iPadOS 26
iPadOS 18
ਇਸ ਕੰਟਰੋਲ ਦੀ ਸੋਧ ਕਰਨ ਨਾਲ ਇਹ ਪੰਨਾ ਆਪਣੇ ਆਪ ਅੱਪਡੇਟ ਹੋ ਜਾਵੇਗਾ

iPad ’ਤੇ ਇੱਕੋ ਸਮੇਂ ਇੱਕ ਤੋਂ ਵੱਧ ਵਿੰਡੋ ਨਾਲ ਕੰਮ ਕਰਨਾ

iPad ’ਤੇ ਤੁਸੀਂ ਕਈ ਐਪਾਂ ਜਾਂ ਇੱਕੋ ਐਪ ਦੀਆਂ ਕਈ ਵਿੰਡੋ ਵਿੱਚ ਕੰਮ ਕਰ ਸਕਦੇ ਹੋ। ਜਿਵੇਂ ਤੁਸੀਂ ਕੰਮ ਕਰਦੇ ਹੋ, ਤੁਸੀਂ ਵਿੰਡੋ ਦੇ ਆਕਾਰ ਬਦਲ ਸਕਦੇ ਹੋ, ਉਹਨਾਂ ਨੂੰ ਮੂਵ ਕਰ ਕੇ ਜੋੜ ਸਕਦੇ ਹੋ।

ਇੱਕ iPad ਸਕਰੀਨ, ਜਿਸ ਵਿੱਚ ਦੋ Mail ਵਿੰਡੋ ਅਤੇ ਇੱਕ ਨੋਟਸ ਵਿੰਡੋ ਵਿੱਚ ਚੱਲ ਰਹੇ ਕੰਮ ਨੂੰ ਦਿਖਾਇਆ ਜਾ ਰਿਹਾ ਹੈ।

ਕਈ ਵਿੰਡੋ ਵਿੱਚ ਕੰਮ ਕਰਨ ਲਈ iPad ਸੈੱਟ ਅੱਪ ਕਰਨਾ

  1. ਆਪਣੇ iPad ’ਤੇ ਸੈਟਿੰਗਾਂ ਐਪ  ’ਤੇ ਜਾਓ।

  2. “ਮਲਟੀਟਾਸਕਿੰਗ ਅਤੇ ਜੈਸਚਰ” ’ਤੇ ਟੈਪ ਕਰੋ, ਫਿਰ ਵਿੰਡੋ ਵਾਲੀਆਂ ਐਪਾਂ ਚੁਣੋ।

    iPad ਵਿੰਡੋ, ਜਿਸ ਵਿੱਚ “ਮਲਟੀਟਾਸਕਿੰਗ ਅਤੇ ਜੈਸਚਰ” ਸੈਟਿੰਗਾਂ ਨੂੰ ਦਿਖਾਇਆ ਜਾ ਰਿਹਾ ਹੈ।

ਵਿੰਡੋ ਦਾ ਆਕਾਰ ਬਦਲਣਾ ਅਤੇ ਮੂਵ ਕਰਨਾ

iPad ’ਤੇ ਇੱਕ ਵਿੰਡੋ ਖੁੱਲ੍ਹੀ ਹੈ, ਜਿਸ ਦੇ ਹੇਠਲੇ-ਸੱਜੇ ਕੋਨੇ ਵਿੱਚ ਆਕਾਰ ਬਦਲੋ ਹੈਂਡਲ ਅਤੇ ਉੱਪਰਲੇ ਖੱਬੇ ਕੋਨੇ ਵਿੱਚ ਵਿੰਡੋ ਕੰਟਰੋਲ ਹਨ।

ਕਿਸੇ ਐਪ ਨੂੰ ਖੋਲ੍ਹਣ ਲਈ, ਉਸ ’ਤੇ Dock ਵਿੱਚ, ਆਪਣੀ ਕਿਸੇ ਇੱਕ ਹੋਮ ਸਕਰੀਨ ’ਤੇ ਜਾਂ “ਐਪ ਲਾਇਬ੍ਰੇਰੀ” ਵਿੱਚ ਟੈਪ ਕਰੋ, ਫਿਰ ਹੇਠਾਂ ਲਿਖੇ ਕੰਮਾਂ ਵਿੱਚੋਂ ਕੋਈ ਵੀ ਕਰੋ:

