iPad ’ਤੇ ਕੈਲੰਡਰ ਵਿੱਚ ਇਵੈਂਟ ਬਣਾਉਣਾ ਅਤੇ ਸੋਧ ਕਰਨਾ

ਇਵੈਂਟ, ਮੁਲਾਕਾਤਾਂ ਅਤੇ ਮੀਟਿੰਗਾਂ ਬਣਾਉਣ ਅਤੇ ਸੋਧ ਕਰਨ ਲਈ ਕੈਲੰਡਰ ਐਪ ਦੀ ਵਰਤੋਂ ਕਰੋ।

ਦਿਨ ਦੇ ਦ੍ਰਿਸ਼ ਵਿੱਚ ਕੈਲੰਡਰ। ਸਿਖਰ ਦੇ ਕੇਂਦਰ 'ਤੇ ਬਟਨ ਤੁਹਾਨੂੰ ਦਿਨ, ਹਫ਼ਤੇ, ਮਹੀਨੇ ਅਤੇ ਸਾਲ ਦੇ ਵਿਚਕਾਰ ਦ੍ਰਿਸ਼ ਨੂੰ ਬਦਲਣ ਦਿੰਦੇ ਹਨ। ਕੈਲੰਡਰ ਬਟਨ ਸਕਰੀਨ ਦੇ ਉੱਪਰ ਖੱਬੇ ਪਾਸੇ ਹੈ ਅਤੇ ਇਨਬਾਕਸ ਬਟਨ ਉੱਪਰ ਖੱਬੇ ਪਾਸੇ ਹੈ।

Siri: Siri ਤੋਂ ਕੁਝ ਇਸ ਤਰ੍ਹਾਂ ਪੁੱਛੋ, “Set up a meeting with Gordon at 9.”Siri ਦੀ ਵਰਤੋਂ ਕਰਨੀ ਸਿੱਖੋ।

ਇਵੈਂਟ ਜੋੜੋ

  1. ਆਪਣੇ iPad ’ਤੇ ਕੈਲੰਡਰ ਐਪ ’ਤੇ ਜਾਓ।

  2. ਦਿਨ ਦੇ ਦ੍ਰਿਸ਼ ਵਿੱਚ, ਸਕਰੀਨ ਦੇ ਸਿਖਰ ’ਤੇ “ਜੋੜੋ” ਬਟਨ ’ਤੇ ਟੈਪ ਕਰੋ।

  3. ਇਵੈਂਟ ਦਾ ਸਿਰਲੇਖ ਭਰੋ।

  4. ਰਿਮੋਟ ਇਵੈਂਟ ਲਈ ਵੀਡੀਓ ਲਿੰਕ ਭਰਨ ਵਾਸਤੇ ਟਿਕਾਣਾ ਜਾਂ ਵੀਡੀਓ ਕਾਲ ‘ਤੇ ਟੈਪ ਕਰੋ, ਉਸ ਤੋਂ ਬਾਅਦ ਭੌਤਿਕ ਟਿਕਾਣਾ ਭਰੋ ਜਾਂ FaceTime ‘ਤੇ ਟੈਪ ਕਰੋ।

    ਤੁਸੀਂ ਆਪਣੇ ਬਣਾਏ ਜਾਂ ਪ੍ਰਾਪਤ ਹੋਏ FaceTime ਲਿੰਕ ਨੂੰ ਕਾਪੀ ਕਰ ਕੇ ਟਿਕਾਣਾ ਖੇਤਰ ਵਿੱਚ ਪੇਸਟ ਵੀ ਕਰ ਸਕਦੇ ਹੋ। FaceTime ਕਾਲ ਲਈ ਲਿੰਕ ਬਣਾਓ ਨੂੰ ਦੇਖੋ।

  5. ਇਵੈਂਟ ਦੇ ਸ਼ੁਰੂ ਹੋਣ ਅਤੇ ਖ਼ਤਮ ਹੋਣ ਦਾ ਸਮਾਂ, ਯਾਤਰਾ ਦਾ ਸਮਾਂ, ਸੱਦੇ ਗਏ ਵਿਅਕਤੀ, ਅਟੈਚਮੈਂਟ ਆਦਿ ਬਾਰੇ ਜਾਣਕਾਰੀ ਭਰੋ। (ਲੋੜ ਪੈਣ ’ਤੇ ਮੀਟਿੰਗ ਦੀ ਸਾਰੀ ਜਾਣਕਾਰੀ ਭਰਨ ਲਈ ਉੱਪਰ ਵੱਲ ਸਵਾਈਪ ਕਰੋ।)

