iPadOS 26
iPadOS 18
ह्या कंट्रोलमध्ये बदल केल्यामुळे हे पेज ऑटोमॅटिकली अपडेट होईल

iPad वर छायाचित्रे आणि व्हिडिओ क्रॉप करणे, फिरवणे, फ्लिप करणे किंवा सरळ करणे

छायाचित्र किंवा व्हिडिओ क्रॉप करण्यासाठी, फिरवण्यासाठी, फ्लिप करण्यासाठी, सरळ करण्यासाठी किंवा त्याचा आकार ॲडजस्ट करण्यासाठी तुम्ही iPad वर छायाचित्र ॲपमधील टूल वापरू शकता.

तुम्ही जेव्हा iCloud छायाचित्रे वापरता, तेव्हा तुम्ही तुमच्या छायाचित्रे आणि व्हिडिओवर केलेली संपादने तुमच्या सर्व डिव्हाइसवर जतन केली जातात.

छायाचित्र आणि व्हिडिओ क्रॉप करणे, फिरवणे किंवा फ्लिप करणे

  1. तुमच्या iPad वर छायाचित्र ॲपवर जा.

  2. छायाचित्र किंवा व्हिडिओ उघडण्यासाठी त्यावर टॅप करा, नंतर ‘संपादित करा’ बटण वर टॅप करा.

  3. स्क्रीनच्या डाव्या बाजूला ‘क्रॉप करा’ बटण वर टॅप करा, नंतर पुढीलपैकी कोणतेही एक करा :

    छायाचित्र ॲपमध्ये मध्यभागी छायाचित्र असलेली संपादित करा’ स्क्रीन. स्क्रीनच्या डाव्या बाजूला ‘ॲडजस्ट करा’, ‘फिल्टर’ आणि ‘क्रॉप करा’ बटणे आहेत; ‘क्रॉप करा’ बटण सिलेक्ट केलेले आहे. स्क्रीनच्या उजव्या बाजूला क्रॉप एनहान्समेंट पर्याय आणि इफेक्टची पातळी ॲडजस्ट करण्यासाठी स्लायडर आहे.

    • मॅन्युअली क्रॉप करा : तुम्हाला इमेजमध्ये ठेवायचे असलेल्या भागाला बंद करण्यासाठी आयताकृती कोपरे ड्रॅग करा किंवा पिंच करुन उघडा किंवा बंद करा.

      नोट : तुम्ही कोपरा ड्रॅग करता तेव्हा क्रॉप टूल छायाचित्राचा मूळ ॲस्पेक्ट रेशो तसाच ठेवते. ॲस्पेक्ट रेशो बदलण्यासाठी, ॲस्पेक्ट रेशो अनलॉक करण्यासाठी असलेल्या छायाचित्राच्या वरच्या उजव्या कोपऱ्यातील लॉकवर टॅप करा.

    • मानक प्रीसेट रेशोमध्ये क्रॉप करा : स्क्रीनच्या शीर्षस्थानी ‘ॲस्पेक्ट रेशो’ बटण वर टॅप करा, नंतर स्क्रीनच्या तळाशी 'स्क्वेअर', 'वॉलपेपर', '9:16', किंवा '5:7' ह्यासारखा पर्याय निवडा.

    • फिरवा : इमेज 90 अंशात फिरवण्यासाठी फिरवा बटण वर टॅप करा.

    • फ्लिप करा : इमेज आडवी करण्यासाठी ‘फ्लिप करा’ बटण वर टॅप करा.

  4. तुमचे संपादन जतन करण्यासाठी ‘झाले’ वर टॅप करा किंवा तुम्हाला तुमचे बदल पसंत नसल्यास ‘रद्द करा’ वर टॅप करा, नंतर ‘बदल डिस्कार्ड करा’ वर टॅप करा.

तुम्ही छायाचित्र बघत असताना ते त्वरित क्रॉप करण्यासाठी, झूम इन करण्यासाठी छायाचित्रावर पिंच करा. जेव्हा तुम्हाला क्रॉप केलेले पाहिजे तसे छायाचित्र दिसेल, तेव्हा स्क्रीनच्या वरच्या उजव्या कोपऱ्यात ‘क्रॉप करा’ वर टॅप करा. क्रॉप टूलसह आणखी कोणतेही समायोजन करा, त्यानंतर ‘झाले’ वर टॅप करा.

