iOS 26
iOS 18
ഈ കൺട്രോളിൽ മാറ്റം വരുത്തുന്നത് ഈ പേജ് ഒട്ടോമാറ്റിക്കായി അപ്ഡേറ്റ് ചെയ്യാനിടയാക്കും

iPhone-ൽ iCloud പങ്കിട്ട ഫോട്ടോ ലൈബ്രറി ഉപയോഗിക്കൂ

നിങ്ങൾ iCloud പങ്കിട്ട ഫോട്ടോ ലൈബ്രറി സജ്ജീകരിക്കുകയോ അല്ലെങ്കിൽ ചേരുകയോ ചെയ്ത ശേഷം, ‘ഫോട്ടോസ്’ ആപ്പിൽ നിങ്ങൾക്ക് സുഹൃത്തുക്കളുമായും കുടുംബാംഗങ്ങളുമായും ഫോട്ടോകളും വീഡിയോകളും പങ്കിടാം. നിങ്ങൾക്കും പങ്കെടുക്കുന്ന മറ്റ് അഞ്ച് പേർക്കും ലൈബ്രറിയിലേക്ക് ഫോട്ടോകളും വീഡിയോകളും ചേർക്കാൻ കഴിയും, കൂടാതെ അവയിൽ വരുത്തിയ എഡിറ്റുകളോ കമന്റുകളോ മറ്റ് ക്രമീകരണങ്ങളോ തത്സമയം എല്ലാവർക്കും കാണാനാകും. ഒരു പങ്കിട്ട ലൈബ്രറിയിലെ ഉള്ളടക്കം എല്ലാവരുടെയും ഓർമകൾ, ഫീച്ചർ ചെയ്ത ഫോട്ടോകൾ, ഫോട്ടോസ് വിജറ്റ് എന്നിവയിലേക്കും ചേർക്കുന്നു.

പങ്കിട്ട ലൈബ്രറിയിലേക്ക് ചേർക്കുന്ന ഫോട്ടോകളും വീഡിയോകളും നിങ്ങളുടെ വ്യക്തിഗത ലൈബ്രറിയിൽ നിന്ന് വേറിട്ടതാണ്. ഫോട്ടോസ് ആപ്പിൽ പങ്കിട്ട ലൈബ്രറിയും നിങ്ങളുടെ വ്യക്തിഗത ലൈബ്രറിയും അല്ലെങ്കിൽ രണ്ടും കാണുന്നതിന് ഇടയിൽ നിങ്ങൾക്ക് എളുപ്പത്തിൽ മാറാനാകും.

നിങ്ങളുടെ iCloud പങ്കിട്ട ഫോട്ടോ ലൈബ്രറിയും വ്യക്തിഗത ലൈബ്രറിയും കാണുന്നതിന് ഇടയിൽ മാറൂ

  1. നിങ്ങളുടെ iPhone-ലെ ഫോട്ടോസ് ആപ്പിലേക്ക് പോകൂ.

  2. താഴെ ഇടത് മൂലയിൽ നിന്ന് ലൈബ്രറി സെലക്റ്റ് ചെയ്തിട്ടുണ്ടെന്ന് ഉറപ്പാക്കൂ.

  3. തരം തിരിച്ച് ഫിൽട്ടർ ചെയ്യൂ ടാപ്പ് ചെയ്യൂ, തുടർന്ന് ഇനിപ്പറയുന്നത് സെലക്റ്റ് ചെയ്യൂ:

    • നിങ്ങളുടെ ‘ഫോട്ടോകളു’ടെ ഉള്ളടക്കവും iCloud പങ്കിട്ട ഫോട്ടോ ലൈബ്രറി ഉള്ളടക്കവും കാണാൻ:  ‘രണ്ട് ലൈബ്രറികളും’ ടാപ്പ് ചെയ്യൂ.

