iOS 26
iOS 18
ഈ കൺട്രോളിൽ മാറ്റം വരുത്തുന്നത് ഈ പേജ് ഒട്ടോമാറ്റിക്കായി അപ്ഡേറ്റ് ചെയ്യാനിടയാക്കും

ഇനങ്ങൾ സെലക്റ്റ് ചെയ്യാനും പ്രവർത്തനങ്ങൾ നടത്താനും മറ്റും iPhone-ലെ സ്വിച്ച് കൺട്രോൾ ഉപയോഗിക്കൂ

നിങ്ങൾ സ്വിച്ച് കൺട്രോൾ സജ്ജീകരിച്ച് ഓൺ ചെയ്തതിന് ശേഷം, താഴെ പറയുന്നവയിൽ ഏതെങ്കിലും ചെയ്ത് നിങ്ങൾക്ക് സ്ക്രീനിലെ ഇനങ്ങൾ സെലക്റ്റ് ചെയ്യാം:

  • ഇനം മോഡ്: കേഴ്സർ ഇനങ്ങളെയോ ഇനങ്ങളുടെ ഗ്രൂപ്പുകളെയോ തുടർച്ചയായി ഹൈലൈറ്റ് ചെയ്യുന്നു. നിങ്ങൾ ആദ്യം സ്വിച്ച് കൺട്രോൾ ഓണാക്കുമ്പോഴും സ്കാനർ മെനു ദൃശ്യമാകുമ്പോഴെല്ലാം ഇതാണ് ഡിഫോൾട്ട് രീതി.

  • ഗ്ലൈഡിങ് കേഴ്സർ: സ്കാനിങ് ക്രോസ്ഹെയർസ് ഉപയോഗിച്ച് നിങ്ങൾക്ക് സ്ക്രീനിലെ ഒരു പോയിന്റ് സെലക്റ്റ് ചെയ്യാം. ഉദാഹരണത്തിന് ‘മാപ്പ്സി’ൽ അല്ലെങ്കിൽ നിരവധി ഇനങ്ങളുള്ള ഒരു സ്ക്രീൻ പോലെയുള്ളവയിലെ ഒരു നിർദിഷ്ട പോയിന്റ് നിങ്ങൾക്ക് സെലക്റ്റ് ചെയ്യേണ്ടിവരുമ്പോൾ ഈ രീതി ഉപയോഗപ്രദമാണ്.

  • ഹെഡ് ട്രാക്കിങ്: സ്ക്രീനിലെ കേഴ്സർ നിയന്ത്രിക്കാൻ നിങ്ങൾക്ക് നിങ്ങളുടെ തല ചലിപ്പിക്കാം (മുൻവശ ക്യാമറക്ക് കണ്ടെത്തുന്ന).

  • കണ്ണിന്റെ ട്രാക്കിങ് സ്ക്രീനിലെ കേഴ്സർ നിയന്ത്രിക്കാൻ നിങ്ങൾക്ക് നിങ്ങളുടെ കണ്ണുകൾ ചലിപ്പിക്കാം (മുൻവശ ക്യാമറ കണ്ടെത്തുന്നത്).

കേഴ്സർ നിങ്ങൾക്ക് ആവശ്യമുള്ള ഇനത്തിൽ ആകുമ്പോൾ, ടാപ്പ്, സ്ക്രോൾ, വോള്യം നിയന്ത്രിക്കൽ തുടങ്ങിയ ലഭ്യമായ പ്രവർത്തനങ്ങൾ കാണിക്കാൻ സ്കാനർ മെനു തുറക്കുന്നു.

ഇനങ്ങൾ സെലക്റ്റ് ചെയ്യാനും പ്രവർത്തനങ്ങൾ നടത്താനും ഇന മോഡ് ഉപയോഗിക്കൂ

  1. നിങ്ങൾ ഉപയോഗിക്കുന്ന സ്കാനിങ് സ്റ്റൈൽ അനുസരിച്ച്, താഴെ പറയുന്നവയിൽ ഒന്ന് ചെയ്യൂ:

    • ഓട്ടോ സ്കാനിങ് ഉപയോഗിക്കുകയാണെങ്കിൽ: ഇനങ്ങളുടെ ഗ്രൂപ്പുകൾ തുടർച്ചയായി ഹൈലൈറ്റ് ചെയ്യുന്നതിനനുസരിച്ച് കാണൂ അല്ലെങ്കിൽ കേൾക്കൂ.

