iPadOS 26
iPadOS 18
ਇਸ ਕੰਟਰੋਲ ਦੀ ਸੋਧ ਕਰਨ ਨਾਲ ਇਹ ਪੰਨਾ ਆਪਣੇ ਆਪ ਅੱਪਡੇਟ ਹੋ ਜਾਵੇਗਾ

iPad ‘ਤੇ ਸਟੌਕ ਵਿੱਚ ਕਈ ਵਾਚਲਿਸਟਾਂ ਦਾ ਪ੍ਰਬੰਧਨ ਕਰਨਾ

ਤੁਹਾਡੇ ਵੱਲੋਂ ਫ਼ੌਲੋ ਕੀਤੇ ਜਾਣ ਵਾਲੇ ਸਟੌਕਸ ਨੂੰ ਵਿਵਸਥਿਤ ਕਰਨ ਲਈ ਤੁਸੀਂ ਆਪਣੀਆਂ ਖੁਦ ਦੀਆਂ ਵਾਚਲਿਸਟਾਂ ਬਣਾ ਸਕਦੇ ਹੋ। ਉਦਾਹਰਨ ਲਈ, ਤੁਸੀਂ ਉਹਨਾਂ ਨੂੰ ਮਨੋਰੰਜਨ ਜਾਂ ਸਥਿਰਤਾ ਵਰਗੀਆਂ ਸ਼੍ਰੇਣੀਆਂ ਮੁਤਾਬਕ ਵਿਵਸਥਿਤ ਕਰ ਸਕਦੇ ਹੋ। ਤੁਸੀਂ ਵਾਚਲਿਸਟਾਂ ਵਿਚਕਾਰ ਸਵਿੱਚ ਕਰ ਸਕਦੇ ਹੋ ਅਤੇ ਉਹਨਾਂ ਨੂੰ ਆਪਣੇ ਹੋਰ ਡਿਵਾਈਸਾਂ ’ਤੇ ਦੇਖ ਸਕਦੇ ਹੋ।

ਸਟੌਕਸ ਐਪ ਵਿੱਚ ਵਿਉਂਤਬੱਧ ਵਾਚਲਿਸਟਾਂ ਦੀ ਸੂਚੀ: ਮੇਰੇ ਚਿੰਨ੍ਹ, ਮਾਤਾ ਦਾ ਪੋਰਟਫ਼ੋਲੀਓ, ਸਥਿਰਤਾ ਅਤੇ ਮਨੋਰੰਜਨ।

ਨਵੀਂ ਵਾਚਲਿਸਟ ਬਣਾਉਣਾ

  1. ਆਪਣੇ iPad ‘ਤੇ ਸਟੌਕਸ ਐਪ ‘ਤੇ ਜਾਓ।

  2. “ਹੋਰ” ਬਟਨ ’ਤੇ ਟੈਪ ਕਰੋ, ਫਿਰ “ਨਵੀਂ ਵਾਚਲਿਸਟ” ’ਤੇ ਟੈਪ ਕਰੋ।

  3. ਵਾਚਲਿਸਟ ਨੂੰ ਨਾਮ ਦਿਓ, ਫਿਰ “ਸੁਰੱਖਿਅਤ ਕਰੋ” ‘ਤੇ ਟੈਪ ਕਰੋ।

ਆਪਣੀਆਂ ਵਾਚਲਿਸਟਾਂ ਵਿਚਕਾਰ ਸਵਿੱਚ ਕਰਨ ਲਈ, ਤੁਹਾਡੇ ਵੱਲੋਂ ਦੇਖੀ ਜਾਣ ਵਾਲੀ ਮੌਜੂਦਾ ਵਾਚਲਿਸਟ ਦੇ ਨਾਮ ਦੇ ਅੱਗੇ “ਵਾਚਲਿਸਟ” ਮੈਨਿਊ ’ਤੇ ਟੈਪ ਕਰੋ, ਫਿਰ ਉਸ ਵਾਚਲਿਸਟ ਦੇ ਨਾਮ ’ਤੇ ਟੈਪ ਕਰੋ ਜਿਸ ਨੂੰ ਤੁਸੀਂ ਦੇਖਣਾ ਚਾਹੁੰਦੇ ਹੋ।

