iPadOS 26
iPadOS 18
ਇਸ ਕੰਟਰੋਲ ਦੀ ਸੋਧ ਕਰਨ ਨਾਲ ਇਹ ਪੰਨਾ ਆਪਣੇ ਆਪ ਅੱਪਡੇਟ ਹੋ ਜਾਵੇਗਾ

iPad ਵਿੱਚੋਂ ਐਪਾਂ ਨੂੰ ਹਟਾਉਣਾ ਜਾਂ ਡਿਲੀਟ ਕਰਨਾ

ਤੁਸੀਂ ਆਪਣੇ iPad ਤੋਂ ਕੁਝ ਬਿਲਟ-ਇਨ ਐਪਾਂ ਨੂੰ ਹਟਾ ਸਕਦੇ ਹੋ ਜਾਂ ਡਿਲੀਟ ਕਰ ਸਕਦੇ ਹੋ। ਜੇਕਰ ਤੁਸੀਂ ਆਪਣਾ ਇਰਾਦਾ ਬਦਲ ਲੈਂਦੇ ਹੋ, ਤਾਂ ਤੁਸੀਂ ਬਾਅਦ ਵਿੱਚ ਐਪਾਂ ਨੂੰ ਦੁਬਾਰਾ ਡਾਊਨਲੋਡ ਕਰ ਸਕਦੇ ਹੋ।

ਨੋਟ: ਜਦੋਂ ਤੁਸੀਂ ਆਪਣੇ iPad ਤੋਂ ਕਿਸੇ ਬਿਲਟ-ਇਨ ਐਪ ਨੂੰ ਡਿਲੀਟ ਕਰਦੇ ਹੋ, ਤਾਂ ਤੁਸੀਂ ਇਸ ਨਾਲ ਸੰਬੰਧਤ ਵਰਤੋਂਕਾਰ ਡਾਟਾ ਅਤੇ ਕੌਨਫ਼ਿਗਰੇਸ਼ਨ ਫ਼ਾਈਲਾਂ ਵੀ ਹਟਾ ਦਿੰਦੇ ਹੋ। ਆਪਣੀ ਹੋਮ ਸਕਰੀਨ ਤੋਂ ਕਿਸੇ ਬਿਲਟ-ਇਨ ਐਪ ਨੂੰ ਹਟਾਉਣ ਨਾਲ ਹੋਰ ਸਿਸਟਮ ਕਾਰਜਕੁਸ਼ਲਤਾ ਵੀ ਪ੍ਰਭਾਵਿਤ ਹੋ ਸਕਦੀਆਂ ਹਨ।

ਜੇਕਰ ਤੁਸੀਂ ਕਿਸੇ ਐਪ ਨੂੰ ਡਿਲੀਟ ਕੀਤੇ ਬਿਨਾਂ ਉਸ ਦਾ ਐਕਸੈੱਸ ਸੀਮਤ ਕਰਨਾ ਚਾਹੁੰਦੇ ਹੋ, ਤਾਂ ਕਿਸੇ ਐਪ ਨੂੰ ਲੌਕ ਕਰਨਾ ਜਾਂ ਲੁਕਾਉਣਾ ਨੂੰ ਦੇਖੋ।

ਕਿਸੇ ਐਪ ਦੀ ਵਰਤੋਂ ਨੂੰ ਰੋਕਣ ਲਈ ਉਸ ਨੂੰ ਬਲੌਕ ਕਰਨ ਵਾਸਤੇ, ਤੁਸੀਂ ਸਕਰੀਨ ਸਮਾਂ ਸੈਟਿੰਗਾਂ ਦੀ ਵਰਤੋਂ ਕਰ ਸਕਦੇ ਹੋ। iPad ’ਤੇ ਐਪਾਂ, ਐਪ ਡਾਊਨਲੋਡ, ਵੈੱਬਸਾਈਟਾਂ ਅਤੇ ਖ਼ਰੀਦਾਂ ਨੂੰ ਬਲੌਕ ਕਰਨਾ ਨੂੰ ਦੇਖੋ।

ਐਪਾਂ ਨੂੰ ਡਿਲੀਟ ਕਰਨਾ

ਹੇਠ ਲਿਖਿਆਂ ਵਿੱਚੋਂ ਕੋਈ ਵੀ ਕੰਮ ਕਰੋ:

