iPadOS 26
iPadOS 18
ਇਸ ਕੰਟਰੋਲ ਦੀ ਸੋਧ ਕਰਨ ਨਾਲ ਇਹ ਪੰਨਾ ਆਪਣੇ ਆਪ ਅੱਪਡੇਟ ਹੋ ਜਾਵੇਗਾ

iPad ‘ਤੇ ਸਿਨੇਮੈਟਿਕ ਮੋਡ ਵੀਡੀਓ ਵਿੱਚ ਸੋਧ ਕਰਨਾ

iPhone ਦੇ ਸਮਰਥਿਤ ਮਾਡਲਾਂ ’ਤੇ, ਕੈਮਰੇ ਵਿੱਚ ਸਿਨੇਮੈਟਿਕ ਮੋਡ ਵੱਲੋਂ ਡੈਪਥ-ਆਫ਼-ਫ਼ੀਲਡ ਪ੍ਰਭਾਵ ਲਾਗੂ ਕੀਤਾ ਜਾਂਦਾ ਹੈ ਜੋ ਤੁਹਾਡੇ ਵੀਡੀਓ ਦੇ ਸਬਜੈਕਟ ਨੂੰ ਸਪਸ਼ਟ ਰੱਖ ਕੇ ਫ਼ੋਰਗ੍ਰਾਊਂਡ ਅਤੇ ਬੈਕਗ੍ਰਾਊਂਡ ਨੂੰ ਖ਼ੂਬਸੂਰਤ ਢੰਗ ਨਾਲ ਧੁੰਦਲਾ ਬਣਾਉਂਦਾ ਹੈ। ਵੀਡੀਓ ਕੈਪਚਰ ਕਰਨ ਤੋਂ ਬਾਅਦ, ਤੁਸੀਂ ਤਸਵੀਰਾਂ ਐਪ ਵਿੱਚ ਸਿਨੇਮੈਟਿਕ ਮੋਡ ਪ੍ਰਭਾਵ ਨੂੰ ਅਡਜਸਟ ਕਰ ਸਕਦੇ ਹੋ ਜਾਂ ਹਟਾ ਸਕਦੇ ਹੋ।

ਸਿਨੇਮੈਟਿਕ ਮੋਡ ਵੀਡੀਓ ਦੀ iPad Pro 12.9-ਇੰਚ (ਤੀਜੀ ਜਨਰੇਸ਼ਨ ਅਤੇ ਬਾਅਦ ਦੇ ਸੰਸਕਰਨ), iPad Pro 11-ਇੰਚ (ਸਾਰੀਆਂ ਜਨਰੇਸ਼ਨਾਂ), iPad Air (ਤੀਜੀ ਜਨਰੇਸ਼ਨ ਅਤੇ ਬਾਅਦ ਦੇ ਸੰਸਕਰਨ), iPad Mini (5ਵੀਂ ਜਨਰੇਸ਼ਨ ਅਤੇ ਬਾਅਦ ਦੇ ਸੰਸਕਰਨ) ਅਤੇ iPad Mini (A17 Pro) ’ਤੇ ਸੋਧ ਕੀਤੀ ਜਾ ਸਕਦੀ ਹੈ।

ਸਿਨੇਮੈਟਿਕ ਪ੍ਰਭਾਵ ਨੂੰ ਬੰਦ ਕਰੋ

  1. ਆਪਣੇ iPad ‘ਤੇ ਤਸਵੀਰਾਂ ਐਪ ‘ਤੇ ਜਾਓ।

  2. ਸਿਨੇਮੈਟਿਕ ਮੋਡ ਵਿੱਚ ਰਿਕਾਰਡ ਕੀਤੇ ਗਏ ਵੀਡੀਓ ਖੋਲ੍ਹੋ, ਫਿਰ “ਸੋਧ ਕਰੋ” ਬਟਨ ‘ਤੇ ਟੈਪ ਕਰੋ।

