iOS 26
iOS 18
ഈ കൺട്രോളിൽ മാറ്റം വരുത്തുന്നത് ഈ പേജ് ഒട്ടോമാറ്റിക്കായി അപ്ഡേറ്റ് ചെയ്യാനിടയാക്കും

iPhone-ലെ കുറിപ്പുകളിൽ സൂത്രവാക്യങ്ങളും സമവാക്യങ്ങളും നൽകൂ

കുറിപ്പുകൾ ആപ്പിലെ ഗണിതം ഉപയോഗിച്ച് നിങ്ങൾക്ക് ഡയഗ്രമുകൾ വരയ്ക്കാനും സമവാക്യങ്ങൾ പരിഹരിക്കാനും വേരിയബിളുകൾ അസൈൻ ചെയ്യാനും ഗ്രാഫുകൾക്കും പ്ലോട്ട് ചെയ്യാനും കഴിയും. നിങ്ങൾ ഒരു സമം ചിഹ്നം എഴുതുകയോ ടൈപ്പ് ചെയ്യുകയോ ചെയ്യുമ്പോൾ ഗണിത വാചകങ്ങൾ ഇൻലൈനിൽ പരിഹരിക്കപ്പെടും.

കുറിപ്പ്: പാശ്ചാത്യ അറബി അക്കങ്ങളും സാധാരണ ഗണിത ചിഹ്നങ്ങളും ഉപയോഗിച്ചോ അല്ലെങ്കിൽ അറബിക് (കിഴക്കൻ, പടിഞ്ഞാറൻ), ദേവനാഗരി അക്കങ്ങളും സാധാരണ ഗണിത ചിഹ്നങ്ങളും ഉപയോഗിച്ചോ ടൈപ്പ് ചെയ്ത ഗണിതത്തെ ‘കുറിപ്പുകൾ’ ആപ്പ് പിന്തുണയ്ക്കുന്നു.

യാത്രാ ചെലവുകളുടെ കണക്കുകൂട്ടലും ഒരു ഫോട്ടോയുമുള്ള, ഒരു യാത്ര ആസൂത്രണം ചെയ്യുന്നതിനുള്ള ‘കുറിപ്പ്’.

ഒരു കുറിപ്പിൽ ഗണിത വാചകങ്ങൾ ചേർക്കാൻ

  1. നിങ്ങളുടെ iPhone-ലെ ‘കുറിപ്പുകൾ’ ആപ്പിലേക്ക് പോകൂ.

  2. ഒരു പുതിയ കുറിപ്പ് തുടങ്ങാൻ, ഒരു കുറിപ്പ് തുറക്കൂ, അല്ലെങ്കിൽ പുതിയ ‘കുറിപ്പ്’ ബട്ടൺ ടാപ്പ് ചെയ്യൂ.

  3. താഴെപ്പറയുന്നവയിൽ ഏതെങ്കിലും ചെയ്യൂ:

    • ഒരു ഗണിത വാചകം ടൈപ്പ് ചെയ്ത ശേഷം ഒരു സമം ചിഹ്നം ഉൾപ്പെടുത്തൂ.

    • മാർക്ക്അപ്പ് ബട്ടൺ ടാപ്പ് ചെയ്യൂ, ഒരു ഗണിതവാക്യം തിരശ്ചീനമായി എഴുതൂ, തുടർന്ന് ഒരു സമം ചിഹ്നം ഉൾപ്പെടുത്തൂ.

    • മാർക്ക്അപ്പ് ബട്ടൺ ടാപ്പ് ചെയ്യൂ, സംഖ്യകളുടെ ഒരു സ്റ്റാക്ക് എഴുതൂ, ശേഷം സ്റ്റാക്കിലെ സംഖ്യകൾ കൂട്ടാൻ സംഖ്യകൾക്ക് താഴെ ഒരു തിരശ്ചീന രേഖ വരയ്ക്കൂ. നിങ്ങൾക്ക് വ്യത്യസ്ത ഓപ്പറേഷൻ വേണമെങ്കിൽ ഓരോ അക്കത്തിന്റെയും ഇടതുവശത്ത് വ്യത്യസ്തമായ ഒരു ചിഹ്നം എഴുതൂ.

  4. നിങ്ങൾ എഴുതിയതിൽ ‘കുറിപ്പുകൾ’ എന്താണ് മനസ്സിലാക്കിയതെന്ന് കാണാൻ സമം ചിഹ്നത്തിൽ ടാപ്പ് ചെയ്യൂ, തുടർന്ന് ‘പരിഹരിക്കൂ’ എന്നതിൽ ടാപ്പ് ചെയ്യൂ. തെറ്റുകൾ തിരുത്താൻ, താഴെപ്പറയുന്നവയിൽ ഏതെങ്കിലും നിങ്ങൾക്ക് തിരുത്താൻ കഴിയും:

    • തിരിച്ചറിയാൻ കഴിയാത്ത ഗണിതവും പരിഹരിക്കാനാവാത്ത വാചകങ്ങളും: പിശക് സംബന്ധിച്ച വിശദാംശങ്ങൾ കാണാൻ ഡോട്ട് ചെയ്ത ഏതെങ്കിലും ചുവന്ന രേഖയിൽ ടാപ്പ് ചെയ്യൂ.