  • ਕਿਸੇ ਵੀ ਵਿੰਡੋ ਦਾ ਆਕਾਰ ਬਦਲਣ ਲਈ: ਵਿੰਡੋ ਦੇ ਹੇਠਲੇ-ਸੱਜੇ ਕੋਨੇ ਵਿੱਚ ਆਕਾਰ ਬਦਲਣ ਵਾਲੇ ਹੈਂਡਲ ਨੂੰ ਡ੍ਰੈਗ ਕਰੋ।

  • ਵਿੰਡੋ ਨੂੰ ਮੂਵ ਕਰੋ: ਇਸ ਨੂੰ ਸਿਖਰ ਤੋਂ ਡ੍ਰੈਗ ਕਰੋ।

  • ਕਿਸੇ ਐਪ ਵਿੰਡੋ ਦਾ ਪ੍ਰਬੰਧਨ ਕਰਨ ਲਈ: ਐਪ ਦਾ ਆਕਾਰ ਬਦਲਣ ਤੋਂ ਬਾਅਦ, ਵਿੰਡੋ ਕੰਟਰੋਲ ਵਿੰਡੋ ਦੇ ਸਿਖਰਲੇ ਖੱਬੇ ਪਾਸੇ ਦਿਖਾਈ ਦਿੰਦਾ ਹੈ। ਤੁਸੀਂ ਆਪਣੀ ਵਿੰਡੋ ਨੂੰ ਬੰਦ ਕਰਨ, ਮਿਨੀਮਾਈਜ਼ ਕਰਨ ਜਾਂ ਇਸ ਨੂੰ ਦੁਬਾਰਾ ਪੂਰੀ ਸਕਰੀਨ ’ਤੇ ਕਰਨ ਲਈ ਇਹਨਾਂ ਕੰਟਰੋਲਾਂ ਦੀ ਵਰਤੋਂ ਕਰ ਸਕਦੇ ਹੋ। ਹੋਰ ਵਿਕਲਪਾਂ ਨੂੰ ਦਿਖਾਉਣ ਲਈ ਵਿੰਡੋ ਕੰਟਰੋਲ ਨੂੰ ਟੱਚ ਕਰ ਕੇ ਰੱਖੋ।

ਕੋਈ ਦੂਜੀ ਐਪ ਜਾਂ ਵਿੰਡੋ ਖੋਲ੍ਹਣੀ

  • Dock ਜਾਂ ਐਪ ਲਾਇਬ੍ਰੇਰੀ ਵਿੱਚ ਕਿਸੇ ਐਪ ’ਤੇ ਟੈਪ ਕਰੋ।

  • ਸਕਰੀਨ ਦੇ ਹੇਠਲੇ ਕਿਨਾਰੇ ਤੋਂ ਉੱਪਰ ਵੱਲ ਸਵਾਈਪ ਕਰੋ। ਇਸ ਨਾਲ ਤੁਹਾਡੀਆਂ ਵਿੰਡੋ ਨੂੰ ਆਰਜ਼ੀ ਤੌਰ ’ਤੇ ਸਕਰੀਨ ਦੇ ਕਿਨਾਰਿਆਂ ’ਤੇ ਮੂਵ ਕੀਤਾ ਜਾਂਦਾ ਹੈ ਤਾਂ ਜੋ ਤੁਸੀਂ ਆਪਣੀ ਹੋਮ ਸਕਰੀਨ ’ਤੇ ਐਪਾਂ ਨੂੰ ਦੇਖ ਅਤੇ ਖੋਲ੍ਹ ਸਕੋ।

ਜੇਕਰ ਤੁਸੀਂ ਕੋਈ ਕਿਸੇ ਐਪ ਨੂੰ ਪੂਰੀ ਸਕਰੀਨ ਵਿੱਚ ਖੋਲ੍ਹਦੇ ਹੋ, ਤਾਂ ਤੁਸੀਂ ਇਸ ਦਾ ਆਕਾਰ ਬਦਲ ਸਕਦੇ ਹੋ ਅਤੇ ਇਸ ਨੂੰ ਆਪਣੀਆਂ ਹੋਰ ਆਕਾਰ ਬਦਲੀਆਂ ਹੋਈਆਂ ਐਪ ਵਿੰਡੋ ਦੇ ਨਾਲ ਰੱਖ ਸਕਦੇ ਹੋ।

