iPadOS 26
iPadOS 18
ਇਸ ਕੰਟਰੋਲ ਦੀ ਸੋਧ ਕਰਨ ਨਾਲ ਇਹ ਪੰਨਾ ਆਪਣੇ ਆਪ ਅੱਪਡੇਟ ਹੋ ਜਾਵੇਗਾ

iPad ’ਤੇ Apple Pay ਸੈੱਟ ਅੱਪ ਕਰਨਾ

Apple Pay ਦੀ ਵਰਤੋਂ ਕਰਨੀ ਭੌਤਿਕ ਕਾਰਡ ਦੀ ਵਰਤੋਂ ਕਰਨ ਨਾਲੋਂ ਆਸਾਨ ਅਤੇ ਸੁਰੱਖਿਅਤ ਹੋ ਸਕਦੀ ਹੈ। ਤੁਹਾਡਾ ਅਸਲ ਕਾਰਡ ਨੰਬਰ ਕਦੇ ਵੀ ਵਪਾਰੀਆਂ ਨਾਲ ਸਾਂਝਾ ਨਹੀਂ ਕੀਤਾ ਜਾਂਦਾ ਅਤੇ ਹਰੇਕ ਲੈਣ-ਦੇਣ ਲਈ ਵਿਲੱਖਣ ਸੁਰੱਖਿਆ ਕੋਡ ਦੀ ਵਰਤੋਂ ਕੀਤੀ ਜਾਂਦੀ ਹੈ। Apple ਵੌਲਿਟ ਵਿੱਚ ਤੁਹਾਡੇ ਕਾਰਡਾਂ ਨਾਲ, ਤੁਸੀਂ Apple Pay ਦੀ ਵਰਤੋਂ ਕਰ ਸਕਦੇ ਹੋ ਜਿੱਥੇ ਵੀ ਇਸ ਨੂੰ ਸਟੋਰਾਂ ਵਿੱਚ, ਆਵਾਜਾਈ ਲਈ, ਐਪਾਂ ਵਿੱਚ ਅਤੇ ਔਨਲਾਈਨ ਸਵੀਕਾਰ ਕੀਤਾ ਜਾਂਦਾ ਹੈ।

ਨੋਟ: Apple Pay ਅਤੇ ਇਸ ਦੇ ਫ਼ੀਚਰ ਸਾਰੇ ਦੇਸ਼ਾਂ ਜਾਂ ਖੇਤਰਾਂ ਵਿੱਚ ਉਪਲਬਧ ਨਹੀਂ ਹਨ। Apple ਸਹਾਇਤਾ ਲੇਖ ਦੇਸ਼ ਅਤੇ ਖੇਤਰ ਜੋ Apple Pay ਦਾ ਸਮਰਥਨ ਕਰਦੇ ਹਨ ਨੂੰ ਦੇਖੋ।

Apple Pay ਲਈ ਡੈਬਿਟ ਜਾਂ ਕ੍ਰੈਡਿਟ ਕਾਰਡ ਜੋੜਨਾ

ਤੁਸੀਂ ਭਾਗੀਦਾਰ ਕਾਰਡ ਜਾਰੀਕਰਤਾ ਵੱਲੋਂ ਕੋਈ ਯੋਗ ਕਾਰਡ ਸ਼ਾਮਲ ਕਰ ਸਕਦੇ ਹੋ। ਇਹ ਚੈੱਕ ਕਰਨ ਲਈ ਕਿ ਤੁਹਾਡਾ ਕਾਰਡ Apple Pay ਲਈ ਢੁਕਵਾਂ ਹੈ ਜਾਂ ਨਹੀਂ, ਕਾਰਡ ਜਾਰੀਕਰਤਾ ਨਾਲ ਸੰਪਰਕ ਕਰੋ।

ਕੋਈ ਕਾਰਡ ਜੋੜਨ ਲਈ, ਆਪਣੇ ਬੈਂਕ ਜਾਂ ਕਾਰਡ ਜਾਰੀਕਰਤਾ ਦੀ ਐਪ ਵਿੱਚ “Apple ਵੌਲਿਟ ਵਿੱਚ ਜੋੜੋ” ਜਾਂ “Apple Pay ਵਿੱਚ ਜੋੜੋ” ਨੂੰ ਲੱਭੋ। ਤੁਸੀਂ ਆਪਣਾ ਕਾਰਡ ਸਿੱਧੇ ਵੌਲਿਟ ਐਪ ਵਿੱਚ ਵੀ ਜੋੜ ਸਕਦੇ ਹੋ:

  1. ਆਪਣੇ iPad ’ਤੇ ਸੈਟਿੰਗਾਂ ਐਪ  ’ਤੇ ਜਾਓ।

  2. ਵੌਲਿਟ ਅਤੇ Apple Pay ’ਤੇ ਟੈਪ ਕਰੋ, ਫਿਰ “ਕਾਰਡ ਜੋੜੋ” ’ਤੇ ਟੈਪ ਕਰੋ। ਤੁਹਾਨੂੰ ਆਪਣੇ Apple ਖਾਤੇ ਵਿੱਚ ਸਾਈਨ ਇਨ ਕਰਨ ਲਈ ਕਿਹਾ ਜਾ ਸਕਦਾ ਹੈ।

  3. ਹੇਠ ਲਿਖਿਆਂ ਵਿੱਚੋਂ ਕਿਸੇ ਵੀ ਕਿਸਮ ਦੇ ਕਾਰਡ ਨੂੰ ਜੋੜੋ:

    • ਨਵਾਂ ਕਾਰਡ: ਡੈਬਿਟ ਜਾਂ ਕ੍ਰੈਡਿਟ ਕਾਰਡ ’ਤੇ ਟੈਪ ਕਰੋ, “ਜਾਰੀ ਰੱਖੋ” ’ਤੇ ਟੈਪ ਕਰੋ, ਫਿਰ ਆਪਣੇ ਕਾਰਡ ਨੂੰ ਇਸ ਤਰ੍ਹਾਂ ਰੱਖੋ ਤਾਂ ਜੋ ਇਹ ਫ਼ਰੇਮ ਵਿੱਚ ਦਿਖਾਈ ਦੇਵੇ ਜਾਂ ਕਾਰਡ ਦੇ ਵੇਰਵਿਆਂ ਨੂੰ ਮੈਨੂਅਲੀ ਭਰੋ।

    • Apple Card: iPad ’ਤੇ Apple Card ਦੀ ਵਰਤੋਂ ਕਰੋ ਨੂੰ ਦੇਖੋ।

    • ਤੁਹਾਡੇ ਪਿਛਲੇ ਕਾਰਡ: ਪਿਛਲੇ ਕਾਰਡ ’ਤੇ ਟੈਪ ਕਰੋ, ਫਿਰ ਤੁਹਾਡੇ ਵੱਲੋਂ ਪਹਿਲਾਂ ਤੋਂ ਵਰਤੇ ਗਏ ਕਿਸੇ ਵੀ ਕਾਰਡ ਦੀ ਚੋਣ ਕਰੋ। ਇਹਨਾਂ ਕਾਰਡਾਂ ਵਿੱਚ ਤੁਹਾਡੇ Apple ਖਾਤੇ ਨਾਲ ਸੰਬੰਧਿਤ ਕਾਰਡ, ਤੁਹਾਡੇ ਦੂਜੇ ਡਿਵਾਈਸਾਂ ’ਤੇ Apple ਵੌਲਿਟ ਵਿੱਚ ਮੌਜੂਦ ਕਾਰਡ ਅਤੇ ਤੁਹਾਡੇ ਵੱਲੋਂ ਸਵੈ-ਭਰੋ ਲਈ ਸੰਭਾਲੇ ਗਏ ਕਾਰਡ ਸ਼ਾਮਲ ਹੋ ਸਕਦੇ ਹਨ। “ਜਾਰੀ ਰੱਖੋ” ’ਤੇ ਟੈਪ ਕਰੋ, ਫਿਰ ਸਕਰੀਨ ’ਤੇ ਦਿੱਤੇ ਨਿਰਦੇਸ਼ਾਂ ਦੀ ਪਾਲਣਾ ਕਰੋ।

    • ਸਮਰਥਿਤ ਐਪ ਤੋਂ ਕਾਰਡ: “ਤੁਹਾਡੇ iPad ’ਤੇ ਐਪਾਂ ਤੋਂ” ਦੇ ਹੇਠਾਂ ਆਪਣੇ ਬੈਂਕ ਜਾਂ ਕਾਰਡ ਜਾਰੀਕਰਤਾ ਦੀ ਐਪ ’ਤੇ ਟੈਪ ਕਰੋ।

  4. ਆਪਣੇ ਬੈਂਕ ਜਾਂ ਕਾਰਡ ਜਾਰੀਕਰਤਾ ਨਾਲ ਆਪਣੀ ਜਾਣਕਾਰੀ ਦੀ ਤਸਦੀਕ ਕਰੋ। ਤੁਹਾਡੇ ਕਾਰਡ ਨੂੰ Apple Pay ਨਾਲ ਵਰਤਣ ਲਈ ਮਨਜ਼ੂਰੀ ਦੇਣ ਤੋਂ ਪਹਿਲਾਂ ਉਹ ਤੁਹਾਨੂੰ ਵਧੇਰੇ ਜਾਣਕਾਰੀ ਪ੍ਰਦਾਨ ਕਰਨ ਜਾਂ ਐਪ ਡਾਊਨਲੋਡ ਕਰਨ ਲਈ ਕਹਿ ਸਕਦੇ ਹਨ।

