iOS 26
iOS 18
ഈ കൺട്രോളിൽ മാറ്റം വരുത്തുന്നത് ഈ പേജ് ഒട്ടോമാറ്റിക്കായി അപ്ഡേറ്റ് ചെയ്യാനിടയാക്കും

iPhone-ലെ ‘ഫയൽസി’ൽ ഫയലുകളും ഫോൾഡറുകളും പരിഷ്കരിക്കൂ

iPhone-ലെ നിങ്ങളുടെ ഡോക്യുമെന്റുകളും ഇമേജുകളും മറ്റ് ഫയലുകളും നിങ്ങൾക്ക് കോപ്പി ചെയ്യാനും നീക്കാനും ഇഷ്ടാനുസൃതമാക്കാനും പങ്കിടാനും ഡിലീറ്റ് ചെയ്യാനുമാകും.

ഡൗൺലോഡുകൾ, കത്തുകൾ, കുടുംബം എന്നിങ്ങനെ പേരുള്ള ഒന്നിലധികം ഫോൾഡറുകളും ലൊക്കേഷനുകളും പ്രദർശിപ്പിക്കുന്ന ‘ഫയലുകൾ’ ആപ്പ്. അടുത്തിടെയുള്ള ഫയലുകൾ, പങ്കിട്ട ഫയലുകൾ, ബ്രൗസ് ടാബ് എന്നിവയ്ക്കായുള്ള ബട്ടണുകൾ സ്ക്രീനിന്റെ താഴെയുണ്ട്.

ഡോക്യുമെന്റുകൾ പരിഷ്കരിക്കുകയും പുനഃക്രമീകരിക്കുകയും ചെയ്യൂ

ഒരു ഫയൽ പിന്തുണയ്ക്കുന്ന ഡോക്യുമെന്റ് ഫോർമാറ്റിൽ കാണുമ്പോൾ, നിങ്ങൾക്ക് ഡോക്യുമെന്റിന്റെ ഉള്ളടക്കങ്ങൾ പരിഷ്ക്കരിക്കാനും പുനഃക്രമീകരിക്കാനുമാകും.

  1. നിങ്ങളുടെ iPhone-ലെ ‘ഫയൽസ്’ ആപ്പിലേക്ക് പോകൂ.

  2. നിങ്ങൾക്ക് ആവശ്യമുള്ള ഡോക്യുമെന്റ് തുറക്കൂ, അതിന്റെ ടൈറ്റിലിൽ ടാപ്പ് ചെയ്യൂ, തുടർന്ന് താഴെപ്പറയുന്നവയിലൊന്ന് തിരഞ്ഞെടുക്കൂ:

    • ഡ്യൂപ്ലിക്കേറ്റ് ചെയ്യൂ: ഡോക്യുമെന്റിന്റെ ഒരു കോപ്പി സൃഷ്ടിക്കാൻ.

    • നീക്കൂ: ഡോക്യുമെന്റ് മറ്റൊരു ലൊക്കേഷനിലേക്ക് നീക്കാൻ.

    • പേര് മാറ്റൂ: ഡോക്യുമെന്റിന്റെ പേര് മാറ്റാൻ.

    • എക്സ്പോർട്ട് ചെയ്യൂ: ഫയലിന്റെ ഒരു കോപ്പി മറ്റൊരു ഫയൽ ഫോർമാറ്റിൽ സേവ് ചെയ്യാൻ.

    • പ്രിന്റ് ചെയ്യൂ: ഡോക്യുമെന്റ് പ്രിന്റ് ചെയ്യാൻ

ഒരു ഡോക്യുമെന്റ് മാർക്ക് അപ്പ് ചെയ്യാൻ, സ്ക്രീനിന്റെ താഴെയുള്ള മാർക്ക്അപ്പ് ടൂൾബാർ ബട്ടൺ ടാപ്പ് ചെയ്യൂ.

ഫോട്ടോസ് ലൈബ്രറിയിൽ ഡോക്യുമെന്റ് സേവ് ചെയ്യാൻ ‘പങ്കിടൂ’ ബട്ടൺ ടാപ്പ് ചെയ്യൂ, തുടർന്ന് ‘ഇമേജ് സേവ് ചെയ്യൂ’ ടാപ്പ് ചെയ്യൂ.

ഒരു ഡോക്യുമെന്റ് വീണ്ടും ക്രമീകരിക്കാൻ, ഒരു ഹൈലൈറ്റ് ചെയ്ത പേജ് തൊട്ടുപിടിച്ച് പുതിയ ലൊക്കേഷനിലേക്ക് വലിക്കൂ.

