iOS 26
iOS 18
ഈ കൺട്രോളിൽ മാറ്റം വരുത്തുന്നത് ഈ പേജ് ഒട്ടോമാറ്റിക്കായി അപ്ഡേറ്റ് ചെയ്യാനിടയാക്കും

iPhone-ൽ Siri എങ്ങനെ ഉപയോഗിക്കാം

കാര്യങ്ങൾ ചെയ്തു തീർക്കാൻ സഹായിക്കുന്നതിന് നിങ്ങളുടെ iPhone-ൽ തന്നെ ഉൾപ്പെടുത്തിയിരിക്കുന്ന ഇന്റലിജന്റ് അസിസ്റ്റന്റാണ് Siri. നിങ്ങൾ Siri ഓണാക്കിയ ശേഷം, നിങ്ങളുടെ ശബ്ദം ഉപയോഗിച്ചോ അല്ലെങ്കിൽ Siri-യിലേക്ക് അഭ്യർഥനകൾ ടൈപ്പ് ചെയ്തോ ദൈനംദിന ജോലികൾ ചെയ്യാൻ നിങ്ങൾക്ക് ഇത് ഉപയോഗിക്കാം. നിങ്ങൾ Siri എത്രത്തോളം ഉപയോഗിക്കുന്നുവോ അത്രത്തോളം നിങ്ങൾക്ക് എന്താണ് വേണ്ടതെന്ന് അതിന് നന്നായി അറിയുന്നു.

നിങ്ങൾക്ക് Siri എന്തെല്ലാം ചെയ്യാൻ ഉപയോഗിക്കാം എന്നതിന്റെ ചില ഉദാഹരണങ്ങൾ ചുവടെയുണ്ട്. കൂടുതൽ ഉദാഹരണങ്ങൾ ഗൈഡിലുടനീളം ദൃശ്യമാകും. ഇനിയും കൂടുതൽ ഉദാഹരണങ്ങൾ വേണോ? ‘What can I do here?’ എന്നതുപോലെ എന്തെങ്കിലും Siri-യോട് ചോദിക്കൂ.

ഒരു കണക്കുകൂട്ടലിന്റെ രൂപത്തിൽ സ്ക്രീനിന്റെ മുകളിൽ Siri-യിൽ നിന്നുള്ള പ്രതികരണം കാണിക്കുന്ന ഒരു iPhone.

വിവരങ്ങൾ നേടൂ

ഒരു വാക്ക് സ്പെൽ ചെയ്യാനോ വിവർത്തനം ചെയ്യാനോ, കണക്കുകൂട്ടലുകൾ നടത്താനോ, വെബിൽ നിന്ന് വിവരങ്ങൾ നേടാനോ മറ്റും Siri-യോട് ആവശ്യപ്പെടൂ.

വിവരങ്ങൾ നൽകാൻ Siri-യോട് ആവശ്യപ്പെടൂ

അയയ്ക്കാൻ തയ്യാറായ ഒരു ടെക്സ്റ്റ് സന്ദേശത്തിന്റെ രൂപത്തിൽ സ്ക്രീനിന്റെ മുകളിൽ Siri-യിൽ നിന്നുള്ള പ്രതികരണം കാണിക്കുന്ന ഒരു iPhone.

കോൾ, ടെക്സ്റ്റ്, ഇ-മെയിൽ

അടുത്തും അകലെയുമുള്ള സുഹൃത്തുക്കളുമായും കുടുംബവുമായും കണക്റ്റ് ആയി തുടരാൻ ഫോൺ, FaceTime, സന്ദേശങ്ങൾ, Mail, ആപ്പുകൾ എന്നിവയ്ക്കൊപ്പം Siri ഉപയോഗിക്കൂ.

Siri ഉപയോഗിച്ച് കോൾ, ടെക്സ്റ്റ്, ഇ-മെയിൽ എന്നിവ ചെയ്യൂ

സ്ക്രീനിന്റെ മുകളിൽ Siri-യിൽ നിന്നുള്ള ഒരു പ്രതികരണം കാണിക്കുന്ന ഒരു iPhone.

