iOS 26
iOS 18
ഈ കൺട്രോളിൽ മാറ്റം വരുത്തുന്നത് ഈ പേജ് ഒട്ടോമാറ്റിക്കായി അപ്ഡേറ്റ് ചെയ്യാനിടയാക്കും

iPhone-ലെ ‘ഓർമപ്പെടുത്തലി’ൽ ഒരു ലിസ്റ്റ് എഡിറ്റ് ചെയ്ത് ഓർഗനൈസ് ചെയ്യൂ

‘ഓർമപ്പെടുത്തൽ’ ആപ്പിൽ, നിങ്ങൾക്ക് സെക്ഷനുകളും ഉപടാസ്കുകളും ഉള്ള ഒരു ലിസ്റ്റ് ഓർഗനൈസ് ചെയ്യാം. നിങ്ങൾക്ക് സെക്ഷനുകളെ കോളങ്ങളായി കാണാനും വ്യത്യസ്ത കോളങ്ങളിലേക്ക് ഇനങ്ങൾ എളുപ്പത്തിൽ നീക്കാനും കഴിയും.

കുറിപ്പ്: ഈ ഗൈഡിൽ വിവരിച്ചിരിക്കുന്ന എല്ലാ ഓർമപ്പെടുത്തൽ ഫീച്ചറുകളും നിങ്ങൾ iCloud-ൽ അപ്ഡേറ്റ് ചെയ്ത ഓർമപ്പെടുത്തലുകൾ ഉപയോഗിക്കുമ്പോൾ ലഭ്യമായിരിക്കും. മറ്റ് അക്കൗണ്ടുകൾ ഉപയോഗിക്കുമ്പോൾ ചില ഫീച്ചറുകൾ ലഭ്യമല്ല.

ഒരു സെക്ഷൻ വികസിപ്പിച്ചതും മറ്റുള്ളവ ചുരുക്കിയതുമായ ഒരു ലിസ്റ്റ് കാണിക്കുന്ന ഓർമപ്പെടുത്തൽ ആപ്പ്.

ഒരു ലിസ്റ്റ് എഡിറ്റ് ചെയ്യൂ

  1. നിങ്ങളുടെ iPhone-ലെ ഓർമപ്പെടുത്തൽ ആപ്പിലേക്ക് പോകൂ.

  2. ഒരു ലിസ്റ്റ് കാണുമ്പോൾ ‘കൂടുതൽ’ ബട്ടൺ ടാപ്പ് ചെയ്യൂ, തുടർന്ന് താഴെപ്പറയുന്നവയിൽ ഏതെങ്കിലും ചെയ്യൂ:

    • ലിസ്റ്റ് നാമം, തരം, നിറം അല്ലെങ്കിൽ ഐക്കൺ എന്നിവ മാറ്റാൻ: ‘ലിസ്റ്റ് വിവരങ്ങൾ കാണിക്കൂ’ ടാപ്പ് ചെയ്യൂ.

    • ഒന്നിലധികം ഇനങ്ങൾ എഡിറ്റ് ചെയ്യാൻ: ‘ഓർമപ്പെടുത്തൽ സെലക്റ്റ് ചെയ്യൂ’ അല്ലെങ്കിൽ ‘ഇനങ്ങൾ സെലക്റ്റ് ചെയ്യൂ’ ടാപ്പ് ചെയ്യൂ, എന്നിട്ട് നിങ്ങൾ എഡിറ്റ് ചെയ്യാൻ ആഗ്രഹിക്കുന്ന ഇനങ്ങൾ സെലക്റ്റ് ചെയ്യൂ. നിങ്ങൾക്ക് ഇനങ്ങൾക്ക് മുകളിലൂടെ രണ്ട് വിരലുകൾ കൊണ്ട് വലിക്കാനും കഴിയും. തീയതിയും സമയവും ചേർക്കാനും, സെലക്റ്റ് ചെയ്ത ഇനങ്ങൾ നീക്കാനും, ഡിലീറ്റ് ചെയ്യാനും, അസൈൻ ചെയ്യാനും, പൂർത്തിയാക്കാനും, ടാഗ് ചെയ്യാനും, ഫ്ലാഗ് ചെയ്യാനും സ്ക്രീനിന്റെ താഴെയുള്ള ബട്ടണുകൾ ഉപയോഗിക്കൂ.

    • അവസാന തീയതി, സൃഷ്ടിച്ച തീയതി, മുൻഗണന അല്ലെങ്കിൽ ടൈറ്റിൽ അനുസരിച്ച് ഇനങ്ങൾ തരംതിരിക്കാൻ: (എല്ലാ ‘സ്മാർട്ട് ലിസ്റ്റുക’ളിലും ലഭ്യമല്ല) ‘ഇപ്രകാരം തരംതിരിക്കൂ’ ടാപ്പ് ചെയ്ത് ഒരു ഓപ്ഷൻ തിരഞ്ഞെടുക്കൂ.