ਨਵੇਂ iPad ’ਤੇ ਸਵਿੱਚ ਕਰਨ ਵੇਲੇ Apple Pay ਨੂੰ ਸੈੱਟ ਅੱਪ ਕਰਨਾ

ਨਵਾਂ iPad ਸੈੱਟ ਅੱਪ ਕਰਨ ਦੌਰਾਨ, ਤੁਸੀਂ Apple Wallet ਵਿੱਚ ਆਪਣੇ ਕਾਰਡ ਜੋੜ ਸਕਦੇ ਹੋ। ਹਰੇਕ ਕਾਰਡ ਲਈ ਸਕਰੀਨ ’ਤੇ ਦਿੱਤੇ ਨਿਰਦੇਸ਼ਾਂ ਦੀ ਪਾਲਣਾ ਕਰੋ।

ਕਾਰਡ ਵੇਰਵੇ ਦੇਖਣੇ ਅਤੇ ਸੈਟਿੰਗਾਂ ਨੂੰ ਬਦਲਣਾ

  1. ਆਪਣੇ iPad ’ਤੇ ਸੈਟਿੰਗਾਂ ਐਪ  ’ਤੇ ਜਾਓ।

  2. ਵੌਲਿਟ ਅਤੇ Apple Pay ’ਤੇ ਟੈਪ ਕਰੋ, ਫਿਰ ਕਿਸੇ ਕਾਰਡ ’ਤੇ ਟੈਪ ਕਰੋ।

  3. ਹੇਠ ਲਿਖਿਆਂ ਵਿੱਚੋਂ ਕੋਈ ਵੀ ਕੰਮ ਕਰੋ:

    • ਆਪਣੀ ਹਾਲੀਆ ਹਿਸਟਰੀ ਦੇਖਣ ਲਈ ਲੈਣ-ਦੇਣ ’ਤੇ ਟੈਪ ਕਰੋ। ਇਸ ਜਾਣਕਾਰੀ ਨੂੰ ਲੁਕਾਉਣ ਲਈ, “ਹਿਸਟਰੀ ਦਿਖਾਓ” ਨੂੰ ਬੰਦ ਕਰੋ। ਤੁਹਾਡੀ ਸਾਰੀ Apple Pay ਗਤੀਵਿਧੀ ਦੇਖਣ ਲਈ ਆਪਣੇ ਕਾਰਡ ਜਾਰੀਕਰਤਾ ਦਾ ਸਟੇਟਮੈਂਟ ਦੇਖੋ।

    • ਕਾਰਡ ਨੰਬਰ ਅਤੇ ਡਿਵਾਈਸ ਖਾਤਾ ਨੰਬਰ ਦੇ ਆਖ਼ਰੀ ਚਾਰ ਅੰਕ ਦੇਖੋ—ਵਪਾਰੀ ਨੂੰ ਭੇਜੇ ਗਏ ਨੰਬਰ।

    • ਬਿਲਿੰਗ ਪਤਾ ਬਦਲੋ।

    • Apple Pay ਤੋਂ ਕਾਰਡ ਹਟਾਓ।

ਇਹ ਵੀ ਦੇਖੋiPad ’ਤੇ ਐਪਾਂ ਵਿੱਚ ਅਤੇ ਵੈੱਬ ’ਤੇ Apple Pay ਦੀ ਵਰਤੋਂ ਕਰਨਾiPad ’ਤੇ ਆਪਣੇ ਵੌਲਿਟ ਅਤੇ Apple Pay ਸੈਟਿੰਗਾਂ ਨੂੰ ਬਦਲਣਾiPad ’ਤੇ Apple ਵੌਲਿਟ ਤੋਂ ਭੁਗਤਾਨ ਕਾਰਡ ਹਟਾਉਣਾApple ਸਹਾਇਤਾ ਲੇਖ: ਜੇਕਰ ਤੁਸੀਂ Apple Pay ਨਾਲ ਵਰਤੋਂ ਕਰਨ ਲਈ Apple ਵੌਲਿਟ ਵਿੱਚ ਕੋਈ ਕਾਰਡ ਸ਼ਾਮਲ ਨਹੀਂ ਕਰ ਸਕਦੇ
Morty Proxy This is a proxified and sanitized view of the page, visit original site.
ਕੋਈ ਮਦਦ ਮਿਲੀ?
ਅੱਖਰ ਸੀਮਾ: 250
ਵੱਧ ਤੋਂ ਵੱਧ ਅੱਖਰ ਸੀਮਾ 250 ਹੈ
ਫ਼ੀਡਬੈਕ ਲਈ ਤੁਹਾਡਾ ਧੰਨਵਾਦ।
Morty Proxy This is a proxified and sanitized view of the page, visit original site.