iPadOS 26
iPadOS 18
ह्या कंट्रोलमध्ये बदल केल्यामुळे हे पेज ऑटोमॅटिकली अपडेट होईल

iPad वर ‘स्क्रीन टाइम’ सह सुरू करणे

कोणती ॲप आणि संकेतस्थळे वापरली जातात आणि किती काळासाठी वापरली जातात ह्या माहितीसह, तुम्ही तुमच्या डिव्हाइसेसवर किती वेळ घालवता ह्याबद्दल माहिती मिळवू शकता. तुम्ही शेड्यूल आणि वापरासाठी मर्यादादेखील सेट करू शकता.

स्क्रीन टाइम वापरून तुम्ही काय करू शकता याचा आढावा येथे आहे :

तुम्ही अपत्याचा ‘स्क्रीन टाइम’ सेट अप देखील करू शकता.

स्क्रीन टाइम चालू करणे

  1. तुमच्या iPad वर ‘सेटिंग’ ॲपवर  जा.

  2. ’स्क्रीन टाइम’ वर टॅप करा.

    जर तुम्हाला तुमच्या अपत्यासाठी स्क्रीन टाइम चालू करायचा असेल, तर तुमच्या अपत्याच्या नावावर टॅप करा.

  3. ‘ॲप व संकेतस्थळ ॲक्टिव्हिटी’ वर टॅप करा, नंतर ‘ॲप व संकेतस्थळ ॲक्टिव्हिटी चालू करा’ वर टॅप करा.

    स्क्रीन टाइम सेट अप करण्यासाठी स्क्रीन, दर्शवत आहे की सुरूवात करण्यासाठी तुम्ही ‘ॲप व संकेतस्थळ ॲक्टिव्हिटी’ वर टॅप करा.

तुमच्या सर्व डिव्हाइसेसवर स्क्रीन टाइम वापरणे

एकाच Apple अकाउंटमध्ये साइन इन केले असलेल्या तुमच्या iPhone, iPad आणि Mac वर तुम्ही तुमचे ‘स्क्रीन टाइम’ सेटिंग आणि रिपोर्ट सिंक करू शकता. याचा अर्थ असा की तुमचे डाउनटाइम शेड्यूल्स, मर्यादा आणि वापर डेटा तुमच्या डिव्हाइसेसवर शेअर केले जातात. तुम्ही विविध डिव्हाइसेसवर तुमची एकत्रित स्क्रीन टाइम ॲक्टिव्हिटीदेखील पाहू शकता.

  1. तुमच्या iPad वर ‘सेटिंग’ ॲपवर  जा.

  2. ’स्क्रीन टाइम’ वर टॅप करा.

    जर तुम्हाला तुमच्या अपत्यासाठी हे फीचर चालू करायचे असेल, तर तुमच्या अपत्याच्या नावावर टॅप करा.

  3. ‘सर्व डिव्हाइसवर शेअर करा’ चालू करा. (कदाचित तुम्हाला खाली स्क्रोल करावे लागेल.)

जेव्हा ‘सर्व डिव्हाइसेसवर शेअर करा’ चालू असते, तेव्हा तुम्ही सेट केलेल्या कोणत्याही स्क्रीन टाइम मर्यादा किंवा शेड्यूल्स तुमच्या iPhone, iPad आणि Mac ला लागू होतात. जर तुम्ही ‘सर्व डिव्हाइसेसवर शेअर करा’ बंद केले, तर प्रत्येक डिव्हाइस स्वतःच्या स्वतंत्र स्क्रीन टाइम सेटिंग राखून ठेवते.

तुमच्या स्क्रीन टाइमचा सारांश बघा

तुम्ही स्क्रीन टाइम ॲप सुरू केल्यानंतर कोणत्याही वेळी, तुम्ही तुमच्या डिव्हाइसच्या वापराचा अहवाल, म्हणजेच तुम्ही विशिष्ट प्रकारचे ॲप्स वापरण्यात किती वेळ घालवता, तुम्ही तुमचा iPad आणि इतर डिव्हाइसेस किती वेळा उचलता, कोणती ॲप्स तुम्हाला सर्वाधिक नोटिफिकेशन्स पाठवतात आणि बरेच काही बघू शकता.

  1. तुमच्या iPad वर ‘सेटिंग’ ॲपवर  जा.

  2. ’स्क्रीन टाइम’ वर टॅप करा.

    जर तुम्हाला तुमच्या अपत्यासाठी स्क्रीन टाइम सारांश बघायचा असेल, तर तुमच्या अपत्याच्या नावावर टॅप करा.

  3. ‘सर्व ॲप व संकेतस्थळांतील ॲक्टिव्हिटी पहा’ वर टॅप करा, त्यानंतर ज्या डिव्हाइसचा वापर तुम्हाला पहायचा आहे, ते सिलेक्ट करण्यासाठी ‘डिव्हाइस’ वर टॅप करा.