ਵਾਚਲਿਸਟ ਵਿੱਚ ਚਿੰਨ੍ਹ ਸ਼ਾਮਲ ਕਰਨਾ

  1. ਆਪਣੇ iPad ‘ਤੇ ਸਟੌਕਸ ਐਪ ‘ਤੇ ਜਾਓ।

  2. ਖੋਜ ਖੇਤਰ ਵਿੱਚ, ਟਿੱਕਰ ਚਿੰਨ੍ਹ, ਕੰਪਨੀ, ਫੰਡ ਜਾਂ ਇੰਡੈਕਸ ਦਾ ਨਾਮ ਦਾਖ਼ਲ ਕਰੋ।

  3. ਖੋਜ ਨਤੀਜਿਆਂ ਵਿੱਚ ਚਿੰਨ੍ਹ ਦੇ ਅੱਗੇ “ਜੋੜੋ” ਬਟਨ ’ਤੇ ਟੈਪ ਕਰੋ।

  4. “ਬੰਦ ਕਰੋ” ਬਟਨ ’ਤੇ ਟੈਪ ਕਰੋ।

ਸਲਾਹ: ਕਿਸੇ ਚਿੰਨ੍ਹ ਨੂੰ ਇੱਕ ਵਾਚਲਿਸਟ ਵਿੱਚੋਂ ਦੂਜੀ ਵਾਚਲਿਸਟ ਵਿੱਚ ਤੇਜ਼ੀ ਨਾਲ ਜੋੜਨ ਲਈ, ਚਿੰਨ੍ਹ ’ਤੇ ਖੱਬੇ ਪਾਸੇ ਸਵਾਈਪ ਕਰੋ, “ਸੂਚੀਆਂ” ’ਤੇ ਟੈਪ ਕਰੋ, ਵਾਚਲਿਸਟਾਂ ਨੂੰ ਚੁਣੋ, ਫਿਰ “ਹੋ ਗਿਆ” ਬਟਨ ’ਤੇ ਟੈਪ ਕਰੋ।

ਤੁਹਾਡੇ ਵੱਲੋਂ ਵਾਚਲਿਸਟ ਵਿੱਚ ਸ਼ਾਮਲ ਕੀਤਾ ਗਿਆ ਹਰੇਕ ਚਿੰਨ੍ਹ “ਮੇਰੇ ਚਿੰਨ੍ਹ” ਵਾਚਲਿਸਟ ਵਿੱਚ ਵੀ ਸ਼ਾਮਲ ਕੀਤਾ ਜਾਂਦਾ ਹੈ।

ਵਾਚਲਿਸਟ ਵਿੱਚੋਂ ਚਿੰਨ੍ਹ ਹਟਾਉਣਾ

  1. ਆਪਣੇ iPad ‘ਤੇ ਸਟੌਕਸ ਐਪ ‘ਤੇ ਜਾਓ।

  2. ਚਿੰਨ੍ਹ ’ਤੇ ਖੱਬੇ ਪਾਸੇ ਸਵਾਈਪ ਕਰੋ, ਫਿਰ “ਹਟਾਓ” ’ਤੇ ਟੈਪ ਕਰੋ।

    ਨੋਟ: ਜਦੋਂ ਤੁਸੀਂ ਆਪਣੇ ਵੱਲੋਂ ਬਣਾਈ ਗਈ ਕਿਸੇ ਵਾਚਲਿਸਟ ਵਿੱਚੋਂ ਕੋਈ ਚਿੰਨ੍ਹ ਹਟਾਉਂਦੇ ਹੋ, ਤਾਂ ਉਹ ਚਿੰਨ੍ਹ “ਮੇਰੇ ਚਿੰਨ੍ਹ” ਵਾਚਲਿਸਟ ਵਿੱਚ ਬਰਕਰਾਰ ਰਹਿੰਦਾ ਹੈ। ਜੇਕਰ ਤੁਸੀਂ “ਮੇਰੇ ਚਿੰਨ੍ਹ” ਵਾਚਲਿਸਟ ਵਿੱਚੋਂ ਕੋਈ ਚਿੰਨ੍ਹ ਹਟਾਉਂਦੇ ਹੋ, ਤਾਂ ਉਹ ਚਿੰਨ੍ਹ ਤੁਹਾਡੀਆਂ ਹੋਰ ਵਾਚਲਿਸਟਾਂ ਵਿੱਚੋਂ ਵੀ ਹਟਾ ਦਿੱਤਾ ਜਾਂਦਾ ਹੈ।