ਵਿੰਡੋ ਨੂੰ ਪੂਰੀ ਸਕਰੀਨ ’ਤੇ ਵਾਪਸ ਲਿਆਓ

ਜਦੋਂ ਤੁਹਾਡੇ ਕੋਲ ਬਦਲੇ ਆਕਾਰ ਵਾਲੀਆਂ ਕਈ ਵਿੰਡੋ ਖੁੱਲ੍ਹੀਆਂ ਹੋਣ, ਤਾਂ ਤੁਸੀਂ ਉਹਨਾਂ ਵਿੱਚੋਂ ਕਿਸੇ ਨੂੰ ਵੀ ਪੂਰੀ ਸਕਰੀਨ ਵਿੱਚ ਬਦਲ ਸਕਦੇ ਹੋ। ਹੇਠ ਲਿਖਿਆਂ ਵਿੱਚੋਂ ਇੱਕ ਕੰਮ ਕਰੋ:

  • ਵਿੰਡੋ ਦੇ ਸਿਖਰ ’ਤੇ ਵਿੰਡੋ ਕੰਟਰੋਲ ਬਟਨ ’ਤੇ ਟੈਪ ਕਰੋ, ਫਿਰ “ਪੂਰੀ ਸਕਰੀਨ” ਬਟਨ ’ਤੇ ਟੈਪ ਕਰੋ।

  • ਵਿੰਡੋ ਦੇ ਸਿਖਰਲੇ ਹਿੱਸੇ ’ਤੇ ਦੋ-ਵਾਰ ਟੈਪ ਕਰੋ।

  • ਵਿੰਡੋ ਨੂੰ ਸਿਖਰ ਤੋਂ ਹੇਠਲੇ ਪਾਸੇ ਨੂੰ ਡ੍ਰੈਗ ਕਰ ਕੇ ਹੋਲਡ ਕਰੋ, ਫਿਰ ਇਸ ਨੂੰ ਸਕਰੀਨ ਦੇ ਸਿਖਰ ਵੱਲ ਉੱਪਰ ਨੂੰ ਤੇਜ਼ੀ ਨਾਲ ਸਵਾਈਪ ਕਰੋ।

ਵਿੰਡੋ ਦਾ ਲੇਆਊਟ ਬਦਲਣਾ ਨੂੰ ਦੇਖੋ।

ਵਿੰਡੋ ਨੂੰ ਮਿਨੀਮਾਈਜ਼ ਜਾਂ ਬੰਦ ਕਰਨਾ

ਵਿੰਡੋ ਦੇ ਸਿਖਰ ’ਤੇ ਵਿੰਡੋ ਕੰਟਰੋਲ ਬਟਨ ’ਤੇ ਟੈਪ ਕਰੋ, ਫਿਰ ਹੇਠ ਲਿਖਿਆਂ ਵਿੱਚੋਂ ਕੋਈ ਵੀ ਕੰਮ ਕਰੋ:

  • ਵਿੰਡੋ ਨੂੰ ਮਿਨੀਮਾਈਜ਼ ਕਰਨ ਲਈ “ਮਿਨੀਮਾਈਜ਼ ਕਰੋ” ਬਟਨ ’ਤੇ ਟੈਪ ਕਰੋ।

  • ਵਿੰਡੋ ਬੰਦ ਕਰਨ ਲਈ “ਬੰਦ ਕਰੋ” ਬਟਨ ’ਤੇ ਟੈਪ ਕਰੋ।

ਸਲਾਹ: ਆਪਣੀਆਂ ਸਾਰੀਆਂ ਵਿੰਡੋ ਨੂੰ ਫੌਰਨ ਮਿਨੀਮਾਈਜ਼ ਕਰਨ ਲਈ, ਸਕਰੀਨ ਦੇ ਹੇਠਲੇ ਹਿੱਸੇ ਤੋਂ ਉੱਪਰ ਵੱਲ ਸਵਾਈਪ ਕਰੋ, ਫਿਰ ਦੁਬਾਰਾ ਉੱਪਰ ਵੱਲ ਸਵਾਈਪ ਕਰੋ।

Morty Proxy This is a proxified and sanitized view of the page, visit original site.
ਕੋਈ ਮਦਦ ਮਿਲੀ?
ਅੱਖਰ ਸੀਮਾ: 250
ਵੱਧ ਤੋਂ ਵੱਧ ਅੱਖਰ ਸੀਮਾ 250 ਹੈ
ਫ਼ੀਡਬੈਕ ਲਈ ਤੁਹਾਡਾ ਧੰਨਵਾਦ।
Morty Proxy This is a proxified and sanitized view of the page, visit original site.