iPad ’ਤੇ ਵੌਇਸਮੇਲ ਨੂੰ ਸੈੱਟ ਅੱਪ ਕਰਨਾ

ਵਿਜ਼ੂਅਲ ਵੌਇਸਮੇਲ ਤੁਹਾਨੂੰ ਫ਼ੋਨ ਐਪ ਵਿੱਚ ਤੁਹਾਡੇ ਵੌਇਸਮੇਲ ਸੁਨੇਹਿਆਂ ਦੀ ਸੂਚੀ ਦਿਖਾਉਂਦਾ ਹੈ। ਤੁਸੀਂ ਚੁਣ ਸਕਦੇ ਹੋ ਸਾਰਿਆਂ ਨੂੰ ਸੁਣੇ ਬਿਨਾਂ ਕਿਸ ਨੂੰ ਚਲਾਉਣਾ ਅਤੇ ਡਿਲੀਟ ਕਰਨਾ ਹੈ। ਜਦੋਂ ਤੁਸੀਂ iCloud ਵਿੱਚ ਆਪਣੇ ਵੌਇਸਮੇਲ ਸੁਨੇਹੇ ਸਟੋਰ ਕਰਦੇ ਹੋ, ਤਾਂ ਉਹ ਤੁਹਾਡੇ ਸਾਰੇ ਡਿਵਾਈਸਾਂ ਵਿੱਚ ਸਿੰਕ ਹੋ ਜਾਂਦੇ ਹਨ। ਵੌਇਸਮੇਲ ਆਈਕਨ ’ਤੇ ਬੈਜ ਅਣਸੁਣੇ ਸੁਨੇਹਿਆਂ ਦੀ ਗਿਣਤੀ ਦਰਸਾਉਂਦਾ ਹੈ।

ਲਾਈਵ ਵੌਇਸਮੇਲ ਨਾਲ ਜਿਵੇਂ ਹੀ ਕੋਈ ਤੁਹਾਨੂੰ ਸੁਨੇਹਾ ਭੇਜਦਾ ਹੈ ਤਾਂ ਤੁਸੀਂ ਆਟੋਮੈਟਿਕਲੀ ਰੀਅਲ-ਟਾਈਮ ਟ੍ਰਾਂਸਕ੍ਰਿਪਸ਼ਨ ਦੇਖ ਸਕਦੇ ਹੋ। ਜਦੋਂ ਤੁਹਾਨੂੰ ਸੁਨੇਹੇ ਭੇਜੇ ਜਾ ਰਹੇ ਹੁੰਦੇ ਹਨ ਉਦੋਂ ਤੁਸੀਂ ਕਾਲ ਵੀ ਚੁੱਕ ਸਕਦੇ ਹੋ।

ਨੋਟ: ਚੋਣਵੇਂ ਦੇਸ਼ਾਂ ਜਾਂ ਖੇਤਰਾਂ ਵਿੱਚ ਚੋਣਵੇਂ ਨੈੱਟਵਰਕ ਪ੍ਰਦਾਤਾਵਾਂ ਤੋਂ “ਵੌਇਸਮੇਲ”, “ਵਿਜ਼ੂਅਲ ਵੌਇਸਮੇਲ” ਅਤੇ “ਲਾਈਵ ਵੌਇਸਮੇਲ” ਉਪਲਬਧ ਹਨ।

ਵੌਇਸਮੇਲ ਦਾ ਸੈੱਟ ਅੱਪ ਕਰਨਾ

ਪਹਿਲੀ ਵਾਰ ਜਦੋਂ ਤੁਸੀਂ ਵੌਇਸਮੇਲ ’ਤੇ ਟੈਪ ਕਰਦੇ ਹੋ, ਤਾਂ ਤੁਹਾਨੂੰ ਵੌਇਸਮੇਲ ਦਾ ਪਾਸਵਰਡ ਬਣਾਉਣ ਅਤੇ ਆਪਣਾ ਵੌਇਸਮੇਲ ਸੁਆਗਤੀ ਸੁਨੇਹਾ ਰਿਕਾਰਡ ਕਰਨ ਲਈ ਕਿਹਾ ਜਾਂਦਾ ਹੈ।

  1. ਆਪਣੇ iPad ’ਤੇ ਫ਼ੋਨ ਐਪ ’ਤੇ ਜਾਓ।

  2. ਵੌਇਸਮੇਲ ’ਤੇ ਟੈਪ ਕਰੋ, ਫਿਰ “ਹੁਣੇ ਸੈੱਟ ਅੱਪ ਕਰੋ” ’ਤੇ ਟੈਪ ਕਰੋ।

  3. ਵੌਇਸਮੇਲ ਪਾਸਵਰਡ ਬਣਾਓ।

  4. ਸੁਆਗਤੀ ਸੁਨੇਹਾ ਚੁਣੋ-ਡਿਫ਼ੌਲਟ ਜਾਂ ਵਿਉਂਤਬੱਧ; ਜੇਕਰ ਤੁਸੀਂ ਵਿਉਂਤਬੱਧ ਦੀ ਚੋਣ ਕਰਦੇ ਹੋ, ਤਾਂ ਤੁਸੀਂ ਨਵਾਂ ਸੁਆਗਤੀ ਸੁਨੇਹਾ ਰਿਕਾਰਡ ਕਰ ਸਕਦੇ ਹੋ।