  6. “ਹੋ ਗਿਆ” ਬਟਨ ’ਤੇ ਟੈਪ ਕਰੋ।

ਅਲਰਟ ਜੋੜੋ

ਤੁਸੀਂ ਕਿਸੇ ਇਵੈਂਟ ਤੋਂ ਪਹਿਲਾਂ ਯਾਦ ਦਿਵਾਉਣ ਲਈ ਅਲਰਟ ਸੈੱਟ ਕਰ ਸਕਦੇ ਹੋ।

  1. ਆਪਣੇ iPad ’ਤੇ ਕੈਲੰਡਰ ਐਪ ’ਤੇ ਜਾਓ।

  2. ਇਵੈਂਟ ’ਤੇ ਟੈਪ ਕਰੋ, ਫਿਰ ਸੰਪਾਦਿਤ ਕਰੋ ’ਤੇ ਟੈਪ ਕਰੋ।

  3. ਇਵੈਂਟ ਦੇ ਵੇਰਵਿਆਂ ਵਿੱਚ, ਅਲਰਟ ’ਤੇ ਟੈਪ ਕਰੋ।

  4. ਚੁਣੋ ਕਿ ਤੁਹਾਨੂੰ ਕਦੋਂ ਯਾਦ ਕਰਵਾਇਆ ਜਾਵੇ।

    ਉਦਾਹਰਨ ਲਈ, “ਇਵੈਂਟ ਦੇ ਸਮੇਂ”, “5 ਮਿੰਟ ਪਹਿਲਾਂ” ਜਾਂ ਕੋਈ ਹੋਰ ਵਿਕਲਪ।

    ਨੋਟ: ਜੇ ਤੁਸੀਂ ਇਵੈਂਟ ਦੇ ਟਿਕਾਣੇ ਦਾ ਪਤਾ ਸ਼ਾਮਲ ਕਰਦੇ ਹੋ, ਤਾਂ ਤੁਸੀਂ ਕਦੋਂ ਜਾਣਾ ਹੈ, ਇਸ ਦੀ ਜਾਣਕਾਰੀ ਦੇਣ ਲਈ ਕੈਲੰਡਰ ਵੱਲੋਂ ਟਿਕਾਣਿਆਂ, ਆਵਾਜਾਈ ਦੀਆਂ ਸਥਿਤੀਆਂ ਅਤੇ ਜਨਤਕ ਆਵਾਜਾਈ ਦੇ ਵਿਕਲਪਾਂ ਨੂੰ ਦੇਖਣ ਲਈ Apple ਨਕਸ਼ੇ ਦੀ ਵਰਤੋਂ ਕੀਤੀ ਜਾਂਦੀ ਹੈ।

  5. “ਹੋ ਗਿਆ” ਬਟਨ ’ਤੇ ਟੈਪ ਕਰੋ।

ਅਟੈਚਮੈਂਟ ਸ਼ਾਮਲ ਕਰੋ

ਤੁਸੀਂ ਸੱਦੇ ਗਏ ਵਿਅਕਤੀਆਂ ਨਾਲ ਸਾਂਝਾ ਕਰਨ ਲਈ ਕੈਲੰਡਰ ਇਵੈਂਟ ਵਿੱਚ ਅਟੈਚਮੈਂਟ ਸ਼ਾਮਲ ਕਰ ਸਕਦੇ ਹੋ।