ਵਾਚਲਿਸਟ ਵਿੱਚ ਚਿੰਨ੍ਹਾਂ ਨੂੰ ਮੁੜ-ਵਿਵਸਥਿਤ ਕਰਨਾ ਜਾਂ ਕ੍ਰਮਬੱਧ ਕਰਨਾ

ਤੁਸੀਂ ਵਾਚਲਿਸਟਾਂ ਵਿੱਚ ਚਿੰਨ੍ਹਾਂ ਨੂੰ ਕ੍ਰਮਬੱਧ ਕਰਨ ਦਾ ਤਰੀਕਾ ਚੁਣ ਸਕਦੇ ਹੋ।

  1. ਆਪਣੇ iPad ‘ਤੇ ਸਟੌਕਸ ਐਪ ‘ਤੇ ਜਾਓ।

  2. ਜਿਹੜੀ ਵਾਚਲਿਸਟ ਨੂੰ ਤੁਸੀਂ ਕ੍ਰਮਬੱਧ ਕਰਨਾ ਚਾਹੁੰਦੇ ਹੋ, ਉਸ ਵਿੱਚ ਹੇਠ ਲਿਖਿਆਂ ਵਿੱਚੋਂ ਕੋਈ ਵੀ ਕੰਮ ਕਰੋ:

    • ਵਾਚਲਿਸਟ ਨੂੰ ਮੈਨੂਅਲੀ ਮੁੜ-ਵਿਵਸਥਿਤ ਕਰਨ ਲਈ: ਕਿਸੇ ਚਿੰਨ੍ਹ ਨੂੰ ਟੱਚ ਕਰ ਕੇ ਰੱਖੋ, ਫਿਰ ਇਸ ਨੂੰ ਸੂਚੀ ਵਿੱਚ ਕਿਤੇ ਹੋਰ ਰੱਖਣ ਲਈ ਡ੍ਰੈਗ ਕਰੋ।

    • ਵਾਚਲਿਸਟ ਨੂੰ ਆਟੋਮੈਟਿਕਲੀ ਕ੍ਰਮਬੱਧ ਕਰਨ ਲਈ: “ਹੋਰ” ਬਟਨ ’ਤੇ ਟੈਪ ਕਰੋ, “ਵਾਚਲਿਸਟ ਨੂੰ ਇਸ ਮੁਤਾਬਕ ਕ੍ਰਮਬੱਧ ਕਰੋ” ’ਤੇ ਟੈਪ ਕਰੋ, ਫਿਰ “ਤੁਸੀਂ ਸੂਚੀ ਨੂੰ ਕਿਵੇਂ ਕ੍ਰਮਬੱਧ ਕਰਨਾ ਚਾਹੁੰਦੇ ਹੋ” ’ਤੇ ਟੈਪ ਕਰੋ। ਆਟੋਮੈਟਿਕਲੀ ਲੜੀਬੱਧ ਕਰਨ ਤੋਂ ਬਾਅਦ ਮੈਨੂਅਲ ਕ੍ਰਮ ’ਤੇ ਵਾਪਸ ਜਾਣ ਲਈ, “ਮੈਨੂਅਲ” ’ਤੇ ਟੈਪ ਕਰੋ।

      ਆਟੋਮੈਟਿਕਲੀ ਕ੍ਰਮਬੱਧ ਕੀਤੀ ਗਈ ਵਾਚਲਿਸਟ ਵਿੱਚ ਚਿੰਨ੍ਹਾਂ ਦੇ ਕ੍ਰਮ ਨੂੰ ਉਲਟਾਉਣ ਲਈ, “ਹੋਰ” ਬਟਨ ’ਤੇ ਟੈਪ ਕਰੋ, “ਵਾਚਲਿਸਟ ਨੂੰ ਇਸ ਮੁਤਾਬਕ ਕ੍ਰਮਬੱਧ ਕਰੋ” ’ਤੇ ਟੈਪ ਕਰੋ, ਫਿਰ “ਵਧਦੇ ਕ੍ਰਮ ਵਿੱਚ” ਜਾਂ “ਘਟਦੇ ਕ੍ਰਮ ਵਿੱਚ” ’ਤੇ ਟੈਪ ਕਰੋ।

