iOS 26
iOS 18
ഈ കൺട്രോളിൽ മാറ്റം വരുത്തുന്നത് ഈ പേജ് ഒട്ടോമാറ്റിക്കായി അപ്ഡേറ്റ് ചെയ്യാനിടയാക്കും

iPhone-ൽ കുടുംബാംഗങ്ങളുമായി ലൊക്കേഷനുകൾ പങ്കിടുകയും അവരുടെ നഷ്ടപ്പെട്ട ഡിവൈസുകൾ ലൊക്കേറ്റ് ചെയ്യുകയും ചെയ്യൂ

കുടുംബ പങ്കിടൽ ഉപയോഗിച്ച്, നിങ്ങളുടെ ലൊക്കേഷൻ നിങ്ങളുടെ കുടുംബ പങ്കിടൽ ഗ്രൂപ്പിലെ അംഗങ്ങളുമായി പങ്കിടാനും നഷ്ടപ്പെട്ട ഡിവൈസുകൾ കണ്ടെത്താൻ അവരെ സഹായിക്കാനും കഴിയും. ഫാമിലി ഓർഗനൈസർ കുടുംബ പങ്കിടൽ ക്രമീകരണങ്ങളിൽ ലൊക്കേഷൻ പങ്കിടൽ സജ്ജീകരിക്കുമ്പോൾ, ഓർഗനൈസറുടെ ലൊക്കേഷൻ പിന്നീട് ചേർക്കപ്പെടുന്ന പുതിയ അംഗങ്ങൾ ഉൾപ്പെടെ കുടുംബത്തിലെ എല്ലാവരുമായും ഓട്ടോമാറ്റിക്കായി പങ്കിടും. ശേഷം, കുടുംബാംഗങ്ങൾക്ക് അവരുടെ ലൊക്കേഷൻ പങ്കിടണോ വേണ്ടയോ എന്ന് തിരഞ്ഞെടുക്കാവുന്നതാണ്.

നിങ്ങളുടെ ലൊക്കേഷൻ കുടുംബാംഗങ്ങളുമായി പങ്കിടൂ

നിങ്ങളുടെ കുടുംബവുമായി നിങ്ങൾ ലൊക്കേഷനുകൾ പങ്കിടുമ്പോൾ, അവർക്ക് നിങ്ങളുടെ ലൊക്കേഷൻ ‘കണ്ടെത്തൂ’വിൽ കാണാം. കുടുംബാംഗങ്ങൾ അവരുടെ ലൊക്കേഷനുകൾ മാറ്റുമ്പോൾ നിങ്ങൾക്ക് അറിയിപ്പുകൾ നേടുകയും ചെയ്യാം—ഉദാഹരണത്തിന്, ഒരു കുട്ടി സ്കൂൾ സമയങ്ങളിൽ സ്കൂളിൽ നിന്ന് പുറത്തു പോകുമ്പോൾ.

  1. ക്രമീകരണം  > കുടുംബം > ലൊക്കേഷൻ പങ്കിടൽ എന്നതിലേക്ക് പോകൂ.

  2. നിങ്ങളുടെ ലൊക്കേഷൻ പങ്കിടാൻ ആഗ്രഹിക്കുന്ന കുടുംബാംഗത്തിനായി ‘ലൊക്കേഷൻ പങ്കിടൽ’ ഓൺ ചെയ്യൂ.

    നിങ്ങളുടെ ലൊക്കേഷൻ പങ്കിടാൻ ആഗ്രഹിക്കുന്ന ഓരോ കുടുംബാംഗത്തിനും നിങ്ങൾക്ക് ഈ ഘട്ടം ആവർത്തിക്കാം. നിങ്ങളുടെ ലൊക്കേഷൻ പങ്കിടുന്നുവെന്നും അവരുടെ ലൊക്കേഷൻ നിങ്ങളുമായി പങ്കുവയ്ക്കാൻ തിരഞ്ഞെടുക്കാൻ കഴിയുമെന്നുമുള്ള സന്ദേശം ഓരോ കുടുംബാംഗത്തിനും ലഭിക്കും.

    നിങ്ങൾക്ക് എപ്പോൾ വേണമെങ്കിലും ഏത് കുടുംബാംഗവുമായും ലൊക്കേഷൻ പങ്കിടുന്നത് അവസാനിപ്പിക്കാം.

  3. പിന്നീട് ചേരുന്ന പുതിയ അംഗങ്ങളുമായി നിങ്ങളുടെ ലൊക്കേഷൻ പങ്കിടാൻ ആഗ്രഹിക്കുന്നുവെങ്കിൽ, ’ഓട്ടോമാറ്റിക്കായി ലൊക്കേഷൻ പങ്കിടൂ’ ഓൺ ചെയ്യൂ.