      നിങ്ങൾ ഒരു ലിസ്റ്റ് തരംതിരിക്കുകയോ പുനഃക്രമീകരിക്കുകയോ ചെയ്യുമ്പോൾ, പുതിയ ക്രമം നിങ്ങൾ അപ്ഡേറ്റ് ചെയ്ത ഓർമപ്പെടുത്തലുകൾ ഉപയോഗിക്കുന്ന നിങ്ങളുടെ മറ്റ് ഡിവൈസുകളിലെ ലിസ്റ്റിലും പ്രയോഗിക്കപ്പെടും. നിങ്ങൾ ഒരു പങ്കിട്ട ലിസ്റ്റ് തരംതിരിക്കുകയോ പുനഃക്രമീകരിക്കുകയോ ചെയ്യുമ്പോൾ, പങ്കെടുക്കുന്ന മറ്റുള്ളവരും പുതിയ ക്രമം കാണും (അവർ അപ്ഡേറ്റ് ചെയ്ത ഓർമപ്പെടുത്തലുകൾ ഉപയോഗിക്കുകയാണെങ്കിൽ).

    • ലിസ്റ്റ് നീക്കം ചെയ്യാൻ: ‘ലിസ്റ്റ് ഡിലീറ്റ് ചെയ്യൂ’ ടാപ്പ് ചെയ്യൂ.

ഒരു ലിസ്റ്റിലെ ഇനങ്ങൾ മാനുവലായി പുനഃക്രമീകരിക്കുകയോ പുനർവിഭാഗീകരിക്കുകയോ ചെയ്യൂ

  1. നിങ്ങളുടെ iPhone-ലെ ഓർമപ്പെടുത്തൽ ആപ്പിലേക്ക് പോകൂ.

  2. ഒരു ലിസ്റ്റ് കാണുമ്പോൾ, നിങ്ങൾ നീക്കാൻ ആഗ്രഹിക്കുന്ന ഒരു ഇനം തൊട്ടുപിടിക്കൂ, തുടർന്ന് അതിനെ ഒരു പുതിയ ലൊക്കേഷനിലേക്ക് വലിച്ച് നീക്കൂ.

സെക്ഷനുകൾ ഉപയോഗിച്ച് ഓർഗനൈസ് ചെയ്യൂ

  1. നിങ്ങളുടെ iPhone-ലെ ഓർമപ്പെടുത്തൽ ആപ്പിലേക്ക് പോകൂ.

  2. ഒരു ലിസ്റ്റ് കാണുമ്പോൾ, താഴെപ്പറയുന്നവയിൽ ഏതെങ്കിലും ചെയ്യൂ:

    • ഒരു പുതിയ സെക്ഷൻ സൃഷ്ടിക്കാൻ: ‘കൂടുതൽ’ ബട്ടൺ ടാപ്പ് ചെയ്ത് ‘പുതിയ സെക്ഷനി’ൽ ടാപ്പ് ചെയ്യൂ, എന്നിട്ട് ഒരു പേര് നൽകൂ.

    • ഒരു സെക്ഷൻ ചുരുക്കാൻ: ചുരുക്കുക ബട്ടൺ ടാപ്പ് ചെയ്യൂ.

    • ഒരു സെക്ഷൻ വിപുലീകരിക്കാൻ: ‘വിപുലീകരിക്കൂ’ ബട്ടൺ ടാപ്പ് ചെയ്യൂ.

    • സെക്ഷന്റെ പേര് മാറ്റാൻ: സെക്ഷൻ പേരിൽ ടാപ്പ് ചെയ്യൂ, എന്നിട്ട് ഒരു പുതിയ പേര് നൽകൂ.

    • ഒരു സെക്ഷൻ നീക്കാൻ: സെക്ഷൻ തൊട്ടുപിടിക്കൂ, എന്നിട്ട് അതിനെ ഒരു പുതിയ സ്ഥാനത്തേക്ക് വലിച്ച് നീക്കൂ.

      കുറിപ്പ്: നിങ്ങൾക്ക് ’മറ്റുള്ളവ’ സെക്ഷൻ നീക്കാൻ കഴിയില്ല.

    • ഒരു സെക്ഷൻ നീക്കം ചെയ്യാൻ: സെക്ഷനിൽ ഇടത്തേക്ക് സ്വൈപ്പ് ചെയ്യൂ, തുടർന്ന് ‘ഡിലീറ്റ് ചെയ്യൂ’ ടാപ്പ് ചെയ്യൂ.

      കുറിപ്പ്: ഒരു വിഭാഗം നീക്കം ചെയ്യുന്നത് ആ വിഭാഗത്തിലെ ഓർമപ്പെടുത്തലുകളും ഡിലീറ്റ് ചെയ്യും.

Apple Intelligence* ഓണാക്കിയിട്ടുണ്ടെങ്കിൽ, ബന്ധപ്പെട്ട ഓർമപ്പെടുത്തലുകളെ ഒരു ലിസ്റ്റിനുള്ളിലെ വിഭാഗങ്ങളായി ഓട്ടോമാറ്റിക്കായി നിങ്ങൾക്ക് വിഭാഗീകരിക്കാം. ‘ഓർമപ്പെടുത്തലി’ൽ Apple Intelligence ഉപയോഗിക്കൂ എന്നത് കാണൂ.