ਲਾਈਵ ਵੌਇਸਮੇਲ ਨੂੰ ਚਾਲੂ ਕਰੋ

ਲਾਈਵ ਵੌਇਸਮੇਲ ਨਾਲ ਜਿਵੇਂ ਹੀ ਕੋਈ ਤੁਹਾਨੂੰ ਕੋਈ ਸੁਨੇਹਾ ਭੇਜਦਾ ਹੈ ਤਾਂ ਤੁਸੀਂ ਆਟੋਮੈਟਿਕਲੀ ਰੀਅਲ-ਟਾਈਮ ਟ੍ਰਾਂਸਕ੍ਰਿਪਸ਼ਨ ਨੂੰ ਦੇਖ ਸਕਦੇ ਹੋ। ਜਦੋਂ ਤੁਹਾਨੂੰ ਸੁਨੇਹੇ ਭੇਜੇ ਜਾ ਰਹੇ ਹੁੰਦੇ ਹਨ ਉਦੋਂ ਤੁਸੀਂ ਕਾਲ ਵੀ ਚੁੱਕ ਸਕਦੇ ਹੋ।

“ਲਾਈਵ ਵੌਇਸਮੇਲ” ਨੂੰ ਚਾਲੂ ਕਰਨ ਲਈ, ਹੇਠ ਲਿਖੇ ਕੰਮ ਕਰੋ:

  1. ਆਪਣੇ iPad ’ਤੇ ਸੈਟਿੰਗਾਂ ਐਪ  ’ਤੇ ਜਾਓ।

  2. “ਐਪਾਂ” ’ਤੇ ਟੈਪ ਕਰੋ, ਫਿਰ “ਫ਼ੋਨ” ’ਤੇ ਟੈਪ ਕਰੋ।

  3. “ਲਾਈਵ ਵੌਇਸਮੇਲ” ’ਤੇ ਟੈਪ ਕਰੋ, ਫਿਰ “ਲਾਈਵ ਵੌਇਸਮੇਲ” ਨੂੰ ਚਾਲੂ ਕਰੋ।

    ਲਾਈਵ ਵੌਇਸਮੇਲ ਨੂੰ ਚਾਲੂ ਕੀਤੇ ਜਾਣ ’ਤੇ ਅਤੇ ਕਾਲਰ ਨੂੰ ਵੌਇਸਮੇਲ ’ਤੇ ਭੇਜਿਆ ਜਾਂਦਾ ਹੈ, ਤਾਂ ਤੁਹਾਡਾ iPad ਕਾਲਰ ਦੇ ਬੋਲਣ ਦੇ ਨਾਲ-ਨਾਲ ਵੌਇਸਮੇਲ ਦਾ ਟ੍ਰਾਂਸਕ੍ਰਿਪਸ਼ਨ ਦਿਖਾਉਂਦਾ ਹੈ। (ਕਾਲਿੰਗ ਅਤੇ ਡੇਟਾ ਦਰਾਂ ਲਾਗੂ ਹੋ ਸਕਦੀਆਂ ਹਨ।) ਜਦੋਂ ਤੱਕ ਤੁਸੀਂ ਕਾਲ ਦਾ ਜਵਾਬ ਨਹੀਂ ਦਿੰਦੇ ਉਦੋਂ ਤੱਕ ਕਾਲਰ ਤੁਹਾਨੂੰ ਅਤੇ ਤੁਸੀਂ ਕਾਲਰ ਨੂੰ ਨਹੀਂ ਸੁਣਨ ਸਕੋਗੇ। ਕਾਲ ਦਾ ਜਵਾਬ ਦਿੱਤੇ ਬਿਨਾਂ ਜਾਂ ਕਾਲ ਨੂੰ ਬਲੌਕ ਕੀਤੇ ਬਿਨਾਂ ਇਨਕਮਿੰਗ ਵੌਇਸਮੇਲ ਨੂੰ ਰੋਕਣ ਲਈ, “ਬੰਦ ਕਰੋ” ’ਤੇ ਟੈਪ ਕਰੋ।

    ਜੇ ਤੁਹਾਡਾ iPad ਬੰਦ ਹੈ ਜਾਂ ਨੈੱਟਵਰਕ ਪ੍ਰਦਾਤਾ ਦੀ ਨੈੱਟਵਰਕ ਸੀਮਾ ਤੋਂ ਬਾਹਰ ਹੈ, ਤਾਂ ਕਾਲ ਨੂੰ ਨੈੱਟਵਰਕ ਪ੍ਰਦਾਤਾ ਦੀ ਵੌਇਸਮੇਲ ‘ਤੇ ਭੇਜ ਦਿੱਤਾ ਜਾਂਦਾ ਹੈ, ਜੇ ਉਪਲਬਧ ਹੋਵੇ।

