iPadOS 26
iPadOS 18
ह्या कंट्रोलमध्ये बदल केल्यामुळे हे पेज ऑटोमॅटिकली अपडेट होईल

iPad वरील डेटा इरेझ करणे

तुम्ही तुमच्या iPad मधून तुमची वैयक्तिक माहिती, कॉण्टेण्ट आणि सेटिंग (जसे की, गोपनीयता आणि नेटवर्क सेटिंग) सुरक्षितपणे इरेझ करू शकता. जेव्हा तुम्ही तुमच्या iPad मधील डेटा इरेझ करता, तेव्हा तो फॅक्टरी सेटिंगमध्ये रीस्टोअर केला जातो. तुम्हाला तुमच्या iPad सेटिंग रीसेट करायच्या असतील परंतु तुमचा वैयक्तिक कॉण्टेण्ट ठेवायचा असल्यास, iPad सेटिंगला त्यांच्या डिफॉल्टवर रीसेट करणे पहा.

हा iPad स्क्रीन इरेझ करा.

तुम्ही सुरुवात करण्यापूर्वी

तुमच्या iPad चा बॅकअप घ्या जेणेकरून तुम्ही नंतर तुमचा डेटा वेगळ्या डिव्हाइसवर रीस्टोअर करू शकाल.

सेटिंग वापरून iPad वरील डेटा इरेझ करणे

  1. तुमच्या iPad वरील ‘सेटिंग’ ॲपवर जा.

  2. ‘सामान्य’ वर टॅप करा, नंतर ‘iPad ट्रान्सफर किंवा रीसेट करा’ वर टॅप करा.

  3. ‘सर्व कॉण्टेंट आणि सेटिंग खोडा’ वर टॅप करा.

  4. विचारल्यास, तुमचा iPad पासकोड किंवा Apple अकाउंट पासवर्ड प्रविष्ट करा.

  5. पुष्टी करण्यासाठी ‘चालू ठेवा’ वर टॅप करा.

    तुमच्याकडे eSIM असल्यास, तुम्ही तुमचे eSIM खोडणे किंवा ठेवणे निवडू शकता. तुम्ही तुमचे eSIM खोडल्यास, तुमचा मोबाइल प्लॅन पुन्हा सक्रिय करण्यासाठी तुम्हाला तुमच्या नेटवर्क प्रोव्हायडरशी संपर्क साधावा लागेल.

तुमचा Mac किंवा Windows डिव्हाइस वापरून iPad वरील डेटा इरेझ करणे

  1. तुमचा iPad तुमच्या संगणकाला USB किंवा USB-C केबलने कनेक्ट करा.

  2. तुमच्या Mac वर, Finder विंडो उघडण्यासाठी Finder आयकॉन वर क्लिक करा किंवा तुमच्या Windows डिव्हाइसवर Apple डिव्हाइसेस ॲप उघडा.

    तुमचा Mac जर macOS 10.14 किंवा आधीचे व्हर्जन वापरत असल्यास, किंवा तुमच्या Windows डिव्हाइसमध्ये Apple डिव्हाइसेस ॲप नसल्यास, त्याऐवजी iTunes उघडा.

  3. Finder साइडबारमध्ये iPad आयकॉनवर क्लिक करा (‘स्थान’ च्या खाली), नंतर विंडोच्या शीर्षस्थानी ‘सामान्य’ वर क्लिक करा.

  4. iPad ‘रीस्टोअर करा’ वर क्लिक करा, नंतर पुष्टी करण्यासाठी ’रीस्टोअर करा’ वर क्लिक करा.

    नोट : तुम्ही ’शोधाशोध’ मध्ये साइन इन केल्यास, तुम्ही ’रीस्टोअर’ वर क्लिक करण्यापूर्वी तुम्हाला साइन आउट करावे लागेल.

समस्या सोडवण्यासाठी, तुमचा iPhone, iPad किंवा iPod फॅक्टरी सेटिंगमध्ये रीस्टोअर करा ह्यावर Apple सपोर्ट लेख पहा.

हे देखील पहातुमच्या iPad ची विक्री करणे, देणे किंवा व्यापार करणे Apple सपोर्ट लेख : तुमच्या iPhone किंवा iPad वर eSIM कसे इरेझ करायचे
Morty Proxy This is a proxified and sanitized view of the page, visit original site.
उपयुक्त आहे का?
कॅरॅक्टर मर्यादा : 250
कमाल कॅरॅक्टर मर्यादा 250 आहे.
तुमच्या प्रतिक्रियेबद्दल धन्यवाद.
Morty Proxy This is a proxified and sanitized view of the page, visit original site.