    • മാനുവൽ സ്കാനിങ് ഉപയോഗിക്കുകയാണെങ്കിൽ: സ്ക്രീനിലെ ഇനങ്ങളുടെ ഗ്രൂപ്പുകളിലൂടെ നാവിഗേറ്റ് ചെയ്യാൻ ‘അടുത്ത ഇനത്തിലേക്ക് നീങ്ങൂ’ സ്വിച്ച് സജീവമാക്കൂ.

    • സിംഗിൾ സ്വിച്ച് സ്റ്റെപ്പ് സ്കാനിങ് ഉപയോഗിക്കുകയാണെങ്കിൽ: സ്ക്രീനിലെ ഇനങ്ങളുടെ ഗ്രൂപ്പുകളിലൂടെ നാവിഗേറ്റ് ചെയ്യാൻ ‘അടുത്ത ഇനത്തിലേക്ക് നീങ്ങൂ’ സ്വിച്ച് സജീവമാക്കൂ.

  2. നിങ്ങൾക്ക് ആവശ്യമുള്ള ഗ്രൂപ്പ് ഹൈലൈറ്റ് ചെയ്യപ്പെടുമ്പോൾ, താഴെ പറയുന്നവയിൽ ഒന്ന് ചെയ്യൂ:

    • ഓട്ടോ സ്കാനിങ് ഉപയോഗിക്കുകയാണെങ്കിൽ: നിങ്ങളുടെ ‘ഇനം സെലക്റ്റ് ചെയ്യൂ’ സ്വിച്ച് സജീവമാക്കൂ.

    • മാനുവൽ സ്കാനിങ് ഉപയോഗിക്കുകയാണെങ്കിൽ: നിങ്ങളുടെ ‘ഇനം സെലക്റ്റ് ചെയ്യൂ’ സ്വിച്ച് സജീവമാക്കൂ.

    • സിംഗിൾ സ്വിച്ച് സ്റ്റെപ്പ് സ്കാനിങ് ഉപയോഗിക്കുകയാണെങ്കിൽ: നിലവിലെ ഗ്രൂപ്പ് ഓട്ടോമാറ്റിക്കായി സെലക്റ്റ് ചെയ്യപ്പെടുന്നത് വരെ കാത്തിരിക്കൂ.

  3. ഗ്രൂപ്പിനുള്ളിലെ ഒരു ഇനം സ്കാൻ ചെയ്യാനും സെലക്റ്റ് ചെയ്യാനും ഘട്ടങ്ങൾ 1, 2 എന്നിവ ആവർത്തിക്കൂ.

  4. സ്കാനർ മെനുവിലെ ഒരു പ്രവർത്തനം സ്കാൻ ചെയ്യാനും തിരഞ്ഞെടുക്കാനും ഘട്ടങ്ങൾ 1, 2 എന്നിവ ആവർത്തിക്കൂ. മെനുവിന്റെ താഴെയുള്ള ഡോട്ടുകൾ കൂടുതൽ ഓപ്ഷനുകൾ നൽകുന്നു.

ഒരു പ്രവർത്തനം തിരഞ്ഞെടുക്കാതെ സ്കാനർ മെനുവിനെ നിരാകരിക്കാൻ, ഒറിജിനൽ ഇനം ഹൈലൈറ്റ് ചെയ്യുകയും മെനുവിലെ എല്ലാ ഐക്കണുകളും ഡിം ചെയ്യുകയും ചെയ്യുമ്പോൾ നിങ്ങളുടെ ‘ഇനം സെലക്റ്റ് ചെയ്യൂ’ സ്വിച്ച് സജീവമാക്കൂ.

ഒരു പോയിന്റ് സെലക്റ്റ് ചെയ്യാൻ ഗ്ലൈഡിങ് കേഴ്സർ ഉപയോഗിക്കൂ

സ്വിച്ച് കൺട്രോൾ ഡിഫോൾട്ടായി ‘ഇനം’ മോഡിലാണ് ആരംഭിക്കുന്നത്, എന്നാൽ പകരം ഗ്ലൈഡിങ് കേഴ്സർ ഉപയോഗിക്കാൻ നിങ്ങൾക്ക് തിരഞ്ഞെടുക്കാം.