  3. ਸਕਰੀਨ ਦੇ ਸਿਖਰ ‘ਤੇ “ਸਿਨੇਮੈਟਿਕ” ‘ਤੇ ਟੈਪ ਕਰੋ, ਫਿਰ “ਹੋ ਗਿਆ” ’ਤੇ ਟੈਪ ਕਰੋ।

ਸਿਨੇਮੈਟਿਕ ਮੋਡ ਨੂੰ ਵਾਪਸ ਚਾਲੂ ਕਰਨ ਲਈ, ਇਹਨਾਂ ਪੜਾਵਾਂ ਨੂੰ ਦੁਹਰਾਓ।

ਫ਼ੋਕਸ ਸਬਜੈਕਟ ਨੂੰ ਸਿਨੇਮੈਟਿਕ ਮੋਡ ਵੀਡੀਓ ਵਿੱਚ ਬਦਲੋ

ਜਦੋਂ ਤੁਸੀਂ ਸਿਨੇਮੈਟਿਕ ਮੋਡ ਵਿੱਚ ਰਿਕਾਰਡ ਕਰਦੇ ਹੋ ਤਾਂ ਕੈਮਰਾ ਆਟੋਮੈਟਿਕਲੀ ਪਛਾਣ ਕਰਦਾ ਹੈ ਕਿ ਕਿੱਥੇ ਫ਼ੋਕਸ ਕਰਨਾ ਹੈ ਅਤੇ ਕਿਸੇ ਨਵੇਂ ਸਬਜੈਕਟ ਦੀ ਸ਼ਨਾਖ਼ਤ ਹੋਣ ‘ਤੇ ਫ਼ੋਕਸ ਆਟੋਮੈਟਿਕਲੀ ਬਦਲ ਸਕਦਾ ਹੈ। ਤੁਸੀਂ ਫ਼ੋਕਸ ਸਬਜੈਕਟ ਨੂੰ ਮੈਨੂਅਲੀ ਵੀ ਬਦਲ ਸਕਦੇ ਹੋ।

  1. ਆਪਣੇ iPad ‘ਤੇ ਤਸਵੀਰਾਂ ਐਪ ‘ਤੇ ਜਾਓ।

  2. ਸਿਨੇਮੈਟਿਕ ਮੋਡ ਵਿੱਚ ਰਿਕਾਰਡ ਕੀਤੇ ਗਏ ਵੀਡੀਓ ਖੋਲ੍ਹੋ, ਫਿਰ “ਸੋਧ ਕਰੋ” ਬਟਨ ‘ਤੇ ਟੈਪ ਕਰੋ।

    ਫ਼ਰੇਮ ਵਿਊਅਰ ਦੇ ਹੇਠਾਂ ਸਫ਼ੈਦ ਬਿੰਦੂਆਂ ਤੋਂ ਪਤਾ ਲੱਗਦਾ ਹੈ ਕਿ ਰਿਕਾਰਡਿੰਗ ਦੌਰਾਨ ਕੈਮਰਾ ਐਪ ਨੇ ਆਟੋਮੈਟਿਕਲੀ ਫ਼ੋਕਸ ਕਿੱਥੇ ਬਦਲਿਆ। ਪੀਲੇ ਬਿੰਦੂਆਂ ਤੋਂ ਪਤਾ ਲੱਗਦਾ ਹੈ ਕਿ ਫ਼ੋਕਸ ਨੂੰ ਮੈਨੂਅਲੀ ਕਿੱਥੇ ਬਦਲਿਆ ਗਿਆ ਸੀ।

  3. ਵੀਡੀਓ ਚਲਾਓ ਜਾਂ ਫ਼ਰੇਮ ਵਿਊਅਰ ਵਿੱਚ ਸਫ਼ੈਦ ਲੰਬਕਾਰੀ ਬਾਰ ਨੂੰ ਉਸ ਬਿੰਦੂ ਤੱਕ ਸਲਾਈਡ ਕਰੋ ਜਿੱਥੇ ਤੁਸੀਂ ਫ਼ੋਕਸ ਬਦਲਣਾ ਚਾਹੁੰਦੇ ਹੋ।

