iPadOS 26
iPadOS 18
ਇਸ ਕੰਟਰੋਲ ਦੀ ਸੋਧ ਕਰਨ ਨਾਲ ਇਹ ਪੰਨਾ ਆਪਣੇ ਆਪ ਅੱਪਡੇਟ ਹੋ ਜਾਵੇਗਾ

iPad ’ਤੇ ਨਕਸ਼ੇ ਐਪ ਨਾਲ ਸ਼ੁਰੂ ਕਰਨਾ

ਨਕਸ਼ੇ ਐਪ ਤੁਹਾਨੂੰ ਆਪਣੇ ਆਲੇ-ਦੁਆਲੇ ਦੀ ਦੁਨੀਆ ਵਿੱਚ ਨੈਵੀਗੇਟ ਕਰਨ ਵਿੱਚ ਮਦਦ ਕਰਦੀ ਹੈ, ਭਾਵੇਂ ਤੁਸੀਂ ਕਿਸੇ ਨਵੀਂ ਮੰਜ਼ਿਲ ਲਈ ਦਿਸ਼ਾ-ਨਿਰਦੇਸ਼ ਪ੍ਰਾਪਤ ਕਰ ਰਹੇ ਹੋ, ਸਥਾਨਕ ਕਾਰੋਬਾਰਾਂ ਦੀ ਖੋਜ ਕਰ ਰਹੇ ਹੋ ਜਾਂ ਅਸਲ-ਸਮੇਂ ਦੇ ਟ੍ਰੈਫ਼ਿਕ ਅੱਪਡੇਟ ਨਾਲ ਅਣਜਾਣ ਖੇਤਰਾਂ ਦੀ ਪੜਚੋਲ ਕਰ ਰਹੇ ਹੋ।

ਨਕਸ਼ੇ ਐਪ ਵਿੱਚ ਕਿਸੇ ਪਤੇ ਨੂੰ ਘਰ, ਕਾਰਜ-ਸਥਾਨ ਜਾਂ ਸਕੂਲ ਵਜੋਂ ਸੈੱਟ ਕਰਨ ਦੇ ਵਿਕਲਪਾਂ ਦੇ ਵੇਰਵਿਆਂ ਵਾਲੀ ਸਕਰੀਨ ਦਿਖਾਈ ਗਈ ਹੈ।

ਆਪਣੇ ਮਨਪਸੰਦ ਪਤੇ ਸੈੱਟ ਕਰਨੇ

ਤੁਸੀਂ ਜਿਹੜੀਆਂ ਥਾਵਾਂ ’ਤੇ ਸਭ ਤੋਂ ਵੱਧ ਯਾਤਰਾ ਕਰਦੇ ਹੋ, ਉਹਨਾਂ ਨੂੰ ਸੰਭਾਲ ਕੇ ਤੇਜ਼ੀ ਨਾਲ ਦਿਸ਼ਾ-ਨਿਰਦੇਸ਼ਾਂ ਨੂੰ ਐਕਸੈੱਸ ਕਰੋ। ਥਾਵਾਂ ਦੇ ਹੇਠਾਂ, “ਜੋੜੋ” ਬਟਨ ’ਤੇ ਟੈਪ ਕਰੋ। ਖੋਜ ਖੇਤਰ ’ਤੇ ਟੈਪ ਕਰੋ, ਪਤਾ ਭਰੋ, ਫਿਰ ਕਿਸੇ ਨਤੀਜੇ ’ਤੇ ਟੈਪ ਕਰੋ। ਇਸ ਨੂੰ ਕਿਸੇ ਕਿਸਮ ’ਤੇ ਅਸਾਈਨ ਕਰੋ ਜਿਵੇਂ ਕਿ ਘਰ, ਕਾਰਜ-ਸਥਾਨ ਜਾਂ ਸਕੂਲ, ਫਿਰ “ਹੋ ਗਿਆ” ਬਟਨ ’ਤੇ ਟੈਪ ਕਰੋ।