  1. താഴെപ്പറയുന്നവയിൽ ഏതെങ്കിലുമൊന്ന് ചെയ്യൂ:

    • ക്രമീകരണം  > ആക്സസിബിലിറ്റി > സ്വിച്ച് കൺട്രോൾ > സ്വിച്ച് കൺട്രോൾ മോഡ് > തുടർന്ന് ‘ഗ്ലൈഡിങ് കേഴ്സർ’ സെലക്റ്റ് ചെയ്യൂ.

    • ഏതെങ്കിലും ഇനം സെലക്റ്റ് ചെയ്യാൻ ഇനം മോഡ് ഉപയോഗിക്കൂ, ശേഷം ഗ്ലൈഡിങ് കേഴ്സർ (സ്കാനർ മെനുവിലെ) തിരഞ്ഞെടുക്കൂ.

  2. ലംബ ക്രോസ്ഹെയർ സ്ഥാപിക്കാൻ, വീതിയുള്ള ലംബ ബാൻഡ് നിങ്ങൾക്കാവശ്യമുള്ള ഇനത്തിന് മുകളിലായിരിക്കുമ്പോൾ നിങ്ങളുടെ 'ഇനം സെലക്റ്റ് ചെയ്യൂ’ സ്വിച്ച് സജീവമാക്കൂ.

  3. നേർത്ത ലംബ രേഖ ഇനത്തിന് മുകളിലായിരിക്കുമ്പോൾ നിങ്ങളുടെ ‘ഇനം സെലക്റ്റ് ചെയ്യൂ’ സ്വിച്ച് വീണ്ടും സജീവമാക്കൂ.

  4. തിരശ്ചീന ക്രോസ്ഹെയർ സ്ഥാപിക്കാൻ, വീതിയുള്ള തിരശ്ചീന ബാൻഡ് നിങ്ങൾക്കാവശ്യമുള്ള ഇനത്തിന് മുകളിലായിരിക്കുമ്പോൾ നിങ്ങളുടെ 'ഇനം സെലക്റ്റ് ചെയ്യൂ’ സ്വിച്ച് സജീവമാക്കൂ.

  5. നേർത്ത തിരശ്ചീന രേഖ ഇനത്തിന് മുകളിലായിരിക്കുമ്പോൾ നിങ്ങളുടെ ‘ഇനം സെലക്റ്റ് ചെയ്യൂ’ സ്വിച്ച് വീണ്ടും സജീവമാക്കൂ.

  6. സ്കാനർ മെനുവിൽ, നിങ്ങൾക്ക് ആവശ്യമുള്ള പ്രവർത്തനം സെലക്റ്റ് ചെയ്തതിന് ശേഷം നിങ്ങളുടെ ‘ഇനം സെലക്റ്റ് ചെയ്യൂ’ സ്വിച്ച് സജീവമാക്കൂ.

ഇനം മോഡിലേക്ക് മടങ്ങാൻ, സ്കാനർ മെനു തുറന്ന്, ഇനം മോഡ് തിരഞ്ഞെടുക്കൂ.

ഹെഡ് ട്രാക്കിങ് സജ്ജീകരിക്കൂ

സ്ക്രീനിലെ ഒരു കേഴ്സർ നിയന്ത്രിക്കാൻ നിങ്ങൾക്ക് നിങ്ങളുടെ തല ചലിപ്പിക്കാം. പുഞ്ചിരിയോ ഉയർത്തിയ പുരികങ്ങളോ പോലുള്ള മുഖഭാവങ്ങൾക്കും നിങ്ങൾക്ക് പ്രവർത്തനങ്ങൾ അസൈൻ ചെയ്യാം.

ഹെഡ് ട്രാക്കിങ് സജ്ജീകരിക്കാൻ, താഴെ പറയുന്നവ ചെയ്യൂ:

  • ക്രമീകരണം  > ആക്സസബിലിറ്റി > സ്വിച്ച് കൺട്രോൾ > സ്വിച്ചുകൾ എന്നതിലേക്ക് പോയി, നിങ്ങൾ സ്വിച്ചുകൾ സജ്ജീകരിച്ചിട്ടുണ്ടെന്ന് ഉറപ്പാക്കൂ.

  • ക്രമീകരണം > ആക്സസബിലിറ്റി > സ്വിച്ച് കൺട്രോൾ > ഹെഡ് ട്രാക്കിങ് എന്നതിലേക്ക് പോയി, ഹെഡ് ട്രാക്കിങ് ഓൺ ചെയ്തതിന് ശേഷം ഈ ഓപ്ഷനുകളിൽ ഏതെങ്കിലും സജ്ജമാക്കൂ:

    • മുഖഭാവങ്ങൾക്ക് പ്രവർത്തനങ്ങൾ അസൈൻ ചെയ്യൂ: ഓരോ ഭാവത്തിനും ഓരോരോ പ്രവർത്തനം നടത്താനാവും, അതിന് വ്യത്യസ്തമായ ഭാവങ്ങൾ ആവശ്യമാണ്.

