iOS 26
iOS 18
ഈ കൺട്രോളിൽ മാറ്റം വരുത്തുന്നത് ഈ പേജ് ഒട്ടോമാറ്റിക്കായി അപ്ഡേറ്റ് ചെയ്യാനിടയാക്കും

iPhone-ലെ FaceTime കോളിൽ റിമോട്ട് കൺട്രോൾ അഭ്യർത്ഥിക്കുകയോ നൽകുകയോ ചെയ്യൂ

രണ്ടുപേർ തമ്മിലുള്ള ഒരു FaceTime വീഡിയോ അല്ലെങ്കിൽ ഓഡിയോ കോളിന്റെ സമയത്ത്, നിങ്ങൾക്ക് മറ്റൊരാളുടെ സ്ക്രീൻ റിമോട്ടായി കൺട്രോൾ ചെയ്യാനും അല്ലെങ്കിൽ വിശ്വസ്തനായ ഒരാളെ നിങ്ങളുടേത് കൺട്രോൾ ചെയ്യുന്നതിന് അനുവദിക്കാനും കഴിയും. സ്ക്രീൻ നിയന്ത്രിക്കുന്ന വ്യക്തിക്ക് ഒരു പ്രശ്നത്തിൽ സഹായിക്കാനോ ഒരു ആപ്പ് എങ്ങനെ ഉപയോഗിക്കാമെന്ന് കാണിക്കാനോ കഴിയും.

കുറിപ്പ്: നിങ്ങളുടെ സ്ക്രീൻ വിദൂരമായി നിയന്ത്രിക്കുന്നതിന് മുമ്പ്, അവരെ നിങ്ങളുടെ കോൺടാക്റ്റുകളിൽ സേവ് ചെയ്യേണ്ടതുണ്ട്. നിങ്ങളുടെ ഡാറ്റയും സ്വകാര്യതയും പരിരക്ഷിക്കാൻ സഹായിക്കുന്നതിന്, റിമോട്ട് കൺട്രോൾ അഭ്യർഥനകൾക്ക് അധിക നിയന്ത്രണങ്ങൾ ബാധകമായേക്കാം.

റിമോട്ട് കൺട്രോൾ ആവശ്യപ്പെടൂ

നിങ്ങളുമായി പങ്കുവയ്ക്കപ്പെടുന്ന iPhone സ്ക്രീനിന്റെ നിയന്ത്രണം നിങ്ങൾക്ക് അഭ്യർത്ഥിക്കാം.

കുറിപ്പ്: നിങ്ങൾക്കും പങ്കെടുക്കുന്ന മറ്റേയാൾക്കും iOS 18 അല്ലെങ്കിൽ അതിനുശേഷമുള്ളത് ആവശ്യമാണ്.

  1. നിങ്ങളുടെ iPhone-ലെ FaceTime ആപ്പിൽ, പങ്കിട്ട സ്ക്രീൻ കാണിക്കുന്ന വിൻഡോ ടാപ്പ് ചെയ്യൂ.

  2. ‘കൺട്രോൾ അഭ്യർത്ഥിക്കൂ’ ഐക്കൺ. ടാപ്പ് ചെയ്യൂ.

    പങ്കെടുക്കുന്ന മറ്റേയാൾ നിങ്ങളുടെ അഭ്യർത്ഥന അംഗീകരിക്കുകയാണെങ്കിൽ, നിങ്ങൾക്ക് പങ്കിട്ട സ്ക്രീനിൽ ടാപ്പ് ചെയ്യാനോ സ്വൈപ്പ് ചെയ്യാനോ കഴിയും. നിങ്ങൾക്ക് ആപ്പുകൾക്കുള്ളിൽ ഓൺസ്ക്രീൻ കീബോർഡും ഉപയോഗിക്കാം.

ഒരു റിമോട്ട് കൺട്രോൾ അഭ്യർത്ഥന സ്വീകരിക്കൂ

പങ്കെടുക്കുന്ന ഒരാൾക്ക്, അവർ iOS 18, iPadOS 18, അല്ലെങ്കിൽ അതിന് ശേഷമുള്ളവയുള്ള iPhone അല്ലെങ്കിൽ iPad ആണ് ഉപയോഗിക്കുന്നതെങ്കിൽ, നിങ്ങളുടെ സ്ക്രീൻ റിമോട്ടായി കൺട്രോൾ ചെയ്യുന്നതിന് അഭ്യർത്ഥിക്കാൻ കഴിയും.

നിങ്ങളുടെ iPhone-ലെ FaceTime ആപ്പിൽ നിങ്ങൾക്ക് ഒരു റിമോട്ട് കൺട്രോൾ അഭ്യർത്ഥനയുടെ അറിയിപ്പ് ലഭിക്കുകയാണെങ്കിൽ, ‘അനുവദിക്കൂ’ ടാപ്പ് ചെയ്യൂ.

മുന്നറിയിപ്പ്: സ്ക്രീൻ റിമോട്ടായി കൺട്രോൾ ചെയ്യുന്ന വ്യക്തിക്ക്, നിങ്ങളുടെ iPhone-ൽ ആപ്പുകൾ തുറക്കുകയും അടയ്ക്കുകയും ചെയ്യുക, ക്രമീകരണങ്ങൾ മാറ്റുക, ഇനങ്ങൾ ഡിലീറ്റ് ചെയ്യുക, സന്ദേശങ്ങൾ അയയ്ക്കുക എന്നിങ്ങനെയുള്ള ടാസ്കുകൾ നടത്താൻ കഴിയും. നിങ്ങൾ വിശ്വസിക്കുന്ന ആളുകളിൽ നിന്നുള്ള റിമോട്ട് കൺട്രോൾ അഭ്യർഥനകൾ മാത്രം അംഗീകരിക്കൂ.

