iPadOS 26
iPadOS 18
ਇਸ ਕੰਟਰੋਲ ਦੀ ਸੋਧ ਕਰਨ ਨਾਲ ਇਹ ਪੰਨਾ ਆਪਣੇ ਆਪ ਅੱਪਡੇਟ ਹੋ ਜਾਵੇਗਾ

iPad ‘ਤੇ ਸੁਨੇਹੇ ਐਪ ਨਾਲ ਪ੍ਰੋਜੈਕਟਾਂ ’ਤੇ ਸਹਿਯੋਗ ਦੇਣਾ

ਸੁਨੇਹੇ ਐਪ ਵਿੱਚ, ਤੁਸੀਂ ਕਿਸੇ ਪ੍ਰੋਜੈਕਟ ‘ਤੇ ਸਹਿਯੋਗ ਕਰਨ ਲਈ ਲੋਕਾਂ ਨੂੰ ਸੱਦਾ ਦੇਣ ਲਈ ਟੈਕਸਟ ਸੁਨੇਹਾ ਭੇਜ ਸਕਦੇ ਹੋ ਅਤੇ ਗੱਲਬਾਤ ਵਿੱਚ ਸ਼ਾਮਲ ਹਰੇਕ ਵਿਅਕਤੀ ਨੂੰ ਦਸਤਾਵੇਜ਼, ਸਪ੍ਰੈੱਡਸ਼ੀਟ ਜਾਂ ਹੋਰ ਸਾਂਝੀ ਕੀਤੀ ਗਈ ਫ਼ਾਈਲ ਵਿੱਚ ਸ਼ਾਮਲ ਕੀਤਾ ਜਾਂਦਾ ਹੈ।

ਨੋਟ: ਸੁਨੇਹੇ ਐਪ ਨਾਲ ਕਿਸੇ ਪ੍ਰੋਜੈਕਟ ਵਿੱਚ ਸਹਿਯੋਗ ਕਰਨਾ ਸ਼ੁਰੂ ਕਰਨ ਲਈ, ਤੁਹਾਨੂੰ ਅਤੇ ਤੁਹਾਡੇ ਪ੍ਰਾਪਤਕਰਤਾਵਾਂ ਨੂੰ iOS 16, iPadOS 16, macOS 13, watchOS 9, visionOS 1 ਜਾਂ ਉਸ ਤੋਂ ਬਾਅਦ ਦੇ ਸੰਸਕਰਨਾਂ ’ਤੇ iMessage ਦੀ ਵਰਤੋਂ ਕਰਨਾ ਲਾਜ਼ਮੀ ਹੈ ਅਤੇ ਤੁਹਾਨੂੰ ਪਹਿਲਾਂ ਉਸ ਕੰਟੈਂਟ ਨੂੰ iCloud Drive ਵਰਗੀ ਕਿਸੇ ਥਾਂ ’ਤੇ ਸੰਭਾਲਣਾ ਚਾਹੀਦਾ ਹੈ ਜਿੱਥੇ ਹੋਰ ਲੋਕ ਇਸ ਨੂੰ ਐਕਸੈੱਸ ਕਰ ਸਕਣ। iPad ਐਪਾਂ ਦੇ ਸਹਿਯੋਗ ਫ਼ੀਚਰਾਂ ਦੀ ਵਰਤੋਂ ਕਰਨ ਲਈ ਤੁਹਾਨੂੰ iCloud ਨੂੰ ਚਾਲੂ ਕਰਨਾ ਪੈ ਸਕਦਾ ਹੈ। iCloud ਵਰਤੋਂਕਾਰ ਗਾਈਡ ਵਿੱਚ ਆਪਣੇ ਸਾਰੇ ਡਿਵਾਈਸਾਂ ’ਤੇ iCloud ਦਾ ਸੈੱਟ ਅੱਪ ਕਰਨਾ ਨੂੰ ਦੇਖੋ।