    • നിങ്ങളുടെ വ്യക്തിഗത ഫോട്ടോകളുടെ ഉള്ളടക്കം മാത്രം കാണാൻ:  വ്യക്തിഗത ലൈബ്രറി ടാപ്പ് ചെയ്യൂ.

    • iCloud പങ്കിട്ട ഫോട്ടോ ലൈബ്രറി ഉള്ളടക്കം മാത്രം കാണാൻ:  പങ്കിട്ട ലൈബ്രറി ടാപ്പ് ചെയ്യൂ.

നിങ്ങളുടെ വ്യക്തിഗത ലൈബ്രറിയും പങ്കിട്ട ലൈബ്രറിയും കാണുമ്പോൾ, പങ്കിട്ട ലൈബ്രറിയുടെ ഭാഗമായ ഉള്ളടക്കത്തിന്റെ ലഘുചിത്രത്തിന്റെ മുകളിൽ വലത് കോണിൽ എന്ന ഒരു ബാഡ്ജ് ഉണ്ടായിരിക്കും.

iCloud പങ്കിട്ട ഫോട്ടോ ലൈബ്രറി ഉള്ളടക്കത്തിൽ എഡിറ്റുകളും മാറ്റങ്ങളും വരുത്തൂ

iCloud പങ്കിട്ട ഫോട്ടോ ലൈബ്രറിയിലെ ഫോട്ടോകളിലും വീഡിയോകളിലും നിങ്ങൾ ഇനിപ്പറയുന്ന മാറ്റങ്ങൾ വരുത്തുമ്പോൾ, എല്ലാ പങ്കാളികളും മാറ്റങ്ങൾ കാണുന്നു:

  • എഡിറ്റുകൾ; ഫോട്ടോകളും വീഡിയോകളുംഎഡിറ്റ് ചെയ്യൂ എന്നത് കാണൂ.

  • പ്രിയപ്പെട്ടവ, കാപ്ഷനുകൾ, കീവേഡുകൾ അല്ലെങ്കിൽ തീയതിയും സമയവും ക്രമീകരിക്കൽ; ഫോട്ടോ, വീഡിയോ വിവരങ്ങൾ കാണൂ.

  • ഡിലീറ്റ് ചെയ്ത ഉള്ളടക്കം; ഫോട്ടോകളും വീഡിയോകളും ഡിലീറ്റ് ചെയ്യൂ അല്ലെങ്കിൽ മറയ്ക്കൂ കാണൂ.

    കുറിപ്പ്: പങ്കിട്ട ലൈബ്രറിയിലേക്ക് നിങ്ങൾ ചേർത്ത ഉള്ളടക്കം ഡിലീറ്റ് ആയാൽ നിങ്ങൾക്ക് അറിയിപ്പുകൾ ലഭിക്കും. അറിയിപ്പുകൾ ഓഫാക്കാൻ, ‘ഫോട്ടോസി’ൽ സ്ക്രീനിന്റെ മുകളിൽ വലത് കോണിലുള്ള നിങ്ങളുടെ അക്കൗണ്ട് ടാപ്പ് ചെയ്ത്, പങ്കിട്ട ലൈബ്രറിയിൽ ടാപ്പ് ചെയ്യൂ, തുടർന്ന് ‘ഡിലീറ്റ് ചെയ്യൽ അറിയിപ്പുകൾ’ ഓഫാക്കൂ. നിങ്ങൾ ചേർത്ത ഉള്ളടക്കം ഡിലീറ്റ് ചെയ്തിട്ടുണ്ടെങ്കിൽ, അടുത്തിടെ ഡിലീറ്റ് ചെയ്തവയിൽ നിന്ന് 30 ദിവസത്തിനുള്ളിൽ അത് നിങ്ങളുടെ വ്യക്തിഗത ലൈബ്രറിയിലേക്ക് തിരികെ നീക്കാൻ കഴിയും.

