iPhone ഉപയോഗിച്ച് ട്രാൻസിറ്റിനായി പണമടയ്ക്കൂ

നിങ്ങളുടെ പ്രാദേശിക ട്രാൻസിറ്റ് സിസ്റ്റത്തിന്റെ അടിസ്ഥാനത്തിൽ, Apple Pay-യിലെ പേയ്മെന്റ് കാർഡ് അല്ലെങ്കിൽ വാലറ്റ് ആപ്പിൽ സ്റ്റോർ ചെയ്ത ഒരു ട്രാൻസിറ്റ് കാർഡ് ഉപയോഗിച്ച് നിങ്ങളുടെ യാത്രാനിരക്ക് അടയ്ക്കാൻ നിങ്ങൾക്ക് iPhone ഉപയോഗിക്കാം.

കുറിപ്പ്: എല്ലാ രാജ്യങ്ങളിലും പ്രദേശങ്ങളിലും ലഭ്യമല്ല; Apple Pay ഉപയോഗിച്ച് നിങ്ങൾക്ക് എവിടെ ട്രാൻസിറ്റ് ചെയ്യാം എന്നത് കാണൂ.

‘വാലറ്റ്’ ആപ്പിലെ ഒരു ട്രാൻസിറ്റ് കാർഡ്. കാർഡിന് താഴെയാണ് ബാലൻസ്, ‘പണം ചേർക്കൂ’ ബട്ടണിന് അടുത്തായി.

വാലറ്റിലേക്ക് ഒരു ട്രാൻസിറ്റ് കാർഡ് ചേർക്കാൻ

  1. നിങ്ങളുടെ iPhone-ലെ വാലറ്റ്  ആപ്പിലേക്ക് പോകൂ.

  2. ‘കാർഡ് ചേർക്കൂ’ ബട്ടൺ ടാപ്പ് ചെയ്തതിന് ശേഷം ‘ട്രാൻസിറ്റ് കാർഡ്’ ടാപ്പ് ചെയ്യൂ.

  3. ലിസ്റ്റിൽ നിന്ന് ഒരു ട്രാൻസിറ്റ് കാർഡ് തിരഞ്ഞെടുക്കൂ—അല്ലെങ്കിൽ ലൊക്കേഷൻ അല്ലെങ്കിൽ കാർഡിന്റെ പേര് പ്രകാരം തിരയൂ—തുടർന്ന് സ്ക്രീനിലെ നിർദേശങ്ങൾ പാലിക്കൂ.

നിങ്ങളുടെ ട്രാൻസിറ്റ് കാർഡ് എങ്ങനെ ട്രാൻസ്ഫർ ചെയ്യാമെന്ന് അറിയാൻ, Apple Wallet-ലേക്ക് ഒരു ട്രാൻസിറ്റ് കാർഡ് ചേർക്കുക എന്ന Apple പിന്തുണാ ലേഖനം കാണൂ.

നിങ്ങളുടെ ബാലൻസ് കാണുകയും പണം ചേർക്കുകയും ചെയ്യൂ

  1. നിങ്ങളുടെ iPhone-ലെ വാലറ്റ്  ആപ്പിലേക്ക് പോകൂ.

  2. ‘ബാലൻസും ഇടപാടുകളും’ കാണാൻ നിങ്ങളുടെ ട്രാൻസിറ്റ് കാർഡിൽ ടാപ്പ് ചെയ്യൂ.

  3. ‘പണം ചേർക്കൂ’ ടാപ്പ് ചെയ്യൂ, തുടർന്ന് സ്ക്രീനിൽ കാണുന്ന നിർദേശങ്ങൾ പിന്തുടരൂ.

കൂടുതലറിയാൻ, Apple Pay ഉപയോഗിച്ച് നിങ്ങളുടെ ട്രാൻസിറ്റ് കാർഡ് ടോപ്പ് അപ്പ് ചെയ്യൂ എന്ന Apple പിന്തുണാ ലേഖനം കാണൂ.