छायाचित्र किंवा व्हिडिओ सरळ करणे आणि त्याचा पर्स्पेक्टिव्ह ॲडजस्ट करणे

तुम्ही छायाचित्र किंवा व्हिडिओ सरळ करू शकता किंवा त्याला अनुलंब किंवा आडवे करू शकता.

  1. तुमच्या iPad वर छायाचित्र ॲपवर जा.

  2. छायाचित्र किंवा व्हिडिओ उघडण्यासाठी त्यावर टॅप करा, नंतर ‘संपादित करा’ बटण वर टॅप करा.

  3. ‘क्रॉप करा’ बटण वर टॅप करा.

  4. संपादन पर्याय बघण्यासाठी छायाचित्राच्या खाली डावीकडे स्वाइप करा.

  5. तुम्हाला संपादित करायचे असलेल्या इफेक्टवर टॅप करा, त्यानंतर अचूक ॲडजस्टमेंट करण्यासाठी स्लायडर ड्रॅग करा.

    तुम्ही केलेल्या ॲडजस्टमेंटची पातळी स्लायडरद्वारे डिस्प्ले केली जाते. संपादित केलेले छायाचित्र किंवा व्हिडिओ आणि मूळ छायाचित्र किंवा व्हिडिओमध्ये स्विच करण्यासाठी बटणावर टॅप करा.

  6. तुमचे संपादन जतन करण्यासाठी ‘झाले’ वर टॅप करा.

    टिप : जतन केल्यानंतर केलेली संपादने पूर्ववत करण्यासाठी, छायाचित्र किंवा व्हिडिओ उघडा, ‘संपादित करा’ बटण वर टॅप करा, नंतर ‘पूर्वस्थितीत आणा’ वर टॅप करा.

Apple Intelligence वापरून लक्ष विचलित करणाऱ्या गोष्टी काढून टाकणे

तुमच्याकडे Apple Intelligence ला सपोर्ट करणारे iPadअसल्यास,* तुम्ही छायाचित्रामधील लक्ष विचलित करणाऱ्या गोष्टी ओळखण्यात आणि काढून टाकण्यात मदत करण्यासाठी ‘क्लीन अप’ टूल वापरू शकता. तुमच्या छायाचित्रांमधून लक्ष विचलित करणाऱ्या गोष्टी काढून टाकणे पहा.

*Apple Intelligence बीटामध्ये पुढील भाषांच्या सपोर्टसह उपलब्ध आहे : इंग्रजी, डॅनिश, डच, फ्रेंच, जर्मन, इटालियन, नॉर्वेजियन, पोर्तुगीज, स्पॅनिश, स्वीडिश, तुर्की, चिनी (सरलीकृत), चिनी (पारंपारिक), जपानी, कोरियन आणि व्हिएतनामी. काही फीचर्स सर्व भाषा किंवा प्रदेशात उपलब्ध नसतील. भाषा आणि फीचर उपलब्धता आणि सिस्टीम आवश्यकतांविषयी अधिक माहितीसाठी, Apple Intelligence कसे प्राप्त करावे ह्यावर Apple सपोर्ट लेख पहा.
हे देखील पहाiPad वर छायाचित्रे आणि व्हिडिओ संपादित करणेiPad वर छायाचित्र संपादने पूर्ववत करणे आणि पूर्वस्थितीत आणणेiPad वरील डॉक्युमेंटमध्ये टेक्स्ट, आकार, स्टिकर्स आणि बरेच काही समाविष्ट करण्यासाठी मार्कअप वापरणेApple सपोर्ट लेख : ‘छायाचित्र’ मध्ये थर्ड पार्टी ॲप आणि एक्सटेंशनसह संपादित कसे करावे
Morty Proxy This is a proxified and sanitized view of the page, visit original site.
उपयुक्त आहे का?
कॅरॅक्टर मर्यादा : 250
कमाल कॅरॅक्टर मर्यादा 250 आहे.
तुमच्या प्रतिक्रियेबद्दल धन्यवाद.
Morty Proxy This is a proxified and sanitized view of the page, visit original site.