  • ਹੋਮ ਸਕਰੀਨ ਤੋਂ ਐਪ ਨੂੰ ਹਟਾਓ: ਹੋਮ ਸਕਰੀਨ ‘ਤੇ ਕਿਸੇ ਐਪ ਨੂੰ ਟੱਚ ਕਰ ਕੇ ਰੱਖੋ, “ਐਪ ਹਟਾਓ” ‘ਤੇ ਟੈਪ ਕਰੋ, ਫਿਰ ਇਸ ਨੂੰ ਐਪ ਲਾਇਬ੍ਰੇਰੀ ਵਿੱਚ ਰੱਖਣ ਲਈ "ਹੋਮ ਸਕਰੀਨ ਤੋਂ ਹਟਾਓ” ‘ਤੇ ਟੈਪ ਕਰੋ ਜਾਂ ਇਸ ਨੂੰ iPad ਤੋਂ ਡਿਲੀਟ ਕਰਨ ਲਈ "ਐਪ ਡਿਲੀਟ ਕਰੋ” ‘ਤੇ ਟੈਪ ਕਰੋ।

  • ਐਪ ਲਾਇਬ੍ਰੇਰੀ ਅਤੇ ਹੋਮ ਸਕਰੀਨ ਤੋਂ ਕੋਈ ਐਪ ਡਿਲੀਟ ਕਰੋ: ਐਪ ਲਾਇਬ੍ਰੇਰੀ ਵਿੱਚ ਕਿਸੇ ਐਪ ਨੂੰ ਟੱਚ ਕਰ ਕੇ ਰੱਖੋ, “ਐਪ ਡਿਲੀਟ ਕਰੋ” ’ਤੇ ਟੈਪ ਕਰੋ ਅਤੇ ਫਿਰ “ਡਿਲੀਟ ਕਰੋ” ’ਤੇ ਟੈਪ ਕਰੋ। (ਐਪ ਲਾਇਬ੍ਰੇਰੀ ਵਿੱਚ ਆਪਣੀਆਂ ਐਪਾਂ ਲੱਭੋ ਅਤੇ ਉਹਨਾਂ ਦੀ ਵਰਤੋਂ ਕਰਨਾ ਨੂੰ ਦੇਖੋ।)

ਜੇਕਰ ਤੁਸੀਂ ਆਪਣਾ ਇਰਾਦਾ ਬਦਲ ਲੈਂਦੇ ਹੋ, ਤਾਂ ਤੁਸੀਂ ਆਪਣੀਆਂ ਡਿਲੀਟ ਕੀਤੀਆਂ ਐਪਾਂ ਨੂੰ ਮੁੜ-ਡਾਊਨਲੋਡ ਕਰ ਸਕਦੇ ਹੋ।

ਤੀਜੀ-ਧਿਰ ਦੀਆਂ ਐਪਾਂ ਨੂੰ ਡਿਲੀਟ ਕਰਨ ਤੋਂ ਇਲਾਵਾ, ਤੁਸੀਂ ਹੇਠ ਲਿਖੀਆਂ ਬਿਲਟ-ਇਨ Apple ਐਪਾਂ ਨੂੰ ਡਿਲੀਟ ਕਰ ਸਕਦੇ ਹੋ ਜੋ ਤੁਹਾਡੇ iPad ਨਾਲ ਆਈਆਂ ਸਨ:

ਨੋਟ: ਯੂਰਪੀਅਨ ਸੰਘ ਵਿੱਚ, ਹੋ ਸਕਦਾ ਹੈ ਹੋਰ ਬਿਲਟ-ਇਨ ਐਪਾਂ ਹੋਣ ਜਿਨ੍ਹਾਂ ਨੂੰ ਤੁਸੀਂ ਡਿਲੀਟ ਕਰ ਸਕਦੇ ਹੋ। ਵਧੇਰੇ ਜਾਣਕਾਰੀ ਲਈ, ਦੇਖੋ: ਕੁਝ ਦੇਸ਼ਾਂ ਜਾਂ ਖੇਤਰਾਂ ਵਿੱਚ ਆਪਣੇ iPhone ਜਾਂ iPad ਤੋਂ ਕੁਝ ਬਿਲਟ-ਇਨ ਐਪਾਂ ਨੂੰ ਡਿਲੀਟ ਕਰਨਾ।

ਇਹ ਵੀ ਦੇਖੋiPad ’ਤੇ ਡਿਫ਼ੌਲਟ ਐਪਾਂ ਨੂੰ ਬਦਲਣਾ
Morty Proxy This is a proxified and sanitized view of the page, visit original site.
ਕੋਈ ਮਦਦ ਮਿਲੀ?
ਅੱਖਰ ਸੀਮਾ: 250
ਵੱਧ ਤੋਂ ਵੱਧ ਅੱਖਰ ਸੀਮਾ 250 ਹੈ
ਫ਼ੀਡਬੈਕ ਲਈ ਤੁਹਾਡਾ ਧੰਨਵਾਦ।
Morty Proxy This is a proxified and sanitized view of the page, visit original site.