സ്ക്രീൻ റിമോട്ടായി കൺട്രോൾ ചെയ്യുന്ന വ്യക്തിയെ നിങ്ങളുടെ Apple അക്കൗണ്ട് അല്ലെങ്കിൽ Face ID ക്രമീകരണങ്ങൾ മാറ്റുക, പേയ്മെന്റുകൾ നടത്തുക, അല്ലെങ്കിൽ നിങ്ങളുടെ ഡിവൈസ് മായ്ക്കുക എന്നീ ടാസ്കുകളിൽ നിന്ന് തടഞ്ഞേക്കാം. ഒരു റിമോട്ട് കൺട്രോൾ സെഷന്റെ സമയത്ത്, നിങ്ങളുടെ Face ID, Touch ID എന്നിവ ഡിസേബിൾ ചെയ്യപ്പെടും.

നിങ്ങളുടെ സ്ക്രീൻ റിമോട്ടായി കൺട്രോൾ ചെയ്യപ്പെടുകയാണെങ്കിൽ, നിങ്ങൾക്ക് അപ്പോഴും ടാപ്പ് ചെയ്യാനും സ്വൈപ്പ് ചെയ്യാനും ടൈപ്പ് ചെയ്യാനും സാധിക്കും—നിങ്ങളുടെ പ്രവർത്തനങ്ങൾക്കാണ് റിമോട്ട് പ്രവർത്തനങ്ങളേക്കാൾ മുൻഗണന.

ഒരു റിമോട്ട് കൺട്രോൾ അഭ്യർത്ഥന നിരസിക്കൂ

നിങ്ങളുടെ iPhone-ലെ FaceTime ആപ്പിൽ നിങ്ങൾക്ക് ഒരു റിമോട്ട് കൺട്രോൾ അഭ്യർത്ഥനയുടെ അറിയിപ്പ് ലഭിക്കുകയാണെങ്കിൽ, ‘അനുവദിക്കരുത്’ ടാപ്പ് ചെയ്യൂ. സ്ക്രീൻ പങ്കിടൽ തുടരുന്നു, പങ്കെടുക്കുന്ന മറ്റുള്ളവർക്ക് ഇപ്പോഴും പ്രധാനപ്പെട്ട ഭാഗങ്ങൾ ഹൈലൈറ്റ് ചെയ്യാൻ നിങ്ങളുടെ സ്ക്രീനിൽ ടാപ്പ് ചെയ്യാനോ വരയ്ക്കാനോ എഴുതാനോ കഴിയും.

റിമോട്ട് കൺട്രോൾ നിർത്തൂ

നിങ്ങൾക്ക് എപ്പോൾ വേണമെങ്കിലും റിമോട്ട് കൺട്രോൾ അവസാനിപ്പിക്കാം. താഴെപ്പറയുന്നവയിൽ ഒന്ന് ചെയ്യൂ:

  • നിങ്ങളുടെ സ്ക്രീൻ നിയന്ത്രിക്കാൻ ആരെയെങ്കിലും നിങ്ങൾ അനുവദിക്കുകയാണെങ്കിൽ: സ്ക്രീൻ പങ്കിടൽ വിൻഡോയുടെ താഴെയുള്ള ‘നിർത്തൂ’ ടാപ്പ് ചെയ്യൂ.

  • നിങ്ങൾ ആരുടെയെങ്കിലും സ്ക്രീൻ നിയന്ത്രിക്കുകയാണെങ്കിൽ: സ്ക്രീൻ പങ്കിടൽ വിൻഡോയുടെ താഴെയുള്ള ‘റിമോട്ട് കൺട്രോൾ ആവശ്യപ്പെടൂ’ ഐക്കൺ ടാപ്പ് ചെയ്യൂ.

FaceTime കോൾ അവസാനിപ്പിക്കുന്നതിലൂടെ റിമോട്ട് നിയന്ത്രണവും സ്ക്രീൻ പങ്കിടലും അവസാനിക്കുന്നു.

റിമോട്ട് കൺട്രോൾ എല്ലാ രാജ്യങ്ങളിലും പ്രദേശങ്ങളിലും ലഭ്യമല്ല.

ഇതും കാണൂiPhone-ലെ FaceTime കോളിൽ നിങ്ങളുടെ സ്ക്രീൻ പങ്കിടൂiPhone-ലെ ‘സന്ദേശങ്ങൾ’ ഉപയോഗിച്ച് പ്രോജക്റ്റുകളിൽ കൂട്ടുപ്രവർത്തനം നടത്തൂiPhone-ൽ വീഡിയോ കോൺഫറൻസിങ് ഫീച്ചറുകൾ ഉപയോഗിക്കൂ
Morty Proxy This is a proxified and sanitized view of the page, visit original site.
സഹായകമായോ?
കാരക്റ്റർ പരിധി: 250
പരമാവധി കാരക്റ്റർ പരിധി 250 ആണ്.
നിങ്ങളുടെ ഫീഡ്ബാക്കിന് നന്ദി.
Morty Proxy This is a proxified and sanitized view of the page, visit original site.