iOS 26
iOS 18
ഈ കൺട്രോളിൽ മാറ്റം വരുത്തുന്നത് ഈ പേജ് ഒട്ടോമാറ്റിക്കായി അപ്ഡേറ്റ് ചെയ്യാനിടയാക്കും

iPhone-ലേക്ക് ബാഹ്യ സ്റ്റോറേജ് ഡിവൈസുകളെ കണക്റ്റ് ചെയ്യൂ

നിങ്ങളുടെ iPhone-ൽ കണക്റ്റ് ചെയ്തിരിക്കുന്ന USB ഡ്രൈവുകൾ, SD കാർഡുകൾ പോലുള്ള ബാഹ്യ ഡിവൈസുകളിൽ സംഭരിച്ചിരിക്കുന്ന ഫയലുകൾ ആക്സസ് ചെയ്യാൻ നിങ്ങൾക്ക് ഫയൽസ് ആപ്പും പിന്തുണയ്ക്കുന്ന മറ്റ് ആപ്പുകളും ഉപയോഗിക്കാം.

ഒരു USB ഡ്രൈവ് അല്ലെങ്കിൽ ഒരു SD കാർഡ് റീഡർ കണക്റ്റ് ചെയ്യൂ

  1. അനുയോജ്യതയുള്ള ഒരു കണക്റ്ററോ അഡാപ്റ്ററോ ഉപയോഗിച്ച് നിങ്ങളുടെ iPhone-ലെ ചാർജിങ് പോർട്ടിലേക്ക് USB ഡ്രൈവ് അല്ലെങ്കിൽ SD കാർഡ് റീഡർ അറ്റാച്ച് ചെയ്യൂ.

    നിങ്ങൾക്ക് Lightning ടു USB ക്യാമറ അഡാപ്റ്റർ, Lightning ടു USB 3 ക്യാമറ അഡാപ്റ്റർ, USB-C ടു SD കാർഡ് ക്യാമറ റീഡർ, അല്ലെങ്കിൽ Lightning ടു SD കാർഡ് ക്യാമറ റീഡർ (എല്ലാം പ്രത്യേകം വിൽക്കപ്പെടുന്നു) എന്നിവ ആവശ്യമായി വന്നേക്കാം.

    കുറിപ്പ്: ഒരു ബാഹ്യ സ്റ്റോറേജ് ഡിവൈസിന് ഒരൊറ്റ ഡാറ്റ പാർട്ടീഷൻ മാത്രം ഉണ്ടായിരിക്കണം, അത് APFS, APFS (എൻക്രിപ്റ്റ് ചെയ്തത്), macOS എകസ്റ്റൻഡഡ് (HFS+), exFAT (FAT64), FAT32, അല്ലെങ്കിൽ FAT എന്നിങ്ങനെ ഫോർമാറ്റ് ചെയ്തതും ആയിരിക്കണം. ഒരു സ്റ്റോറേജ് ഡിവൈസിന്റെ ഫോർമാറ്റിങ് മാറ്റാൻ, ഫയൽസ് ആപ്പ് അല്ലെങ്കിൽ Mac അല്ലെങ്കിൽ PC ഉപയോഗിക്കൂ.

  2. താഴെപ്പറയുന്നവയിൽ ഏതെങ്കിലും ചെയ്യൂ:

    • ഒരു എസ്ഡി മെമ്മറി കാർഡ് ഒരു കാർഡ് റീഡറിലേക്ക് ഇൻസേർട്ട് ചെയ്യൂ: റീഡറിലെ സ്ലോട്ടിലേക്ക് കാർഡ് തള്ളിക്കയറ്റരുത്; ഇത് ഒരു രീതിയിൽ മാത്രമേ ഫിറ്റാവുകയുള്ളൂ.

      കുറിപ്പ്: നിങ്ങൾക്ക് മെമ്മറി കാർഡിൽ നിന്ന് ഫോട്ടോകളും വീഡിയോകളും നേരിട്ട് ഫോട്ടോസ് ആപ്പിലേക്ക് ഇംപോർട്ട് ചെയ്യാം. iPhone-ൽ ഫോട്ടോകളും വീഡിയോകളും ഇംപോർട്ട് ചെയ്ത് എക്സ്പോർട്ട് ചെയ്യൂ കാണൂ.

    • ഡ്രൈവ് അല്ലെങ്കിൽ മെമ്മറി കാർഡിലെ ഉള്ളടക്കങ്ങൾ കാണൂ: ഒരു പിന്തുണയ്ക്കുന്ന ആപ്പിൽ (ഉദാഹരണത്തിന്, ഫയൽസ്), സ്ക്രീനിന്റെ താഴെ ‘ബ്രൗസ് ചെയ്യൂ’ എന്നതിൽ ടാപ്പ് ചെയ്തതിന് ശേഷം ‘ലൊക്കേഷനുകൾ’ക്ക് താഴെയുള്ള ഡിവൈസിന്റെ പേരിൽ ടാപ്പ് ചെയ്യൂ. നിങ്ങൾ ലൊക്കേഷനുകൾ കാണുന്നില്ലെങ്കിൽ, സ്ക്രീനിന്റെ താഴെ ‘ബ്രൗസ് ചെയ്യൂ’ എന്നതിൽ വീണ്ടും ടാപ്പ് ചെയ്യൂ.

    • ഡ്രൈവ് അല്ലെങ്കിൽ കാർഡ് റീഡർ ഡിസ്കണക്റ്റ് ചെയ്യൂ: iPhone-ലെ ചാർജിങ് പോർട്ടിൽ നിന്ന് അത് നീക്കം ചെയ്യൂ.

കുറിപ്പ്: ബാഹ്യ ഹാർഡ് ഡ്രൈവുകൾ iPhone-ൽ ഉപയോഗിക്കുമ്പോൾ പലപ്പോഴും ഒരു ബാഹ്യ പവർ ഉറവിടം ആവശ്യമായി വരാറുണ്ട്. ഒരു ബാഹ്യ ഹാർഡ് ഡ്രൈവ് അതിന്റേതായ പവർ സപ്ലൈ ചെയ്യുന്നില്ലെങ്കിൽ, നിങ്ങളുടെ iPhone-ന് ഒരു USB-C കണക്റ്റർ ഉണ്ടെങ്കിൽ, നിങ്ങൾക്ക് ഒരു പവർ ചെയ്ത USB ഹബ് ഉപയോഗിക്കാം. നിങ്ങളുടെ iPhone-ന് Lightning കണക്റ്റർ ഉണ്ടെങ്കിൽ, ഒരു USB പവർ അഡാപ്റ്ററിൽ കണക്റ്റ് ചെയ്തിരിക്കുന്ന Lightning ടു USB 3 ക്യാമറ അഡാപ്റ്റർ നിങ്ങൾക്ക് ഉപയോഗിക്കാം.

ഇതും കാണൂiPhone-ലെ ‘ഫയൽസി’ൽ ഫയലുകളും ഫോൾഡറുകളും പരിഷ്കരിക്കൂ
Morty Proxy This is a proxified and sanitized view of the page, visit original site.
സഹായകമായോ?
കാരക്റ്റർ പരിധി: 250
പരമാവധി കാരക്റ്റർ പരിധി 250 ആണ്.
നിങ്ങളുടെ ഫീഡ്ബാക്കിന് നന്ദി.
Morty Proxy This is a proxified and sanitized view of the page, visit original site.