  4. ਫੋਕਸ ਬਦਲਣ ਲਈ, ਸਕਰੀਨ ’ਤੇ ਪੀਲੇ ਰੰਗ ਦੇ ਆਊਟਲਾਈਨ ਵਾਲੇ ਨਵੇਂ ਸਬਜੈਕਟ ‘ਤੇ ਟੈਪ ਕਰੋ; ਸਬਜੈਕਟ ‘ਤੇ ਆਟੋਮੈਟਿਕ ਫ਼ੋਕਸ ਟ੍ਰੈਕਿੰਗ ਸੈੱਟ ਕਰਨ ਲਈ ਦੋ ਵਾਰ ਟੈਪ ਕਰੋ।

    ਫ਼ੋਕਸ ਨੂੰ ਕਿੱਥੇ ਬਦਲਿਆ ਗਿਆ ਸੀ ਇਹ ਦਰਸਾਉਣ ਲਈ ਫ਼ਰੇਮ ਵਿਊਅਰ ਦੇ ਹੇਠਾਂ ਇੱਕ ਪੀਲਾ ਬਿੰਦੂ ਦਿਖਾਈ ਦਿੰਦਾ ਹੈ।

    ਨੋਟ: ਤੁਸੀਂ ਕੈਮਰੇ ਤੋਂ ਨਿਸ਼ਚਿਤ ਦੂਰੀ ‘ਤੇ ਫ਼ੋਕਸ ਨੂੰ ਲੌਕ ਕਰਨ ਲਈ ਸਕਰੀਨ ਨੂੰ ਟੱਚ ਕਰ ਕੇ ਵੀ ਰੱਖ ਸਕਦੇ ਹੋ।

  5. ਪੂਰੇ ਵੀਡੀਓ ਵਿੱਚ ਫ਼ੋਕਸ ਬਿੰਦੂਆਂ ਨੂੰ ਬਦਲਣ ਲਈ ਉੱਪਰ ਦਿੱਤੇ ਪੜਾਵਾਂ ਨੂੰ ਦੁਹਰਾਓ।

    ਮੈਨੂਅਲ ਫ਼ੋਕਸ ਤਬਦੀਲੀ ਨੂੰ ਹਟਾਉਣ ਲਈ, ਫ਼ਰੇਮ ਵਿਊਅਰ ਦੇ ਹੇਠਾਂ ਪੀਲੇ ਬਿੰਦੂ ‘ਤੇ ਟੈਪ ਕਰੋ, ਫਿਰ “ਡਿਲੀਟ ਕਰੋ” ਬਟਨ ‘ਤੇ ਟੈਪ ਕਰੋ।

  6. ਆਪਣੀਆਂ ਤਬਦੀਲੀਆਂ ਨੂੰ ਸੰਭਾਲਣ ਲਈ “ਹੋ ਗਿਆ” ‘ਤੇ ਟੈਪ ਕਰੋ।

ਆਟੋਮੈਟਿਕ ਫ਼ੋਕਸ ਟ੍ਰੈਕਿੰਗ ਅਤੇ ਮੈਨੂਅਲੀ ਚੁਣੇ ਗਏ ਫ਼ੋਕਸ ਪੁਆਇੰਟਾਂ ਵਿਚਕਾਰ ਸਵਿੱਚ ਕਰਨ ਲਈ “ਮੈਨੂਅਲ ਟ੍ਰੈਕਿੰਗ” ਬਟਨ ‘ਤੇ ਟੈਪ ਕਰੋ।

