iPadOS 26
iPadOS 18
ਇਸ ਕੰਟਰੋਲ ਦੀ ਸੋਧ ਕਰਨ ਨਾਲ ਇਹ ਪੰਨਾ ਆਪਣੇ ਆਪ ਅੱਪਡੇਟ ਹੋ ਜਾਵੇਗਾ

iPad ’ਤੇ ਸਟੇਜ ਮੈਨੇਜਰ ਨਾਲ ਵਿੰਡੋ ਵਿਵਸਥਿਤ ਕਰਨੀਆਂ

ਤੁਸੀਂ “ਸਟੇਜ ਮੈਨੇਜਰ” ਦੀ ਵਰਤੋਂ ਕਰ ਕੇ ਮਲਟੀਟਾਸਕ ਕਰ ਕੇ ਆਸਾਨੀ ਨਾਲ ਕੰਮ ਕਰ ਸਕਦੇ ਹੋ। ਤੁਸੀਂ ਖ਼ਾਸ ਕੰਮਾਂ ਜਾਂ ਪ੍ਰੋਜੈਕਟਾਂ ਲਈ ਐਪਾਂ ਦੇ ਗਰੁੱਪ ਬਣਾ ਸਕਦੇ ਹੋ ਅਤੇ ਵਿੰਡੋ ਦਾ ਪ੍ਰਬੰਧਨ ਵੀ ਕਰ ਸਕਦੇ ਹੋ, ਉਨ੍ਹਾਂ ਦਾ ਆਕਾਰ ਬਦਲ ਸਕਦੇ ਹੋ ਅਤੇ ਉਨ੍ਹਾਂ ਨੂੰ ਓਵਰਲੈਪ ਕਰ ਸਕਦੇ ਹੋ।

ਸਟੇਜ ਮੈਨੇਜਰ ਨੂੰ ਚਾਲੂ ਜਾਂ ਬੰਦ ਕਰੋ

  1. ਆਪਣੇ iPad ’ਤੇ ਸੈਟਿੰਗਾਂ ਐਪ  ’ਤੇ ਜਾਓ।

  2. “ਮਲਟੀਟਾਸਕਿੰਗ ਅਤੇ ਜੈਸਚਰ” ’ਤੇ ਟੈਪ ਕਰੋ, ਫਿਰ “ਸਟੇਜ ਮੈਨੇਜਰ” ਨੂੰ ਚੁਣੋ।

    iPad ਸੈਟਿੰਗਾਂ ਐਪ, ਮਲਟੀਟਾਸਕਿੰਗ ਅਤੇ ਜੈਸਚਰ ਵਿਕਲਪ ਦਿਖਾਉਂਦੀ ਹੈ ਜਿਸ ਨੂੰ ਤੁਸੀਂ ਇੱਕ ਤੋਂ ਵੱਧ ਐਪਾਂ ਵਿੱਚ ਕੰਮ ਕਰਨ ਲਈ ਚੁਣ ਸਕਦੇ ਹੋ।

ਜਦੋਂ ਤੁਸੀਂ ਸਟੇਜ ਮੈਨੇਜਰ ਨੂੰ ਚਾਲੂ ਕਰਦੇ ਹੋ, ਤਾਂ ਤੁਸੀਂ ਜਿਹੜੀਆਂ ਐਪਾਂ ’ਤੇ ਕੰਮ ਕਰ ਰਹੇ ਹੁੰਦੇ ਹੋ, ਉਹ ਅੱਗੇ ਆ ਜਾਂਦੀਆਂ ਹਨ ਅਤੇ ਬਾਕੀ ਖੁੱਲ੍ਹੀਆਂ ਐਪਾਂ ਸਕਰੀਨ ਦੇ ਖੱਬੇ ਪਾਸੇ “ਹਾਲੀਆ” ਐਪਾਂ ਦੀ ਸੂਚੀ ਬਣਾਉਂਦੀਆਂ ਹਨ।

“ਸਟੇਜ ਮੈਨੇਜਰ ਨਾਲ iPad ਡਿਸਪਲੇ” ਨੂੰ ਚਾਲੂ ਕੀਤਾ ਗਿਆ। ਅਗਲੇ ਪਾਸੇ ਮੌਜੂਦਾ ਵਿੰਡੋ ਹੈ ਅਤੇ ਹੋਰ ਹਾਲੀਆ ਐਪਾਂ ਸਕਰੀਨ ਦੇ ਖੱਬੇ ਪਾਸੇ ਸੂਚੀ ਵਿੱਚ ਹਨ।

