iPadOS 26
iPadOS 18
ਇਸ ਕੰਟਰੋਲ ਦੀ ਸੋਧ ਕਰਨ ਨਾਲ ਇਹ ਪੰਨਾ ਆਪਣੇ ਆਪ ਅੱਪਡੇਟ ਹੋ ਜਾਵੇਗਾ

ਵਿਉਂਤਬੱਧ “iPad ਲੌਕ ਸਕਰੀਨ” ਬਣਾਉਣਾ

ਸਕਰੀਨ ’ਤੇ ਫੈਲੀ ਵਿਉਂਤਬੱਧ ਤਸਵੀਰ ਵਾਲੀ iPad ਲੌਕ ਸਕਰੀਨ।

ਤੁਸੀਂ ਕੋਈ ਵਾਲਪੇਪਰ ਚੁਣ ਕੇ, ਮਨਪਸੰਦ ਤਸਵੀਰ ਦਿਖਾ ਕੇ, ਸਮੇਂ ਦਾ ਫ਼ੌਟ ਬਦਲ ਕੇ, ਵਿਜੇਟ ਸ਼ਾਮਲ ਕਰ ਕੇ ਅਤੇ ਹੋਰ ਬਹੁਤ ਕੁਝ ਕਰ ਕੇ ਆਪਣੀ ਲੌਕ ਸਕਰੀਨ ਨੂੰ ਵਿਅਕਤੀਗਤ ਬਣਾ ਸਕਦੇ ਹੋ।

ਤੁਸੀਂ ਇੱਕ ਤੋਂ ਜ਼ਿਆਦਾ ਲੌਕ ਸਕਰੀਨਾਂ ਬਣਾ ਸਕਦੇ ਹੋ,ਲੌਕ ਸਕਰੀਨਾਂ ਵਿਚਕਾਰ ਸਵਿੱਚ ਕਰ ਸਕਦੇ ਹੋ ਅਤੇ ਇੱਥੋਂ ਤੱਕ ਕਿ ਲੌਕ ਸਕਰੀਨ ਨੂੰ “ਫ਼ੋਕਸ” ਨਾਲ ਲਿੰਕ ਵੀ ਕਰ ਸਕਦੇ ਹੋ। ਇਸ ਲਈ, ਉਦਾਹਰਨ ਵਜੋਂ, ਤੁਸੀਂ ਆਪਣੇ ਕੰਮ ਕਰਨ ਦੇ ਸਮੇਂ ਲਈ ਇੱਕ ਵਿਸ਼ੇਸ਼ “ਲੌਕ ਸਕਰੀਨ” ਸੈੱਟ ਕਰ ਸਕਦੇ ਹੋ।

ਆਪਣੀ ਲੌਕ ਸਕਰੀਨ ਵਿੱਚ ਸੋਧ ਕਰਨੀ ਜਾਂ ਕੋਈ ਨਵੀਂ ਬਣਾਉਣੀ

  1. ਆਪਣੇ iPad ’ਤੇ ਸਿਖਰਲੇ ਬਟਨ ਨੂੰ ਦਬਾਓ।

  2. “ਲੌਕ ਸਕਰੀਨ” ਨੂੰ ਟੱਚ ਕਰ ਕੇ ਰੱਖੋ, ਫਿਰ ਨਵੀਂ “ਲੌਕ ਸਕਰੀਨ” ਬਣਾਉਣ ਲਈ ਨਵਾਂ ਲੌਕ ਸਕਰੀਨ ਵਾਲਪੇਪਰ ਜੋੜੋ ਬਟਨ ’ਤੇ ਟੈਪ ਕਰੋ। (ਜੇ ਨਵਾਂ ਲੌਕ ਸਕਰੀਨ ਵਾਲਪੇਪਰ ਜੋੜੋ ਬਟਨ ਦਿਖਾਈ ਨਹੀਂ ਦਿੰਦੇ, ਤਾਂ “ਲੌਕ ਸਕਰੀਨ” ਨੂੰ ਦੁਬਾਰਾ ਟੱਚ ਕਰ ਕੇ ਰੱਖੋ, ਫਿਰ ਆਪਣਾ ਪਾਸਕੋਡ ਭਰੋ।)