ਸਹਿਯੋਗ ਕਰਨ ਲਈ ਲੋਕਾਂ ਨੂੰ ਸੱਦਾ ਦਿਓ

ਤੁਸੀਂ ਲੋਕਾਂ ਨੂੰ ਕਿਸੇ ਹੋਰ ਐਪ ਤੋਂ ਪ੍ਰੋਜੈਕਟ ‘ਤੇ ਸਹਿਯੋਗ ਕਰਨ ਲਈ ਸੱਦਾ ਦੇ ਸਕਦੇ ਹੋ ਅਤੇ ਫਿਰ ਸੁਨੇਹੇ ਵਿੱਚ ਆਪਣੇ ਕੰਟੈਂਟ ਬਾਰੇ ਚਰਚਾ ਕਰ ਸਕਦੇ ਹੋ। ਨੋਟਸ, Freeform, ਰਿਮਾਈਂਡਰ, Safari, Keynote, Numbers, Pages ਵਰਗੀਆਂ ਹੋਰ ਐਪਾਂ ਤੋਂ ਫ਼ਾਈਲਾਂ ਸਾਂਝੀਆਂ ਕਰੋ, ਜਦੋਂ ਤੱਕ ਤੁਸੀਂ ਪਹਿਲਾਂ iCloud ਸੈਟਿੰਗਾਂ ਵਿੱਚ ਉਹਨਾਂ ਦੇ ਸਹਿਯੋਗ ਫ਼ੀਚਰਾਂ ਨੂੰ ਚਾਲੂ ਕਰਦੇ ਹੋ ਅਤੇ ਕੰਟੈਂਟ ਨੂੰ iCloud Drive ਵਰਗੀ ਕਿਸੇ ਥਾਂ ’ਤੇ ਸੰਭਾਲਦੇ ਹੋ ਜਿੱਥੇ ਹੋਰ ਲੋਕ ਇਸ ਨੂੰ ਐਕਸੈੱਸ ਕਰ ਸਕਣ।

ਕਿਸੇ ਨੂੰ ਸਹਿਯੋਗ ਕਰਨ ਲਈ ਸੱਦਣ ਦੀ ਪ੍ਰਕਿਰਿਆ ਐਪ ‘ਤੇ ਨਿਰਭਰ ਕਰਦੀ ਹੈ। ਇਹ ਇੱਕ ਤਰੀਕਾ ਹੈ ਜਿਸ ਨਾਲ ਤੁਸੀਂ ਕਿਸੇ ਸਹਾਇਕ ਐਪ ਵਿੱਚ ਸਹਿਯੋਗ ਸ਼ੁਰੂ ਕਰ ਸਕਦੇ ਹੋ:

  1. ਉਹ ਫ਼ਾਈਲ ਚੁਣੋ ਜੋ ਤੁਸੀਂ ਸਾਂਝਾ ਕਰਨੀ ਚਾਹੁੰਦੇ ਹੋ, ਫਿਰ “ਸਾਂਝਾ ਕਰੋ” ਬਟਨ ’ਤੇ ਟੈਪ ਕਰੋ ਜਾਂ “ਸਹਿਯੋਗ ਕਰੋ” ’ਤੇ ਟੈਪ ਕਰੋ।

  2. ਯਕੀਨੀ ਬਣਾਓ ਕਿ ਸਹਿਯੋਗ ਕਰੋ (ਕਾਪੀ ਭੇਜੋ ਦੀ ਬਜਾਏ) ਨੂੰ ਚੁਣਿਆ ਗਿਆ ਹੈ, ਫਿਰ ਉਸ ਗਰੁੱਪ ਜਾਂ ਵਿਅਕਤੀ ’ਤੇ ਟੈਪ ਕਰੋ ਜਿਸ ਨਾਲ ਤੁਸੀਂ ਸਹਿਯੋਗ ਕਰਨਾ ਚਾਹੁੰਦੇ ਹੋ। ਜੇਕਰ ਤੁਹਾਨੂੰ ਸੂਚੀਬੱਧ ਗਰੁੱਪ ਜਾਂ ਵਿਅਕਤੀ ਦਿਖਾਈ ਨਹੀਂ ਦੇ ਰਹੇ, ਤਾਂ ਸੁਨੇਹੇ ਐਪ ਆਈਕਨ ’ਤੇ ਟੈਪ ਕਰੋ।

    ਸੁਝਾਏ ਗਏ ਆਈਕਨ ਉਹਨਾਂ ਗਰੁੱਪਾਂ ਜਾਂ ਵਿਅਕਤੀਆਂ ਨੂੰ ਦਰਸਾਉਂਦੇ ਹਨ ਜਿਨ੍ਹਾਂ ਕੋਲ ਕਿਰਿਆਸ਼ੀਲ FaceTime ਕਾਲਾਂ ਜਾਂ ਹਾਲੀਆ ਸੁਨੇਹੇ ਸੰਬੰਧੀ ਗੱਲਬਾਤਾਂ ਹਨ।