ട്രാൻസിറ്റ് കാർഡ് വിശദാംശങ്ങൾ കാണുകയും ക്രമീകരണങ്ങൾ മാറ്റുകയും ചെയ്യൂ

  1. നിങ്ങളുടെ iPhone-ലെ വാലറ്റ്  ആപ്പിലേക്ക് പോകൂ.

  2. നിങ്ങളുടെ ട്രാൻസിറ്റ് കാർഡിൽ ടാപ്പ് ചെയ്തതിന് ശേഷം ‘കൂടുതൽ’ ബട്ടൺ ടാപ്പ് ചെയ്യൂ.

  3. താഴെപ്പറയുന്നവയിൽ ഏതെങ്കിലും ടാപ്പ് ചെയ്യൂ:

    • കാർഡ് നമ്പർ: നിങ്ങളുടെ അക്കൗണ്ട് നമ്പർ കാണൂ.

    • കാർഡ് വിശദാംശങ്ങൾ: നിങ്ങളുടെ അക്കൗണ്ട് ബാലൻസ് കാണൂ; സ്റ്റേഷനുകളിലും കിയോസ്കുകളിലും സഹായം ലഭിക്കാൻ സേവന മോഡ് ഓൺ ചെയ്യൂ; എക്സ്പ്രസ് ട്രാൻസിറ്റ് ഓണാക്കുകയോ ഓഫാക്കുകയോ ചെയ്യൂ; അല്ലെങ്കിൽ വാലറ്റിൽ നിന്ന് കാർഡ് നീക്കം ചെയ്യൂ.

    • അറിയിപ്പുകൾ: അറിയിപ്പുകൾ ഓണാക്കുകയോ ഓഫാക്കുകയോ ചെയ്യൂ.

എക്സ്പ്രസ് ട്രാൻസിറ്റ് ഉപയോഗിച്ച് നിങ്ങളുടെ റൈഡിനായി പണമടയ്ക്കൂ

‘എക്സ്പ്രസ് ട്രാൻസിറ്റി’ൽ, Face ID, Touch ID അല്ലെങ്കിൽ നിങ്ങളുടെ പാസ്കോഡ് എന്നിവ ഉപയോഗിച്ച് നിങ്ങൾ ഓതെന്റിക്കേറ്റ് ചെയ്യേണ്ടതില്ല, കൂടാതെ നിങ്ങളുടെ ഡിവൈസ് വേക്ക് ചെയ്യുകയോ അൺലോക്ക് ചെയ്യുകയോ ഒരു ആപ്പ് തുറക്കുകയോ ചെയ്യേണ്ടതില്ല.

കുറിപ്പ്: എക്സ്പ്രസ് ട്രാൻസിറ്റ് എല്ലാ രാജ്യങ്ങളിലും പ്രദേശങ്ങളിലും ലഭ്യമല്ല.

  1. ഒരു ട്രാൻസിറ്റ് നെറ്റ്‌വർക്കിനായി നിങ്ങൾക്ക് ഒന്നിലധികം കാർഡുകൾ ഉണ്ടെങ്കിൽ, ക്രമീകരണം  > വാലറ്റ് & Apple Pay > എക്സ്പ്രസ് ട്രാൻസിറ്റ് കാർഡ് എന്നതിൽ ഡിഫോൾട്ട് എക്സ്പ്രസ് ട്രാൻസിറ്റ് കാർഡ് സജ്ജമാക്കൂ.

    ഡിഫോൾട്ടായി, നിങ്ങൾ ഒരു യോഗ്യതയുള്ള കാർഡ് ചേർക്കുമ്പോൾ എക്സ്പ്രസ് ട്രാൻസിറ്റ് ഓണാക്കും.