ਇੱਕ iPad ਜੋ ਇੱਕੋ ਹੀ ਮੰਜ਼ਿਲ ਵੱਲ ਜਾਣ ਲਈ ਕਈ ਡ੍ਰਾਈਵਿੰਗ ਰੂਟ ਵਿਕਲਪਾਂ ਵਾਲਾ ਨਕਸ਼ਾ ਦਿਖਾ ਰਿਹਾ ਹੈ। ਹਰੇਕ ਰੂਟ ਅਨੁਮਾਨਿਤ ਸਮਾਂ ਤੇ ਦੂਰੀ ਅਤੇ ਵੇਰਵੇ-ਸਹਿਤ ਦਿਸ਼ਾ-ਨਿਰਦੇਸ਼ ਦੇਖਣ ਲਈ “ਪੜਾਅ” ਬਟਨ ਦਿਖਾਉਂਦਾ ਹੈ। ਹਰੇਕ ਰੂਟ ’ਤੇ ਕਲਰ ਕੋਡਿੰਗ ਟ੍ਰੈਫਿਕ ਸਥਿਤੀਆਂ ਨੂੰ ਦਰਸਾਉਂਦੀ ਹੈ।

ਆਸਾਨੀ ਨਾਲ ਨੈਵੀਗੇਟ ਕਰਨਾ

ਆਪਣੀ ਮੰਜ਼ਿਲ ’ਤੇ ਜਾਣ ਲਈ, ਆਪਣੇ ਯਾਤਰਾ ਦੇ ਮੋਡ ਮੁਤਾਬਕ ਕਦਮ-ਦਰ-ਕਦਮ ਦਿਸ਼ਾ-ਨਿਰਦੇਸ਼ ਪ੍ਰਾਪਤ ਕਰੋ। ਨਕਸ਼ੇ ’ਤੇ ਕਿਤੇ ਵੀ ਟੱਚ ਕਰ ਕੇ ਰੱਖੋ ਜਾਂ ਖੋਜ ਖੇਤਰ ਵਿੱਚ ਕੋਈ ਟਿਕਾਣਾ ਭਰੋ। "ਦਿਸ਼ਾ-ਨਿਰਦੇਸ਼” ’ਤੇ ਟੈਪ ਕਰੋ, ਆਪਣੇ ਯਾਤਰਾ ਮੋਡ (“ਡ੍ਰਾਈਵਿੰਗ” ਬਟਨ, “ਤੁਰਨਾ” ਬਟਨ, “ਜਨਤਕ ਆਵਾਜਾਈ” ਬਟਨ ਜਾਂ “ਸਾਈਕਲਿੰਗ” ਬਟਨ) ’ਤੇ ਟੈਪ ਕਰੋ, ਫਿਰ ਆਪਣੇ ਚੁਣੇ ਗਏ ਰੂਟ ਲਈ “ਜਾਓ” ਜਾਂ “ਕਦਮ” ’ਤੇ ਟੈਪ ਕਰੋ।

ਨਕਸ਼ੇ ਐਪ ਵਿੱਚ ਡਾਊਨਟਾਊਨ ਖੇਤਰ ਦਾ ਨਕਸ਼ਾ ਦਿਖਾਇਆ ਗਿਆ ਹੈ। ਖੱਬੇ ਪਾਸੇ ਖੋਜ ਖੇਤਰ, ਨੇੜਲੀਆਂ ਸੇਵਾਵਾਂ ਦੀਆਂ ਸ਼੍ਰੇਣੀਆਂ, ਸ਼ਹਿਰ ਦੇ ਗਾਈਡ ਅਤੇ ਸਿਫ਼ਾਰਸ਼ ਕੀਤੇ ਗਾਈਡ ਹਨ।