  3. ਭੇਜਣ ਲਈ ਤਿਆਰ ਸੱਦੇ ਦੇ ਨਾਲ ਸੁਨੇਹੇ ਐਪ ਦੀ ਗੱਲਬਾਤ ਖੁੱਲ੍ਹਦੀ ਹੈ। ਨੋਟ ਜੋੜੋ (ਵਿਕਲਪਿਕ), ਫਿਰ “ਭੇਜੋ” ਬਟਨ ’ਤੇ ਟੈਪ ਕਰੋ।

ਨੋਟਸ ਐਪ ਵਿੱਚ ਚੈੱਕਲਿਸਟ ਦਾ ਸਹਿਯੋਗੀ ਸੱਦਾ, “ਸਾਂਝਾ ਕਰੋ” ਵਿਕਲਪ ਲਈ “ਸਹਿਯੋਗ ਕਰੋ” ਅਤੇ ਐਕਸੈੱਸ ਅਤੇ ਇਜਾਜ਼ਤ ਦਿਓ ਸੈਟਿੰਗ ਦੇ ਰੂਪ ਵਿੱਚ “ਸਿਰਫ਼ ਤੁਹਾਡੇ ਵੱਲੋਂ ਸੱਦੇ ਗਏ ਲੋਕ ਹੀ ਸੋਧ ਕਰ ਸਕਦੇ ਹਨ” ਦਿਖਾਇਆ ਗਿਆ ਹੈ। ਗਰੁੱਪ ਸਮੇਤ ਚਾਰ ਸੰਭਾਵਿਤ ਪ੍ਰਾਪਤਕਰਤਾ ਇਸ ਦੇ ਹੇਠਾਂ ਕਤਾਰ ਬਣਾਉਂਦੇ ਹਨ। ਅਗਲੀ ਕਤਾਰ ਨੋਟ ਨੂੰ ਸਾਂਝਾ ਕਰਨ ਦੇ ਵੱਖ-ਵੱਖ ਤਰੀਕੇ ਪੇਸ਼ ਕਰਦੀ ਹੈ: AirDrop, ਸੁਨੇਹੇ, Mail ਅਤੇ ਰਿਮਾਈਂਡਰ। ਆਖ਼ਰੀ ਕਤਾਰ ਵਿੱਚ ਨੋਟ ਨੂੰ ਕਾਪੀ, ਐਕਸਪੋਰਟ ਅਤੇ ਸੰਭਾਲਣ ਲਈ ਬਟਨ ਹਨ।

ਸੁਨੇਹੇ ਐਪ ਵਿੱਚ ਭਾਗੀਦਾਰਾਂ ਨੂੰ ਸੱਦਾ ਦੇਣ ਤੋਂ ਬਾਅਦ ਤੁਸੀਂ ਦੂਜੀ ਐਪ ਵਿੱਚ ਪ੍ਰੋਜੈਕਟ ’ਤੇ ਕੰਮ ਕਰ ਸਕਦੇ ਹੋ ਅਤੇ ਉਸ ਐਪ ਵਿੱਚ ਸਹਿਯੋਗੀ ਬਟਨ ਨੂੰ ਟੈਪ ਕਰ ਕੇ ਸੁਨੇਹੇ ਦੀ ਗੱਲਬਾਤ ’ਤੇ ਵਾਪਸ ਆ ਸਕਦੇ ਹੋ।

ਜਦੋਂ ਕੋਈ ਇਸ ਫ਼ਾਈਲ ਦਾ ਸੰਪਾਦਨ ਕਰਦਾ ਹੈ, ਤਾਂ ਤੁਸੀਂ ਸੁਨੇਹੇ ਵਾਰਤਾਲਾਪ ਦੇ ਸਿਖਰ ‘ਤੇ ਅੱਪਡੇਟ ਦੇਖ ਸਕਦੇ ਹੋ। ਸਾਂਝੇ ਕੀਤੇ ਪ੍ਰੋਜੈਕਟ ‘ਤੇ ਵਾਪਸ ਜਾਣ ਅਤੇ ਤਬਦੀਲੀਆਂ ਦੇਖਣ ਲਈ, ਅੱਪਡੇਟ ‘ਤੇ ਟੈਪ ਕਰੋ।