  1. ਆਪਣੇ iPad ’ਤੇ ਕੈਲੰਡਰ ਐਪ ’ਤੇ ਜਾਓ।

  2. ਇਵੈਂਟ ’ਤੇ ਟੈਪ ਕਰੋ, ਫਿਰ ਸੰਪਾਦਿਤ ਕਰੋ ’ਤੇ ਟੈਪ ਕਰੋ।

  3. ਇਵੈਂਟ ਵੇਰਵਿਆਂ ਵਿੱਚ, ਅਟੈਚਮੈਂਟ ਸ਼ਾਮਲ ਕਰੋ ’ਤੇ ਟੈਪ ਕਰੋ।

  4. ਉਸ ਫ਼ਾਈਲ ਦਾ ਪਤਾ ਲਗਾਓ ਜਿਸ ਨੂੰ ਤੁਸੀਂ ਅਟੈਚ ਕਰਨਾ ਚਾਹੁੰਦੇ ਹੋ।

    ਫ਼ਾਈਲ ਨੂੰ ਲੱਭਣ ਲਈ, ਤੁਸੀਂ ਖੋਜ ਖੇਤਰ ਵਿੱਚ ਇਸਦਾ ਨਾਮ ਦਾਖ਼ਲ ਕਰ ਕੇ ਸਕ੍ਰੌਲ ਕਰ ਸਕਦੇ ਹੋ, ਫਿਰ ਉਨ੍ਹਾਂ ਨੂੰ ਖੋਲ੍ਹਣ ਵਾਸਤੇ ਫ਼ੋਲਡਰਾਂ ‘ਤੇ ਟੈਪ ਕਰ ਸਕਦੇ ਹੋ, ਹੋਰ ਟਿਕਾਣਿਆਂ (ਜਿਵੇਂ ਕਿ iCloud Drive) ਆਦਿ ਵਿੱਚ ਦੇਖਣ ਲਈ ਬ੍ਰਾਊਜ਼ ਕਰੋ ‘ਤੇ ਟੈਪ ਕਰ ਸਕਦੇ ਹੋ। ਫ਼ਾਈਲਾਂ ਐਪ ਵਿੱਚ ਫ਼ਾਈਲਾਂ, ਫ਼ੋਲਡਰਾਂ ਵਿੱਚ ਸੋਧ ਕਰੋ ਅਤੇ ਡਾਊਨਲੋਡ ਦੇਖਣਾ ਨੂੰ ਦੇਖੋ।

  5. “ਹੋ ਗਿਆ” ਬਟਨ ’ਤੇ ਟੈਪ ਕਰੋ।

ਅਟੈਚਮੈਂਟ ਨੂੰ ਹਟਾਉਣ ਲਈ, ਇਵੈਂਟ ‘ਤੇ ਟੈਪ ਕਰੋ, ਸਿਖਰ ‘ਤੇ ਸੱਜੇ ਪਾਸੇ ਦੇ ਨੇੜੇ ਸੰਪਾਦਿਤ ਕਰੋ ‘ਤੇ ਟੈਪ ਕਰੋ, ਅਟੈਚਮੈਂਟ ‘ਤੇ ਖੱਬੇ ਪਾਸੇ ਵੱਲ ਸਵਾਈਪ ਕਰੋ, ਫਿਰ “ਹਟਾਓ” ‘ਤੇ ਟੈਪ ਕਰੋ।

ਹੋਰ ਐਪਾਂ ਵਿੱਚ ਇਵੈਂਟ ਲੱਭੋ

Siri ਵੱਲੋਂ Mail, ਸੁਨੇਹੇ ਅਤੇ Safari ਵਿੱਚ ਮਿਲਣ ਵਾਲੇ ਇਵੈਂਟ ਸੁਝਾਅ ਵਜੋਂ ਦਿਖਾਏ ਜਾ ਸਕਦੇ ਹਨ—ਜਿਵੇਂ ਕਿ ਫਲਾਈਟ ਰਿਜ਼ਰਵੇਸ਼ਨਾਂ ਅਤੇ ਹੋਟਲ ਬੁਕਿੰਗਾਂ—ਤਾਂ ਜੋ ਤੁਸੀਂ ਉਨ੍ਹਾਂ ਨੂੰ ਆਸਾਨੀ ਨਾਲ ਕੈਲੰਡਰ ਵਿੱਚ ਸ਼ਾਮਲ ਕਰ ਸਕੋ।

