iPadOS 26
iPadOS 18
ह्या कंट्रोलमध्ये बदल केल्यामुळे हे पेज ऑटोमॅटिकली अपडेट होईल

iPad वर Spotlight वापरून सर्च करणे

iPad वर, तुम्ही ॲप्स आणि संपर्क शोधू शकता, ‘Mail’ आणि ‘संदेश’ सारख्या ॲपमधील कॉण्टेण्ट आणि ‘लाइव्ह टेक्स्ट’ चा वापर करून तुमच्या छायाचित्रांमध्ये टेक्स्ट देखील शोधू शकता. तुम्ही स्टॉक आणि चलन माहिती तपासू शकता आणि तुमच्या छायाचित्र लायब्ररीमध्ये, तुमच्या संपूर्ण सिस्टीममध्ये आणि वेबवर वेबपृष्ठे, ‘ॲप आणि इमेज’ शोधू आणि उघडू शकता.

जेव्हा तुम्ही ॲप सर्च करता, तेव्हा तुमच्या पुढील संभाव्य कृतीसाठीचे ॲप शॉर्टकट सर्वोत्तम हिटमध्ये दिसतात. (उदाहरणार्थ, तुम्ही ‘छायाचित्र’ मध्ये सर्च करता तेव्हा ’आवडते’ अल्बमसाठी शॉर्टकट दिसेल.)

तुम्ही iPad वर कुठेही शोधू शकता—अगदी लॉक स्क्रीनवर देखील—आणि तुम्हाला सर्च परिणामांमध्ये कोणते ॲप समाविष्ट करायचे आहेत ते निवडा. ‘सर्च करा’ तुमच्या ॲप वापराच्या आधारावर सूचना देते आणि तुम्ही टाइप करता तसे परिणाम अपडेट करते.

सर्चमध्ये कोणते ॲप आणि कॉण्टेण्ट समाविष्ट करायचे ते निवडणे

  1. सेटिंग  > ‘सर्च’ वर जा.

  2. खाली स्क्रोल करा, ‘ॲप’ वर टॅप करा, नंतर ‘सर्चमध्ये ॲप दाखवा’ किंवा ‘सर्चमध्ये कॉण्टेण्ट दाखवा’ चालू किंवा बंद करा.

iPad सह सर्च करणे

  1. होम स्क्रीन किंवा लॉक स्क्रीनवर जा.

  2. स्क्रीनच्या मध्यापासून ‘वर’ स्वाइप करा.

  3. तुम्ही सर्च फील्डमध्ये जे शोधत आहात ते प्रविष्ट करा.

  4. खालीलपैकी कोणतेही एक करा :

    • तुमचे सर्च करणे सुरू करा : ’जा’ किंवा ’सर्च करा’ वर टॅप करा.

    • सुचवलेले ॲप उघडा : ॲपवर टॅप करा.

    • क्विक ॲक्शन करा : टाइमर सुरू करा, फोकस चालू करा, Shazam सह गाण्याचे नाव शोधा, कोणतेही शॉर्टकट रन करा आणि ह्यासारखे बरेच काही. ॲपसाठी उपलब्ध शॉर्टकट पाहण्यासाठी ॲपचे नाव सर्च करा किंवा शॉर्टकट ॲप वापरून स्वतःचे नाव तयार करा.

    • सुचवलेले संकेतस्थळ तपासा : त्यावर टॅप करा.

    • सर्च सूचनांविषयी अधिक माहिती मिळवा : त्यावर टॅप करा, नंतर ते उघडण्यासाठी एका परिणामावर टॅप करा.

    • नवीन सर्च सुरू करा : सर्च फील्डमध्ये ‘टेक्स्ट क्लिअर करा’ बटण वर टॅप करा.

स्थान-आधारित नोटिफिकेशन बंद करणे

  1. सेटिंग  > गोपनीयता व सुरक्षा > ‘स्थान सेवा’ वर जा.

  2. सिस्टीम सेवांवर टॅप करा, नंतर सूचना व सर्च बंद करा.

ॲपमध्ये सर्च करणे

अनेक ॲपमध्ये सर्च फिल्ड किंवा सर्च बटण असते, जेणेकरून तुम्ही ॲपमध्ये काहीतरी शोधू शकाल. उदाहरणार्थ, नकाशा ॲपमध्ये, तुम्ही विशिष्ट स्थान सर्च करू शकता.

  1. ॲपमध्ये, सर्च फिल्डवर किंवा सर्च बटण वर टॅप करा (तिथे एक असल्यास).

    तुम्हाला सर्च फील्ड किंवा बटण दिसत नसल्यास, वरून खाली स्वाइप करा.

  2. तुमचे सर्च टाइप करा, नंतर ‘सर्च’ वर टॅप करा.

शब्दकोश समाविष्ट करणे

iPad वर, तुम्ही शब्दकोश समाविष्ट करू शकता, जे ‘सर्च’ मध्ये वापरले जाऊ शकतात.

  1. सेटिंग  > सामान्य > ‘शब्दकोश’ वर जा.

  2. शब्दकोश सिलेक्ट करा.

हे देखील पहाiPad वर ‘नकाशा’ मध्ये ठिकाणे सर्च करणे
Morty Proxy This is a proxified and sanitized view of the page, visit original site.
उपयुक्त आहे का?
कॅरॅक्टर मर्यादा : 250
कमाल कॅरॅक्टर मर्यादा 250 आहे.
तुमच्या प्रतिक्रियेबद्दल धन्यवाद.
Morty Proxy This is a proxified and sanitized view of the page, visit original site.