    ਮੌਜੂਦਾ ਲੌਕ ਸਕਰੀਨ ਵਿੱਚ ਬਦਲਾਅ ਕਰਨ ਲਈ, ਉਸ ਸਕਰੀਨ ’ਤੇ ਸਵਾਈਪ ਕਰੋ ਜਿਸ ਨੂੰ ਤੁਸੀਂ ਬਦਲਣਾ ਚਾਹੁੰਦੇ ਹੋ, ਫਿਰ “ਵਿਉਂਤੋ” ’ਤੇ ਟੈਪ ਕਰੋ।

  3. ਜੇਕਰ ਤੁਸੀਂ ਕੋਈ ਨਵੀਂ “ਲੌਕ ਸਕਰੀਨ” ਬਣਾ ਰਹੇ ਹੋ, ਤਾਂ ਆਪਣਾ ਵਾਲਪੇਪਰ ਚੁਣੋ। ਸਮਰਥਿਤ ਮਾਡਲਾਂ ’ਤੇ, ਤੁਸੀਂ ਨਵੇਂ 3D ਇਫ਼ੈਕਟ ਲਈ ਸਪੇਸ਼ੀਅਲ ਦ੍ਰਿਸ਼ ਅਜ਼ਮਾ ਸਕਦੇ ਹੋ ਅਤੇ ਉਹਨਾਂ ਵਿਕਲਪਾਂ ਨੂੰ ਅਜ਼ਮਾ ਸਕਦੇ ਹੋ ਜਿੱਥੇ ਸਮਾਂ ਤੁਹਾਡੇ ਤਸਵੀਰ ਵਾਲਪੇਪਰ ਅਤੇ ਸੂਚਨਾਵਾਂ ਦੇ ਅਨੁਸਾਰ ਆਪਣੇ-ਆਪ ਢਲ ਜਾਂਦਾ ਹੈ।

    ਨੋਟ: ਜੇ ਤੁਹਾਨੂੰ ਉਹ ਵਾਲਪੇਪਰ ਵਿਕਲਪ ਨਹੀਂ ਦਿਖਦੇ ਜੋ ਤੁਸੀਂ ਵਰਤਣਾ ਚਾਹੁੰਦੇ ਹੋ (ਉਦਾਹਰਨ ਵਜੋਂ, ਮੌਸਮ ਜਾਂ ਖਗੋਲ ਵਿਗਿਆਨ), ਹੋਰ ਵਿਕਲਪ ਦੇਖਣ ਲਈ ਹੇਠਾਂ ਸਕ੍ਰੋਲ ਕਰੋ, ਫਿਰ ਜੋ ਤੁਹਾਨੂੰ ਪਸੰਦ ਆਵੇ ਉਸ ਦੇ ਹੇਠਾਂ “ਪ੍ਰਾਪਤ ਕਰੋ” ’ਤੇ ਟੈਪ ਕਰੋ।

    ਵਿਉਂਤਬੱਧ “ਲੌਕ ਸਕਰੀਨ” ਸੰਪਾਦਨ ਦੀ ਪ੍ਰਕਿਰਿਆ ਵਿੱਚ ਹੈ। ਵਿਉਂਤਬੱਧ ਕਰਨ ਲਈ ਉਪਲਬਧ ਤੱਤਾਂ ਦੀ ਚੋਣ ਕੀਤੀ ਜਾਂਦੀ ਹੈ-ਮਿਤੀ, ਸਮਾਂ ਅਤੇ ਵਿਜੇਟ ਸ਼ਾਮਲ ਕਰਨ ਲਈ ਇੱਕ ਬਟਨ।

  4. ਤੁਹਾਡੀ ਲੌਕ ਸਕਰੀਨ ਨੂੰ ਵਿਉਂਤਣ ਦੇ ਕੁਝ ਤਰੀਕੇ ਇਹ ਹਨ (ਵਿਕਲਪ ਤੁਹਾਡੇ ਦੁਆਰਾ ਚੁਣੇ ਗਏ ਵਾਲਪੇਪਰ ’ਤੇ ਨਿਰਭਰ ਕਰਦੇ ਹਨ):