    • പോയിന്റർ നിങ്ങളുടെ തലയുടെ ചലനം ട്രാക്ക് ചെയ്യുന്ന വിധം തിരഞ്ഞെടുക്കൂ: ട്രാക്കിങ് മോഡ് ടാപ്പ് ചെയ്ത്, ‘മുഖം ഉപയോഗിച്ച്’, ‘സ്ക്രീൻ അരികുകൾ അഭിമുഖീകരിക്കുമ്പോൾ’, അല്ലെങ്കിൽ ‘തലയ്ക്ക് ആപേക്ഷികമായി’ എന്നിവ തിരഞ്ഞെടുക്കൂ.

    • പോയിന്റർ വേഗത ക്രമപ്പെടുത്തൂ: കുറയ്ക്കാനുള്ള ബട്ടൺ അല്ലെങ്കിൽ കൂട്ടാനുള്ള ബട്ടൺ ടാപ്പ് ചെയ്യൂ.

ഹെഡ് ട്രാക്കിങ് ഉപയോഗിക്കൂ

  1. താഴെപ്പറയുന്നവയിൽ ഏതെങ്കിലുമൊന്ന് ചെയ്യൂ:

    • ക്രമീകരണം  > ആക്സസിബിലിറ്റി > സ്വിച്ച് കൺട്രോൾ > സ്വിച്ച് കൺട്രോൾ മോഡ് > തുടർന്ന് ‘ഹെഡ് ട്രാക്കിങ്’ സെലക്റ്റ് ചെയ്യൂ.

    • ഏതെങ്കിലും ഇനം സെലക്റ്റ് ചെയ്യാൻ ഇനം മോഡ് ഉപയോഗിക്കൂ, ശേഷം ഹെഡ് ട്രാക്കിങ് (സ്കാനർ മെനുവിലെ) തിരഞ്ഞെടുക്കൂ.

  2. നിങ്ങൾക്ക് ആവശ്യമുള്ള ലൊക്കേഷനിൽ കേഴ്സർ സ്ഥാപിക്കാൻ നിങ്ങളുടെ തല ചലിപ്പിക്കൂ, ശേഷം നിങ്ങളുടെ ‘ഇനം സെലക്റ്റ് ചെയ്യൂ’ സ്വിച്ച് അല്ലെങ്കിൽ മുഖഭാവങ്ങൾ ഉപയോഗിച്ച് അത് സജീവമാക്കൂ.

  3. സ്കാനർ മെനുവിൽ, നിങ്ങൾക്ക് ആവശ്യമുള്ള പ്രവർത്തനം സെലക്റ്റ് ചെയ്തതിന് ശേഷം നിങ്ങളുടെ ‘ഇനം സെലക്റ്റ് ചെയ്യൂ’ സ്വിച്ച് അല്ലെങ്കിൽ മുഖഭാവം സജീവമാക്കൂ.

ഇനം മോഡിലേക്ക് മടങ്ങാൻ, സ്കാനർ മെനു തുറന്ന്, ഇനം മോഡ് തിരഞ്ഞെടുക്കൂ.

കണ്ണിന്റെ ട്രാക്കിങ് സജ്ജീകരിക്കൂ

സ്ക്രീനിലെ ഒരു കേഴ്സർ നിയന്ത്രിക്കാൻ നിങ്ങൾക്ക് നിങ്ങളുടെ കണ്ണുകൾ ചലിപ്പിക്കാം. ഒരു നിശ്ചിത സമയത്തേക്ക് നിങ്ങളുടെ നോട്ടം നിലനിർത്തിക്കൊണ്ട് പ്രവർത്തനങ്ങൾ നടത്താൻ നിങ്ങൾക്ക് ‘ഡ്വെൽ കൺട്രോൾ’ ഉപയോഗിക്കാം.