    • അവ്യക്തമായ പ്രതീകങ്ങൾ: നിങ്ങൾ എഴുതിയത് വ്യക്തമാക്കാൻ ഡോട്ട് ചെയ്ത നീല വരകളിലൊന്ന് ടാപ്പ് ചെയ്യൂ.

ഒരു ഗ്രാഫ് സൃഷ്ടിക്കാൻ

  1. നിങ്ങളുടെ iPhone-ലെ ‘കുറിപ്പുകൾ’ ആപ്പിലേക്ക് പോകൂ.

  2. ഒരു പുതിയ കുറിപ്പ് തുടങ്ങാൻ, ഒരു കുറിപ്പ് തുറക്കൂ, അല്ലെങ്കിൽ ‘പുതിയ കുറിപ്പ്’ ബട്ടൺ ടാപ്പ് ചെയ്യൂ.

  3. സമവാക്യത്തിന്റെ ഇടതുവശത്ത് y വേരിയബിൾ നൽകിക്കൊണ്ട് x, y വേരിയബിളുകളുള്ള ഒരു സമവാക്യം ടൈപ്പ് ചെയ്യുകയോ എഴുതുകയോ ചെയ്യൂ. ഉദാഹരണത്തിന്, y = 5x + 3.

    നിങ്ങൾ ഇതിനകം എഴുതിയ ഒരു സമവാക്യത്തിലെ സമം ചിഹ്നത്തിൽ നിങ്ങൾക്ക് ടാപ്പ് ചെയ്യുകയുമാവാം.

  4. നിങ്ങൾ സമവാക്യം പൂർത്തിയാക്കുമ്പോൾ ഒരു മെനു ദൃശ്യമാകും. ‘ഗ്രാഫ് ഇൻസേർട്ട് ചെയ്യൂ’ എന്നതിൽ ടാപ്പ് ചെയ്യൂ.

    y വേരിയബിളിനെ ലംബ അക്ഷവും, x വേരിയബിളിനെ തിരശ്ചീന അക്ഷവും പ്രതിനിധാനം ചെയ്യുന്നു.

അതേ ഗ്രാഫിലേക്ക് മറ്റൊരു സമവാക്യം ചേർക്കാനായി ഒരു പുതിയ സമവാക്യം ടൈപ്പ് ചെയ്യുകയോ എഴുതുകയോ ചെയ്യൂ, ശേഷം ’നിലവിലുള്ള ഗ്രാഫിലേക്ക് ചേർക്കൂ’ ടാപ്പ് ചെയ്യൂ.

iPhone-ലെ കാൽക്കുലേറ്ററിൽ ഗണിത കുറിപ്പുകളിലെ ഗ്രാഫുകൾ ഉപയോഗിച്ച് ചെയ്യൂ എന്നതും കാണൂ.

കാൽക്കുലേറ്റർ ആപ്പിൽ സൃഷ്ടിച്ച ഗണിത കുറിപ്പുകൾ ആക്സസ് ചെയ്യാൻ

  1. നിങ്ങളുടെ iPhone-ലെ ‘കുറിപ്പുകൾ’ ആപ്പിലേക്ക് പോകൂ.

  2. ഫോൾഡർ ലിസ്റ്റിൽ, 'ഗണിത കുറിപ്പുകൾ' ടാപ്പ് ചെയ്യൂ. നിങ്ങളുടെ ഫോൾഡറുകൾ കാണാൻ നിങ്ങൾക്ക് ‘പിന്നിലേക്ക്’ ബട്ടൺ ടാപ്പ് ചെയ്യേണ്ടിവന്നേക്കാം.

കാൽക്കുലേറ്ററിലെ ഗണിത കുറിപ്പുകൾ ഉപയോഗിച്ച് ഗണിതം പരിഹരിക്കൂ എന്നത് കാണൂ.

ഇതും കാണൂiPhone-ലെ കുറിപ്പുകളിൽ ഡ്രോയിങ്ങുകളും കൈയെഴുത്തും ചേർക്കൂiPhone-ലെ കുറിപ്പുകളിലേക്ക് ഫോട്ടോകൾ, വീഡിയോ തുടങ്ങിയവ ചേർക്കൂ
Morty Proxy This is a proxified and sanitized view of the page, visit original site.
സഹായകമായോ?
കാരക്റ്റർ പരിധി: 250
പരമാവധി കാരക്റ്റർ പരിധി 250 ആണ്.
നിങ്ങളുടെ ഫീഡ്ബാക്കിന് നന്ദി.
Morty Proxy This is a proxified and sanitized view of the page, visit original site.