കുറിപ്പ്: സ്ക്രീൻ സമയം ഓണായിരിക്കെ കുട്ടികൾക്കും കൗമാരക്കാർക്കും അവരുടെ സ്വന്തം ലൊക്കേഷൻ പങ്കിടൽ ക്രമീകരണങ്ങൾ മാറ്റാൻ കഴിഞ്ഞേക്കില്ല.

നിങ്ങളുടെ ലൊക്കേഷൻ പങ്കിടാൻ, ക്രമീകരണം  > സ്വകാര്യതയും സുരക്ഷയും എന്നതിൽ നിങ്ങൾ ‘ലൊക്കേഷൻ സേവനങ്ങൾ’ ഓൺ ചെയ്തിരിക്കണം. നിങ്ങൾ പങ്കിടുന്ന ലൊക്കേഷൻ വിവരങ്ങൾ നിയന്ത്രിക്കൂ എന്നത് കാണൂ.

ഒരു കുടുംബാംഗത്തിന്റെ ഡിവൈസ് ലൊക്കേറ്റ് ചെയ്യൂ

കുടുംബ പങ്കിടൽ ഗ്രൂപ്പിലെ അംഗങ്ങളുമായി നിങ്ങളുടെ ലൊക്കേഷൻ നിങ്ങൾ പങ്കിട്ടതിന് ശേഷം, കണ്ടെത്തൂ ആപ്പിലേക്ക് ചേർത്ത ഒരു കാണാതായ ഡിവൈസ് കണ്ടെത്താൻ അവർക്ക് സഹായിക്കാനാകും.

’കണ്ടെത്തൂ’ എന്നതിൽ ഒരു ഡിവൈസ് ലൊക്കേറ്റ് ചെയ്യൂ എന്നത് കാണൂ.

നിങ്ങളുടെ ഡിവൈസുകൾ ലിസ്റ്റിന്റെ മുകളിലും നിങ്ങളുടെ കുടുംബാംഗങ്ങളുടെ ഡിവൈസുകൾ നിങ്ങളുടെ ഡിവൈസുകൾക്ക് താഴെയുമാണ്.

ഒരു AirTag നിങ്ങളുമായി പങ്കിടാൻ ഒരു കുടുംബാംഗത്തോട് ആവശ്യപ്പെടൂ

നിങ്ങൾക്ക് ’കണ്ടെത്തൂ’ ആപ്പിൽ നിന്ന് ഒരു അറിയിപ്പ് ലഭിക്കുകയാണെങ്കിൽ അതിൽ AirTag നിങ്ങളുടെ അടുത്ത് കണ്ടെത്തിയെന്നോ അജ്ഞാത AirTag എന്നോ പറയുമ്പോൾ, അതിന്റെ ഉടമയായ കുടുംബാംഗത്തോട് AirTag നിങ്ങളുമായി പങ്കിടാൻ നിങ്ങൾക്ക് ആവശ്യപ്പെടാം.

  1. അറിയിപ്പിൽ, AirTag പങ്കിടാൻ ഉടമയോട് ആവശ്യപ്പെടൂ ടാപ്പ് ചെയ്യൂ.

  2. സ്ക്രീനിന്റെ താഴെയുള്ള ‘ഉടമയോട് ആവശ്യപ്പെടൂ’ ടാപ്പ് ചെയ്യൂ.

ഒരു കുടുംബാംഗത്തിന്റെ കാണാതായ ഡിവൈസ് ലൊക്കേറ്റ് ചെയ്യാൻ ഡിവൈസുകൾ iCloud.com-ൽ കണ്ടെത്തൂ എന്നതും നിങ്ങൾക്ക് ഉപയോഗിക്കാം. iCloud യൂസർ ഗൈഡിലെ iCloud.com-ലെ ഡിവൈസുകൾ കണ്ടെത്തൂ എന്നതിൽ ഒരു ഡിവൈസ് ലോക്കേറ്റ് ചെയ്യൂ എന്നത് കാണൂ.

ഇതും കാണൂiPhone-ലെ കുടുംബ പങ്കിടൽ ഉപയോഗിച്ച് രക്ഷാകർതൃ കൺട്രോളുകൾ സജ്ജീകരിക്കൂ
Morty Proxy This is a proxified and sanitized view of the page, visit original site.
സഹായകമായോ?
കാരക്റ്റർ പരിധി: 250
പരമാവധി കാരക്റ്റർ പരിധി 250 ആണ്.
നിങ്ങളുടെ ഫീഡ്ബാക്കിന് നന്ദി.
Morty Proxy This is a proxified and sanitized view of the page, visit original site.