iPadOS 26
iPadOS 18
ह्या कंट्रोलमध्ये बदल केल्यामुळे हे पेज ऑटोमॅटिकली अपडेट होईल

iPad वर छायाचित्र आणि व्हिडिओची माहिती पाहणे

तुम्ही ‘छायाचित्र’ ॲपमध्ये छायाचित्र किंवा व्हिडिओबद्दलची जतन केलेली मेटाडेटाची माहिती शोधू शकता. तुम्ही दिनांक, वेळ आणि स्थान ह्यासारखा विशिष्ट संग्रहित डेटा देखील बदलू शकता.

फोटो आणि व्हिडिओचा मेटाडेटा बघणे

  1. तुमच्या iPad वर छायाचित्र ॲपवर जा.

  2. ज्याचा मेटाडेटा तुम्हाला पहायचा आहे त्या छायाचित्रावर किंवा व्हिडिओवर टॅप करा, नंतर ‘वर’ स्वाइप करा किंवा माहिती बटण वर टॅप करा.

    छायाचित्र किंवा व्हिडिओनुसार तुम्हाला पुढील तपशील दिसतील :

    • छायाचित्रामध्ये ओळखले गेलेले लोक (लोक आणि पाळीव प्राणी शोधा आणि नाव द्या पहा)

    • छायाचित्र किंवा व्हिडिओचे वर्णन करण्यासाठी आणि ‘सर्च’ मध्ये शोधणे सोपे करण्यासाठी कॅप्शन फील्ड

    • व्हिज्युअल लूक अप द्वारे ओळखले गेलेले आयटम

    • मैफिली आणि क्रीडा इव्हेंट्समध्ये घेतलेल्या छायाचित्रांसाठी आणि व्हिडिओजसाठी इव्हेंटची माहिती

    • कोणत्या डिव्हाइसने छायाचित्र किंवा व्हिडिओ कॅप्चर केला आहे

    • छायाचित्र किंवा व्हिडिओ घेतले त्यावेळचा दिनांक आणि वेळ (दिनांक आणि वेळ संपादित करण्यासाठी ‘ॲडजस्ट करा’ वर टॅप करा)

    • कॅमेरा मेटाडेटा जसे की लेन्स, शटर स्पीड, फाइल आकार आणि बरेच काही

    • जेथे छायाचित्र किंवा व्हिडिओ घेतला गेला (‘नकाशा’ ॲपमध्ये स्थान बघण्यासाठी लिंकवर टॅप करा; स्थान संपादित करण्यासाठी ‘ॲडजस्ट करा’ वर टॅप करा; स्थान प्रविष्ट करण्यासाठी ‘स्थान समाविष्ट करा’ वर टॅप करा)

    • छायाचित्र किंवा व्हिडिओ शेअर केले गेले असल्यास, ते तुमच्याबरोबर कोणी शेअर केले

    • हे छायाचित्र कोणत्या अल्बममध्ये आहे (अल्बम उघडण्यासाठी टॅप करा)

    छायाचित्र ॲपमध्ये छायाचित्र उघडलेले आहे. छायाचित्रावर मेटाडेटा माहिती दिसते ज्यामध्ये वरपासून खालपर्यंत, छायाचित्र काढल्याचा दिनांक आणि वेळ, फाइलचे नाव, iPhone मॉडेल आणि कॅमेरा सेटिंग आणि छायाचित्र काढल्याच्या स्थानाचा नकाशा यांचा समावेश असतो.

  3. मेन्यू बंद करण्यासाठी ‘बंद करा’ बटण वर टॅप करा.

दिनांक, वेळ किंवा स्थान बदलणे

  1. तुमच्या iPad वर छायाचित्र ॲपवर जा.

  2. छायाचित्र किंवा व्हिडिओ उघडण्यासाठी त्यावर टॅप करा, नंतर अधिक बटण वर टॅप करा.

  3. ‘दिनांक व वेळ ॲडजस्ट करा’ किंवा ‘स्थान ॲडजस्ट करा’ वर टॅप करा, नंतर नवीन माहिती प्रविष्ट करा.

    • दिनांक आणि वेळ बदलण्यासाठी, अपडेट करण्यासाठी ‘दिनदर्शिका’ आणि ‘घड्याळ’ वापरा, त्यानंतर ’ॲडजस्ट करा’ वर टॅप करा.

    • स्थान बदलांसाठी, टेक्स्ट फील्डमध्ये छायाचित्र कुठे काढले ते प्रविष्ट करा, त्यानंतर ’स्थान नकाशा’ अंतर्गत दिसणाऱ्या स्थानावर टॅप करा.

छायाचित्रांच्या बॅचचे दिनांक, वेळ किंवा स्थान बदलण्यासाठी, ‘सिलेक्ट करा’ वर टॅप करा, तुम्हाला बदलायचे असलेल्या थंबनेलवर टॅप करा, नंतर वरील पायऱ्यांचे पालन करा.

छायाचित्र किंवा व्हिडिओला त्याच्या मूळ दिनांक, वेळ किंवा स्थानावर पूर्वस्थितीत आणण्यासाठी, अधिक बटण वर टॅप करा, ‘दिनांक व वेळ ॲडजस्ट करा’ किंवा ‘स्थान ॲडजस्ट करा’ वर टॅप करा, त्यानंतर ‘पूर्वस्थितीत आणा’ वर टॅप करा.

हे देखील पहाiPad वर तुमची छायाचित्र लायब्ररी ब्राउझ करणेiPad वर दिनांकानुसार छायाचित्रे आणि व्हिडिओ शोधणे
Morty Proxy This is a proxified and sanitized view of the page, visit original site.
उपयुक्त आहे का?
कॅरॅक्टर मर्यादा : 250
कमाल कॅरॅक्टर मर्यादा 250 आहे.
तुमच्या प्रतिक्रियेबद्दल धन्यवाद.
Morty Proxy This is a proxified and sanitized view of the page, visit original site.