iOS 26
iOS 18
ഈ കൺട്രോളിൽ മാറ്റം വരുത്തുന്നത് ഈ പേജ് ഒട്ടോമാറ്റിക്കായി അപ്ഡേറ്റ് ചെയ്യാനിടയാക്കും

iPhone-ൽ റോട്ടർ ഉപയോഗിച്ച് VoiceOver കൺട്രോൾ ചെയ്യൂ

VoiceOver എങ്ങനെ പ്രവർത്തിക്കണമെന്നത് മാറ്റാൻ നിങ്ങൾക്ക് ഓൺസ്ക്രീൻ VoiceOver റോട്ടർ ഉപയോഗിക്കാം. നിങ്ങൾക്ക് VoiceOver വോളിയം അല്ലെങ്കിൽ സംസാര വേഗം ക്രമീകരിക്കുകയും സ്ക്രീനിലെ ഒരു ഇനത്തിൽ നിന്ന് അടുത്തതിലേക്ക് നീങ്ങുകയും ബ്രെയിൽ സ്ക്രീൻ ഇൻപുട്ട് അല്ലെങ്കിൽ കൈയക്ഷരം പോലുള്ള പ്രത്യേക ഇൻപുട്ട് രീതികൾ സെലക്റ്റ് ചെയ്യുകയും മറ്റും ചെയ്യാം.

സംസാര വേഗ ക്രമീകരണത്തിലേക്ക് ചൂണ്ടുന്ന ഡയലോടു കൂടിയ റോട്ടർ കൺട്രോൾ.

നിങ്ങൾ VoiceOver നിയന്ത്രിക്കാൻ Magic Keyboard ഉപയോഗിക്കുമ്പോൾ, വോള്യം, സംസാര വേഗം, പിച്ചിന്റെയോ സ്വരസൂചകങ്ങളുടെയോ ഉപയോഗം, ടൈപ്പിങ് എക്കോ, പങ്ച്വേഷൻ വായിക്കൽ തുടങ്ങിയ ക്രമീകരണങ്ങൾ ക്രമപ്പെടുത്താൻ റോട്ടർ ഉപയോഗിക്കൂ.

VoiceOver റോട്ടർ ഉപയോഗിക്കൂ

  1. VoiceOver ഓൺ ആയിരിക്കുമ്പോൾ, നിങ്ങൾ ഒരു ഡയൽ തിരിക്കുന്നതുപോലെ നിങ്ങളുടെ സ്ക്രീനിൽ രണ്ട് വിരലുകൾ റൊട്ടേറ്റ് ചെയ്യൂ. ഓരോ കൈയിലെയും ഓരോ വിരലാണ് നിങ്ങൾ ഉപയോഗിക്കുന്നതെങ്കിൽ, ഒരു വിരൽ കൊണ്ട് മുകളിലേക്കും, മറ്റേ വിരൽ കൊണ്ട് താഴേക്കും ഒരേസമയം വലിക്കൂ.

    VoiceOver റോട്ടർ ക്രമീകരണം പറഞ്ഞ് കേൾപ്പിക്കുന്നു. കൂടുതൽ ക്രമീകരണങ്ങൾ കേൾക്കാൻ നിങ്ങളുടെ വിരലുകൾ റൊട്ടേറ്റ് ചെയ്യുന്നത് തുടരൂ. നിങ്ങൾക്ക് ആവശ്യമുള്ള ക്രമീകരണം കേൾക്കുമ്പോൾ നിങ്ങളുടെ വിരലുകൾ റൊട്ടേറ്റ് ചെയ്യുന്നത് നിർത്തൂ.

  2. ക്രമീകരണം ഉപയോഗിക്കാൻ നിങ്ങളുടെ വിരൽ സ്ക്രീനിൽ മുകളിലേക്കോ താഴേക്കോ സ്വൈപ്പ് ചെയ്യൂ.

    ലഭ്യമായ റോട്ടർ ക്രമീകരണങ്ങളും അവയുടെ ഇഫക്റ്റുകളും നിങ്ങൾ ചെയ്യുന്ന കാര്യങ്ങളെ ആശ്രയിച്ചിരിക്കുന്നു. ഉദാഹരണത്തിന്, ഒരു വെബ് പേജ് ബ്രൗസ് ചെയ്യുമ്പോൾ നിങ്ങൾ തലക്കെട്ടുകൾ തിരഞ്ഞെടുക്കുകയാണെങ്കിൽ, അടുത്തതോ മുൻപത്തെയോ തലക്കെട്ടിലേക്ക് VoiceOver കേഴ്സർ നീക്കാൻ താഴേക്കോ മുകളിലേക്കോ സ്വൈപ്പ് ചെയ്യൂ.

VoiceOver റോട്ടർ ഇഷ്ടാനുസൃതമാക്കാൻ

  1. ക്രമീകരണം  > ആക്സസബിലിറ്റി > VoiceOver എന്നതിലേക്ക് പോകൂ.

  2. താഴെപ്പറയുന്നവയിൽ ഏതെങ്കിലും ചെയ്യൂ:

    • റോട്ടർ ക്രമീകരണങ്ങൾ ചേർക്കാൻ അല്ലെങ്കിൽ പുനഃക്രമീകരിക്കാൻ: റോട്ടറിൽ ടാപ്പ് ചെയ്ത്, നിങ്ങൾക്ക് ആവശ്യമുള്ള ക്രമീകരണങ്ങൾ തിരഞ്ഞെടുക്കൂ, അല്ലെങ്കിൽ ക്രമീകരണങ്ങൾ പുനഃക്രമീകരിക്കാൻ ‘പുനഃക്രമീകരിക്കൂ’ ബട്ടൺ വലിക്കൂ.

    • റോട്ടറിലേക്ക് മറ്റൊരു ശബ്ദം ചേർക്കാൻ: സംസാരിക്കുന്ന ശബ്ദം മാറ്റൂ കാണൂ.

    • റോട്ടർ പ്രവർത്തനങ്ങൾ സ്ഥിരീകരിക്കാൻ VoiceOver-നോട് ആവശ്യപ്പെടാൻ: വെർബോസിറ്റി ടാപ്പ് ചെയ്ത് ‘സ്ഥിരീകരണം പറഞ്ഞ് കേൾപ്പിക്കൂ’ എന്നത് ഓൺ ചെയ്യൂ.

ഇതും കാണൂVoiceOver ഓണായിരിക്കുമ്പോൾ iPhone പ്രവർത്തിപ്പിക്കൂiPhone-ലെ നിങ്ങളുടെ VoiceOver ക്രമീകരണങ്ങൾ മാറ്റൂiPhone-ലെ കാഴ്ചയ്ക്കുള്ള ആക്സസബിലിറ്റി ഫീച്ചറുകൾ
Morty Proxy This is a proxified and sanitized view of the page, visit original site.
സഹായകമായോ?
കാരക്റ്റർ പരിധി: 250
പരമാവധി കാരക്റ്റർ പരിധി 250 ആണ്.
നിങ്ങളുടെ ഫീഡ്ബാക്കിന് നന്ദി.
Morty Proxy This is a proxified and sanitized view of the page, visit original site.