“ਸਟੇਜ ਮੈਨੇਜਰ” ਵਿੱਚ ਐਪਾਂ ਵਿਚਕਾਰ ਸਵਿੱਚ ਕਰਨਾ

ਸਟੇਜ ਮੈਨੇਜਰ ਨਾਲ, ਤੁਸੀਂ ਹਾਲੀਆ ਐਪਾਂ ਦੀ ਸੂਚੀ ਵਿੱਚ ਕਿਸੇ ਹੋਰ ਐਪ ਨੂੰ ਟੈਪ ਕਰ ਕੇ ਜਾਂ Dock ਵਿੱਚ ਆਈਕਨ ’ਤੇ ਟੈਪ ਕਰ ਕੇ ਐਪਾਂ ਨੂੰ ਸਵਿੱਚ ਕਰ ਸਕਦੇ ਹੋ।

ਜਦੋਂ ਤੁਸੀਂ ਕਿਸੇ ਹੋਰ ਐਪ ’ਤੇ ਸਵਿੱਚ ਕਰਦੇ ਹੋ, ਤਾਂ ਤੁਸੀਂ ਜਿਸ ਐਪ ਜਾਂ ਗਰੁੱਪ ’ਤੇ ਕੰਮ ਕਰ ਰਹੇ ਹੁੰਦੇ ਹੋ, ਉਹ ਹਾਲੀਆ ਐਪਾਂ ਦੀ ਸੂਚੀ ਵਿੱਚ ਖੱਬੇ ਪਾਸੇ ਮੂਵ ਹੋ ਜਾਂਦਾ ਹੈ ਅਤੇ ਉਸ ਨੂੰ ਤੁਹਾਡੇ ਦੁਆਰਾ ਟੈਪ ਕੀਤੀ ਗਈ ਐਪ ਨਾਲ ਬਦਲ ਦਿੱਤਾ ਜਾਂਦਾ ਹੈ।

ਤੁਸੀਂ ਐਪਾਂ ਨੂੰ ਸਵਿੱਚ ਕਰਨ ਲਈ ਹੇਠ ਦਿੱਤੀ ਕੋਈ ਗਤੀਵਿਧੀ ਕਰ ਸਕਦੇ ਹੋ:

  • ਸਕਰੀਨ ਦੇ ਹੇਠਲੇ ਹਿੱਸੇ ਤੋਂ ਉੱਪਰ ਵੱਲ ਸਵਾਈਪ ਕਰੋ, ਫਿਰ ਹਾਲੀਆ ਐਪਾਂ ਅਤੇ ਗਰੁੱਪ ਦੇਖਣ ਲਈ ਸਕਰੀਨ ਦੇ ਵਿਚਕਾਰ ਰੁਕੋ।

  • ਸਕਰੀਨ ਦੇ ਹੇਠਲੇ ਕਿਨਾਰੇ ’ਤੇ ਇੱਕ ਉਂਗਲੀ ਨਾਲ ਖੱਬੇ ਜਾਂ ਸੱਜੇ ਪਾਸੇ ਨੂੰ ਸਵਾਈਪ ਕਰੋ। (ਹੋਮ ਬਟਨ ਵਾਲੇ iPad ’ਤੇ, ਇਸ ਜੈਸਚਰ ਨੂੰ ਮਾਮੂਲੀ ਚਾਪ ਨਾਲ ਕਰੋ।)