    • ਘੜੀ ਦੀ ਦਿੱਖ ਬਦਲਣ ਲਈ: ਉਚਾਈ ਵਧਾਉਣ ਲਈ ਹੇਠਲੇ ਸੱਜੇ ਕੋਨੇ ਨੂੰ ਡ੍ਰੈਗ ਕਰੋ, ਫਿਰ ਫ਼ੌਂਟ ਬਦਲਣ, ਹੋਰ ਪਾਰਦਰਸ਼ੀ ਦਿੱਖ ’ਤੇ ਸਵਿੱਚ ਕਰਨ ਅਤੇ ਹੋਰ ਕੰਮ ਕਰਨ ਲਈ ਸਮੇਂ ’ਤੇ ਟੈਪ ਕਰੋ।

    • 3D ਇਫ਼ੈਕਟ ਜੋੜਨ ਲਈ: ਸਮਰਥਿਤ ਮਾਡਲਾਂ ’ਤੇ, ਜੇ ਤੁਸੀਂ ਕੋਈ ਅਜਿਹੀ ਤਸਵੀਰ ਸ਼ਾਮਲ ਕੀਤੀ ਹੈ ਜੋ ਸਪੇਸ਼ੀਅਲ ਪ੍ਰਭਾਵ ਦਾ ਸਮਰਥਨ ਕਰਦੀ ਹੈ, ਤਾਂ “ਸਪੇਸ਼ੀਅਲ ਕੈਪਚਰ” ਬਟਨ ’ਤੇ ਟੈਪ ਕਰੋ।

    • ਵਿਜੇਟ ਜੋੜਨ ਜਾਂ ਬਦਲਣ ਲਈ: ਆਪਣੇ ਮੌਜੂਦਾ ਵਿਜੇਟਾਂ ’ਤੇ ਟੈਪ ਕਰੋ ਜਾਂ “ਵਿਜੇਟ ਜੋੜੋ” ’ਤੇ ਟੈਪ ਕਰੋ।

    • ਤਸਵੀਰ ਦੀ ਸਥਿਤੀ ਬਦਲੋ: ਜ਼ੂਮ ਇਨ ਕਰਨ ਲਈ ਚੂੰਢੀ ਖੋਲ੍ਹੋ, ਚਿੱਤਰ ਨੂੰ ਮੂਵ ਕਰਨ ਲਈ ਦੋ ਉਂਗਲੀਆਂ ਨਾਲ ਡ੍ਰੈਗ ਕਰੋ, ਫਿਰ ਜ਼ੂਮ ਆਊਟ ਕਰਨ ਲਈ ਚੂੰਢੀ ਭਰੋ।

    • ਮਲਟੀ-ਲੇਅਰ ਇਫ਼ੈਕਟ ਬਣਾਓ: “ਡੈਪਥ ਪ੍ਰਭਾਵ” ਬਟਨ ’ਤੇ ਟੈਪ ਕਰੋ। ਜਾਂ ਜੇਕਰ ਤੁਹਾਡੇ ਕੋਲ ਕੋਈ ਅਜਿਹੀ ਤਸਵੀਰ ਹੈ ਜੋ ਲੇਅਰਿੰਗ ਦਾ ਸਮਰਥਨ ਕਰਦੀ ਹੈ, ਤਾਂ “ਹੋਰ” ਬਟਨ ’ਤੇ ਟੈਪ ਕਰੋ, ਫਿਰ “ਡੈੱਪਥ ਇਫ਼ੈਕਟ” ਨੂੰ ਚੁਣੋ।

    • ਸਟਾਈਲ ਬਦਲਣ ਲਈ: ਵੱਖ-ਵੱਖ ਰੰਗਾਂ ਦੇ ਫ਼ਿਲਟਰਾਂ ਨੂੰ ਅਜ਼ਮਾਉਣ ਲਈ ਖੱਬੇ ਜਾਂ ਸੱਜੇ ਸਵਾਈਪ ਕਰੋ।