കുറിപ്പ്: എല്ലാ ഡോക്യുമെന്റ് ഫോർമാറ്റുകളും ‘ഫയൽസ്’ ആപ്പ് പിന്തുണയ്ക്കുന്നില്ല.

നിങ്ങളുടെ ഫോൾഡറുകളുടെ ദൃശ്യരീതി ഇഷ്ടാനുസൃതമാക്കൂ

നിങ്ങളുടെ ഫോൾഡറുകൾ എളുപ്പത്തിൽ കണ്ടെത്താൻ നിങ്ങൾക്ക് അവയിൽ നിറങ്ങളും ഐക്കണുകളും ചേർക്കാൻ കഴിയും.

  1. നിങ്ങളുടെ iPhone-ലെ ‘ഫയൽസ്’ ആപ്പിലേക്ക് പോകൂ.

  2. നിങ്ങൾ ഇഷ്ടാനുസൃതമാക്കാൻ ആഗ്രഹിക്കുന്ന ഒരു ഫോൾഡർ തൊട്ടുപിടിക്കൂ, എന്നിട്ട് ‘ഫോൾഡറും ടാഗുകളും ഇഷ്ടാനുസൃതമാക്കൂ’ തിരഞ്ഞെടുക്കൂ.

    കുറിപ്പ്: ഡെസ്ക്ടോപ്പ്, ഡോക്യുമെന്റുകൾ, ഡൗൺലോഡുകൾ, ഫോൾഡറുകൾ എന്നിവയ്ക്ക് ഈ കമാൻഡ് ദൃശ്യമാകില്ല.

  3. ടാഗുകൾ ടാപ്പ് ചെയ്യൂ, ഒരു നിറം തിരഞ്ഞെടുക്കൂ, തുടർന്ന് ‘പിന്നിലേക്ക്’ ബട്ടൺ ടാപ്പ് ചെയ്യൂ.

  4. ഫോൾഡറിലേക്ക് ഒരു ഇമോജി ചേർക്കാൻ ഒരു ഐക്കൺ സെലക്റ്റ് ചെയ്യുകയോ ഇമോജി ടാപ്പ് ചെയ്യുകയോ ചെയ്യൂ.

ഫോൾഡറിൽ നിന്ന് ഐക്കൺ നീക്കം ചെയ്യാൻ, ഐക്കണുകൾക്ക് താഴെയുള്ള ‘മായ്ക്കൂ’ ടാപ്പ് ചെയ്യൂ.

ലിസ്റ്റ് കാഴ്ചയിലേക്കോ ഐക്കൺ കാഴ്ചയിലേക്കോ മാറ്റൂ

നിങ്ങളുടെ iCloud Drive-ലെ ഫയലുകളും ഫോൾഡറുകളും കാണിക്കുന്ന ഫയൽസ് ആപ്പ്. ഇനങ്ങൾ സെലക്റ്റ് ചെയ്യാനും ഒരു പുതിയ ഫോൾഡർ സൃഷ്ടിക്കാനും ഡോക്യുമെന്റുകൾ സ്കാൻ ചെയ്യാനും സെർവറിലേക്ക് കണക്റ്റ് ചെയ്യാനുമുള്ള ഓപ്ഷനുകൾ ‘കൂടുതൽ’ മെനുവിൽ ഉണ്ട്. സ്ക്രീനിൽ ഇനങ്ങൾ ഐക്കണുകളായോ ലിസ്റ്റുകളായോ കാണാനുള്ള ഓപ്ഷനുകൾ അതിന് താഴെയുണ്ട്. താഴെ പേര്, തരം, തീയതി, വലിപ്പം, ടാഗുകൾ എന്നിവ തരംതിരിക്കാനുള്ള ഓപ്ഷനുകളും തുടർന്ന് വ്യൂ ഓപ്ഷനുകളും ഉണ്ട്.

  1. നിങ്ങളുടെ iPhone-ലെ ‘ഫയൽസ്’ ആപ്പിലേക്ക് പോകൂ.

  2. തുറന്ന ലൊക്കേഷനിൽ നിന്നോ ഫോൾഡറിൽ നിന്നോ ‘കൂടുതൽ’ ബട്ടൺ ടാപ്പ് ചെയ്യൂ, തുടർന്ന് ഫയലുകളുടെ നിങ്ങളുടെ കാഴ്ച മാറ്റാൻ ഐക്കണുകളോ ലിസ്റ്റോ ടാപ്പ് ചെയ്യൂ.

