iPadOS 26
iPadOS 18
ह्या कंट्रोलमध्ये बदल केल्यामुळे हे पेज ऑटोमॅटिकली अपडेट होईल

iPad वरील ‘रिमाइंडर’ मध्ये यादी संपादित आणि व्यवस्थापित करणे

रिमाइंडर ॲपमध्ये, तुम्ही विभाग आणि सबटास्कसह यादी व्यवस्थापित करू शकता. तुम्ही विभागांना कॉलम म्हणून देखील पाहू शकता आणि वेगवेगळ्या कॉलममध्ये आयटम सहजपणे मूव्ह करू शकता.

नोट : जेव्हा तुम्ही iCloud मधील अपडेट केलेले रिमाइंडर वापरता तेव्हा ह्या गाइडमध्ये वर्णन केलेले सर्व ‘रिमाइंडर’ फीचर उपलब्ध असतात. इतर अकाउंटचा वापर करताना काही फीचर उपलब्ध नसतात.

एक विस्तारित केलेला आणि दुसरा संक्षिप्त केलेले विभाग असलेली यादी दाखवणारे ‘रिमाइंडर’ ॲप.

यादी संपादित करणे

  1. तुमच्या iPad वरील रिमाइंडर ॲपवर जा.

  2. यादी बघत असताना, अधिक बटण वर टॅप करा, त्यानंतर पुढीलपैकी कोणतेही काम करा :

    • यादीचे नाव, प्रकार, रंग किंवा आयकॉन बदला : ‘यादीची माहिती दाखवा’ वर टॅप करा.

    • अनेक आयटम संपादित करा : ‘रिमाइंडर सिलेक्ट करा’ किंवा ‘आयटम सिलेक्ट करा’ वर टॅप करा, त्यानंतर तुम्हाला संपादित करायचे असलेले ‘आयटम’ सिलेक्ट करा. तुम्ही आयटमवर दोन बोटे ड्रॅग देखील करू शकता. सिलेक्ट केलेल्या आयटमचा दिनांक आणि वेळ समाविष्ट करण्यासाठी, आयटम मूव्ह करण्यासाठी, हटविण्यासाठी, असाइन करण्यासाठी, पूर्ण करण्यासाठी, टॅग करण्यासाठी किंवा फ्लॅग करण्यासाठी स्क्रीनच्या खाली असलेल्या बटणांचा वापर करा.

    • देय दिनांक, तयार केलेल्याचा दिनांक, प्राधान्य किंवा शीर्षकानुसार आयटम क्रमवार लावा : (सर्व ‘स्मार्ट यादी’ मध्ये उपलब्ध नाही) ‘ह्यानुसार क्रमवारी लावा’ वर टॅप करा, त्यानंतर पर्याय निवडा.

      जेव्हा तुम्ही यादी क्रमवार लावता किंवा क्रम बदलता, तेव्हा तुम्ही iCloud मध्ये अपडेट केलेले रिमाइंडर वापरत असलेल्या तुमच्या इतर डिव्हाइसेसवरील यादीवर नवीन क्रम लागू केला जातो. तुम्ही शेअर केलेली यादी क्रमवार लावल्यास किंवा रीऑर्डर केल्यास, इतर सहभागींना देखील नवीन ऑर्डर दिसेल (जर ते अपडेट केलेले रिमाइंडर वापरत असतील तर).

    • यादी काढून टाका : ‘यादी हटवा’ वर टॅप करा.

यादीतील आयटम मॅन्युअली रीऑर्डर करणे किंवा त्यांचे पुन्हा वर्गीकरण करणे

  1. तुमच्या iPad वरील रिमाइंडर ॲपवर जा.

  2. यादी बघत असताना, तुम्हाला मूव्ह करायचे असलेल्या आयटमवर टच आणि होल्ड करा, नंतर त्याला नवीन स्थानावर ड्रॅग करा.

विभागांसह व्यवस्थापित करणे

  1. तुमच्या iPad वरील रिमाइंडर ॲपवर जा.

  2. यादी बघत असताना, पुढीलपैकी कोणतेही काम करा :

    • नवीन विभाग तयार करा : अधिक बटण वर टॅप करा, ‘नवीन विभाग’ वर टॅप करा, नंतर ‘नाव’ प्रविष्ट करा.