ਨੋਟ: ਤੁਹਾਡੇ ਭਾਗੀਦਾਰਾਂ ਨੂੰ ਤੁਹਾਡੇ ਸੱਦੇ ਨੂੰ ਸਵੀਕਾਰ ਕਰਨ ਜਾਂ ਸਾਂਝੀ ਕੀਤੀ ਆਈਟਮ ਨਾਲ ਸੰਪਰਕ ਕਰਨ ਜਾਂ ਕੋਈ ਅੱਪਡੇਟ ਦੇਖਣ ਤੋਂ ਪਹਿਲਾਂ ਉਸ ਵਿੱਚ ਸ਼ਾਮਲ ਹੋਣ ਦੀ ਜ਼ਰੂਰਤ ਪੈ ਸਕਦੀ ਹੈ।

ਸਲਾਹ: ਜਦੋਂ ਤੁਹਾਡੀਆਂ ਫ਼ਾਈਲਾਂ ਅਤੇ ਸੁਨੇਹੇ ਸਪਲਿਟ ਸਕਰੀਨ ਵਿੱਚ ਖੁੱਲ੍ਹੇ ਹੁੰਦੇ ਹਨ ਤਾਂ ਤੁਸੀਂ ਫ਼ਾਈਲ ਨੂੰ ਨਵੀਂ ਸੁਨੇਹਾ ਵਿੰਡੋ ਵਿੱਚ ਡ੍ਰੈਗ ਕਰ ਕੇ ਅਤੇ ਭੇਜਣ ਤੋਂ ਪਹਿਲਾਂ ਪੌਪ-ਅੱਪ ਮੈਨਿਊ ਵਿੱਚ ਸਹਿਯੋਗ ਦੀ ਚੋਣ ਕਰ ਕੇ ਸਹਿਯੋਗ ਸ਼ੁਰੂ ਕਰ ਸਕਦੇ ਹੋ।

ਸੁਨੇਹੇ ਐਪ ਵਿੱਚ ਪ੍ਰੋਜੈਕਟ ‘ਤੇ ਸਹਿਯੋਗ ਕਰੋ

ਆਪਣੇ ਪ੍ਰੋਜੈਕਟ ਨੂੰ ਸਾਂਝਾ ਕਰਨ ਤੋਂ ਬਾਅਦ, ਜਦੋਂ ਵੀ ਕੋਈ ਸੋਧ ਕਰਦਾ ਹੈ, ਤੁਹਾਨੂੰ ਸੁਨੇਹੇ ਦੀ ਗੱਲਬਾਤ ਦੇ ਸਿਖਰ ’ਤੇ ਗਤੀਵਿਧੀ ਦੇ ਅੱਪਡੇਟ ਦਿਖਾਈ ਦਿੰਦੇ ਹਨ।

  1. ਆਪਣੇ iPad ‘ਤੇ ਸੁਨੇਹੇ ਐਪ ‘ਤੇ ਜਾਓ।

  2. ਉਸ ਗੱਲਬਾਤ ‘ਤੇ ਜਾਓ ਜਿਸ ਵਿੱਚ ਉਸ ਪ੍ਰੋਜੈਕਟ ਦਾ ਸੱਦਾ ਸ਼ਾਮਲ ਹੈ ਜਿਸ ‘ਤੇ ਤੁਸੀਂ ਸਹਿਯੋਗ ਕਰਨਾ ਸ਼ੁਰੂ ਕੀਤਾ ਹੈ, ਫਿਰ ਪ੍ਰੋਜੈਕਟ ‘ਤੇ ਵਾਪਸ ਜਾਣ ਲਈ ਹੇਠ ਲਿਖਿਆਂ ਵਿੱਚੋਂ ਕੋਈ ਵੀ ਕੰਮ ਕਰੋ:

    • ਇਸ ਨੂੰ ਖੋਲ੍ਹਣ ਲਈ ਆਪਣੀ ਗੱਲਬਾਤ ਵਿੱਚ ਫ਼ਾਈਲ ’ਤੇ ਟੈਪ ਕਰੋ।

    • ਜੇਕਰ ਤੁਸੀਂ ਗੱਲਬਾਤ ਦੇ ਸਿਖਰ ‘ਤੇ ਕੋਈ ਅੱਪਡੇਟ ਦੇਖਦੇ ਹੋ, ਤਾਂ “ਦਿਖਾਓ” ‘ਤੇ ਟੈਪ ਕਰੋ।

    • ਸਕਰੀਨ ਦੇ ਸਿਖਰ ’ਤੇ ਆਪਣੇ ਭਾਗੀਦਾਰ ਜਾਂ ਗਰੁੱਪ ਆਈਕਨ ’ਤੇ ਟੈਪ ਕਰੋ, ਸਹਿਯੋਗ ’ਤੇ ਸਕ੍ਰੌਲ ਕਰੋ ਅਤੇ ਫਿਰ ਸਾਂਝੇ ਕੀਤੇ ਪ੍ਰੋਜੈਕਟ ’ਤੇ ਟੈਪ ਕਰੋ।

ਜਦੋਂ ਤੁਸੀਂ ਪ੍ਰੋਜੈਕਟ ਵਿੱਚ ਕੋਈ ਵੀ ਤਬਦੀਲੀ ਜਾਂ ਸੋਧ ਕਰਦੇ ਹੋ, ਤਾਂ ਤੁਹਾਡੇ ਭਾਗੀਦਾਰਾਂ ਨੂੰ ਗੱਲਬਾਤ ਵਿੱਚ ਅੱਪਡੇਟ ਮਿਲਦੇ ਰਹਿੰਦੇ ਹਨ।

ਨੋਟ: ਜੇਕਰ ਤੁਸੀਂ ਕਿਸੇ ਨਵੇਂ ਵਿਅਕਤੀ ਨੂੰ ਗਰੁੱਪ ਗੱਲਬਾਤ ਵਿੱਚ ਸ਼ਾਮਲ ਕਰਦੇ ਹੋ, ਤਾਂ ਤੁਹਾਨੂੰ ਉਨ੍ਹਾਂ ਨੂੰ ਉਹਨਾਂ ਪ੍ਰੋਜੈਕਟਾਂ ਦਾ ਐਕਸੈੱਸ ਦੇਣਾ ਪਵੇਗਾ ਜਿਨ੍ਹਾਂ ‘ਤੇ ਤੁਸੀਂ ਸਹਿਯੋਗ ਕਰ ਰਹੇ ਹੋ। ਜੇ ਉਹਨਾਂ ਨੂੰ ਗਰੁੱਪ ਗੱਲਬਾਤ ਵਿੱਚ ਹਾਲ ਹੀ ਵਿੱਚ ਸ਼ਾਮਲ ਕੀਤਾ ਹੈ, ਤਾਂ ਤੁਸੀਂ ਉਹਨਾਂ ਨੂੰ ਸ਼ਾਮਲ ਕਰ ਲਈ ਸਕਰੀਨ ਦੇ ਸਿਖਰ ’ਤੇ ਸੂਚਨਾ ’ਤੇ ਟੈਪ ਕਰ ਸਕਦੇ ਹੋ। ਜਾਂ ਉਹਨਾਂ ਨੂੰ ਸਹਿਯੋਗ ਕਰਨ ਲਈ ਸੱਦਾ ਦਿਓ।

ਸਹਿਯੋਗ ਅਤੇ ਗਰੁੱਪ ਦਾ ਪ੍ਰਬੰਧਨ ਕਰਨਾ

ਜੇਕਰ ਤੁਸੀਂ ਸੁਨੇਹੇ ਦੀ ਗੱਲਬਾਤ ਵਿੱਚ ਦੋ ਜਾਂ ਦੋ ਤੋਂ ਵੱਧ ਲੋਕਾਂ ਨਾਲ ਪ੍ਰੋਜੈਕਟ ਸਾਂਝਾ ਕਰਦੇ ਹੋ, ਤਾਂ ਤੁਸੀਂ ਭਾਗੀਦਾਰਾਂ ਨੂੰ ਜੋੜ ਜਾਂ ਹਟਾ ਸਕਦੇ ਹੋ।