  1. ਆਪਣੇ iPad ’ਤੇ ਸੈਟਿੰਗਾਂ ਐਪ  ’ਤੇ ਜਾਓ।

  2. ਐਪਾਂ ’ਤੇ ਟੈਪ ਕਰੋ, ਫਿਰ ਕੈਲੰਡਰ ’ਤੇ ਟੈਪ ਕਰੋ।

  3. Siri ‘ਤੇ ਟੈਪ ਕਰੋ, ਫਿਰ “ਐਪ ਵਿੱਚ ਦਿਖਾਓ” ਨੂੰ ਚਾਲੂ ਕਰੋ, ਤਾਂ ਜੋ Siri ਵੱਲੋਂ ਹੋਰ ਐਪਾਂ ਵਿੱਚ ਮਿਲੇ ਇਵੈਂਟਾਂ ਸੰਬੰਧੀ ਸੁਝਾਅ ਦਿੱਤਾ ਜਾ ਸਕੇ।

ਤੁਹਾਡੇ ਵੱਲੋਂ ਕੈਲੰਡਰ ਵਰਤੇ ਜਾਣ ਦੇ ਤਰੀਕਿਆਂ ਦੇ ਆਧਾਰ ‘ਤੇ Siri ਨੂੰ ਹੋਰ ਐਪਾਂ ਵਿੱਚ ਸੁਝਾਅ ਦਿੱਤੇ ਜਾਣ ਦੀ ਆਗਿਆ ਦੇਣ ਵਾਸਤੇ, ਇਸ ਐਪ ਤੋਂ ਸਿੱਖੋ ਨੂੰ ਚਾਲੂ ਕਰੋ।

ਇਵੈਂਟ ਕਾਪੀ ਕਰ ਕੇ ਪੇਸਟ ਕਰੋ

ਤੁਸੀਂ ਕਿਸੇ ਇਵੈਂਟ ਨੂੰ ਕਾਪੀ ਕਰ ਕੇ ਕਿਸੇ ਹੋਰ ਮਿਤੀ ’ਤੇ ਪੇਸਟ ਕਰ ਸਕਦੇ ਹੋ।

  1. ਆਪਣੇ iPad ’ਤੇ ਕੈਲੰਡਰ ਐਪ ’ਤੇ ਜਾਓ।

  2. ਇਵੈਂਟ ਨੂੰ ਟੱਚ ਕਰ ਕੇ ਰੱਖੋ, ਫਿਰ ਕਾਪੀ ਕਰੋ ’ਤੇ ਟੈਪ ਕਰੋ।

  3. ਕਿਸੇ ਹੋਰ ਮਿਤੀ ’ਤੇ, ਉਸ ਸਮੇਂ ਨੂੰ ਟੱਚ ਕਰ ਕੇ ਰੱਖੋ ਜਿੱਥੇ ਤੁਸੀਂ ਇਵੈਂਟ ਨੂੰ ਪੇਸਟ ਕਰਨਾ ਚਾਹੁੰਦੇ ਹੋ।

    ਜਦੋਂ ਤੁਸੀਂ ਉਂਗਲ ਚੁੱਕਦੇ ਹੋ, ਤਾਂ ਨਵੇਂ ਇਵੈਂਟ ਵਾਲਾ ਪੰਨਾ ਦਿਖਾਈ ਦਿੰਦਾ ਹੈ ਅਤੇ ਕਾਪੀ ਕੀਤਾ ਇਵੈਂਟ ਉਸ ਮਿਤੀ ਅਤੇ ਸਮੇਂ ਵਾਲੇ ਸਿਰਲੇਖ ਦੇ ਤਹਿਤ ਦਿਖਾਈ ਦਿੰਦਾ ਹੈ, ਜਿੱਥੇ ਤੁਸੀਂ ਇਵੈਂਟ ਨੂੰ ਪੇਸਟ ਕਰਨਾ ਚਾਹੁੰਦੇ ਹੋ।

    ਸਲਾਹ: ਤੁਸੀਂ ਇਵੈਂਟ ਕਾਪੀ ਕਰਨ ਤੋਂ ਬਾਅਦ ਸਕਰੀਨ ਦੇ ਸਿਖਰ ’ਤੇ “ਜੋੜੋ” ਬਟਨ ’ਤੇ ਵੀ ਟੈਪ ਕਰ ਸਕਦੇ ਹੋ।

