone-ലെ ഓർമപ്പെടുത്തൽ ആപ്പിലേക്ക് പോകൂ.

  2. ‘ലിസ്റ്റുകൾ’ ടാപ്പ് ചെയ്യൂ (മുകളിൽ-ഇടത് കോണിൽ).

    ഒന്നിലധികം ലിസ്റ്റുകളും താഴെ ടാഗ് ബ്രൗസറും കാണിക്കുന്ന ‘ഓർമപ്പെടുത്തൽ’ സ്ക്രീൻ.

  3. സ്ക്രീനിന്റെ ഏറ്റവും താഴെയുള്ള ‘ടാഗുകൾ’ക്ക് താഴെ, താഴെപ്പറയുന്നവയിൽ ഏതെങ്കിലും ചെയ്യൂ:

    • നിർദിഷ്ട ടാഗുകളുള്ള ഇനങ്ങൾ കാണാൻ: ഒന്നോ അതിലധികമോ ടാഗുകൾ ടാപ്പ് ചെയ്യൂ, തുടർന്ന് ഏതെങ്കിലും അല്ലെങ്കിൽ സെലക്റ്റ് ചെയ്ത എല്ലാ ടാഗുകളുമായും പൊരുത്തപ്പെടുന്ന ഇനങ്ങൾ കാണാൻ തിരഞ്ഞെടുക്കൂ.

      നുറുങ്ങ്: ഈ ലിസ്റ്റിനെ സ്മാർട്ട് ലിസ്റ്റ് ആയി സേവ് ചെയ്യുന്നതിന്, ‘കൂടുതൽ’ ബട്ടൺ ടാപ്പ് ചെയ്യൂ, എന്നിട്ട് ‘സ്മാർട്ട് ലിസ്റ്റ് സൃഷ്ടിക്കൂ’ ടാപ്പ് ചെയ്യൂ.

    • ടാഗുകളുള്ള എല്ലാ ഇനങ്ങളും കാണാൻ: ‘എല്ലാ ടാഗുകളും’ ടാപ്പ് ചെയ്യൂ.

      FarmersMarket ടാഗുള്ള ഇനങ്ങളുടെ ലിസ്റ്റ്. മുകളിൽ കാണുന്ന ബട്ടണുകൾ നിങ്ങൾക്ക് പ്രയോഗിക്കാവുന്ന അധിക ടാഗുകൾ കാണിക്കുന്നു.

ഒരു ടാഗിന്റെ പേര് മാറ്റൂ അല്ലെങ്കിൽ ഡിലീറ്റ് ചെയ്യൂ

  1. നിങ്ങളുടെ iPhone-ലെ ഓർമപ്പെടുത്തൽ ആപ്പിലേക്ക് പോകൂ.

  2. ‘ലിസ്റ്റുകൾ’ ടാപ്പ് ചെയ്യൂ (മുകളിൽ-ഇടത് കോണിൽ).

  3. സ്ക്രീനിന്റെ ഏറ്റവും താഴെയുള്ള ‘ടാഗുകൾ’ക്ക് താഴെ, ഒരു ടാഗിൽ തൊട്ടുപിടിച്ച്, ‘ടാഗിന്റെ പേര് മാറ്റൂ’ അല്ലെങ്കിൽ ‘ടാഗ് ഡിലീറ്റ് ചെയ്യൂ’ എന്നതിൽ ടാപ്പ് ചെയ്യൂ.

    നിങ്ങൾ ഒരു ടാഗ് ഡിലീറ്റ് ചെയ്യുമ്പോൾ, അത് ഉപയോഗിക്കുന്ന എല്ലാ ‘സ്മാർട്ട് ലിസ്റ്റുകളി’ൽ നിന്നും അത് നീക്കംചെയ്യപ്പെടും.

ഇതും കാണൂiPhone-ലെ ‘ഓർമപ്പെടുത്തലി’ൽ ‘സ്മാർട്ട് ലിസ്റ്റുകൾ’ ഉപയോഗിക്കൂiPhone-ലെ ‘ഓർമപ്പെടുത്തലി’ൽ നിങ്ങളുടെ എല്ലാ ലിസ്റ്റുകളിലും തിരയൂ
Morty Proxy This is a proxified and sanitized view of the page, visit original site.
സഹായകമായോ?
കാരക്റ്റർ പരിധി: 250
പരമാവധി കാരക്റ്റർ പരിധി 250 ആണ്.
നിങ്ങളുടെ ഫീഡ്ബാക്കിന് നന്ദി.
Morty Proxy This is a proxified and sanitized view of the page, visit original site.