  1. ਆਪਣੇ iPad ‘ਤੇ ਸੁਨੇਹੇ ਐਪ ‘ਤੇ ਜਾਓ।

  2. ਉਸ ਗੱਲਬਾਤ ‘ਤੇ ਜਾਓ ਜਿਸ ਨੂੰ ਤੁਸੀਂ ਪ੍ਰਬੰਧਿਤ ਕਰਨਾ ਚਾਹੁੰਦੇ ਹੋ, ਫਿਰ ਗਰੁੱਪ ਗੱਲਬਾਤ ਬਾਰੇ ਵੇਰਵੇ ਖੋਲ੍ਹਣ ਲਈ ਗੱਲਬਾਤ ਦੇ ਸਿਖਰ ਤੇ ਗਰੁੱਪ ਆਈਕਨ ‘ਤੇ ਟੈਪ ਕਰੋ।

  3. ਹੇਠ ਲਿਖਿਆਂ ਵਿੱਚੋਂ ਕੋਈ ਵੀ ਕੰਮ ਕਰੋ:

    • ਨਵੇਂ ਭਾਗੀਦਾਰਾਂ ਨੂੰ ਜੋੜੋ: “ਜੋੜੋ” ’ਤੇ ਟੈਪ ਕਰੋ, ਫਿਰ ਸੰਪਰਕ ਜੋੜੋ। (“ਜੋੜੋ” ਦੇਖਣ ਲਈ ਤੁਹਾਨੂੰ ਹੇਠਾਂ ਸਕ੍ਰੌਲ ਕਰਨ ਦੀ ਲੋੜ ਪੈ ਸਕਦੀ ਹੈ।)

      ਜੇਕਰ ਤੁਸੀਂ ਸਿਰਫ਼ ਇੱਕ ਹੋਰ ਵਿਅਕਤੀ ਨਾਲ ਸਹਿਯੋਗ ਕਰਨਾ ਸ਼ੁਰੂ ਕੀਤਾ ਹੈ, ਤਾਂ ਲੋਕਾਂ ਨੂੰ ਸਹਿਯੋਗ ਵਿੱਚ ਸ਼ਾਮਲ ਕਰਨ ਲਈ ਤੁਹਾਨੂੰ ਨਵੀਂ ਗੱਲਬਾਤ ਸ਼ੁਰੂ ਕਰਨੀ ਪਵੇਗੀ।

      ਨੋਟ: ਤੁਹਾਨੂੰ ਨਵੇਂ ਭਾਗੀਦਾਰਾਂ ਨੂੰ ਉਹਨਾਂ ਸਾਰੀਆਂ ਫ਼ਾਈਲਾਂ ਵਿੱਚ ਸ਼ਾਮਲ ਕਰਨਾ ਪਵੇਗਾ ਹੈ ਜੋ ਉਹਨਾਂ ਦੇ ਸ਼ਾਮਲ ਹੋਣ ਤੋਂ ਪਹਿਲਾਂ ਗੱਲਬਾਤ ਵਿੱਚ ਸਾਂਝੀਆਂ ਕੀਤੀਆਂ ਗਈਆਂ ਸਨ। ਜਿਵੇਂ ਹੀ ਤੁਸੀਂ ਭਾਗੀਦਾਰਾਂ ਨੂੰ ਸ਼ਾਮਲ ਕਰਦੇ ਹੋ, ਗੱਲਬਾਤ ਦੇ ਸਿਖਰ ’ਤੇ ਸੂਚਨਾ ਦਿਖਾਈ ਦਿੰਦੀ ਹੈ। ਪਹਿਲਾਂ ਸਾਂਝੀਆਂ ਕੀਤੀਆਂ ਗਈਆਂ ਫ਼ਾਈਲਾਂ ਦੀ ਸਮੀਖਿਆ ਕਰਨ ਲਈ ਸੂਚਨਾ ਵਿੱਚ ਦਿਖਾਓ ‘ਤੇ ਟੈਪ ਕਰੋ ਜਿਸ ਵਿੱਚ ਤੁਸੀਂ ਨਵੇਂ ਭਾਗੀਦਾਰਾਂ ਨੂੰ ਸ਼ਾਮਲ ਕਰ ਸਕਦੇ ਹੋ।

    • ਕਿਸੇ ਭਾਗੀਦਾਰ ਨੂੰ ਗੱਲਬਾਤ ਵਿੱਚੋਂ ਹਟਾਉਣ ਲਈ: ਉਹਨਾਂ ਦੇ ਆਈਕਨ ਨੂੰ ਟੱਚ ਕਰ ਕੇ ਰੱਖੋ, ਫਿਰ “ਗਰੁੱਪ ਵਿੱਚੋਂ ਹਟਾਓ” ’ਤੇ ਟੈਪ ਕਰੋ।