  4. ਟਾਈਟਲ ਦੇ ਹੇਠਾਂ ਕਾਪੀ ਕੀਤੇ ਇਵੈਂਟ ’ਤੇ ਟੈਪ ਕਰੋ।

  5. “ਹੋ ਗਿਆ” ਬਟਨ ’ਤੇ ਟੈਪ ਕਰੋ।

ਇਵੈਂਟ ਸੰਪਾਦਿਤ ਕਰੋ

ਤੁਸੀਂ ਕਿਸੇ ਇਵੈਂਟ ਦਾ ਸਮਾਂ ਅਤੇ ਕਿਸੇ ਵੀ ਹੋਰ ਇਵੈਂਟ ਵੇਰਵੇ ਬਦਲ ਸਕਦੇ ਹੋ।

  1. ਆਪਣੇ iPad ’ਤੇ ਕੈਲੰਡਰ ਐਪ ’ਤੇ ਜਾਓ।

  2. ਹੇਠ ਲਿਖਿਆਂ ਵਿੱਚੋਂ ਕੋਈ ਵੀ ਕੰਮ ਕਰੋ:

    • ਇਵੈਂਟ ਦੇ ਸਮੇਂ ਅਤੇ ਮਿਆਦ ਨੂੰ ਤੇਜ਼ੀ ਨਾਲ ਬਦਲੋ: ਦਿਨ ਜਾਂ ਹਫ਼ਤੇ ਦੇ ਦ੍ਰਿਸ਼ ਵਿੱਚ, ਇਵੈਂਟ ਨੂੰ ਟੱਚ ਕਰ ਕੇ ਰੱਖੋ, ਫਿਰ ਉਸ ਨੂੰ ਡ੍ਰੈਗ ਕਰ ਕੇ ਨਵੇਂ ਸਮੇਂ ‘ਤੇ ਲੈ ਜਾਓ ਜਾਂ ਗ੍ਰੈਬ ਪੁਆਇੰਟਾਂ ਨੂੰ ਵਿਵਸਥਿਤ ਕਰੋ।

    • ਇਵੈਂਟ ਦੇ ਵੇਰਵੇ ਬਦਲੋ: ਇਵੈਂਟ ’ਤੇ ਟੈਪ ਕਰੋ, ਫਿਰ ਸਿਖਰ ‘ਤੇ ਸੱਜੇ ਪਾਸੇ ਦੇ ਨਜ਼ਦੀਕ “ਸੋਧ ਕਰੋ” ’ਤੇ ਟੈਪ ਕਰੋ। ਇਵੈਂਟ ਦੇ ਵੇਰਵਿਆਂ ਵਿੱਚ, ਇਸ ਨੂੰ ਬਦਲਣ ਲਈ ਸੈਟਿੰਗ ’ਤੇ ਟੈਪ ਕਰੋ ਜਾਂ ਨਵੀਂ ਜਾਣਕਾਰੀ ਟਾਈਪ ਕਰਨ ਲਈ ਖੇਤਰ ਵਿੱਚ ਟੈਪ ਕਰੋ।

ਇਵੈਂਟ ਡਿਲੀਟ ਕਰੋ

  1. ਆਪਣੇ iPad ’ਤੇ ਕੈਲੰਡਰ ਐਪ ’ਤੇ ਜਾਓ।

  2. ਇਵੈਂਟ ’ਤੇ ਟੈਪ ਕਰੋ, ਫਿਰ ਸਕਰੀਨ ਦੇ ਹੇਠਲੇ ਪਾਸੇ “ਇਵੈਂਟ ਡਿਲੀਟ ਕਰੋ” ’ਤੇ ਟੈਪ ਕਰੋ।

ਇਹ ਵੀ ਦੇਖੋiPad ’ਤੇ ਕੈਲੰਡਰ ਵਿੱਚ ਸੱਦੇ ਭੇਜੋ
Morty Proxy This is a proxified and sanitized view of the page, visit original site.
ਕੋਈ ਮਦਦ ਮਿਲੀ?
ਅੱਖਰ ਸੀਮਾ: 250
ਵੱਧ ਤੋਂ ਵੱਧ ਅੱਖਰ ਸੀਮਾ 250 ਹੈ
ਫ਼ੀਡਬੈਕ ਲਈ ਤੁਹਾਡਾ ਧੰਨਵਾਦ।
Morty Proxy This is a proxified and sanitized view of the page, visit original site.