iOS 26
iOS 18
ഈ കൺട്രോളിൽ മാറ്റം വരുത്തുന്നത് ഈ പേജ് ഒട്ടോമാറ്റിക്കായി അപ്ഡേറ്റ് ചെയ്യാനിടയാക്കും

iPhone-ൽ Apple Cash ഉപയോഗിക്കൂ

Apple Cash ഉപയോഗിച്ച്, നിങ്ങൾക്ക് പണം അയയ്ക്കാനും സ്വീകരിക്കാനും Apple Card ഇടപാടുകളിൽ നിന്ന് പണം തിരികെ നേടാനും വാങ്ങലുകൾ നടത്താനും നിങ്ങളുടെ Apple Cash ബാലൻസ് നിങ്ങളുടെ ബാങ്ക് അക്കൗണ്ടിലേക്ക് കൈമാറ്റം ചെയ്യാനും കഴിയും.

കുറിപ്പ്: Apple Cash യുഎസ്സിൽ മാത്രം ലഭ്യമാണ്

‘വാലറ്റി’ലെ Apple Cash കാർഡ്, ‘കൂടുതൽ’ ബട്ടൺ മുകളിൽ വലത് വശത്തും നിലവിലെ ബാലൻസ്, ‘അയയ്ക്കൂ അല്ലെങ്കിൽ അഭ്യർഥിക്കൂ’ ബട്ടൺ എന്നിവ മധ്യത്തിലും ഏറ്റവും പുതിയ ഇടപാടുകൾ താഴെയും കാണിക്കുന്നു.

Apple Cash സജ്ജീകരിക്കൂ

  1. നിങ്ങളുടെ iPhone-ലെ ‘ക്രമീകരണം’  ആപ്പിലേക്ക് പോകൂ.

  2. ‘വാലറ്റും Apple Pay-യും’ ടാപ്പ് ചെയ്ത് Apple Cash ഓണാക്കൂ, തുടർന്ന് സ്ക്രീനിലെ നിർദേശങ്ങൾ പാലിക്കൂ.

കൂടുതൽ വിവരങ്ങൾക്ക്, Apple Cash സജ്ജീകരിക്കൂ എന്ന Apple പിന്തുണാ ലേഖനം കാണൂ.

Apple Cash ഉപയോഗിച്ച് വാങ്ങലുകൾ നടത്തൂ

Visa സ്വീകരിക്കുന്നിടത്ത്, നിങ്ങൾക്ക് Apple Cash ഉപയോഗിച്ച് താഴെപ്പറയുന്ന രീതികളിൽ വാങ്ങലുകൾ നടത്താം:

സന്ദേശങ്ങളിൽ Apple Cash ഉപയോഗിച്ച് പേയ്മെന്റുകൾ അയയ്ക്കുകയും അഭ്യർഥിക്കുകയും സ്വീകരിക്കുകയും ചെയ്യൂ

iMessage ഉപയോഗിക്കുന്ന ആളുകളിൽ നിന്ന് പണം അയയ്ക്കാനും സ്വീകരിക്കാനും Apple Cash ഉപയോഗിക്കൂ.

  1. നിങ്ങളുടെ iPhone-ലെ സന്ദേശങ്ങൾ ആപ്പിലേക്ക് പോകൂ.

  2. ഒരു iMessage സംഭാഷണത്തിൽ, താഴെപ്പറയുന്നവയിൽ ഒന്ന് ചെയ്യൂ:

    • ‘ആപ്പുകൾ’ ബട്ടൺ ടാപ്പ് ചെയ്ത് Apple Cash ടാപ്പ് ചെയ്യൂ, തുടർന്ന് തുക നൽകൂ.

    • ഒരു സന്ദേശ ബബിളിൽ അടിവരയിട്ട തുക ഉണ്ടെങ്കിൽ, അടിവരയിട്ട തുകയ്ക്ക് പ്രീസെറ്റ് ചെയ്ത Apple Cash തുക തുറക്കാൻ അതിൽ ടാപ്പ് ചെയ്യൂ.

  3. താഴെപ്പറയുന്നവയിലൊന്ന് ചെയ്യൂ:

    • ഒറ്റത്തവണ പേയ്മെന്റ് അയയ്ക്കാനോ അഭ്യർഥിക്കാനോ: ‘അയയ്ക്കൂ’ അല്ലെങ്കിൽ ‘അഭ്യർഥിക്കൂ’ ടാപ്പ് ചെയ്യൂ.

