iOS 26
iOS 18
ഈ കൺട്രോളിൽ മാറ്റം വരുത്തുന്നത് ഈ പേജ് ഒട്ടോമാറ്റിക്കായി അപ്ഡേറ്റ് ചെയ്യാനിടയാക്കും

iPhone-ലെ Siri ഉപയോഗിച്ച് കോളുകളും സന്ദേശങ്ങളും മറ്റും അനൗൺസ് ചെയ്യൂ

പിന്തുണയ്ക്കുന്ന ഹെഡ്ഫോണുകളിലും, CarPlay ഉപയോഗിക്കുമ്പോഴും സന്ദേശങ്ങൾ പോലുള്ള ആപ്പുകളിൽ നിന്നുള്ള കോളുകളും അറിയിപ്പുകളും Siri-ക്ക് അനൗൺസ് ചെയ്യാൻ കഴിയും. നിങ്ങൾക്ക് ‘Hey Siri’ എന്ന് പറയാതെ നിങ്ങളുടെ ശബ്ദം ഉപയോഗിച്ച് ഉത്തരം പറയാനോ മറുപടി നൽകാനോ കഴിയും.

പിന്തുണയ്ക്കുന്ന മൂന്നാം-കക്ഷി ആപ്പുകളിലും ’കോളുകൾ അനൗൺസ് ചെയ്യൂ’, ’അറിയിപ്പുകൾ അനൗൺസ് ചെയ്യൂ’ എന്നിവ പ്രവർത്തിക്കും.

കോളുകൾ അനൗൺസ് ചെയ്യാൻ Siri ഉപയോഗിക്കൂ

’കോളുകൾ അനൗൺസ് ചെയ്യൂ’ ഉപയോഗിച്ച്, നിങ്ങൾക്ക് സ്വീകരിക്കാനോ നിരസിക്കാനോ കഴിയുന്ന ഇൻകമിങ് ഫോൺ കോളുകളും FaceTime കോളുകളും നിങ്ങളുടെ വോയ്സ് ഉപയോഗിച്ച് Siri തിരിച്ചറിയുന്നു.

  1. നിങ്ങളുടെ iPhone-ലെ ‘ക്രമീകരണം’  ആപ്പിലേക്ക് പോകൂ.

  2. Siri (അല്ലെങ്കിൽ Apple Intelligence-ഉം Siri-യും) ടാപ്പ് ചെയ്യൂ.

  3. ‘കോളുകൾ അനൗൺസ് ചെയ്യൂ’ ടാപ്പ് ചെയ്യൂ, തുടർന്ന് ഒരു ഓപ്ഷൻ തിരഞ്ഞെടുക്കൂ.

  4. ഒരു കോൾ വരുമ്പോൾ, Siri കോളറെ തിരിച്ചറിയുകയും നിങ്ങൾക്ക് കോളിന് മറുപടി നൽകേണ്ടതുണ്ടോ എന്ന് ചോദിക്കുകയും ചെയ്യുന്നു. കോൾ സ്വീകരിക്കാൻ ‘yes’ എന്നും അല്ലെങ്കിൽ നിരസിക്കാൻ ‘no’ എന്നും പറയൂ.

അറിയിപ്പുകൾ അനൗൺസ് ചെയ്യാൻ Siri ഉപയോഗിക്കൂ

Siri-ക്ക് ‘സന്ദേശങ്ങൾ’, ‘ഓർമപ്പെടുത്തൽ’ പോലുള്ള ആപ്പുകളിൽ നിന്നുള്ള ഇൻകമിങ് അറിയിപ്പുകൾ ഓട്ടോമാറ്റിക്കായി അനൗൺസ് ചെയ്യാൻ കഴിയും. സമയ-സെൻസിറ്റീവ് അറിയിപ്പുകൾ ഉപയോഗിക്കുന്ന ആപ്പുകൾക്കായി Siri ആപ്പ് അറിയിപ്പുകൾ ഓട്ടോമാറ്റിക്കായി എനേബിൾ ചെയ്യുന്നു, എന്നാൽ നിങ്ങൾക്ക് എപ്പോൾ വേണമെങ്കിലും ക്രമീകരണങ്ങൾ മാറ്റാവുന്നതാണ്. സമയ-സെൻസിറ്റീവ് അറിയിപ്പുകളെ കുറിച്ച് കൂടുതൽ അറിയാൻ, ഒരു ഫോക്കസ് സജ്ജീകരിക്കൂ എന്നത് കാണൂ.