സംഗീതവും പോഡ്കാസ്റ്റുകളും പ്ലേ ചെയ്യൂ

നിങ്ങളുടെ പ്രിയപ്പെട്ട സംഗീതവും പോഡ്കാസ്റ്റുകളും പ്ലേ ചെയ്യാനും ഓഡിയോ പ്ലേബാക്ക് നിയന്ത്രിക്കാനും Siri-യോട് ആവശ്യപ്പെടൂ. ഉദാഹരണത്തിന്, പാട്ടുകൾ പ്ലേ ചെയ്യാനും പോസ് ചെയ്യാനും ഒഴിവാക്കാനും Siri-യോട് ആവശ്യപ്പെടൂ.

Siri ഉപയോഗിച്ച് സംഗീതവും പോഡ്കാസ്റ്റുകളും പ്ലേ ചെയ്യൂ

ഓൺ ആവുന്ന ക്രമീകരണത്തിന്റെ രൂപത്തിൽ സ്ക്രീനിന്റെ മുകളിൽ Siri-യിൽ നിന്നുള്ള പ്രതികരണം കാണിക്കുന്ന ഒരു iPhone.

Apple ഡിവൈസുകളും സ്മാർട്ട് ഹോം ആക്സസറികളും കൺട്രോൾ ചെയ്യൂ

നിങ്ങളുടെ ശബ്ദം മാത്രം ഉപയോഗിച്ച് നിങ്ങളുടെ iPhone-ഉം മറ്റ് Apple ഡിവൈസുകളും കൺട്രോൾ ചെയ്യൂ. ഹോം ആപ്പിൽ നിങ്ങൾ സജ്ജീകരിക്കുന്ന സ്മാർട്ട് ഹോം ആക്സസറികളും നിങ്ങൾക്ക് കൺട്രോൾ ചെയ്യാനാകും.

Siri ഉപയോഗിച്ച് നിങ്ങളുടെ Apple ഡിവൈസുകളും സ്മാർട്ട് ഹോം ആക്സസറികളും കൺട്രോൾ ചെയ്യൂ

സ്ക്രീനിന്റെ മുകളിൽ Siri-യിൽ നിന്നുള്ള ഒരു പ്രതികരണം കാണിക്കുന്ന ഒരു iPhone.

റോഡിലും പുറത്തും നാവിഗേറ്റ് ചെയ്യൂ

യാത്രാ ദിശകൾ നേടാനും ട്രാഫിക് സംഭവങ്ങൾ റിപ്പോർട്ട് ചെയ്യാനും നിങ്ങളുടെ ഏകദേശ എത്തിച്ചേരൽ സമയം (ETA) പങ്കിടാനും സമീപത്തുള്ള ആകർഷണങ്ങൾ കണ്ടെത്താനും മറ്റും നിങ്ങൾക്ക് Siri-യോട് ആവശ്യപ്പെടാം.

ദിശാനിർദേശങ്ങൾ ലഭിക്കാൻ Siri ഉപയോഗിക്കൂ

ഒരു ഓണാകുന്ന അലാറത്തിന്റെ രൂപത്തിൽ സ്ക്രീനിന്റെ മുകളിൽ Siri-യിൽ നിന്നുള്ള പ്രതികരണം കാണിക്കുന്ന ഒരു iPhone.

ആപ്പുകൾക്കൊപ്പം Siri ഉപയോഗിക്കൂ

ദൈനംദിന ടാസ്ക്കുകൾ പൂർത്തിയാക്കാൻ നിങ്ങളെ സഹായിക്കുന്ന ആപ്പുകളിലെ പ്രവർത്തനങ്ങൾ പൂർത്തിയാക്കാൻ Siri-യോട് ആവശ്യപ്പെടൂ. ഉദാഹരണത്തിന്, നിങ്ങൾ അത്താഴം ഒരുക്കുന്ന തിരക്കിലായിരിക്കുമ്പോൾ, നിങ്ങളുടെ പലചരക്ക് ലിസ്റ്റിലേക്ക് ഇനങ്ങൾ ചേർക്കാൻ Siri-യോട് ആവശ്യപ്പെടൂ.