  2. നിങ്ങൾ ഒരു ഫെയർ ഗേറ്റിനെ സമീപിക്കുമ്പോഴോ ബസിൽ കയറുമ്പോഴോ, നിങ്ങളുടെ ഡിവൈസ് ഓണാണെന്ന് ഉറപ്പാക്കൂ (അത് ഇന്റർനെറ്റിലേക്ക് കണക്റ്റ് ചെയ്യേണ്ടതില്ല).

  3. വൈബ്രേഷൻ അനുഭവപ്പെടുന്നതുവരെ നിങ്ങളുടെ iPhone-ന്റെ മുകൾഭാഗം ടിക്കറ്റ് ഗേറ്റ് സ്കാനറിന്റെ മധ്യഭാഗത്ത് പിടിക്കൂ.

നിങ്ങളുടെ iPhone ചാർജ് ചെയ്യേണ്ട അവസ്ഥയിലായിരിക്കുമ്പോൾ പോലും എക്സ്പ്രസ് ട്രാൻസിറ്റ് കാർഡ് ഉപയോഗിക്കാൻ നിങ്ങൾക്ക് കഴിഞ്ഞേക്കും.

ഒരു ഫെയർ ഗേറ്റിൽ ട്രാൻസിറ്റിനായി പണമടയ്ക്കൂ

എക്സ്പ്രസ് ട്രാൻസിറ്റ് ഉപയോഗിക്കുന്നില്ലെങ്കിൽ, താഴെ പറയുന്ന കാര്യങ്ങൾ ചെയ്യൂ:

  1. നിങ്ങളുടെ ഡിവൈസ് ഓണാണെന്ന് ഉറപ്പാക്കൂ (അതിന് ഇന്റർനെറ്റിലേക്ക് കണക്റ്റ് ചെയ്യേണ്ടതില്ല).

  2. നിങ്ങൾ ഒരു ഫെയർ ഗേറ്റിനെ സമീപിക്കുമ്പോഴോ ബസിൽ കയറുമ്പോഴോ, താഴെപ്പറയുന്നവയിലൊന്ന് ചെയ്യൂ:

    • Face ID ഉള്ള iPhone-ൽ: സൈഡ് ബട്ടണിൽ ഡബിൾ ക്ലിക്ക് ചെയ്യുക, തുടർന്ന് ഫേസ് ഐഡി ഉപയോഗിച്ച് ഓതെന്റിക്കേറ്റ് ചെയ്യാൻ iPhone-ൽ നോക്കൂ, അല്ലെങ്കിൽ നിങ്ങളുടെ പാസ്‌കോഡ് നൽകൂ.

    • Touch ID ഉള്ള iPhone-ൽ: നിങ്ങളുടെ ഡിവൈസിൽ ലോക്ക് സ്ക്രീൻ കാണിക്കുമ്പോൾ, ഹോം ബട്ടണിൽ ഇരട്ട ക്ലിക്ക് ചെയ്യൂ, തുടർന്ന് Touch ID-യിൽ വിരൽ വയ്ക്കൂ.

  3. വൈബ്രേഷൻ അനുഭവപ്പെടുന്നതുവരെ നിങ്ങളുടെ iPhone-ന്റെ മുകൾഭാഗം ടിക്കറ്റ് ഗേറ്റ് സ്കാനറിന്റെ മധ്യഭാഗത്ത് പിടിക്കൂ.

ഇതും കാണൂiPhone-ലെ വാലറ്റിൽ പാസുകൾ ഉപയോഗിക്കൂiPhone-ലെ ‘വാലറ്റും Apple Pay-യും’ ക്രമീകരണങ്ങൾ മാറ്റൂ
Morty Proxy This is a proxified and sanitized view of the page, visit original site.
സഹായകമായോ?
കാരക്റ്റർ പരിധി: 250
പരമാവധി കാരക്റ്റർ പരിധി 250 ആണ്.
നിങ്ങളുടെ ഫീഡ്ബാക്കിന് നന്ദി.
Morty Proxy This is a proxified and sanitized view of the page, visit original site.