ਆਪਣੀਆਂ ਤਬਦੀਲੀਆਂ ਨੂੰ ਸੰਭਾਲਣ ਤੋਂ ਬਾਅਦ, ਜੇਕਰ ਤੁਹਾਨੂੰ ਆਪਣੀਆਂ ਸੋਧਾਂ ਪਸੰਦ ਨਹੀਂ ਆਉਂਦੀਆਂ, ਤਾਂ ਤੁਸੀਂ ਕਿਸੇ ਸਿਨੇਮੈਟਿਕ ਮੋਡ ਵੀਡੀਓ ਨੂੰ ਇਸ ਦੇ ਮੂਲ ਸੰਸਕਰਨ ਵਿੱਚ ਰਿਵਰਟ ਕਰ ਸਕਦੇ ਹੋ। ਵੀਡੀਓ ਖੋਲ੍ਹੋ, ਫਿਰ “ਰਿਵਰਟ ਕਰੋ” ’ਤੇ ਟੈਪ ਕਰੋ।

ਸਿਨੇਮੈਟਿਕ ਮੋਡ ਵੀਡੀਓ ਵਿੱਚ ਡੈਪਥ ਔਫ਼ ਫ਼ੀਲਡ ਨੂੰ ਅਡਜਸਟ ਕਰਨਾ

  1. ਆਪਣੇ iPad ‘ਤੇ ਤਸਵੀਰਾਂ ਐਪ ‘ਤੇ ਜਾਓ।

  2. ਸਿਨੇਮੈਟਿਕ ਮੋਡ ਵਿੱਚ ਰਿਕਾਰਡ ਕੀਤੇ ਗਏ ਵੀਡੀਓ ਖੋਲ੍ਹੋ, ਫਿਰ “ਸੋਧ ਕਰੋ” ਬਟਨ ‘ਤੇ ਟੈਪ ਕਰੋ।

  3. ਸਕਰੀਨ ਦੇ ਸਿਖਰ ‘ਤੇ “ਡੈਪਥ ਕੰਟਰੋਲ” ਬਟਨ ‘ਤੇ ਟੈਪ ਕਰੋ।

    ਵੀਡੀਓ ਦੇ ਹੇਠਾਂ ਇੱਕ ਸਲਾਈਡਰ ਦਿਖਾਈ ਦਿੰਦਾ ਹੈ।

  4. ਡੈਪਥ ਔਫ਼ ਫ਼ੀਲਡ ਦੇ ਪ੍ਰਭਾਵ ਨੂੰ ਅਡਜਸਟ ਕਰਨ ਲਈ ਸਲਾਈਡਰ ਨੂੰ ਖੱਬੇ ਜਾਂ ਸੱਜੇ ਪਾਸੇ ਡ੍ਰੈਗ ਕਰੋ, ਫਿਰ “ਹੋ ਗਿਆ” ‘ਤੇ ਟੈਪ ਕਰੋ।

ਤੁਹਾਡੇ ਵੱਲੋਂ ਸੰਭਾਲੀਆਂ ਜਾਣ ਤੋਂ ਬਾਅਦ ਸੋਧਾਂ ਨੂੰ ਪਹਿਲਾਂ ਵਰਗਾ ਕਰਨ ਲਈ, ਵੀਡੀਓ ਖੋਲ੍ਹੋ, ਫਿਰ “ਰਿਵਰਟ ਕਰੋ” ’ਤੇ ਟੈਪ ਕਰੋ।

ਆਪਣੇ Mac ‘ਤੇ ਸਿਨੇਮੈਟਿਕ ਮੋਡ ਵੀਡੀਓ ਨੂੰ ਐਕਸਪੋਰਟ ਕਰਨਾ

ਆਪਣੇ iPhone ਤੋਂ ਆਪਣੇ Mac ਤੱਕ ਹੋਰ ਐਪਾਂ ਵਿੱਚ ਸੋਧ ਕਰਨ ਲਈ ਤੁਸੀਂ—ਡੈਪਥ ਅਤੇ ਫ਼ੋਕਸ ਮੈਟਾਡਾਟਾ ਦੇ ਨਾਲ— ਸਿਨੇਮੈਟਿਕ ਮੋਡ ਵੀਡੀਓ ਟ੍ਰਾਂਸਫ਼ਰ ਕਰ ਸਕਦੇ ਹੋ।