  1. നിങ്ങളുടെ iPhone-ലെ ‘ക്രമീകരണം’  ആപ്പിലേക്ക് പോകൂ.

  2. Siri (അല്ലെങ്കിൽ Apple Intelligence-ഉം Siri-യും) ടാപ്പ് ചെയ്യൂ.

  3. ‘അറിയിപ്പുകൾ അനൗൺസ് ചെയ്യൂ’ ടാപ്പ് ചെയ്യൂ, തുടർന്ന് ‘അറിയിപ്പുകൾ അനൗൺസ് ചെയ്യൂ’ ഓൺ ചെയ്യൂ.

  4. Siri അറിയിപ്പുകൾ അനൗൺസ് ചെയ്യേണ്ട ഒരു ആപ്പിൽ ടാപ്പ് ചെയ്യൂ, തുടർന്ന് ‘അറിയിപ്പുകൾ അനൗൺസ് ചെയ്യൂ’ ഓണാക്കൂ.

    ചില ആപ്പുകൾക്ക്, എല്ലാ അറിയിപ്പുകളും അനൗൺസ് ചെയ്യണോ അതോ സമയ-സെൻസിറ്റീവ് അറിയിപ്പുകൾ മാത്രം അനൗൺസ് ചെയ്യണോ എന്നും നിങ്ങൾക്ക് തിരഞ്ഞെടുക്കാം.

‘സന്ദേശങ്ങൾ’ പോലെ നിങ്ങൾക്ക് ഒരു മറുപടി അയയ്ക്കാനാകുന്ന ആപ്പുകൾക്ക്, Siri നിങ്ങൾ പറഞ്ഞ കാര്യങ്ങൾ ആവർത്തിക്കുന്നു, തുടർന്ന് നിങ്ങളുടെ മറുപടി അയയ്ക്കുന്നതിന് മുമ്പ് സ്ഥിരീകരണം ആവശ്യപ്പെടുന്നു. സ്ഥിരീകരണത്തിനായി കാത്തിരിക്കാതെ മറുപടികൾ അയയ്ക്കാൻ, ‘സ്ഥിരീകരണമില്ലാതെ മറുപടി നൽകൂ’ ഓൺ ചെയ്യൂ.

Siri അനൗൺസ്മെന്റുകളോട് ഹാൻഡ്സ്-ഫ്രീ ആയി പ്രതികരിക്കൂ

നിങ്ങൾ പിന്തുണയ്ക്കുന്ന AirPods ധരിക്കുന്ന സമയത്ത് Siri അനൗൺസ്മെന്റുകളോട് പ്രതികരിക്കാൻ നിങ്ങൾക്ക് നോഡ് ചെയ്യാനോ ഷേക്ക് ചെയ്യാനോ കഴിയും. അതുവഴി നിങ്ങൾ ജോലിസ്ഥലത്തേക്ക് പോകുന്ന ബസിലാണെങ്കിൽ, ഉച്ചത്തിൽ സംസാരിക്കാതെ കോളുകളും സന്ദേശങ്ങളും അറിയിപ്പുകളും മാനേജ് ചെയ്യാൻ നിങ്ങൾക്ക് തുടർന്നും Siri ഉപയോഗിക്കാം. AirPods യൂസർ ഗൈഡിൽ നിങ്ങളുടെ AirPods-നൊപ്പം കൺട്രോളുകളും ആംഗ്യങ്ങളും ഉപയോഗിക്കൂ എന്നത് കാണൂ.

ഇതും കാണൂiPhone-ലെ അറിയിപ്പ് ക്രമീകരണങ്ങൾ മാറ്റൂiPhone-ലെ Siri ക്രമീകരണങ്ങൾ മാറ്റൂ
Morty Proxy This is a proxified and sanitized view of the page, visit original site.
സഹായകമായോ?
കാരക്റ്റർ പരിധി: 250
പരമാവധി കാരക്റ്റർ പരിധി 250 ആണ്.
നിങ്ങളുടെ ഫീഡ്ബാക്കിന് നന്ദി.
Morty Proxy This is a proxified and sanitized view of the page, visit original site.