      ਮਹੱਤਵਪੂਰਨ: ਉਹ ਐਪਾਂ ਜਿੱਥੇ ਸਹਿਯੋਗ ਹੁੰਦਾ ਹੈ, ਆਮ ਤੌਰ ‘ਤੇ ਪ੍ਰੋਜੈਕਟ ਦੀ ਐਕਸੈੱਸ ਨੂੰ ਕੰਟਰੋਲ ਕਰਦੀਆਂ ਹਨ। ਦੇਖਣ ਜਾਂ ਸੰਪਾਦਨ ਕਰਨ ਦੇ ਵਿਸ਼ੇਸ਼ ਅਧਿਕਾਰਾਂ ਨੂੰ ਪੂਰੀ ਤਰ੍ਹਾਂ ਹਟਾਉਣ ਲਈ ਐਪ ਵਿੱਚ ਆਪ ਹੀ ਭਾਗੀਦਾਰ ਐਕਸੈੱਸ ਨੂੰ ਚੈੱਕ ਕਰੋ।

ਹੋ ਸਕਦਾ ਹੈ ਕਿ ਸੁਨੇਹੇ ਐਪ ਰਾਹੀਂ ਸਹਿਯੋਗ ਵਿੱਚ ਸ਼ਾਮਲ ਲੋਕਾਂ ਦਾ ਗਰੁੱਪ ਅਤੇ ਫ਼ਾਈਲ ’ਤੇ ਸਹਿਯੋਗ ਕਰ ਰਹੇ ਗਰੁੱਪ ਮੇਲ ਨਾ ਖਾਣ। ਉਦਾਹਰਨ ਲਈ, ਤੁਸੀਂ ਲੋਕਾਂ ਨੂੰ ਸੁਨੇਹੇ ਐਪ ਤੋਂ ਬਾਹਰ ਫ਼ਾਈਲ ‘ਤੇ ਸਹਿਯੋਗ ਕਰਨ ਦਾ ਸੱਦਾ ਦੇ ਸਕਦੇ ਹੋ। ਜਾਂ ਹੋ ਸਕਦਾ ਹੈ ਕਿ ਤੁਹਾਡੇ ਕੋਲ ਸੁਨੇਹੇ ਐਪ ਵਿੱਚ ਦੋ ਵੱਖ-ਵੱਖ ਗਰੁੱਪ ਹੋਣ, ਜਿਨ੍ਹਾਂ ਵਿੱਚੋਂ ਹਰੇਕ ਦੀ ਆਪਣੀ ਸਹਿਯੋਗੀ ਗੱਲਬਾਤ ਹੋਵੇ।

ਜਦੋਂ ਤੁਸੀਂ ਕਿਸੇ ਵਿਅਕਤੀ ਨੂੰ ਉਸ ਦਸਤਾਵੇਜ਼ ਵਿੱਚ ਜੋੜਦੇ ਹੋ ਜਿਸ ਨੂੰ ਤੁਸੀਂ ਪਹਿਲਾਂ ਦੂਜਿਆਂ ਨਾਲ ਸਾਂਝਾ ਕੀਤਾ ਹੈ, ਤਾਂ ਤੁਹਾਡੇ ਕੋਲ ਉਹਨਾਂ ਨੂੰ ਕਿਸੇ ਮੌਜੂਦਾ ਗੱਲਬਾਤ ਵਿੱਚ ਜੋੜਣ ਜਾਂ ਗੱਲਬਾਤ ਨੂੰ ਵੱਖਰਾ ਰੱਖਣ ਦਾ ਵਿਕਲਪ ਹੁੰਦਾ ਹੈ। ਗੱਲਬਾਤ ਵਿੱਚ ਸ਼ਾਮਲ ਕੀਤੇ ਲੋਕ ਗੱਲਬਾਤ ਵਿੱਚ ਸ਼ਾਮਲ ਹੋਣ ਤੋਂ ਪਹਿਲਾਂ ਭੇਜੇ ਗਏ ਸੁਨੇਹਿਆਂ ਨੂੰ ਪੜ੍ਹਨ ਨਹੀਂ ਸਕਦੇ।