ਨੇੜਲੇ ਖੇਤਰਾਂ ਦੀ ਖੋਜ ਕਰਨੀ

ਕਿਸੇ ਅਣਜਾਣ ਖੇਤਰ ਵਿੱਚ ਹੋਣ ਦੌਰਾਨ, ਰੈਸਤਰਾਂ, ਦੁਕਾਨਾਂ ਜਾਂ ਸੇਵਾਵਾਂ ਵਰਗੀਆਂ ਨੇੜਲੀਆਂ ਥਾਵਾਂ ਲੱਭੋ। ਖੋਜ ਖੇਤਰ ’ਤੇ ਟੈਪ ਕਰੋ ਅਤੇ ਬਸ ਟਾਈਪ ਕਰਨਾ ਸ਼ੁਰੂ ਕਰੋ ਜਾਂ “ਨੇੜਲੀਆਂ ਥਾਵਾਂ ਲੱਭੋ” ਦੇ ਹੇਠਾਂ ਦਿੱਤੀ ਰੈਸਤਰਾਂ ਵਰਗੀ ਸ਼੍ਰੇਣੀ ’ਤੇ ਟੈਪ ਕਰੋ।

ਨਕਸ਼ੇ ਐਪ ਵਿੱਚ ਚਿੰਨ੍ਹਿਤ ਖੇਤਰ ਦੇ ਨਕਸ਼ੇ ਉੱਪਰ ਇੱਕ ਮੂਵ ਕੀਤਾ ਜਾ ਸਕਣ ਵਾਲਾ, 360-ਡਿਗਰੀ ਪੈਨੋਰੈਮਿਕ ਦ੍ਰਿਸ਼ ਦਿਖਾਈ ਦਿੰਦਾ ਹੈ। ਨਕਸ਼ੇ ’ਤੇ ਦ੍ਰਿਸ਼ ਦੀ ਦਿਸ਼ਾ ਵਿੱਚ “ਆਲੇ-ਦੁਆਲੇ ਦੇਖੋ” ਆਈਕਨ ਨੂੰ ਓਵਰਲੈੱਡ ਕੀਤਾ ਗਿਆ ਹੈ।

ਦੁਨੀਆ ਨੂੰ ਵੇਰਵੇ-ਸਹਿਤ ਦੇਖਣਾ

ਟਿਕਾਣੇ ਦੇ ਆਧਾਰ ’ਤੇ, ਤੁਸੀਂ 360-ਡਿਗਰੀ ਪੈਨੋਰੈਮਿਕ ਦ੍ਰਿਸ਼ਾਂ ਵਿੱਚ ਇਸ ਦੀ ਪੜਚੋਲ ਕਰ ਸਕਦੇ ਹੋ। ਚੁਣੇ ਸ਼ਹਿਰਾਂ ਵਿੱਚ, ਨਕਸ਼ੇ ਦੇ ਹੇਠਲੇ ਹਿੱਸੇ ਦੇ ਨੇੜੇ “ਆਲੇ-ਦੁਆਲੇ ਦੇਖੋ” ਬਟਨ ’ਤੇ ਟੈਪ ਕਰੋ।

ਕੀ ਤੁਸੀਂ ਹੋਰ ਜਾਣਨਾ ਚਾਹੁੰਦੇ ਹੋ?

ਸਾਰੇ ਫ਼ੀਚਰ ਸਾਰੇ ਦੇਸ਼ਾਂ ਜਾਂ ਖੇਤਰਾਂ ਵਿੱਚ ਉਪਲਬਧ ਨਹੀਂ ਹਨ।
Morty Proxy This is a proxified and sanitized view of the page, visit original site.
ਕੋਈ ਮਦਦ ਮਿਲੀ?
ਅੱਖਰ ਸੀਮਾ: 250
ਵੱਧ ਤੋਂ ਵੱਧ ਅੱਖਰ ਸੀਮਾ 250 ਹੈ
ਫ਼ੀਡਬੈਕ ਲਈ ਤੁਹਾਡਾ ਧੰਨਵਾਦ।
Morty Proxy This is a proxified and sanitized view of the page, visit original site.