    ਜੇ ਤੁਸੀਂ “ਅਗਿਆਤ ਕਾਲਰਾਂ ਦੀਆਂ ਕਾਲਾਂ ਨੂੰ ਸ਼ਾਂਤ ਕਰੋ” ਨੂੰ ਚਾਲੂ ਕੀਤਾ ਹੋਇਆ ਹੈ, ਤਾਂ ਅਗਿਆਤ ਨੰਬਰ ਤੁਹਾਨੂੰ ਰਿੰਗ ਕੀਤੇ ਬਿਨਾਂ ਸਿੱਧਾ ਲਾਈਵ ਵੌਇਸਮੇਲ ‘ਤੇ ਜਾਂਦੇ ਹਨ। ਤੁਹਾਡੇ ਕੈਰੀਅਰ ਵੱਲੋਂ ਸਪੈਮ ਵਜੋਂ ਪਛਾਣੀਆਂ ਗਈਆਂ ਕਾਲਾਂ ਨੂੰ ਲਾਈਵ ਵੌਇਸਮੇਲ ‘ਤੇ ਨਹੀਂ ਦੇਖਿਆ ਜਾਂਦਾ ਅਤੇ ਉਹਨਾਂ ਨੂੰ ਤੁਰੰਤ ਅਸਵੀਕਾਰ ਕਰ ਦਿੱਤਾ ਜਾਂਦਾ ਹੈ।

ਨੋਟ: “ਲਾਈਵ ਵੌਇਸਮੇਲ” ਸਾਰੇ ਦੇਸ਼ਾਂ, ਖੇਤਰਾਂ ਜਾਂ ਭਾਸ਼ਾਵਾਂ ਵਿੱਚ ਉਪਲਬਧ ਨਹੀਂ ਹੈ। iOS ਅਤੇ iPadOS ਫ਼ੀਚਰ ਉਪਲਬਧਤਾ ਵੈੱਬਸਾਈਟ ਨੂੰ ਦੇਖੋ।

ਇੱਕ ਕਾਲ ਸਕਰੀਨ ਜਿਸ ਵਿੱਚ ਸੰਪਰਕ ਵੱਲੋਂ ਆਏ “ਲਾਈਵ ਵੌਇਸਮੇਲ” ਨੂੰ ਦਿਖਾਇਆ ਜਾ ਰਿਹਾ ਹੈ। ਟ੍ਰਾਂਸਕ੍ਰਿਪਟ ਕੀਤੇ ਟੈਕਸਟ ਦੇ ਹੇਠਾਂ ਕਾਲ ਲਈ “ਬੰਦ ਕਰੋ” ਅਤੇ “ਸਵੀਕਾਰ ਕਰੋ” ਬਟਨ ਹਨ।

iCloud ਵਿੱਚ ਵੌਇਸਮੇਲ ਨੂੰ ਸਟੋਰ ਕਰੋ

iCloud ਵਿੱਚ ਤੁਸੀਂ ਆਪਣੇ “ਲਾਈਵ ਵੌਇਸਮੇਲ” ਅਤੇ “ਨੈੱਟਵਰਕ ਪ੍ਰਦਾਤਾ ਦੇ ਵੌਇਸਮੇਲ” ਨੂੰ ਸਟੋਰ ਅਤੇ ਸਿੰਕ ਕਰ ਸਕਦੇ ਹੋ।

  1. ਆਪਣੇ iPad ’ਤੇ ਸੈਟਿੰਗਾਂ ਐਪ  ’ਤੇ ਜਾਓ।

  2. ਆਪਣੇ ਨਾਮ ’ਤੇ ਟੈਪ ਕਰੋ, ਫਿਰ iCloud ’ਤੇ ਟੈਪ ਕਰੋ।

  3. “iCloud ’ਤੇ ਸੰਭਾਲੋ” ਦੇ ਅੱਗੇ ”ਸਭ ਦੇਖੋ” ‘ਤੇ ਟੈਪ ਕਰੋ, ਫਿਰ ਫ਼ੋਨ ਅਤੇ FaceTime ਨੂੰ ਚਾਲੂ ਕਰੋ।

ਇਹ ਵੀ ਦੇਖੋiPad ’ਤੇ ਆਪਣਾ “ਵੌਇਸਮੇਲ” ਚੈੱਕ ਕਰਨਾiPad ‘ਤੇ ਆਪਣਾ ਵੌਇਸਮੇਲ ਸੁਆਗਤੀ ਸੁਨੇਹਾ ਅਤੇ ਸੈਟਿੰਗਾਂ ਨੂੰ ਬਦਲੋ
Morty Proxy This is a proxified and sanitized view of the page, visit original site.
ਕੋਈ ਮਦਦ ਮਿਲੀ?
ਅੱਖਰ ਸੀਮਾ: 250
ਵੱਧ ਤੋਂ ਵੱਧ ਅੱਖਰ ਸੀਮਾ 250 ਹੈ
ਫ਼ੀਡਬੈਕ ਲਈ ਤੁਹਾਡਾ ਧੰਨਵਾਦ।
Morty Proxy This is a proxified and sanitized view of the page, visit original site.