ਵਾਚਲਿਸਟ ਵਿੱਚ ਦਿਖਾਏ ਗਏ ਮੁੱਲ ਨੂੰ ਬਦਲਣਾ

ਵਾਚਲਿਸਟ ਵਿੱਚ ਤੁਸੀਂ ਹਰੇਕ ਚਿੰਨ੍ਹ ਦੀ ਕੀਮਤ ਦੇ ਹੇਠਾਂ ਦਿਖਾਏ ਗਏ ਮੁੱਲ ਨੂੰ ਬਦਲ ਸਕਦੇ ਹੋ।

  1. ਆਪਣੇ iPad ‘ਤੇ ਸਟੌਕਸ ਐਪ ‘ਤੇ ਜਾਓ।

  2. ਜਿਸ ਵਾਚਲਿਸਟ ਨੂੰ ਤੁਸੀਂ ਬਦਲਣਾ ਚਾਹੁੰਦੇ ਹੋ, ਉਸ ਵਿੱਚ “ਹੋਰ” ਬਟਨ ’ਤੇ ਟੈਪ ਕਰੋ।

  3. “ਵਾਚਲਿਸਟ ਸ਼ੋਅ” ‘ਤੇ ਟੈਪ ਕਰੋ, ਫਿਰ ਹੇਠਾਂ ਦਿੱਤੇ ਵਿਕਲਪਾਂ ਵਿੱਚੋਂ ਕਿਸੇ ਇੱਕ ‘ਤੇ ਟੈਪ ਕਰੋ:

    • ਕੀਮਤਾਂ ਵਿੱਚ ਬਦਲਾਅ

    • ਪ੍ਰਤਿਸ਼ਤ ਵਿੱਚ ਬਦਲਾਅ

    • ਮਾਰਕੀਟ ਕੈਪ

ਵਾਚਲਿਸਟਾਂ ਨੂੰ ਮੁੜ-ਕ੍ਰਮਬੱਧ ਕਰਨਾ, ਨਾਮ ਬਦਲਣਾ ਜਾਂ ਹਟਾਉਣਾ

  1. ਆਪਣੇ iPad ‘ਤੇ ਸਟੌਕਸ ਐਪ ‘ਤੇ ਜਾਓ।

  2. ਵਾਚਲਿਸਟ ਦੇ ਨਾਮ ‘ਤੇ ਟੈਪ ਕਰੋ, “ਵਾਚਲਿਸਟਾਂ ਦਾ ਪ੍ਰਬੰਧਨ ਕਰੋ” ‘ਤੇ ਟੈਪ ਕਰੋ, ਫਿਰ ਹੇਠ ਲਿਖਿਆਂ ਵਿੱਚੋਂ ਕੋਈ ਵੀ ਕੰਮ ਕਰੋ:

    • ਆਪਣੀਆਂ ਵਾਚਲਿਸਟਾਂ ਨੂੰ ਮੁੜ ਕ੍ਰਮਬੱਧ ਕਰੋ: “ਮੁੜ ਕ੍ਰਮਬੱਧ ਕਰੋ” ਬਟਨ ਨੂੰ ਟੱਚ ਕਰ ਕੇ ਰੱਖੋ, ਫਿਰ ਵਾਚਲਿਸਟ ਨੂੰ ਨਵੇਂ ਟਿਕਾਣੇ ‘ਤੇ ਡ੍ਰੈਗ ਕਰੋ।

    • ਵਾਚਲਿਸਟ ਦਾ ਨਾਮ ਬਦਲੋ: “ਪੈਨਸਿਲ” ਬਟਨ ‘ਤੇ ਟੈਪ ਕਰੋ, ਨਵਾਂ ਨਾਮ ਟਾਈਪ ਕਰੋ, ਫਿਰ “ਸੁਰੱਖਿਅਤ ਕਰੋ” ‘ਤੇ ਟੈਪ ਕਰੋ।