    ലിസ്റ്റ് കാഴ്ചയിൽ ഒരു ഫയൽ ഹൈറാർക്കിയിലേക്ക് കൂടുതലായി നോക്കാൻ, ഒരു ഫോൾഡർ വികസിപ്പിക്കാൻ അതിനടുത്തുള്ള ‘ഫോർവേഡ്’ ബട്ടൺ ടാപ്പ് ചെയ്യൂ.

ബ്രൗസ് സ്ക്രീൻ പുനഃക്രമീകരിക്കൂ

  1. നിങ്ങളുടെ iPhone-ലെ ‘ഫയൽസ്’ ആപ്പിലേക്ക് പോകൂ.

  2. സ്ക്രീനിന്റെ താഴെയുള്ള ‘ബ്രൗസ് ചെയ്യൂ’ ടാപ്പ് ചെയ്യൂ.

  3. ബ്രൗസ് സ്ക്രീനിന്റെ മുകളിലുള്ള ‘കൂടുതൽ’ ബട്ടൺ ടാപ്പ് ചെയ്യൂ, ‘എഡിറ്റ് ചെയ്യൂ’ ടാപ്പ് ചെയ്യൂ, തുടർന്ന് താഴെപ്പറയുന്നവയിലേതെങ്കിലും ചെയ്യൂ:

    • ഒരു ലൊക്കേഷൻ മറയ്ക്കാൻ: ലൊക്കേഷൻ ഓഫ് ചെയ്യൂ.

    • ഒരു ടാഗ് ഡിലീറ്റ് ചെയ്ത് അത് എല്ലാ ഇനങ്ങളിൽ നിന്നും നീക്കം ചെയ്യാൻ: ടാഗിന് അടുത്തുള്ള നീക്കം ചെയ്യൂ ബട്ടൺ ടാപ്പ് ചെയ്യൂ. (ഒരു ഫയലോ ഫോൾഡറോ ടാഗ് ചെയ്യൂ കാണൂ.)

    • ‘പ്രിയപ്പെട്ടവ’ ലിസ്റ്റിൽ നിന്ന് ഒരു ഇനം നീക്കം ചെയ്യൂ: ഇനത്തിന് അടുത്തുള്ള നീക്കം ചെയ്യൂ ബട്ടൺ ടാപ്പ് ചെയ്യൂ. (ഒരു ഫോൾഡറിനെ പ്രിയപ്പെട്ടതായി അടയാളപ്പെടുത്തൂ കാണൂ.)

    • ഒരു ഇനത്തിന്റെ ക്രമം മാറ്റൂ: ‘പുനഃക്രമീകരിക്കൂ’ ബട്ടൺ തൊട്ടുപിടിച്ച്, അതിനെ ഒരു പുതിയ സ്ഥാനത്തേക്ക് വലിക്കൂ.

ഒരു ഫയലോ ഫോൾഡോ ഡിലീറ്റ് ചെയ്യാൻ

  1. നിങ്ങളുടെ iPhone-ലെ ‘ഫയൽസ്’ ആപ്പിലേക്ക് പോകൂ.

  2. സ്ക്രീനിന്റെ താഴെയുള്ള ‘ബ്രൗസ് ചെയ്യൂ’ എന്നതിൽ ടാപ്പ് ചെയ്യൂ, തുടർന്ന് നിങ്ങൾക്ക് ഡിലീറ്റ് ചെയ്യേണ്ട ഫയലോ ഫോൾഡറോ ലൊക്കേറ്റ് ചെയ്യൂ.

  3. ഫയലിൽ തൊട്ടുപിടിച്ച് ‘ഡിലീറ്റ് ചെയ്യൂ’ എന്നതിൽ ടാപ്പ് ചെയ്യൂ.

ഇതും കാണൂiPhone-ലെ ‘ഫയൽസി’ൽ ഫയലുകളും ഫോൾഡറുകളും കണ്ടെത്തുകയും കാണുകയും ചെയ്യൂ
Morty Proxy This is a proxified and sanitized view of the page, visit original site.
സഹായകമായോ?
കാരക്റ്റർ പരിധി: 250
പരമാവധി കാരക്റ്റർ പരിധി 250 ആണ്.
നിങ്ങളുടെ ഫീഡ്ബാക്കിന് നന്ദി.
Morty Proxy This is a proxified and sanitized view of the page, visit original site.