ਸੁਨੇਹੇ ਐਪ ਵਿੱਚ ਕਿਸੇ ਪ੍ਰੋਜੈਕਟ ‘ਤੇ ਸਹਿਯੋਗ ਕਰਨਾ ਬੰਦ ਕਰੋ

ਉਹ ਐਪਾਂ ਜਿੱਥੇ ਸਹਿਯੋਗ ਹੁੰਦਾ ਹੈ, ਆਮ ਤੌਰ ‘ਤੇ ਪ੍ਰੋਜੈਕਟ ਦੇ ਐਕਸੈੱਸ ਨੂੰ ਕੰਟਰੋਲ ਕਰਦੀਆਂ ਹਨ। ਉਦਾਹਰਨ ਲਈ, ਜੇਕਰ ਤੁਸੀਂ ਪੇਜ ਐਪ ਵਿੱਚ ਕਿਸੇ ਦਸਤਾਵੇਜ਼ ‘ਤੇ ਸਹਿਯੋਗ ਕਰ ਰਹੇ ਹੋ, ਤਾਂ ਪੇਜ ਐਪ ਦੀਆਂ ਸੈਟਿੰਗਾਂ ਨੂੰ ਸੁਨੇਹੇ ਐਪ ਦੀਆਂ ਸੈਟਿੰਗਾਂ ‘ਤੇ ਤਰਜੀਹ ਦਿੱਤੀ ਜਾਂਦੀ ਹੈ। ਤੁਸੀਂ, ਹਾਲਾਂਕਿ, ਗੱਲਬਾਤ ਤੋਂ ਸੱਦੇ ਨੂੰ ਭੇਜਣਾ ਰੱਦ ਕਰ ਸਕਦੇ ਹੋ ਜਾਂ ਡਿਲੀਟ ਕਰ ਸਕਦੇ ਹੋ ਜਿਵੇਂ ਤੁਸੀਂ ਕਿਸੇ ਹੋਰ ਸੁਨੇਹੇ ਨੂੰ ਕਰਦੇ ਹੋ।

ਮਹੱਤਵਪੂਰਨ: ਜਦੋਂ ਤੁਸੀਂ ਕਿਸੇ ਥ੍ਰੈੱਡ ਵਿੱਚੋਂ ਸੱਦਾ ਡਿਲੀਟ ਕਰ ਦਿੰਦੇ ਹੋ, ਤਾਂ ਉਹ ਗੱਲਬਾਤ ਹੁਣ ਸਹਿਯੋਗ ਨਾਲ ਸੰਬੰਧਿਤ ਨਹੀਂ ਰਹਿੰਦੀ ਪਰ ਇਸ ਨਾਲ ਭਾਗੀਦਾਰਾਂ ਨੂੰ ਫ਼ਾਈਲ ਵਿੱਚੋਂ ਹਟਾਇਆ ਨਹੀਂ ਜਾਂਦਾ। ਦੇਖਣ ਜਾਂ ਸੰਪਾਦਨ ਕਰਨ ਦੇ ਵਿਸ਼ੇਸ਼ ਅਧਿਕਾਰਾਂ ਨੂੰ ਪੂਰੀ ਤਰ੍ਹਾਂ ਹਟਾਉਣ ਲਈ ਐਪ ਵਿੱਚ ਭਾਗੀਦਾਰ ਐਕਸੈੱਸ ਨੂੰ ਚੈੱਕ ਕਰੋ।

ਇਹ ਵੀ ਦੇਖੋiPad ’ਤੇ ਸੁਨੇਹੇ ਐਪ ਵਿੱਚ ਕੰਟੈਂਟ ਸਾਂਝਾ ਕਰਨਾiPad ‘ਤੇ ਸੁਨੇਹਿਆਂ ਵਿੱਚ ਗਰੁੱਪ ਗੱਲਬਾਤ ਕਰੋ
Morty Proxy This is a proxified and sanitized view of the page, visit original site.
ਕੋਈ ਮਦਦ ਮਿਲੀ?
ਅੱਖਰ ਸੀਮਾ: 250
ਵੱਧ ਤੋਂ ਵੱਧ ਅੱਖਰ ਸੀਮਾ 250 ਹੈ
ਫ਼ੀਡਬੈਕ ਲਈ ਤੁਹਾਡਾ ਧੰਨਵਾਦ।
Morty Proxy This is a proxified and sanitized view of the page, visit original site.