ਨੋਟ: iOS 16 ਜਾਂ ਇਸ ਤੋਂ ਬਾਅਦ ਵਾਲੇ iPhone ‘ਤੇ ਰਿਕਾਰਡ ਕੀਤੇ ਸਿਨੇਮੈਟਿਕ ਮੋਡ ਵੀਡੀਓ ਵਿੱਚ ਸੋਧ ਕਰਨ ਲਈ, ਯਕੀਨੀ ਬਣਾਓ ਕਿ ਤੁਹਾਡਾ Mac macOS 13 ਜਾਂ ਇਸ ਤੋਂ ਬਾਅਦ ਵਾਲਾ ਸੰਸਕਰਨ ਵਰਤ ਰਿਹਾ ਹੈ।

  1. ਆਪਣੇ iPad ‘ਤੇ ਤਸਵੀਰਾਂ ਐਪ ‘ਤੇ ਜਾਓ।

  2. ਸਿਨੇਮੈਟਿਕ ਮੋਡ ਵੀਡੀਓ ਖੋਲ੍ਹੋ, ਫਿਰ “ਸਾਂਝਾ ਕਰੋ” ਬਟਨ ’ਤੇ ਟੈਪ ਕਰੋ।

  3. ਸਕਰੀਨ ਦੇ ਸਿਖਰ ’ਤੇ “ਵਿਕਲਪਾਂ” ’ਤੇ ਟੈਪ ਕਰੋ, ਸਾਰੀਆਂ ਤਸਵੀਰਾਂ ਦਾ ਡੇਟਾ ਚਾਲੂ ਕਰੋ ਅਤੇ ਫਿਰ “ਹੋ ਗਿਆ” ਬਟਨ ’ਤੇ ਟੈਪ ਕਰੋ।

  4. AirDrop ‘ਤੇ ਟੈਪ ਕਰੋ, ਫਿਰ ਉਸ ਡਿਵਾਈਸ ‘ਤੇ ਟੈਪ ਕਰੋ ਜਿਸ ਨਾਲ ਤੁਸੀਂ ਸਾਂਝਾ ਕਰਨਾ ਚਾਹੁੰਦੇ ਹੋ (ਯਕੀਨੀ ਬਣਾਓ ਕਿ ਜਿਸ ਡਿਵਾਈਸ ਨਾਲ ਤੁਸੀਂ ਸਾਂਝਾ ਕਰ ਰਹੇ ਹੋ, ਉਸ ‘ਤੇ AirDrop ਚਾਲੂ ਹੈ)।

ਤਸਵੀਰਾਂ ਐਪ ਦੀ ਵਰਤੋਂ ਕਰਦੇ ਹੋਏ ਆਪਣੇ Mac ‘ਤੇ ਸਿਨੇਮੈਟਿਕ ਮੋਡ ਵੀਡੀਓ ਵਿੱਚ ਸੋਧ ਕਰਨ ਬਾਰੇ ਜਾਣਕਾਰੀ ਲਈ, ਸਿਨੇਮੈਟਿਕ ਮੋਡ ਵੀਡੀਓ ਵਿੱਚ ਸੋਧ ਕਰਨਾ ਨੂੰ ਦੇਖੋ।

Final Cut Pro, iMovie ਜਾਂ ਮੋਸ਼ਨ ਦੀ ਵਰਤੋਂ ਕਰਦੇ ਹੋਏ ਆਪਣੇ Mac ‘ਤੇ ਸਿਨੇਮੈਟਿਕ ਮੋਡ ਵੀਡੀਓ ਵਿੱਚ ਸੋਧ ਕਰਨ ਬਾਰੇ ਜਾਣਕਾਰੀ ਲਈ, Apple ਸਹਾਇਤਾ ਲੇਖ Final Cut Pro, iMovie ਅਤੇ ਮੋਸ਼ਨ ਵਿੱਚ ਸਿਨੇਮੈਟਿਕ ਮੋਡ ਵੀਡੀਓ ਵਿੱਚ ਸੋਧ ਕਰੋ ਦੇਖੋ।