സെക്ഷനുകളെ കോളങ്ങളായി കാണൂ

ലിസ്റ്റ് നിങ്ങൾക്ക് കോളങ്ങളിൽ കാണാൻ കഴിയും, ഇത് ഇനങ്ങൾ ദൃശ്യവൽക്കരിക്കാനും വീണ്ടും വിഭാഗീകരിക്കാനും എളുപ്പമാക്കുന്നു.

കോളങ്ങളായി ഓർഗനൈസ് ചെയ്ത വിഭാഗങ്ങളുള്ള ഒരു ക്യാമ്പിങ് ട്രിപ്പ് ലിസ്റ്റ് കാണിക്കുന്ന ‘ഓർമപ്പെടുത്തൽ’ ആപ്പ്.

  1. നിങ്ങളുടെ iPhone-ലെ ഓർമപ്പെടുത്തൽ ആപ്പിലേക്ക് പോകൂ.

  2. ഒരു ലിസ്റ്റ് കാണുമ്പോൾ ‘കൂടുതൽ’ ബട്ടൺ ടാപ്പ് ചെയ്യൂ, തുടർന്ന് ‘കോളങ്ങളായി കാണൂ’ ടാപ്പ് ചെയ്യൂ.

  3. ഒരു ഇനത്തെ വീണ്ടും വിഭാഗീകരിക്കാൻ, അതിനെ മറ്റൊരു കോളത്തിലേക്ക് വലിച്ച് നീക്കൂ.

ഉപടാസ്ക്കുകൾ സൃഷ്ടിക്കൂ

  1. നിങ്ങളുടെ iPhone-ലെ ഓർമപ്പെടുത്തൽ ആപ്പിലേക്ക് പോകൂ.

  2. ഒരു ലിസ്റ്റ് കാണുന്ന സമയത്ത്, ഒരു ഇനത്തിൽ വലത്തേക്ക് സ്വൈപ്പ് ചെയ്ത് ‘ഇൻഡന്റ്’ ടാപ്പ് ചെയ്യൂ. അല്ലെങ്കിൽ ഒരു ഇനത്തെ മറ്റൊരു ഇനത്തിലേക്ക് വലിച്ചിടൂ.

നിങ്ങൾ ഒരു പ്രധാന ടാസ്ക് പൂർത്തിയാക്കുകയാണെങ്കിൽ, ഉപടാസ്കുകളും പൂർത്തിയാകും. നിങ്ങൾ ഒരു പ്രധാന ടാസ്ക് ഡിലീറ്റ് ചെയ്യുകയോ നീക്കുകയോ ചെയ്താൽ, ഉപടാസ്കുകളും ഡിലീറ്റ് ചെയ്യപ്പെടുകയോ നീക്കപ്പെടുകയോ ചെയ്യും.

*Apple Intelligence ഇനിപ്പറയുന്ന ഭാഷകൾക്കുള്ള പിന്തുണയുമായി ബീറ്റയിൽ ലഭ്യമാണ്: ഇംഗ്ലീഷ്, ഡാനിഷ്, ഡച്ച്, ഫ്രഞ്ച്, ജർമൻ, ഇറ്റാലിയൻ, നോർവീജിയൻ, പോർച്ചുഗീസ്, സ്പാനിഷ്, സ്വീഡിഷ്, ടർക്കിഷ്, ചൈനീസ് (ലളിതമാക്കിയത്), ചൈനീസ് (പരമ്പരാഗതം), ജാപ്പനീസ്, കൊറിയൻ, വിയറ്റ്നാമീസ്. ചില ഫീച്ചറുകൾ എല്ലാ ഭാഷകളിലും പ്രദേശങ്ങളിലും ലഭ്യമല്ലായിരിക്കാം. ഭാഷ, ഫീച്ചർ ലഭ്യത, സിസ്റ്റം ആവശ്യകതകൾ എന്നിവയെക്കുറിച്ചുള്ള കൂടുതൽ വിവരങ്ങൾക്ക് Apple Intelligence എങ്ങനെ ലഭിക്കും എന്ന Apple പിന്തുണാ ലേഖനം കാണൂ.
ഇതും കാണൂiPhone-ലെ ‘ഓർമപ്പെടുത്തലി’ൽ ഒന്നിലധികം ലിസ്റ്റുകൾ ഓർഗനൈസ് ചെയ്യൂiPhone-ലെ ‘ഓർമപ്പെടുത്തലി’ൽ ഇനങ്ങൾ ടാഗ് ചെയ്യൂ
Morty Proxy This is a proxified and sanitized view of the page, visit original site.
സഹായകമായോ?
കാരക്റ്റർ പരിധി: 250
പരമാവധി കാരക്റ്റർ പരിധി 250 ആണ്.
നിങ്ങളുടെ ഫീഡ്ബാക്കിന് നന്ദി.
Morty Proxy This is a proxified and sanitized view of the page, visit original site.