    • Live Photo ਨਾਲ ਮੋਸ਼ਨ ਇਫ਼ੈਕਟ ਬਣਾਓ: ਜੇਕਰ ਤੁਸੀਂ ਕੋਈ ਅਜਿਹੀ Live Photo ਚੁਣਦੇ ਹੋ ਜਿਸ ਨੂੰ ਸਲੋ ਮੋਸ਼ਨ ਵਿੱਚ ਬਦਲਿਆ ਜਾ ਸਕਦਾ ਹੈ, ਤਾਂ ਡਿਵਾਈਸ ਕਿਰਿਆਸ਼ੀਲ ਹੋਣ ’ਤੇ Live Photo ਚਾਲੂ ਕਰਨ ਲਈ Live Photo ਬਟਨ ’ਤੇ ਟੈਪ ਕਰੋ।

    • ਸ਼ਫ਼ਲ ਫ਼੍ਰੀਕੁਐਂਸੀ ਸੈੱਟ ਕਰੋ: ਜੇਕਰ ਤੁਸੀਂ “ਤਸਵੀਰ ਸ਼ਫ਼ਲ” ਨੂੰ ਚੁਣਿਆ ਹੈ, ਤਾਂ ਤਸਵੀਰ ਦੀ ਚੋਣ ਬਦਲਣ ਲਈ ਤਸਵੀਰ ਥੰਬਨੇਲ ’ਤੇ ਟੈਪ ਕਰੋ ਜਾਂ “ਹੋਰ” ਬਟਨ ’ਤੇ ਟੈਪ ਕਰ ਕੇ ਸ਼ਫ਼ਲ ਦੀ ਫ਼੍ਰੀਕੁਐਂਸੀ ਨੂੰ ਬਦਲੋ।

    • ਫਿੱਕੀ ਅਤੇ ਗੂੜ੍ਹੀ ਦਿੱਖ ਦੇ ਵਿਚਕਾਰ ਸਵਿੱਚ ਕਰੋ: ਜੇਕਰ ਤੁਹਾਡੇ ਵੱਲੋਂ ਚੁਣੇ ਗਏ ਬੈਕਗ੍ਰਾਊਂਡ ਵਿੱਚ ਲਾਈਟ ਮੋਡ ਅਤੇ ਡਾਰਕ ਮੋਡ ਦਾ ਵਿਕਲਪ ਹੈ, ਤਾਂ “ਦਿੱਖ” ਬਟਨ ’ਤੇ ਟੈਪ ਕਰੋ।

  5. “ਜੋੜੋ” ‘ਤੇ ਟੈਪ ਕਰੋ, ਫਿਰ ਹੇਠ ਲਿਖਿਆਂ ਵਿੱਚੋਂ ਕੋਈ ਵੀ ਕੰਮ ਕਰੋ:

    • “ਲੌਕ ਸਕਰੀਨ” ਅਤੇ “ਹੋਮ ਸਕਰੀਨ” ਦੋਵਾਂ ’ਤੇ ਵਾਲਪੇਪਰ ਲਗਾਉਣ ਲਈ ਚੁਣਨ ਵਾਸਤੇ: “ਵਾਲਪੇਪਰ ਪੇਅਰ ਵਜੋਂ ਸੈੱਟ ਕਰੋ” ’ਤੇ ਟੈਪ ਕਰੋ।

    • ਹੋਮ ਸਕਰੀਨ ਵਿੱਚ ਬਦਲਾਅ ਕਰਨ ਲਈ: “ਹੋਮ ਸਕਰੀਨ ਨੂੰ ਵਿਉਂਤੋ” ’ਤੇ ਟੈਪ ਕਰੋ। ਵਾਲਪੇਪਰ ਦਾ ਰੰਗ ਬਦਲਣ ਲਈ ਕਿਸੇ ਰੰਗ ’ਤੇ ਟੈਪ ਕਰੋ, ਕਿਸੇ ਵਿਉਂਤਬੱਧ ਤਸਵੀਰ ਦੀ ਵਰਤੋਂ ਕਰਨ ਲਈ “ਕੋਈ ਤਸਵੀਰ ਚੁਣੋ” ਬਟਨ ’ਤੇ ਟੈਪ ਕਰੋ ਜਾਂ ਵਾਲਪੇਪਰ ਨੂੰ ਧੁੰਦਲਾ ਕਰਨ ਲਈ “ਧੁੰਦਲਾ” ਨੂੰ ਚੁਣੋ ਤਾਂ ਜੋ ਐਪਾਂ ਅਲੱਗ ਤੋਂ ਦਿਖਣ।