ആപ്പുകൾക്കൊപ്പം Siri ഉപയോഗിക്കൂ

ലോക്ക് സ്ക്രീനിൽ കീബോർഡ് കാണിക്കുന്ന ഒരു iPhone. കീബോർഡിന്റെ മുകളിൽ ദൃശ്യമാകുന്ന ഒരു Siri അഭ്യർഥന.

Apple Intelligence ഉപയോഗിച്ച് കൂടുതൽ ചെയ്യൂ

Apple Intelligence* ഉപയോഗിച്ച്, നിങ്ങൾക്ക് Siri-യിലേക്ക് അഭ്യർഥനകൾ ടൈപ്പ് ചെയ്യാനും, നിങ്ങളുടെ Apple ഉൽപ്പന്നങ്ങളെക്കുറിച്ചുള്ള ചോദ്യങ്ങൾക്ക് ഉത്തരങ്ങൾ നേടാനും, ChatGPT-യുടെ വൈദഗ്ദ്ധ്യം പ്രയോജനപ്പെടുത്താനും മറ്റും കഴിയും.

Siri-ക്കൊപ്പം Apple Intelligence ഉപയോഗിക്കൂ

Siri നിങ്ങളുടെ വിവരങ്ങൾ സുരക്ഷിതമാക്കാൻ രൂപകൽപ്പന ചെയ്തിട്ടുള്ളതാണ്, നിങ്ങൾ പങ്കിടുന്നത് നിങ്ങൾക്ക് തിരഞ്ഞെടുക്കാം. കൂടുതൽ അറിയാൻ, Siri, കേട്ടെഴുത്തും സ്വകാര്യതയും വെബ്സൈറ്റ് എന്നത് കാണൂ.

*Apple Intelligence ഇനിപ്പറയുന്ന ഭാഷകൾക്കുള്ള പിന്തുണയുമായി ബീറ്റയിൽ ലഭ്യമാണ്: ഇംഗ്ലീഷ്, ഡാനിഷ്, ഡച്ച്, ഫ്രഞ്ച്, ജർമൻ, ഇറ്റാലിയൻ, നോർവീജിയൻ, പോർച്ചുഗീസ്, സ്പാനിഷ്, സ്വീഡിഷ്, ടർക്കിഷ്, ചൈനീസ് (ലളിതമാക്കിയത്), ചൈനീസ് (പരമ്പരാഗതം), ജാപ്പനീസ്, കൊറിയൻ, വിയറ്റ്നാമീസ്. ചില ഫീച്ചറുകൾ എല്ലാ ഭാഷകളിലും പ്രദേശങ്ങളിലും ലഭ്യമല്ലായിരിക്കാം. ഭാഷ, ഫീച്ചർ ലഭ്യത, സിസ്റ്റം ആവശ്യകതകൾ എന്നിവയെക്കുറിച്ചുള്ള കൂടുതൽ വിവരങ്ങൾക്ക് Apple Intelligence എങ്ങനെ ലഭിക്കും എന്ന Apple പിന്തുണ ലേഖനം കാണൂ.
ഇതും കാണൂiPhone-ൽ Siri ഓണാക്കി സജീവമാക്കൂiPhone-ലെ Siri ക്രമീകരണങ്ങൾ മാറ്റൂ
Morty Proxy This is a proxified and sanitized view of the page, visit original site.
സഹായകമായോ?
കാരക്റ്റർ പരിധി: 250
പരമാവധി കാരക്റ്റർ പരിധി 250 ആണ്.
നിങ്ങളുടെ ഫീഡ്ബാക്കിന് നന്ദി.
Morty Proxy This is a proxified and sanitized view of the page, visit original site.