    • ਕਿਸੇ ਵਾਚਲਿਸਟ ਨੂੰ ਹਟਾਉਣ ਲਈ: “ਡਿਲੀਟ ਕਰੋ” ਬਟਨ ’ਤੇ ਟੈਪ ਕਰੋ, “ਵਾਚਲਿਸਟ ਡਿਲੀਟ ਕਰੋ” ’ਤੇ ਟੈਪ ਕਰੋ, ਫਿਰ ਪੁਸ਼ਟੀ ਕਰਨ ਲਈ “ਵਾਚਲਿਸਟ ਡਿਲੀਟ ਕਰੋ” ’ਤੇ ਟੈਪ ਕਰੋ।

  3. “ਹੋ ਗਿਆ” ਬਟਨ ’ਤੇ ਟੈਪ ਕਰੋ।

ਆਪਣੇ ਸਾਰੇ ਡਿਵਾਈਸਾਂ ‘ਤੇ ਆਪਣੀਆਂ ਵਾਚਲਿਸਟਾਂ ਦੇਖਣਾ

ਤੁਸੀਂ ਅਜਿਹੇ ਕਿਸੇ ਵੀ iPhone, iPad ਅਤੇ Mac ’ਤੇ ਆਪਣੀਆਂ ਵਾਚਲਿਸਟਾਂ ਨੂੰ ਦੇਖ ਸਕਦੇ ਹੋ ਜਿੱਥੇ ਤੁਸੀਂ ਇੱਕੋ Apple ਖਾਤੇ ਨਾਲ ਸਾਈਨ ਇਨ ਕੀਤਾ ਹੈ।

  • ਤੁਹਾਡੇ iPhone ਜਾਂ iPad ‘ਤੇ: ਸੈਟਿੰਗਾਂ  > [ਤੁਹਾਡਾ ਨਾਮ] > iCloud ’ਤੇ ਜਾਓ, (“iCloud ’ਤੇ ਸੰਭਾਲੇ ਗਏ” ਦੇ ਅੱਗੇ) “ਸਭ ਦੇਖੋ” ‘ਤੇ ਟੈਪ ਕਰੋ, ਫਿਰ “ਸਟੌਕਸ” ਨੂੰ ਚਾਲੂ ਕਰੋ।

  • macOS 13 ਜਾਂ ਬਾਅਦ ਦੇ ਸੰਸਕਰਨ ਵਾਲੇ Mac ’ਤੇ: Apple ਮੀਨੂ  > ਸਿਸਟਮ ਸੈਟਿੰਗਾਂ ਦੀ ਚੋਣ ਕਰੋ, ਸਾਈਡਬਾਰ ਦੇ ਸਿਖਰ ‘ਤੇ ਆਪਣੇ ਨਾਮ ‘ਤੇ ਕਲਿੱਕ ਕਰ ਕੇ iCloud ’ਤੇ ਕਲਿੱਕ ਕਰੋ, ਫਿਰ “ਸਟੌਕਸ” ਨੂੰ ਚਾਲੂ ਕਰੋ।

ਇਹ ਵੀ ਦੇਖੋiPad ‘ਤੇ ਸਟੌਕਸ ਦੀ ਜਾਂਚ ਕਰਨਾiPad ’ਤੇ ਸਟੌਕਸ ਐਪ ਵਿੱਚ ਕਾਰੋਬਾਰੀ ਖ਼ਬਰਾਂ ਪੜ੍ਹਨਾ
Morty Proxy This is a proxified and sanitized view of the page, visit original site.
ਕੋਈ ਮਦਦ ਮਿਲੀ?
ਅੱਖਰ ਸੀਮਾ: 250
ਵੱਧ ਤੋਂ ਵੱਧ ਅੱਖਰ ਸੀਮਾ 250 ਹੈ
ਫ਼ੀਡਬੈਕ ਲਈ ਤੁਹਾਡਾ ਧੰਨਵਾਦ।
Morty Proxy This is a proxified and sanitized view of the page, visit original site.