കണ്ണിന്റെ ട്രാക്കിങ് സജ്ജീകരിക്കാൻ, താഴെ പറയുന്നവ ചെയ്യൂ:

  • ക്രമീകരണം  > ആക്സസബിലിറ്റി > സ്വിച്ച് കൺട്രോൾ > സ്വിച്ചുകൾ എന്നതിലേക്ക് പോയി, നിങ്ങൾ സ്വിച്ചുകൾ സജ്ജീകരിച്ചിട്ടുണ്ടെന്ന് ഉറപ്പാക്കൂ.

  • ക്രമീകരണം > ആക്സസബിലിറ്റി > സ്വിച്ച് കൺട്രോൾ > കണ്ണിന്റെ ട്രാക്കിങ് എന്നതിലേക്ക് പോയി, ‘ഫേസ് ഗൈഡൻസ്’ ഓണാക്കൂ.

  • ക്രമീകരണം > ആക്സസബിലിറ്റി > സ്വിച്ച് കൺട്രോൾ > കണ്ണിന്റെ ട്രാക്കിങ് > ഡ്വെൽ കൺട്രോൾ എന്നതിലേക്ക് പോയി, ഒരു സ്വിച്ച് ആക്ഷൻ തിരഞ്ഞെടുത്ത ശേഷം ഈ ഡ്വെൽ ഓപ്ഷനുകളിൽ ഏതെങ്കിലും സജ്ജമാക്കൂ:

    • ഡ്വെൽ ടൈംഔട്ട്: കുറയ്ക്കാനുള്ള ബട്ടൺ അല്ലെങ്കിൽ കൂട്ടാനുള്ള ബട്ടൺ ടാപ്പ് ചെയ്യൂ.

    • ചലന സഹിഷ്ണുത: ഒരു ഇനത്തിൽ ആയിരിക്കുമ്പോൾ നിങ്ങൾക്ക് നീക്കാൻ കഴിയുന്ന ദൂരം സജ്ജീകരിക്കാൻ സ്ലൈഡർ വലിക്കൂ.

കണ്ണിന്റെ ട്രാക്കിങ് ഉപയോഗിക്കൂ

  1. താഴെപ്പറയുന്നവയിൽ ഏതെങ്കിലുമൊന്ന് ചെയ്യൂ:

    • ക്രമീകരണം  > ആക്സസിബിലിറ്റി > സ്വിച്ച് കൺട്രോൾ > സ്വിച്ച് കൺട്രോൾ മോഡ് > തുടർന്ന് ‘കണ്ണിന്റെ ട്രാക്കിങ്’ സെലക്റ്റ് ചെയ്യൂ.

    • ഏതെങ്കിലും ഇനം സെലക്റ്റ് ചെയ്യാൻ ഇനം മോഡ് ഉപയോഗിക്കൂ, ശേഷം ‘കണ്ണിന്റെ ട്രാക്കിങ്’ (സ്കാനർ മെനുവിലെ) തിരഞ്ഞെടുക്കൂ.

  2. നിങ്ങൾക്ക് ആവശ്യമുള്ള ലൊക്കേഷനിൽ കേഴ്സർ സ്ഥാപിക്കാൻ നിങ്ങളുടെ കണ്ണുകൾ ചലിപ്പിക്കൂ, ശേഷം നിങ്ങളുടെ ‘ഇനം സെലക്റ്റ് ചെയ്യൂ’ സ്വിച്ച് ഉപയോഗിച്ച് അത് സജീവമാക്കൂ.

  3. സ്കാനർ മെനുവിൽ, നിങ്ങൾക്ക് ആവശ്യമുള്ള പ്രവർത്തനം സെലക്റ്റ് ചെയ്തതിന് ശേഷം നിങ്ങളുടെ ‘ഇനം സെലക്റ്റ് ചെയ്യൂ’ സ്വിച്ച് സജീവമാക്കൂ.

ഇതും കാണൂiPhone-ലെ സ്വിച്ച് കൺട്രോളിന് ഒരു ആമുഖംiPhone-ലെ സ്വിച്ച് കൺട്രോൾ സജ്ജീകരിച്ച് ഓണാക്കൂiPhone-ലെ മൊബിലിറ്റിക്കുള്ള ആക്സസബിലിറ്റി ഫീച്ചറുകൾ
Morty Proxy This is a proxified and sanitized view of the page, visit original site.
സഹായകമായോ?
കാരക്റ്റർ പരിധി: 250
പരമാവധി കാരക്റ്റർ പരിധി 250 ആണ്.
നിങ്ങളുടെ ഫീഡ്ബാക്കിന് നന്ദി.
Morty Proxy This is a proxified and sanitized view of the page, visit original site.