ਆਪਣੇ ਬਾਹਰੀ ਸਟੋਰੇਜ ਡਿਵਾਈਸ ‘ਤੇ ਸਿਨੇਮੈਟਿਕ ਮੋਡ ਵੀਡੀਓ ਨੂੰ ਐਕਸਪੋਰਟ ਕਰਨਾ

ਤੁਸੀਂ ਸਿਨੇਮੈਟਿਕ ਮੋਡ ਵੀਡੀਓ ਨੂੰ ਸਿੱਧਾ ਬਾਹਰੀ ਡਰਾਈਵ, ਮੈਮੋਰੀ ਕਾਰਡ ਜਾਂ ਹੋਰ ਸਟੋਰੇਜ ਡਿਵਾਈਸ ‘ਤੇ ਐਕਸਪੋਰਟ ਕਰ ਸਕਦੇ ਹੋ।

ਨੋਟ: ਜਿਨ੍ਹਾਂ ਤਸਵੀਰਾਂ ਅਤੇ ਵੀਡੀਓ ਨੂੰ ਸੰਪਾਦਿਤ ਕੀਤਾ ਗਿਆ ਹੈ, ਉਹਨਾਂ ਲਈ ਸੰਸ਼ੋਧਿਤ ਨਾ ਕੀਤੇ ਮੂਲ ਸੰਸਕਰਨ ਨੂੰ ਐਕਸਪੋਰਟ ਕੀਤਾ ਜਾਵੇਗਾ।

  1. ਆਪਣੇ iPad ‘ਤੇ ਤਸਵੀਰਾਂ ਐਪ ‘ਤੇ ਜਾਓ।

  2. ਉਹ ਵੀਡੀਓ ਚੁਣੋ ਜਿਸ ਨੂੰ ਤੁਸੀਂ ਐਕਸਪੋਰਟ ਕਰਨਾ ਚਾਹੁੰਦੇ ਹੋ।

  3. “ਸਾਂਝਾ ਕਰੋ” ਬਟਨ ’ਤੇ ਟੈਪ ਕਰੋ, ਫਿਰ “ਅਣ-ਸੋਧੀ ਮੂਲ ਐਕਸਪੋਰਟ ਕਰੋ” ’ਤੇ ਟੈਪ ਕਰੋ।

  4. ਆਪਣੇ ਸਟੋਰੇਜ ਡਿਵਾਈਸ (“ਟਿਕਾਣਾ” ਦੇ ਹੇਠਾਂ) ’ਤੇ ਟੈਪ ਕਰੋ, ਫਿਰ “ਹੋ ਗਿਆ” ਬਟਨ ’ਤੇ ਟੈਪ ਕਰੋ।

ਇਹ ਵੀ ਦੇਖੋiPad ‘ਤੇ ਤਸਵੀਰਾਂ ਅਤੇ ਵੀਡੀਓ ਦਾ ਸੰਪਾਦਨ ਕਰਨਾiPad ‘ਤੇ ਤਸਵੀਰ ਸੰਪਾਦਨਾਂ ਨੂੰ ਪਹਿਲਾਂ ਵਰਗਾ ਅਤੇ ਰਿਵਰਟ ਕਰਨਾ
Morty Proxy This is a proxified and sanitized view of the page, visit original site.
ਕੋਈ ਮਦਦ ਮਿਲੀ?
ਅੱਖਰ ਸੀਮਾ: 250
ਵੱਧ ਤੋਂ ਵੱਧ ਅੱਖਰ ਸੀਮਾ 250 ਹੈ
ਫ਼ੀਡਬੈਕ ਲਈ ਤੁਹਾਡਾ ਧੰਨਵਾਦ।
Morty Proxy This is a proxified and sanitized view of the page, visit original site.