ਕਿਸੇ ਫ਼ੋਕਸ ਨੂੰ ਆਪਣੀ “ਲੌਕ ਸਕਰੀਨ” ਨਾਲ ਲਿੰਕ ਕਰੋ

ਫ਼ੋਕਸ ਤੁਹਾਡੇ ਧਿਆਨ ਭਟਕਣ ਨੂੰ ਘੱਟ ਕਰਕੇ ਤੁਹਾਨੂੰ ਕਿਸੇ ਕੰਮ ’ਤੇ ਧਿਆਨ ਕੇਂਦ੍ਰਿਤ ਕਰਨ ਵਿੱਚ ਮਦਦ ਕਰਦਾ ਹੈ। ਤੁਹਾਡੇ ਵੱਲੋਂ ਕੋਈ ਫ਼ੋਕਸ ਸੈੱਟ ਅੱਪ ਕਰਨ ਤੋਂ ਬਾਅਦ, ਤੁਸੀਂ ਇਸ ਨੂੰ ਆਪਣੀ ਲੌਕ ਸਕਰੀਨ ਨਾਲ ਲਿੰਕ ਕਰ ਸਕਦੇ ਹੋ — ਤਾਂ ਜੋ ਤੁਹਾਡੀਆਂ ਫ਼ੋਕਸ ਸੈਟਿੰਗਾਂ ਉਦੋਂ ਲਾਗੂ ਹੋਣ ਜਦੋਂ ਤੁਸੀਂ ਉਸ ਖ਼ਾਸ ਲੌਕ ਸਕਰੀਨ ਦੀ ਵਰਤੋਂ ਕਰਦੇ ਹੋ ਅਤੇ ਜਦੋਂ ਉਹ ਫ਼ੋਕਸ ਚਾਲੂ ਹੁੰਦਾ ਹੈ ਤਾਂ ਉਹ ਲੌਕ ਸਕਰੀਨ ਦਿਖਾਈ ਦਿੰਦੀ ਹੈ।

  1. iPad ’ਤੇ ਸਿਖਰਲੇ ਬਟਨ ਨੂੰ ਦਬਾਓ।

  2. ਸਕਰੀਨ ਦੇ ਹੇਠਲੇ ਹਿੱਸੇ ਵਿੱਚ “ਵਿਉਂਤਬੱਧ ਕਰੋ” ਬਟਨ ਦਿਖਾਈ ਦੇਣ ਤੱਕ “ਲੌਕ ਸਕਰੀਨ” ਨੂੰ ਟੱਚ ਕਰ ਕੇ ਰੱਖੋ।

  3. “ਪਰੇਸ਼ਾਨ ਨਾ ਕਰੋ”, “ਨਿੱਜੀ” ਅਤੇ “ਕਾਰਜ-ਸਥਾਨ” ਵਰਗੇ “ਫ਼ੋਕਸ” ਵਿਕਲਪ ਦੇਖਣ ਲਈ, ਵਾਲਪੇਪਰ ਦੇ ਹੇਠਲੇ ਪਾਸੇ ਦੇ ਨੇੜੇ ਦਿੱਤੇ “ਫ਼ੋਕਸ” ‘ਤੇ ਟੈਪ ਕਰੋ।

  4. ਕੋਈ “ਫ਼ੋਕਸ” ਚੁਣੋ, ਫਿਰ “ਬੰਦ ਕਰੋ” ਬਟਨ ’ਤੇ ਟੈਪ ਕਰੋ।

ਲੌਕ ਸਕਰੀਨਾਂ ਵਿਚਕਾਰ ਸਵਿੱਚ ਕਰੋ

ਤੁਸੀਂ ਕਈ ਵਿਉਂਤਬੱਧ ਲੌਕ ਸਕਰੀਨਾਂ ਬਣਾ ਸਕਦੇ ਹੋ ਅਤੇ ਪੂਰੇ ਦਿਨ ਉਹਨਾਂ ਵਿਚਕਾਰ ਸਵਿੱਚ ਕਰ ਸਕਦੇ ਹੋ।