    • विभाग संक्षिप्त करा : संक्षिप्त बटण वर टॅप करा.

    • विभाग विस्तारित करा : ‘विस्तारित करा’ बटण वर टॅप करा.

    • विभागाचे नाव बदला : विभागाच्या नावावर टॅप करा, त्यानंतर नवीन नाव प्रविष्ट करा.

    • विभाग मूव्ह करा : विभागावर टच आणि होल्ड करा, नंतर त्याला नवीन स्थानावर ड्रॅग करा.

      नोट : तुम्ही इतरांचे विभाग मूव्ह करू शकत नाही.

    • विभाग काढून टाका : विभागावर डावीकडे स्वाइप करा, त्यानंतर ‘हटवा’ वर टॅप करा.

      नोट : विभाग काढून टाकल्याने विभागाचे रिमाइंडर्स देखील हटवले जातील.

जर Apple Intelligence* सुरू केलेले असेल, तर तुम्ही संबंधित रिमाइंडर्सना यादीमधील विभागांमध्ये ऑटोमॅटिकली वर्गीकृत करू शकता. ’रिमाइंडर’ ॲपमध्ये Apple Intelligence वापरा पहा.

विभागांना कॉलम म्हणून बघा

तुम्ही कॉलममध्ये यादी बघू शकता, ज्यामुळे आयटम व्हिज्युअलाइझ करणे आणि त्यांचे पुन्हा वर्गीकरण करणे सोपे होईल.

‘रिमाइंडर’ ॲप, कॉलम म्हणून व्यवस्थापित केलेल्या श्रेणींसह कॅम्पिंग ट्रिपची यादी दर्शवित आहे.

  1. तुमच्या iPad वरील रिमाइंडर ॲपवर जा.

  2. यादी बघत असताना, अधिक बटण वर टॅप करा, त्यानंतर ‘कॉलम्स म्हणून बघा’ वर टॅप करा.

  3. आयटमचे पुन्हा वर्गीकरण करण्यासाठी, त्याला वेगळ्या कॉलममध्ये ड्रॅग करा.

सबटास्क तयार करणे

  1. तुमच्या iPad वरील रिमाइंडर ॲपवर जा.

  2. यादी बघत असताना, आयटमवर उजवीकडे स्वाइप करा, त्यानंतर ‘इंडेंट’ वर टॅप करा. किंवा एखाद्या आयटमला दुसऱ्या आयटमवर ड्रॅग करा.

जर तुम्ही मुख्य कार्य पूर्ण केले, तर सबटास्क देखील पूर्ण केले जातात. जर तुम्ही ‘मुख्य कार्य’ हटवले किंवा मूव्ह केले, तर ‘सबटास्क’ देखील हटवले जातात किंवा मूव्ह केले जातात.

*Apple Intelligence बीटामध्ये पुढील भाषांच्या सपोर्टसह उपलब्ध आहे : इंग्रजी, डॅनिश, डच, फ्रेंच, जर्मन, इटालियन, नॉर्वेजियन, पोर्तुगीज, स्पॅनिश, स्वीडिश, तुर्की, चिनी (सरलीकृत), चिनी (पारंपारिक), जपानी, कोरियन आणि व्हिएतनामी. काही फीचर्स सर्व भाषा किंवा प्रदेशात उपलब्ध नसतील. भाषा आणि फीचर उपलब्धता आणि सिस्टीम आवश्यकतांविषयी अधिक माहितीसाठी, Apple Intelligence कसे प्राप्त करावे ह्यावर Apple सपोर्ट लेख पहा.
हे देखील पहाiPad वर ‘रिमाइंडर’ मध्ये तुमच्या सर्व याद्यांमध्ये सर्च करणेiPad वरील ‘रिमाइंडर’ मध्ये आयटम टॅग करणे
Morty Proxy This is a proxified and sanitized view of the page, visit original site.
उपयुक्त आहे का?
कॅरॅक्टर मर्यादा : 250
कमाल कॅरॅक्टर मर्यादा 250 आहे.
तुमच्या प्रतिक्रियेबद्दल धन्यवाद.
Morty Proxy This is a proxified and sanitized view of the page, visit original site.