  • ਚਾਰ ਜਾਂ ਪੰਜ ਉਂਗਲਾਂ ਨਾਲ ਖੱਬੇ ਜਾਂ ਸੱਜੇ ਪਾਸੇ ਨੂੰ ਸਵਾਈਪ ਕਰੋ।

iPad ’ਤੇ ਐਪਾਂ ਵਿਚਕਾਰ ਸਵਿੱਚ ਕਰੋ ਨੂੰ ਦੇਖੋ।

ਸਟੇਜ ਮੈਨੇਜਰ ਵਿੱਚ ਐਪਾਂ ਨੂੰ ਗਰੁੱਪਾਂ ਵਿੱਚ ਵਿਵਸਥਿਤ ਕਰਨਾ

ਤੁਸੀਂ ਹਾਲੀਆ ਐਪਾਂ ਦੀ ਸੂਚੀ ਵਿੱਚੋਂ ਐਪ ਵਿੰਡੋ ਨੂੰ ਸਕਰੀਨ ਦੇ ਵਿਚਕਾਰ ਡ੍ਰੈਗ ਕਰ ਕੇ ਖ਼ਾਸ ਕੰਮਾਂ ਜਾਂ ਪ੍ਰੋਜੈਕਟਾਂ ਲਈ ਵਿੰਡੋ ਦੇ ਗਰੁੱਪ ਬਣਾ ਸਕਦੇ ਹੋ। ਤੁਸੀਂ ਐਪ ਆਈਕਨਾਂ ਨੂੰ Dock ਤੋਂ ਸਕਰੀਨ ਦੇ ਵਿਚਕਾਰ ਡ੍ਰੈਗ ਕਰ ਕੇ ਵੀ ਕਿਸੇ ਗਰੁੱਪ ਵਿੱਚ ਜੋੜ ਸਕਦੇ ਹੋ।

ਤੁਸੀਂ ਵਿੰਡੋ ਨੂੰ ਖੱਬੇ ਪਾਸੇ ਡ੍ਰੈਗ ਕਰ ਕੇ ਇਸ ਨੂੰ “ਹਾਲੀਆ” ਐਪਾਂ ਦੀ ਸੂਚੀ ਵਿੱਚ ਵਾਪਸ ਲਿਆ ਸਕਦੇ ਹੋ। ਜੇਕਰ ਤੁਸੀਂ ਐਪ ਗਰੁੱਪ ਵਿੱਚ ਕਿਸੇ ਵਿੰਡੋ ਨੂੰ ਮਿਨੀਮਾਈਜ਼ ਕਰਦੇ ਹੋ, ਤਾਂ ਐਪ ਵਿੰਡੋ ਨੂੰ ਗਰੁੱਪ ਤੋਂ ਹਟਾ ਦਿੱਤਾ ਜਾਂਦਾ ਹੈ ਅਤੇ ਇਸ ਨੂੰ ਹਾਲੀਆ ਐਪਾਂ ਦੀ ਸੂਚੀ ਵਿੱਚ ਵਾਪਸ ਭੇਜ ਦਿੱਤਾ ਜਾਂਦਾ ਹੈ।

ਹਾਲੀਆ ਐਪਾਂ ਦੀ ਸੂਚੀ ਲੁਕਾਓ ਜਾਂ ਦਿਖਾਓ

  1. ਆਪਣੇ iPad ’ਤੇ ਸੈਟਿੰਗਾਂ ਐਪ  ’ਤੇ ਜਾਓ।

  2. “ਮਲਟੀਟਾਸਕਿੰਗ ਅਤੇ ਜੈਸਚਰ” ’ਤੇ ਟੈਪ ਕਰੋ, ਫਿਰ “ਸਟੇਜ ਮੈਨੇਜਰ” ਲਈ ਚੈੱਕਬਾਕਸ ਨੂੰ ਚੁਣੋ ਜਾਂ ਅਣਚੁਣਿਆ ਕਰੋ।

ਸਲਾਹ: ਜੇਕਰ ਹਾਲੀਆ ਐਪਾਂ ਦੀ ਸੂਚੀ ਉਦੋਂ ਲੁਕ ਜਾਂਦੀ ਹੈ, ਜਦੋਂ ਤੁਸੀਂ ਕਿਸੇ ਵਿੰਡੋ ਨੂੰ ਬਹੁਤ ਨੇੜੇ ਲੈ ਜਾਂਦੇ ਹੋ, ਤਾਂ ਤੁਸੀਂ ਸਕਰੀਨ ਦੇ ਖੱਬੇ ਕਿਨਾਰੇ ਤੋਂ ਸਵਾਈਪ ਕਰ ਕੇ ਇਸ ਨੂੰ ਦੁਬਾਰਾ ਦੇਖ ਸਕਦੇ ਹੋ।

Morty Proxy This is a proxified and sanitized view of the page, visit original site.
ਕੋਈ ਮਦਦ ਮਿਲੀ?
ਅੱਖਰ ਸੀਮਾ: 250
ਵੱਧ ਤੋਂ ਵੱਧ ਅੱਖਰ ਸੀਮਾ 250 ਹੈ
ਫ਼ੀਡਬੈਕ ਲਈ ਤੁਹਾਡਾ ਧੰਨਵਾਦ।
Morty Proxy This is a proxified and sanitized view of the page, visit original site.