  4. तुमच्या साप्ताहिक वापराचा सारांश पाहण्यासाठी ‘आठवडा’ वर टॅप करा किंवा तुमच्या दैनंदिन वापराचा सारांश पाहण्यासाठी ‘दिवस’ वर टॅप करा.

    स्क्रीन टाइम ऑटोमॅटिकली तुमची ॲक्टिव्हिटी मनोरंजन आणि सर्जनशीलतासारख्या श्रेण्यांमध्ये गटबद्ध करते.

    नोट : तुमच्या स्क्रीन टाइमच्या सारांशामध्ये, जी स्क्रीन टाइम ॲक्टिव्हिटी कोणत्याही श्रेणीत येत नाही ती राखाडी रंगात दिसू शकते.

    तुम्ही तुमची हिस्ट्री पाहण्यासाठी तुमच्या स्क्रीन टाइम सारांशावर डावीकडे आणि उजवीकडे स्वाइप करू शकता.

    ॲपनुसार आणि श्रेणीनुसार सर्वच ॲप्सवर घालवलेला एकूण वेळ दाखवणारा ‘स्क्रीन टाइम साप्ताहिक अहवाल.’

स्क्रीन टाइम बंद करणे

  1. तुमच्या iPad वर ‘सेटिंग’ ॲपवर  जा.

  2. ’स्क्रीन टाइम’ वर टॅप करा.

    जर तुम्हाला तुमच्या अपत्यासाठी स्क्रीन टाइम बंद करायचा असेल, तर तुमच्या अपत्याच्या नावावर टॅप करा.

  3. पुढीलपैकी कोणतीही एक कृती करा :

    • ‘ॲप व संकेतस्थळ ॲक्टिव्हिटी’ बंद करा : खाली स्क्रोल करा, नंतर ‘ॲप व संकेतस्थळ ॲक्टिव्हिटी’ बंद करा वर टॅप करा.

      टिप : स्क्रीन टाइम बंद करण्याचा सर्वात सोपा मार्ग म्हणजे ॲप व संकेतस्थळ ॲक्टिव्हिटी बंद करणे. ‘ॲप आणि संकेतस्थळ ॲक्टिव्हिटी’ बंद केल्याने रिपोर्टिंग, डाउनटाइम, ॲप मर्यादा आणि ‘नेहमी अनुमती दिली जाते’ हे बंद होते.

    • डाउनटाइम बंद करा : ‘डाउनटाइम’ वर टॅप करा, नंतर ‘शेड्यूल केलेले’ बंद करा.

    • ॲप मर्यादा बंद करणे : ’ॲप मर्यादा’ वर टॅप करा, मर्यादेवर डावीकडे स्वाइप करा, नंतर ’हटवा’ वर टॅप करा.

एका नजरेत तुमच्या डिव्हाइसचा वापर तपासण्यासाठी ‘स्क्रीन टाइम’ विजेटचा वापर करणे

तुम्ही तुमच्या होम स्क्रीनवर स्क्रीन टाइम विजेट समाविष्ट करून तुमच्या डिव्हाइसचा वापर त्वरित तपासू शकता. विजेट तुमच्या स्क्रीन टाइम सारांशातील माहिती डिस्प्ले करते—तुम्ही जितके मोठे विजेट समाविष्ट कराल, तितकी अधिक माहिती डिस्प्ले होईल.

तुम्ही ‘कौटुंबिक शेअरिंग’ च्या माध्यमातून अपत्यासाठी स्क्रीन टाइम सेट अप केला, तर तुम्ही तुमच्या कुटुंब गटातील लोकांची यादी पाहण्यासाठी ‘विजेट’ वर टॅप करू शकता. ज्या अपत्याचा रिपोर्ट तुम्हाला बघायचा आहे त्याच्या नावावर टॅप करा.

तुमच्या स्क्रीनवर ‘स्क्रीन टाइम साप्ताहिक अहवाल’ नोटिफिकेशन दिसल्यावर त्यावर टॅप करूनही तुम्ही तुमचा सारांश पाहू शकता. (नोटिफिकेशन दिसेनासे झाल्यास, तुम्हाला ते नोटिफिकेशन सेंटरमध्ये दिसू शकते.)

हे देखील पहाiPad वर स्क्रीन टाइम पासकोड तयार करणे, मॅनेज करणे आणि त्याचा ट्रॅक ठेवणेiPad वर कौटुंबिक शेअरिंग सेट अप करणे
Morty Proxy This is a proxified and sanitized view of the page, visit original site.
उपयुक्त आहे का?
कॅरॅक्टर मर्यादा : 250
कमाल कॅरॅक्टर मर्यादा 250 आहे.
तुमच्या प्रतिक्रियेबद्दल धन्यवाद.
Morty Proxy This is a proxified and sanitized view of the page, visit original site.