    • ആവർത്തിക്കുന്ന പേയ്മെന്റ് സജ്ജീകരിക്കാൻ: ‘കീപാഡ് കാണിക്കൂ’ ടാപ്പ് ചെയ്യൂ, ‘ആവർത്തിക്കുന്ന പേയ്മെന്റ് അയയ്ക്കൂ’ ടാപ്പ് ചെയ്യൂ, തുടങ്ങുന്ന തീയതി, ആവൃത്തി, മെമോ എന്നിവ നൽകൂ, തുടർന്ന് ‘അയയ്ക്കൂ’ ടാപ്പ് ചെയ്യൂ. (ഒരു ഗ്രൂപ്പ് സംഭാഷണത്തിൽ ആവർത്തിക്കുന്ന പേയ്മെന്റുകൾ ലഭ്യമല്ല.)

  4. ഒരു കമന്റ് (ഓപ്ഷണൽ) ചേർക്കൂ, എന്നിട്ട് ‘അയയ്ക്കൂ’ ബട്ടൺ ടാപ്പ് ചെയ്യൂ.

വാലറ്റ്  ആപ്പിൽ നിങ്ങൾക്ക് Apple Cash അയയ്ക്കാനോ അഭ്യർഥിക്കാനോ കഴിയും—Apple Cash കാർഡിൽ ടാപ്പ് ചെയ്ത് ‘അയയ്ക്കൂ’ അല്ലെങ്കിൽ ‘അഭ്യർഥിക്കൂ’ ടാപ്പ് ചെയ്യൂ, തുടർന്ന് സ്ക്രീനിലെ നിർദേശങ്ങൾ പാലിക്കൂ.

Tap to Cash ഉപയോഗിച്ച് Apple Cash അയയ്ക്കൂ

Tap to Cash ഉപയോഗിച്ച്, നിങ്ങളുടെ ഫോൺ നമ്പറോ ഇ-മെയിൽ വിലാസമോ പങ്കിടാതെ, നിങ്ങളുടെ iPhone അല്ലെങ്കിൽ Apple Watch മറ്റൊരാളുടെ iPhone അല്ലെങ്കിൽ Apple Watch-ന് സമീപം പിടിച്ച് നിങ്ങൾക്ക് അയാൾക്ക് Apple Cash അയയ്ക്കാം.

കുറിപ്പ്: iOS 18 അല്ലെങ്കിൽ അതിന് ശേഷമുള്ളവയുള്ള എല്ലാ iPhone മോഡലുകളിലും watchOS 11 അല്ലെങ്കിൽ അതിന് ശേഷമുള്ളവയുള്ള എല്ലാ Apple Watch മോഡലുകളിലും Tap to Cash പിന്തുണയ്ക്കുന്നു.

  1. നിങ്ങളുടെ iPhone-ലെ വാലറ്റ്  ആപ്പിലേക്ക് പോകൂ.

  2. Apple Cash കാർഡിൽ ടാപ്പ് ചെയ്യൂ, ‘അയയ്ക്കൂ’ അല്ലെങ്കിൽ ‘അഭ്യർഥിക്കൂ’ ടാപ്പ് ചെയ്യൂ, എന്നിട്ട് Tap to Cash ടാപ്പ് ചെയ്യൂ.

  3. തുക നൽകൂ, ഒരു കുറിപ്പ് ചേർക്കൂ (ഓപ്ഷണൽ), എന്നിട്ട് ‘തുടരൂ’ ടാപ്പ് ചെയ്യൂ.

  4. Face ID, Touch ID, അല്ലെങ്കിൽ നിങ്ങളുടെ പാസ്കോഡ് ഉപയോഗിച്ച് ഓതെന്റിക്കേറ്റ് ചെയ്യൂ.

  5. സ്വീകർത്താവിന്റെ iPhone അല്ലെങ്കിൽ Apple Watch-ന് സമീപം നിങ്ങളുടെ iPhone പിടിക്കൂ.

  6. സ്വീകർത്താവിന്റെ സ്ക്രീനിൽ പേയ്മെന്റ് വിവരങ്ങൾ ദൃശ്യമാകുന്നതുവരെ ഡിവൈസുകൾ പരസ്പരം അടുത്ത് പിടിക്കുന്നത് തുടരൂ.