പങ്കിട്ട ഉള്ളടക്കം ഒരു iCloud പങ്കിട്ട ഫോട്ടോ ലൈബ്രറിയിൽ നിന്ന് നിങ്ങളുടെ വ്യക്തിഗത ലൈബ്രറിയിലേക്ക് നീക്കൂ

നിങ്ങളുടെ പങ്കിട്ട ലൈബ്രറിയിൽ സംഭരിച്ചിരിക്കുന്ന ഫോട്ടോകൾക്ക് അവയുടെ മുകളിൽ വലത് കോണിൽ ഒരു ബാഡ്ജ് ഉണ്ട്. പങ്കിട്ട ലൈബ്രറിയിലേക്ക് നിങ്ങൾ സംഭാവന ചെയ്ത ഫോട്ടോകളും വീഡിയോകളും നിങ്ങളുടെ വ്യക്തിഗത ലൈബ്രറിയിലേക്ക് തിരികെ നീക്കാനാവും.

  1. നിങ്ങളുടെ iPhone-ലെ ഫോട്ടോസ് ആപ്പിലേക്ക് പോകൂ.

  2. നിങ്ങളുടെ പങ്കിട്ട ലൈബ്രറിയിൽ ഒരു ഫോട്ടോയോ വീഡിയോയോ തുറക്കൂ.

  3. സ്ക്രീനിന്റെ മുകളിലുള്ള ‘കൂടുതൽ’ ബട്ടൺ ടാപ്പ് ചെയ്യൂ, തുടർന്ന് ‘വ്യക്തിഗത ലൈബ്രറിയിലേക്ക് നീക്കൂ’ ടാപ്പ് ചെയ്യൂ.

നിങ്ങളുടെ iCloud പങ്കിട്ട ഫോട്ടോ ലൈബ്രറിയിലേക്ക് സ്റ്റോറേജ് സ്പേസ് ചേർക്കൂ

iCloud പങ്കിട്ട ഫോട്ടോ ലൈബ്രറിയിലെ ഉള്ളടക്കം എല്ലാ പങ്കാളികൾക്കും ലഭ്യമാണ്, എന്നാൽ ഉള്ളടക്കം സംഭരിക്കുന്നതിന് ഉപയോഗിക്കുന്ന iCloud സ്റ്റോറേജ് ലൈബ്രറി ഓർഗനൈസറുടെ സ്റ്റോറേജ് സ്പേസിൽ കണക്കാക്കുന്നു.

പങ്കിട്ട ലൈബ്രറി ഉള്ളടക്കം ഓർഗനൈസറുടെ ലഭ്യമായ സ്റ്റോറേജ് സ്പേസ് കവിയുന്നുവെങ്കിൽ, ഓർഗനൈസർക്ക് iCloud+ എന്നതിലേക്ക് അപ്ഗ്രേഡ് ചെയ്യാനോ നിലവിലുള്ള iCloud+ സബ്സ്ക്രിപ്ഷനിലേക്ക് അധിക സ്റ്റോറേജ് ചേർക്കാനോ കഴിയും. iCloud+ സബ്സ്ക്രൈബ് ചെയ്യൂ എന്നത് കാണൂ.

ഇതും കാണൂiPhone-ൽ ഒരു iCloud പങ്കിട്ട ഫോട്ടോ ലൈബ്രറി സജ്ജീകരിക്കുകയോ അതിൽ ചേരുകയോ ചെയ്യൂiPhone-ൽ iCloud പങ്കിട്ട ഫോട്ടോ ലൈബ്രറിയിലേക്ക് ഉള്ളടക്കം ചേർക്കൂ
Morty Proxy This is a proxified and sanitized view of the page, visit original site.
സഹായകമായോ?
കാരക്റ്റർ പരിധി: 250
പരമാവധി കാരക്റ്റർ പരിധി 250 ആണ്.
നിങ്ങളുടെ ഫീഡ്ബാക്കിന് നന്ദി.
Morty Proxy This is a proxified and sanitized view of the page, visit original site.