  1. iPad ’ਤੇ ਸਿਖਰਲੇ ਬਟਨ ਨੂੰ ਦਬਾਓ।

  2. ਸਕਰੀਨ ਦੇ ਹੇਠਲੇ ਹਿੱਸੇ ਵਿੱਚ “ਵਿਉਂਤਬੱਧ ਕਰੋ” ਬਟਨ ਦਿਖਾਈ ਦੇਣ ਤੱਕ “ਲੌਕ ਸਕਰੀਨ” ਨੂੰ ਟੱਚ ਕਰ ਕੇ ਰੱਖੋ।

  3. ਉਸ “ਲੌਕ ਸਕਰੀਨ” ’ਤੇ ਸਵਾਈਪ ਕਰੋ ਜਿਸ ਦੀ ਤੁਸੀਂ ਵਰਤੋਂ ਕਰਨੀ ਚਾਹੁੰਦੇ ਹੋ, ਫਿਰ ਇਸ ’ਤੇ ਟੈਪ ਕਰੋ।

ਨੋਟ: ਜੇਕਰ “ਲੌਕ ਸਕਰੀਨ” ਨੂੰ ਕਿਸੇ ਖ਼ਾਸ “ਫ਼ੋਕਸ” ਨਾਲ ਲਿੰਕ ਕੀਤਾ ਜਾਂਦਾ ਹੈ, ਤਾਂ ਉਸ ਲੌਕ ਸਕਰੀਨ ਤੋਂ ਦੂਜੀ ’ਤੇ ਜਾਣ ਨਾਲ ਤੁਹਾਡਾ ਫ਼ੋਕਸ ਵੀ ਬਦਲ ਜਾਂਦਾ ਹੈ।

ਲੌਕ ਸਕਰੀਨ ਨੂੰ ਡਿਲੀਟ ਕਰੋ

ਤੁਸੀਂ ਉਸ “ਲੌਕ ਸਕਰੀਨ” ਨੂੰ ਡਿਲੀਟ ਕਰ ਸਕਦੇ ਹੋ ਜਿਸ ਦੀ ਤੁਹਾਨੂੰ ਹੁਣ ਜ਼ਰੂਰਤ ਨਹੀਂ ਹੈ।

  1. iPad ’ਤੇ ਸਿਖਰਲੇ ਬਟਨ ਨੂੰ ਦਬਾਓ।

  2. ਸਕਰੀਨ ਦੇ ਹੇਠਲੇ ਹਿੱਸੇ ਵਿੱਚ “ਵਿਉਂਤਬੱਧ ਕਰੋ” ਬਟਨ ਦਿਖਾਈ ਦੇਣ ਤੱਕ “ਲੌਕ ਸਕਰੀਨ” ਨੂੰ ਟੱਚ ਕਰ ਕੇ ਰੱਖੋ।

  3. ਸਵਾਈਪ ਕਰ ਕੇ ਉਸ “ਲੌਕ ਸਕਰੀਨ” ‘ਤੇ ਜਾਓ ਜਿਸ ਨੂੰ ਤੁਸੀਂ ਡਿਲੀਟ ਕਰਨਾ ਚਾਹੁੰਦੇ ਹੋ, “ਟ੍ਰੈਸ਼” ਬਟਨ ‘ਤੇ ਟੈਪ ਕਰੋ, ਫਿਰ “ਇਸ ਵਾਲਪੇਪਰ ਨੂੰ ਡਿਲੀਟ ਕਰੋ” ‘ਤੇ ਟੈਪ ਕਰੋ।

ਇਹ ਵੀ ਦੇਖੋiPad ’ਤੇ ਵਾਲਪੇਪਰ ਬਦਲਣਾiPad ’ਤੇ ਕਿਸੇ “ਫ਼ੋਕਸ” ਦਾ ਸੈੱਟ ਅੱਪ ਕਰਨਾ
Morty Proxy This is a proxified and sanitized view of the page, visit original site.
ਕੋਈ ਮਦਦ ਮਿਲੀ?
ਅੱਖਰ ਸੀਮਾ: 250
ਵੱਧ ਤੋਂ ਵੱਧ ਅੱਖਰ ਸੀਮਾ 250 ਹੈ
ਫ਼ੀਡਬੈਕ ਲਈ ਤੁਹਾਡਾ ਧੰਨਵਾਦ।
Morty Proxy This is a proxified and sanitized view of the page, visit original site.