  7. സ്വീകർത്താവിന് ‘സ്വീകരിക്കൂ’ അല്ലെങ്കിൽ ‘നിരസിക്കൂ’ തിരഞ്ഞെടുക്കാം.

കൂടുതൽ വിവരങ്ങൾക്ക്, Tap to Cash ഉപയോഗിക്കൂ എന്ന Apple പിന്തുണാ ലേഖനം കാണൂ.

ഇടപാടുകൾ കാണൂ, ആവർത്തിച്ചുള്ള പേയ്മെന്റുകൾ സജ്ജീകരിക്കൂ, ഫണ്ടുകൾ കൈമാറ്റം ചെയ്യൂ, പിന്തുണയെ ബന്ധപ്പെടൂ

  1. നിങ്ങളുടെ iPhone-ലെ വാലറ്റ്  ആപ്പിലേക്ക് പോകൂ.

  2. Apple Cash കാർഡിൽ ടാപ്പ് ചെയ്യൂ, തുടർന്ന് ‘കൂടുതൽ’ ബട്ടൺ ടാപ്പ് ചെയ്യൂ.

  3. താഴെപ്പറയുന്നവയിൽ ഏതെങ്കിലും ചെയ്യൂ:

    • പണം ചേർക്കാൻ അല്ലെങ്കിൽ ഓട്ടോ റീലോഡ് സജ്ജീകരിക്കാൻ: Apple Cash-ലേക്ക് പണം ചേർക്കൂ എന്ന Apple പിന്തുണാ ലേഖനം കാണൂ.

    • നിങ്ങളുടെ ബാങ്കിലേക്കോ യോഗ്യമായ ഡെബിറ്റ് കാർഡിലേക്കോ ഫണ്ടുകൾ നീക്കാൻ: നിങ്ങളുടെ ബാങ്ക് അക്കൗണ്ടിലേക്കോ ഡെബിറ്റ് കാർഡിലേക്കോ പണം Apple Cash ആയി കൈമാറ്റം ചെയ്യൂ എന്ന Apple പിന്തുണാ ലേഖനം കാണൂ.

    • ആവർത്തന പേയ്മെന്റുകൾ സജ്ജീകരിക്കാനും മാനേജ് ചെയ്യാനും: യോഗ്യരായ കോൺടാക്റ്റുകളിലേക്ക് ആവർത്തിക്കുന്ന പേയ്മെന്റുകൾ അയയ്ക്കൂ.

    • കാർഡ് വിശദാംശങ്ങൾ കാണാൻ: നിങ്ങളുടെ ബാങ്ക് അക്കൗണ്ട് വിവരങ്ങൾ അപ്ഡേറ്റ് ചെയ്യൂ, ഇടപാട് സ്റ്റേറ്റ്മെന്റുകൾ അഭ്യർഥിക്കൂ, ‘പിന്തുണ’യെ ബന്ധപ്പെടൂ, എന്നിവയും മറ്റും.

Apple Cash, Apple Pay വഴി പേയ്മെന്റുകൾ അയയ്ക്കുകയും സ്വീകരിക്കുകയും ചെയ്യുന്നത് ഒരു FDIC അംഗമായ Green Dot Bank നൽകുന്ന സേവനങ്ങളാണ്.
ഇതും കാണൂiPhone-ൽ Apple Card ഉപയോഗിക്കൂApple പിന്തുണാ ലേഖനം: Apple Cash-നായി നിങ്ങളുടെ വെർച്വൽ കാർഡ് നമ്പർ ഉപയോഗിക്കൂApple പിന്തുണാ ലേഖനം: Apple Cash കുടുംബം സജ്ജീകരിച്ച് ഉപയോഗിക്കൂApple Cash പിന്തുണാ വെബ്സൈറ്റ്
Morty Proxy This is a proxified and sanitized view of the page, visit original site.
സഹായകമായോ?
കാരക്റ്റർ പരിധി: 250
പരമാവധി കാരക്റ്റർ പരിധി 250 ആണ്.
നിങ്ങളുടെ ഫീഡ്ബാക്കിന് നന്ദി.
Morty Proxy This is a proxified and sanitized view of the page, visit original site.